مين اللى جهنم هتقولة كدة
 

صباح الفل والورد على احلى اعضاء فى احلى واشيك منتدى
امبارح سمعت اتنين بيتكلموا فى الاتوبيس وانا راجع من الشغل وكانوا بيتكلموا على يوم القيامة
المهم فواحد بيقول التانى
ان فية حد من امة محمد علية الصلاة والسلام لما هيجى يعدى من على الصراط ومعروف ان الصراط منصوب على ظهر جهنم
المهم لما هيجى يعدى فجهنم هتقولة مر من على بسرعة علشان نورك اطفى نارى
فهل دة مثلا حديث ضعيف ولا فعلان فية حد من اعمالة الحسنة النار هتقولة كدة وياريت لو حد يعرف يقولى ما هى الاعمال اللى هتخلى الواحد من امة محمد علية الصلاة والسلام يمر بسرعة البرق من على الصراط طبعا
وشكرا احبابى واصحابى

رد: مين اللى جهنم هتقولة كدة
 

شوف حضرتك دة سؤال مهم بالنسبة للاعمال هيا كل شئ ربنا عز وجل أمر بية وسيدنا محمد علية افضل الصلاة والسلام وصى بة الصلاة فى اوقاتها والصيام وقرأة القرأن والزكاة واماطة اللاذى من الطريق والصدقة والكلمة الطيبة وبر الوالدين وعدم النميمة وانك تتمنى الخير للناس وتقضى حوائج الناس والامانة والصدق فى الحديث وتساعد الضعيف والتواضع وعدم الكبر فالكبر لله وحدة والاستغفار والصبر فى الابتلاء فالمؤمن يبتلى بقدر ايمانة فأن زاد ايمانة زاد ابتلائة والله اعلم كأبتلاء سيدنا ابراهيم وسيدنا يعقوب والله اعلم وان لا يحل الانسان مال الاخر الا عن طيب نفسة ولا يحل دمة وقيام الليل والدعاء وسبحان الله ممكن وانت ماشى ربنا يقدرك وتعمل خير مع ناس انت متعرفهمش فى الطريق والمواصلات وكل مكان فى العمل والبيت والنادى كل مكان بتروحة تقدر بأذن الله تعمل خير ويومك كلة تقضية فى طاعة الله ومتستهونس بالصدقة حتى لو كانت ربع جنية ان شاء الله هتكون عند ربنا كبيرة

رد: مين اللى جهنم هتقولة كدة
 

تم النقل للقسم الصحيح

وان شاء الله الاعضاء يفيدوك

رد: مين اللى جهنم هتقولة كدة
 

هذا شخص وحيد اللى هتقوله جهنم مر من على بسرعة لان نورك طفا على نارى


الشخص هو ابى بكر الصديق رضى الله عنه وارضاه

رد: مين اللى جهنم هتقولة كدة
 

اهلا بحضرتك وشكرا لأنك بتسأل في امور دينك بس الافضل تسأل في منتدي إسلامي عشان الإجابه تكون من متخصص ، عامتا انا ازهري بس مش تخصص شرعي بس هفيدك بما اعلم .
حالات عبور الصراط مختلفه علي حسب الأعمال الحسنه لكن الامر الحاسم زي مادرست في متن الشيخ الدرديري رضي الله عنه هو سرعه إعراضك عن التفكير في السيئات او عملها و المقصود بالتفكير هنا الهم وليس العزم فأسرع الناس إعراضا اسرعهم سيرا من اول البرق ، الرعد ، الريح ، الطير ، الجواد السابق ... الخ.
اما الحديث لم اقرأ عنه لكن الي إعدت عليه من كلام العامه الركيك في الدين يوضح لي انه ممكن يكون إفتراء اصلا ! ولي تعليق :
النار و الجنه مخلوقات لا تفعل إلا ما يأمر به الله ولم أقرأ شئ عن ذلك الأمر !
لو بالعمل الصالح كان واجب القول بذلك لسيدنا محمد والله اعلم.