الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   مرجع الصيد فى مصر لبنادق ضغط الهواء (http://www.egyhunt.net/showthread.php?t=6875)

DeCo 11-04-09 04:17 PM

مرجع الصيد فى مصر لبنادق ضغط الهواء
 




بسم الله الرحمن الرحيم

فى الفترة الى فاتت قامت الثورة فى مصر وارتفعت اسعار كل شى ومنها البنادق وفى الفترة
وفى الفترة الى فاتت برده كتر الكلام على البنادق نفسها .الى يقولك لا الكرال وحشه والى يقولك دى حلوة والى يقولك السوسته والى يقولك مبيركبش عليها تليسكوب....................
ا شياء كتير تجعل الصيادين فى حيرة مستمرة لا تتوقف .ومن هنا جدت فكرة انشاء موضوع
بحيث يدخل كل عضو فى المنتدى يذكر بيانات بندقيته من طولها*سعرها*سرعتها*مميزاتها*عيوبها * واى ملاحضات تخصها ولو احسن يرفع كمان صورة لها
ومن هنا.دلوقتى انا واحد عمرى ماشفت بندقية ومعايا مبلغ معين وعاوز اشترى ادخل للموضوع ده واشوف مشاركات الاعضاء بخصوص الانواع واعرف كل شى يخص البندقية الى عاوز اشتريها واتكل على الله وانزل اشترى وكمان لو مشكلة واجهة عضويدخل يشوف غيره حلها ازاى ويستفيد منه

talha 11-04-09 06:53 PM

رد: مرجع الصيد فى مصر لبنادق ضغط الهواء
 
فكرة حلوة بس ياريت تفعل

salas0010 11-04-09 07:07 PM

رد: مرجع الصيد فى مصر لبنادق ضغط الهواء
 
موضوع ممتاز اخى الغالى بس من الضرورى ان كل واحد يقول مواصفات بندقيته وعيوبها ومميزاتها بموضوعيه يعنى من غير تحيز لنوع معين علشان مع صاحب المشاركه ولك منى كل الشكر والتقدير٠

DeCo 11-04-10 01:46 PM

رد: مرجع الصيد فى مصر لبنادق ضغط الهواء
 
تشكرو يا جماعة على المرور لكريم والفكرة لن تفعل الا بيكم انتم وارجو المساندة من الاعضاء الكبار مثل الاستاذ جمال والاستاذ عادل وغيرهم للرقى بهذا المنتدى العضيم الذى جعل رياضه الصيد تزدهر بداخلى ولكم كل التحية

rock 11-04-10 02:22 PM

رد: مرجع الصيد فى مصر لبنادق ضغط الهواء
 
السلام عليكم ... ازيكم ... انا معايا هانتر 440 ... بندقيه جميلة المظهر ... سرعتها 230 م/ث ... 750 قدم فى الثانيه ... دبشك زان احمر ... امان ... قنطرة زناد وقنطرة ناشينكان امامى حديد ... ميكانيزم البندقيه هايل ... قويه جدا مع الاهداف الثابته ... وزنها كويس 3كجم ... طولها 117 سم ... والعيوب : سن نملة الدبانه كبير نوعاما ...مبتفكش التعمير بس انا سعيد جدا مع الحركه دى ... وطبعا لازم لما تجيبها جديده تخلى بالك عشان البندقيه متتجرحش منك ... عملت جراب الكعب ليها ... والحمد لله تمام ومشيه معايا زى الفل ... تحياتى .

