|
صيد القمري في مصر
مواسم صيد القمري في مصر يبدا من نصف شهر 4 وفي شهر 9 يبدا القمري وده طبعا غني عن التعرف ومع زلك هرفق صور ليه عشان يتعرف عليه الي ميعرفوش وعلي فكره انا لسا راجع امبارح بد بشاير القمري في الظهور وفي انتظار افواجه ان شاء الله عشان نعد الغذاء المتين
خلينا دلوقتي مع الصور |
انا عارفه بس مجربتش صيده قبل كده خالص وان شاء الله يا عاصم اطلع اصطاده معاك وانا هكلمك عشان الحق الموسم وميفوتنيش وكويس انك عرفنتي جذاك الله خير
|
إيه الفرق بين اليمام الموجود داخل المدينة .. و القميري ..؟!
شبه بعض .. بس واحد سعودي قالي ده غير ده ؟؟! |
سبحان الله وبحمده
|
دي صور للقمري
3 مرفق
يارب تعجبكم بعض الصور ليه
|
الراجل اللي صاد سبعه الاف بتاع ده
بالهنا والشفا بس مش كده ده كتير البيئه كده تبوظ |
القميرى
1 مرفق
السلام عليكم
القميرى معشوق الصيادين الاول مهما كان هما الى بيصطادوا بيه ايه سواء كانت بندقية هوائية او خرطوش او الشباك اللى بتتنصب على السواحل و دى معلومات بسيطة عنه القميرى او (turtle dove) يختلف عن اليمام العادى المتواجد فى مصر (laughing dove( وهو طائر مستوطن فالاول هو احد الطيور المهاجرة التى تمر علينا مرتين فى السنة المرة الاولى فى منتصف شهرابريل من جنوب افريقيا الى اوروبا و العودة الى جنوب افريقيا تتم فى شهر سبتمبر وهو يتغذى على الحبوب و الحشرات الصغيرة و هو سهل جدا فى صيده ولا يحتاج الى اى مهارات او تكنيك عالى فى صيده ولا الى اجهزة معقدة مثل البط و الوز و هو يكون متواجد بكثرة على السواحل الشمالية واخيرا دى صورة توضح الفرق بين القميرى و اليمام ويا ريت اى حد عنده ملحوظة على المعلومات دى او اى معلومة زيادة لا يبخل بها علينا |
ملاحظة صغنططة
أنا ملاحظ أن القميري . أتخن و أسمن من اليمام المستوطن
|
صيد 5 قمري
انهرده يا جماعه بشاير القمري زادد الجو كان مناسب جداجدا انهرده البشاير زادد انهرده انا صدت 5
انهرده بس للاسف نسيت اخانا طالع تاني اخر الاسبوع وهننل الصور للتاكد من كثره القمري يعني واضح كده انه قدامه من 5 الي 10 ايام ويبدا هطوله علينا بكثره وهيكون كل الي علينا اننا نصوم ليه |
سبحان الله وبحمده
|
أزيك يا عاصم أنت بتصطاد القمرى منين بالظبط و الساعة كام هل باكر أم وخرى
|
في اي وقت وفي اماكن كتيره
صيد القمري بيكون في اوقات كتيره المهم يكون الجو مناسب للصيد يعني مفيش هواء كتير ويكون في شمس يعني الجو يكون مناسب لكن بالنسبه لاماكن اماكن القمري كتيره اهم حاجه يكون مكان في المزارع ويكون في المزرعه منزل للقمري يقدر ينزل فيه
يا رب اكون قدرت افيدك |
اخى عاصم ممكن نعرف الاماكن اللى تصيد فيها القميري وهل هو ممنوع والا برخصة يعني لو انا كويتي اريد ان ااتي عندكم لكى اصطاد هل هو ممنوع وممكن تكلمنا عن تاكاليف الرحلة يعني هل تجلسون بمزرعة ام تجولون بي المزارع وكم اسعار الخرطوش وكم اسعار البنادق
|
تسلم على المعلومات القيمه
مشكوووور |
اافواج من القمري
انهرده ربنا كرمنا كتير جدا في القمري هلت افواجه وده بعض صور الرحله هتلقوها في الينك ده
اه وبالنسبه للاخ الكويتي اولا عيب جدا يكلمنا علي تكاليف الرحله دي بلده ولو عايز اي استفسار عن القمري احنا بدانا فعلا بالصيد بكميات ولو عايز يستفسر بخصوص الرحلات وتكاليفها ممكن تتدخل علي الينك ده في جميع ارقامي منتظر تليفونك وان شاء الله اقدر افيدك |
القمري معشوق للصيادين لكن يا خسارة فترة امتحان
|
:mad: آه والله
إمتحانات على ودنه .. و ربك يستر على النتيجة .. .! |
ربنا يستر
اقتباس:
|
بس أنت مأنتخ يا حبي.. ههههههههه ..:D
يا ريتني مكانك ... كنت نزلت أصطاد كل يوم .. :cool: و ما سبتش حمامة طايرة ولا قميرية .. ;) :D :D |
رد: صيد القمري في مصر
دي قمري مهاجر علي فكره القمري نوعين مهاجر ومقيم ده قمري من صيدي يا جماعه
جبتها مخصوص عشان تتعرفوا علي القمري |
رد: صيد القمري في مصر
تمام ..
بس إزاي أفرَق بينهم يا باشا ؟@ |
رد: صيد القمري في مصر
الحجم والشكل يا باشا والخبره بس مش اكتر وعمرك مهتعرف تفرق بنهم نظري لزم تشوف دي وتشوف دي بس هديك حاجه صغيره بس عشان تعرف تفرق بسرعه المهاجر بيكون طير هادي وسهل للصيادين وسهل في الرمي جدا اما المقيم بيكون صيد صعب جدا لانه قلقان علي طول وبيقعدش في حته اكتر من ثانيتين
اي خدمه يا مان يا رب تكون استفدت |
رد: صيد القمري في مصر
أشكرك يا عاصم ..!
و أنا لاحظت فرق كمان .. أن المهاجر القمري .. منقط عسلي و ألوان بدرجات البني .. أما المستوطن .. لونه بني بس .. .! مش كده ؟! |
رد: صيد القمري في مصر
مهي الصور موجوده يا محمد مش محتاجه وصف تاني انت غريب يا راجل
|
رد: صيد القمري في مصر
هو القمري بيبقي موجود مرتين في السنة ؟
وكل مرة بيستمر وجودة اد اية؟ |
رد: صيد القمري في مصر
بشاير طيبة سؤالي اين يوجد مكان مرور القمري وكم يبعد عن القاهرة دمتم لنا دائما
|
| الساعة الآن 07:30 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir