|
فين حق المنصوره
السلام عليكم ورحمه الله وبركاته
انا انهرده عامل الموضوع ده لاني حاسس بخنقه جامده اوي قلت افضفض احسن هنا والي هيفهم الموضوع ده للي في المنصوره والي نزل المنصوره وراح هناك فيه عندنا محل اسمه القناوي عنده 6 مسدسات او اكتر بس اسعارهم اكتر من تمنهم 3 اضعاف الاسعار اهم انا رحت سألت وقالي الاسعار اهي وطبعا كميه من الجهل صعبه اوي اقوله نوع يقولي شاورلي عليه وانا اقولك سعره الايكول جاكال داول ب 1950 جنيه الفرات ماجنوم ب 2200 جنيه الريتاي بارون ب 1550 جنيه الديكل ب 1600 جنيه الفولجا ب 950 جنيه التونه ب 750 جنيه والطلقه ال 8 مللي وصلت 6 جنيه وال9 وصلت 4.5 جنيه يعني حاجه صعبه اوي يعني انا كده لو ناويت اشتري مسدس من المنصوره اشتغلي 10 سنين لحد اما اجيب تمن المسدس وشويه طلقات يعني حاجه رخمه اوي وبالامانه انا بقالي اكتر من شهرين بدور مسدس صوت 9 مللي ومش لاقي في المنصوره الا بالاسعار ديه طبعا في عضو ممكن يقولي انزل القاهره او اي حاجه من كده طبعا انا مش بتكلم عن نفسي انا بتكلم عن العامه افرض مثلا لو واحد مش فاضي يسافر او مشغول او اي حاجه زي كده يعمل ايه ساعتها بالامانه الجشع والطمع وصل لكميه عاليه اوي اوي اوي فعلا :حسبي الله ونعم الوكيل انا قلت افضفض احسن اما اتخنق اكتر من كده علي اساس ان الاعضاء هنا اكتر من اخواتي طبعا وياريت يا جماعه نشوف حل للموضوع ده لانها مش طالبه اكتر من كده جشع وطمع وطبعا اسف علي التطويل ومع تحياتي للجميع |
رد: فين حق المنصوره
وبالامانه انا نزلت قبل كده بنها وحصل معايا حوار واتسرق فلوس المسدس
عشان كده مش عاوز الموضوع ده يحصل تاني معايا او مع عضو ياريت يا جماعه حد يقولنا حل للموضوع ده لان مافيش اي حد حاسس بالجشع ولا الطمع ده الا بتوع المنصوره |
رد: فين حق المنصوره
يرجي التفاعل مع الموضوع لايجاد حل للمشكله ديه
|
رد: فين حق المنصوره
ايه يا جماعه 9 مشاهدات ومفيش ولا رد غيري ولا ايه
|
رد: فين حق المنصوره
ههههههههههههه انا من المنصورة وبعانى برده بس الحمد لله فى اعضاء بتخدم وتجبلنا الى احنا عايزينه لحد عندنا بجد يسلموووووووووو
|
رد: فين حق المنصوره
يا عم انزل القاهرة اقرب
|
Re: فين حق المنصوره
انا بردو من دمياط وعند نفس المشكلة وزيادة عليها كمان ان مافيش اساسا محلات بتبيع سلاح
|
Re: فين حق المنصوره
فعلا يامحمود
كلمك كله صح دا انا طلع عينى عما عرف اجيب المسدس وبرده سفرت الحمد لله جبته من طنطا |
رد: فين حق المنصوره
انا شايف انك تجمع شويه ناس تعرفهمو تلم منهم فلوس المسدسات او الطلقات اللى عايزينها و تنزل القاهره و تشترى من اى حد من تجار المنتدى المعروفين من زمان زى محمد ياقوت او ابو سيف او ابوساجد عنى حد يكون معروف و الناس اتعاملت معاه قبل كده
|
رد: فين حق المنصوره
ياباشا الاسعار حتى هنا عالية قوى انا رأى متشتريش دلوقتى اصلا خالص الاسعار عالية ومبالغ فيها
|
رد: فين حق المنصوره
اولا الف شكر لكل من رد علي موضوعي ده
ثانيا افرض مثلا لو انا ورايا فرح بعدها بيوم او اي عضو هنا وراه فرح هيبقي ايه الحال |
رد: فين حق المنصوره
اخى الكريم انا حسيت بمعاناة موضو ع حضرتك ولذلك انا تحت امر اخوانى الاعضاء من مدينة المنصورة والمدن المحيطين بيها واقترحت على صديق ليا تاجر من طنطا انه يفتح فرع ليه ويكون على مستوى كويس فى المنصورة وباسعار المنتدى وتقريبا بسعر الجملة كمان وان شاء الله فى خلال شهر سيتم فتح المحل وهو هينزل يشوف مكان مناسب او حضرتك ساعدة يشوف مكان مناسب فى المنصورة ويكون عنوانة سهل عشان ييجى يعمل التراخيص بتاعت المحل وهيوفر فيه كل حاجة من بنادق صيد لرش لمسدسات صوت لصيانة كمان وباسعار ممتازة وده رقمى 01090057564 للتواصل واللى عاوز اى حاجة مؤقتا على ما يفتح محلة وبمساعدتكم يتصل عليه ونوفق مع بعض وهنوفرها له فورا وباسعار المنتدى مع هامش ربح بسيط لصاحب المحل وتحت امر اهل الدقهلية كلهم ودمياط كمان واعضاء المنتدى عموما وهيكون كمان بالتعاون مع احد تجار المنتدى المعروفين وتحياتى لاهلنا وناسنا واخواننا المحترمين
|
رد: فين حق المنصوره
والله العظيم هيا فكره جميله جدا جدا والمحل ان شاء الله لو اتفتح هيكسب كتير ان شاء الله
لانه هيعتبر المحل الوحيد الي في المنصوره الي بيبيع المسدسات الصوت والطلق والبنادق الرش يعني ان شاء الله هيبقي محل جميل جدا وانا ان شاء الله هشوفلك مكان يكون في منطقه جميله عشان لو المحل اتفتح وانا هتكلف النشر والتوزيع للمحل ده لو فتح بأذن الله عشان يكون مشهور ان شاء الله وهاجي اشتغل فيه في الاجازه ان شاء الله ده طبعا بعد اذن صاحب المحل ولو سمحت ممكن تقولي اسم الي عاوز يفتح المحل ده عشان اعرفه بس وان شاء الله هكلم حضرتك انهرده عشان اتفق معاك عليه ان شاء الله |
Re: فين حق المنصوره
ودمياااااااااااااط يارجالة بردو ده لو واحد فتح هيكسب مكاسب
كفاية انو هيبقى المحل الوحيد فى دمياط كلها |
رد: فين حق المنصوره
ياباشا الراجل كلمنى والله وقاللى انه تحت امركم واحدة واحدة يفتح فى المنصورة وبردو كده بيخدم دمياط لانها مسافة بسيطة بينها وبين دمياط ولو لقى الموضوع يستاهل يفتح فى دمياط هيفتح ايه المشكلة طالما هيلاقى ربح التاجر بيدور على مشروع يكون حلال وسمعته كويسة ومربح بس مش مستغل وعموما هو متدين جدا ويعرف ربنا وناوى يحارب الاستغلال خالص وعلى فكرة امكانياتة ضخمة جدا يعنى ماشاء الله راجل ثرى جدا اخر حاجة عنده الفلوس والحمد لله ربنا يباركله وهو فى انتظار مقترحات اماكن للمحل وعلى ما يفتح هو عنده استعداد للخدمة فى توفير اى شىء يخص الهواية فى الصيد وادواته وكمان محدثات الصوت ولوازمها والصيانة والمقابلة فى طنطا لحد ما ربنا يسهل وعلى فكرة محل ادوات الصيد ومحدثات الصوت مش محتاج مساحة كبيرة هو محتاج مكان مميز او عنوان سهل ويكفية اوى محل 20 متر بكتيرة اوى وشكرا
|
رد: فين حق المنصوره
ان شاء الله يا وائل هشوفلك الموضوع ده وانا معاك في الموضوع ده
وكلنا ضد الاستغلال والطمع |
رد: فين حق المنصوره
معلش يا سيدى افتح انت محل وانصر الغلابة
دة شئ كويس انك هاتبقى بدون منافسين فى السوق يعنى هاتبيع حلاوة :) |
رد: فين حق المنصوره
يارب يا سيدي حد يتطوع ويفتح محل في المنصوره عندنا
وانا والله عندي حلم اني لما اخلص دراسه افتح المحل ده في المنصوره |
رد: فين حق المنصوره
فى محل لبيع المسدسات الصوت والطلقات وبأسعار مناسبة يعنى مش غاليه أوى
فى المنصوره ورا محل الحارس بتاع القصب فى شارع السكه الجديده |
رد: فين حق المنصوره
لو حد محتاج حاجة في المنصورة يكتب الي عايزو في الموضوع هنا وانا هظبط الموضوع بتاع الطالبية دي لكل الاعضاء الي من المنصورة
|
رد: فين حق المنصوره
اقتباس:
|
| الساعة الآن 03:58 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir