طلب مساعدة
 

رد: طلب مساعدة
 

بسم الله الرحمن الرحيم
اهلا بيك اخي الكريم في المنتدي ويارب تشعر انك بين اخواتك واهلك وتظل عضو دائم مشارك بفعاليه معنا
الديانا ماجنوم 350 معروفه انها اقوي هوائيه في العالم حتي الان بس فيها عيب انا ماجربتوش بس فيه ناس في المنتدي ذكروه هوه ان مفصله الكسر بتاعه التعمير حساسه
اما الديانا 54 في تمام علي حد قول كل من استعملها وان كانت تحتاج وقت اكثر في التعمير
وانا عن نفسي افضل ال 350 ماجنوم نظرا لتفضيلي بنادق الكسر
وهناك معطيات كتير للمقارنه بنهم انته طالب المقارنه بين اسطورتين ممكن الوزن وممكن الشكل وممكن الرمايه ودقتها وممكن 100 حاجه ودي فرصه بنتهزها لدعوه الكل للمشاركه في المقارنه

واكتر واحد ممكن يفيدك في الموضوع ده همه
1: مهندس طلعت وهوه يمتلك العديد من انواع البنادق وضرب بمعظمها

2: استاذ جلال خليفه وهوه يمتلك العديد من انواع البنادق وضرب بمعظمها

3: احمد بك كمال وهوه يمتلك ديانا 52 وضرب بمعظمها

4: مهندس محمد السيد وهوه يمتلك ديانا ماجنوم 350 وضرب بمعظمها

5:القناص

6: مصطفي هانتر

7: كاريزما وهوه يمتلك ديانا 52

وده علي حد علمي ارجوا اني ما كنش نسيت حد من اعمدت المنتدي ولا ابخسته حقه

رد: طلب مساعدة
 

شكرا walther على اهتمامك وردك. انا انشاء الله ناوي على 54 لإن سرعة الطلقة 890 قدم في الثانية اما 350 فسرعتها 860 قدم في الثانية.
بس فيه سؤال تاني. مين احسن كل ما زاد الوزن ولا كل ما خف ؟

رد: طلب مساعدة
 

اهلا وسهلا بيك عضو جديد واخ عزيز في المتدي
بصراحة انت اخترت احسن واقوي نوعين في الديانا والاختيار علي حسب زوقك وحبك لنوعيى التعمير نوع الكسر او نوع العتلة الجانبية او السفلية وانا متفق مع الاستاذ عمرة ( والتر)في نوعية الاختيار وعلي فكرة الاوزان متقاربة بس اعتقد ان 54 اتقل

رد: طلب مساعدة
 

thanks Mr. Galal

رد: طلب مساعدة
 

اولا اهلا بيك فى منتدى الصيد واتمنى انى اقدر افيدك
انا شايف انك بدور على الاحسن ومفيش احسن من الديانا
انا معاية ال54 وكنت انا مع محمد السيد صاحب ال350
وعملنا مقارنة ما بينهم
الديانا ال350 طلعت احسن بكتير فى القوة
وبالنسبة ل350 مشكلها اقل من 54 وسعرها اقل كمان
ولو بدور على القوة فانا من رائى ال 350
30 قدم الفرق دة مش صح
البندقية الديانا ال54 الى انت هتجبها هتبقى سرعتها 230متر فى الثانية وفى نفس الوقت 890 قدم مع ان ال 230 متر يعنى 750 قدم الكلام دة مكتوب فى الكتالوج
البندقية الديانا ال 350 سرعتها 900 قدم فى الثانية من غير نقاش
وانا لما جربت الاتنين لقيت فرق واضح جدا
مع ان ال 54 كانت لسة جديدة

رد: طلب مساعدة
 

الديانا 54 اتقل ب 1 كيلو من ال 350
وبالنسبة للوزن التقيل احسن , بيقولك فى امريكا Stability
وبتفرق فى ناس بتحب البنادق التقيلة وفى بيحب البنادق الخفيفة

رد: طلب مساعدة
 

انا كنت بكلم على نمرة 2

وبالنسبة للمقسات انا كنت كاتب مشاركة ممكن تستفيد بيها فى الينك دة
http://www.egypthunt.net/showthread.php?t=375&page=2

ودة اقل واجب ممكن اقدمهولك

رد: طلب مساعدة
 

شكرا يا مصطفى وشكرا لكل الفادوني بمشاركتهم.

رد: طلب مساعدة
 

باركولي انا عملت بنصيحتكم واتكلت على الله واشتريت ال 350 , والفضل يرجع للاستاذ والتر ومستر جلال ومصطفى باشا. بجد شكرا جدا على مساعدتكم و بالأخص مصطفى باشا.

رد: طلب مساعدة
 

الف مبروك وعايزين نشوف صور الصيد بتاعتك وتملاء بيها المنتدي

رد: طلب مساعدة
 

بسم الله الرحمن الرحيم
1000000 مبروك ياسيدي علي البندقيه الجديده وعقبال ما تعمل مجموعتك الخاصه من الاسلحه اللي بتحبها
وياريت تقولنا عملت كام علشان مينضحكش علي حد خصوصا ان فيه تفاوت كبير في الاسعار من مكان لمكان ومليون مبروك مره تانيه