tiesto 11-04-10 02:40 PM

رد: مرجع الصيد فى مصر لبنادق ضغط الهواء
 
السلام عليكم
انا الموضوع عجبنى و عندى خبره معقوله فحبيت اشارك
انا عندى بندقيه تل مجرى عتله موديل قديم من حوالى 20-25 سنه بتاعت واحد قريبى اشتراها لما كان صغير و هوا كبر و اتجوز و خلف و كان راكنها بقالو حوالى 5-8 سنيين فا عرضت عليه اخده منه و ادهالى تقريبا كل حاجه فيها كانت بايظه ما عدا عوج الماسوره بس الحمد لله بمساعده اصدقاء و اهل الخبره رجعت لحاله المصنع انا معرف ايه الموديل بتاعها ولا سرعتها ولا اي معلومات غير انها تل مجرى عتله نمره 2 و نفسى اعرف عنها اي حاجه هيا بتستخدم فى الجيش للتدريب على الرمايه قبل الحى بس بصراحه يا جماعه هيا قوتها متوسطه و نشنها معقول و استطعت افصل بيها راس يمامه فى الدور الرابع وانا على الارض و الطلقه البرو ماجنوم بتدخل 1 سم فى الخشب تقريبا من بعد 2 متر ده افضل حال ليها وصلتله معاها و انا شايف ان العيوب اللى صلحتها فيها مقبوله جدا نظرا لعمرها و معدل استخدامها و مفيش تقريبا حاجه فى الحجات الجديده بالبساطه و السهوله و القوه بتاعتها و تقريبا كلفتى فى حدود 400 جنيه عشان ترجع للمستوى المطلوب كالجديده و نحمد الله على كل شيء و لو حد يفيدنا بمعلومات عنها ياريت و لو حد محتاج اى استفسار عنها انا تحت امره
السلام عليكم

messam 11-04-10 02:45 PM

رد: مرجع الصيد فى مصر لبنادق ضغط الهواء
 
مشاء الله ربنا يخليهالك ويباركلك فيها

messam 11-04-10 03:10 PM

رد: مرجع الصيد فى مصر لبنادق ضغط الهواء
 
انا عندى نوريكا جت عيار .177 دبشك بنى محروق- كسر - سرعتها 305 م/ث - وزنها 2.9 كيلو - طولها تقريبا 125 سم - الرش المناسب جامو ماتش - أمان - أنسيابية ورشيقة - كعب كاوتش - مشاء الله دقيقة فى التصويب - محتاجة شخص حريف نشان وبيعرف يثبت كويس أثناء الضرب

msa_79 11-04-10 03:13 PM

رد: مرجع الصيد فى مصر لبنادق ضغط الهواء
 
موضوع جميل فعلا
انا بقا معايا نوريكا مارفيك نمرة 2
الصناعة أسباني
الوزن 3.3 كجم
الطول1.175 م
السرعة 250 م/ث
بصراحه البندقية قوية جدااا مدفع فعلا ونيشان دقيق جداا
مميزاتها القوة والخفه والدقة والخامات عالية الجودة
العيوب الدبشك ضعيف من المكان اللي بيتربط فيه المسمارين الاماميين مما يسبب حدوث شرخ في المنطقه الامامية من الدبشك
المسامير الامامية بتتفك كل فترة وده تم التغلب عليه بتغييرهم وتركيب ورد
غير كده البندقية ممتازة

DeCo 11-04-10 03:28 PM

رد: مرجع الصيد فى مصر لبنادق ضغط الهواء
 
اقتباس:

المشاركة الأصلية كتبت بواسطة rock (المشاركة 71977)
السلام عليكم ... ازيكم ... انا معايا هانتر 440 ... بندقيه جميلة المظهر ... سرعتها 230 م/ث ... 750 قدم فى الثانيه ... دبشك زان احمر ... امان ... قنطرة زناد وقنطرة ناشينكان امامى حديد ... ميكانيزم البندقيه هايل ... قويه جدا مع الاهداف الثابته ... وزنها كويس 3كجم ... طولها 117 سم ... والعيوب : سن نملة الدبانه كبير نوعاما ...مبتفكش التعمير بس انا سعيد جدا مع الحركه دى ... وطبعا لازم لما تجيبها جديده تخلى بالك عشان البندقيه متتجرحش منك ... عملت جراب الكعب ليها ... والحمد لله تمام ومشيه معايا زى الفل ... تحياتى .

الف شكر يا استاذ روك على التواصل واتمنى لك كل خير........................


الساعة الآن 09:38 PM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir