|
الشيف مروان بيقولكوا اتفضلوا معانا
4 مرفق
السلام عليكم يا احلى صيادين فى مصر امبارح15_6 وبعد انقطاع سنين عن الصيد خرجت بعد العصر من الساعة 5 الى المغرب وكانت الحصيلة 13 فرد يمام_معظمهم زغاليل_اليمام الكبير موش موجود ما اعرفش راح فين_السلاح شنغهاى صينى نمرة 2_وللاسف مجموعة النيشان الخلفية بعافية شوية_بس الحمد للة الحاسة لسة موجودة_والاحتيار كمان لسة موجود عايز اغير الشنغهاى ومحتار _بام؟كرال؟تل؟نوريكا_محتار جدا_يا ريت تفيدونى يا احلى صيادين علما بان الطيور اللى ممكن اصتادها اليمام والحمام وفراخ الغيط وممكن البط بس كل سنة مرة_ اقصى مسافة ممكن اضرب عليها 50 متر موش اكتر من كدة_تنصحونى بايى؟
|
رد: الشيف مروان بيقولكوا اتفضلوا معانا
صيد جميل ما شاء الله .. وربنا يباركلك فى مروان وتشوفه صياد كبير إن شاء الله ..
|
رد: الشيف مروان بيقولكوا اتفضلوا معانا
ربنا يبارك فى حضرتك وشكرا على الاهتمام
|
رد: الشيف مروان بيقولكوا اتفضلوا معانا
الف الف مبروك على الصيد وربنا يخليلك مروان العسل ده ماسك البندقية مسكة واحد متمكن ههههههههههه
لو عايز تجيب حاجة حلوة بالترتيب كدة نوريكا جيت وبعدين تل وبعدين نوريكا سبورت وبعدين الكرال انا سمعت من واحد تاجر قالي كلام وحش اوي عن البام وده مش كلامي ده كلام التاجر ورجعله كذا واحد بيها |
رد: الشيف مروان بيقولكوا اتفضلوا معانا
شكرا لرد حضرتك والاهتمام البام قوية جدا جدا من وجهة نظرى يعنى تفرتك الطير واحنا هنا بنضرب طيور صغيرة ومن مسافات موش بعيدة_بام_طيرى انتى_هههههه
النوريكا جيت عاملة كام النهاردة_نمرة2؟ |
رد: الشيف مروان بيقولكوا اتفضلوا معانا
نسيت اقول اهم حاجة الفلوس_1500_1800 اقصى حاجة_ما ينفعش ازود جنية واحد_الحكومة تطلعلى الكارت الاحمر
|
رد: الشيف مروان بيقولكوا اتفضلوا معانا
اقتباس:
وده كمان بيقل بس بندقية بندقية انا على فكرة بدور على واحدة بس الفلوس بقا يا مسهل ونعرف ناخدها بسعر كويس لو حضرتك لاقيها ب 1800 النمرة 1 خدها و اتوكل على الله بس غيرلها جلبة على طول وشحمها وسرعتها 260 م \ ث النمرة 1 يبقا تجيبلها رش ماتش وحتظبطلك الحمام و اليمام و البط ان شاء الله ما تقلقش من النمرة 1 |
رد: الشيف مروان بيقولكوا اتفضلوا معانا
الف شكر على المعلومة القيمة_بس الواحد اتربى على معلومة ان نمرة اتنين اقوى من نمرة واحد ودةبيسبب للواحد حاجز نفسى_يعنى لو ضربت حاجة بنمرة واحد وريشت وطارت هاتقول ياااااااااة لو البندقية نمرة اتنين_ههههههه_عارف حضرتك الشعور دة اتربينا علية غلط من واحنا صغيرين بنصتاد بالرمسيس اللى كان معاة رمسيس اتنين او معادى كان بيعاملنا باحتقار كانة شايل خرطوش_هههه
|
رد: الشيف مروان بيقولكوا اتفضلوا معانا
ماشاء الله لاقوة إلا بالله ,., صيد جميل وصياد اجمل ,., ربنا يباركلك ,., وبألف هنا وشفا .
خالص تحياتى ... |
رد: الشيف مروان بيقولكوا اتفضلوا معانا
اقتباس:
لالالالا كلا غلط النمرة واحد اختراقها احسن من النمرة 2 بس النمرة 2 صدمتها اكبر انا معايا المعادي وكنت بنزل بيها وواحد صاحبي معاه سلافيا نمرة 1 كنت اضرب انا اليمامة الاقيها طارت وهو كان بيضرب الحمامة نلاقيها دخلت من صدرها وطلعت من ديلها وبالرغم من كدة بينزلو مقفولين وكنت بتمنا ساعتها اني اجيب نمرة 1 ليه؟؟؟؟؟؟؟؟؟ عشان بيحط رش ماتش الماتش معمول انه يقطع في جسم الطيرة ولو البندقية جامدة زي الجيت طبعا حيقطع طول السكة من اول ما تدخل الرشة لغاية ما تخرج هات الجيت و اتوكل على الله انا ناوي اجيبها بس يا مسهل اول ما حجيبها حاعمل موضوع بكدة تحياتي |
رد: الشيف مروان بيقولكوا اتفضلوا معانا
خلاص يا باشا على ضمانتك_نوريكا جيت نمرة واحد +رش ماتش=100% بعون اللة هاتوكل على اللة واشوف كدة
|
رد: الشيف مروان بيقولكوا اتفضلوا معانا
بسم الله مشاء الله الف مبروك علي الصيد الجميل ده و انا من رائي شوف الجامو 900
|
رد: الشيف مروان بيقولكوا اتفضلوا معانا
اقتباس:
اتوكل على الله وعلى ضمانتي بس نسيت اقولك لما تجيبها تبقا تغيرلها الجلبة بتاعتها وتأكد على التاجر على ال3 نشانات امامية اللي بتيجي معاها عشان بييجي معاها 3 سنون بس التجار بيضربوهم وبيبيعوهم قطع غيار او بيضيعوهم فخد بالك من النقطتين |
رد: الشيف مروان بيقولكوا اتفضلوا معانا
بسم الله ما شاء الله عليك يامروان أكيد بابا كان ماشى وراك يلم اليمام وإنت شغال على ودنه طاخ طاخ طاخ شمال ويمين الشنغهاى بعد الطلعة دى بقى ليها إسم فى المنتدى ,وحنزلها فى موضوعى {أشهر البنادق فى المنتدى مع صيادين المنتدى } معلهش يا أبو مروان حكتب البندقية والصياد مروان الله يبارك لك فى مروان وتشوفه دكتور كبير جدا و سعتها إبقى إقراء لى الفاتحة
|
رد: الشيف مروان بيقولكوا اتفضلوا معانا
ربنا يوسع رزقك حبيبي ويخليلك مروان وتشوفه احسن صياد واحسن دكتور في الدنيا
|
رد: الشيف مروان بيقولكوا اتفضلوا معانا
ما شاء الله
|
رد: الشيف مروان بيقولكوا اتفضلوا معانا
ربنا يطول عمر حضرتك يا دكتور_بس كفاية علينا دكتور واحد _نفسى يطلع لعيب كورة بس الكابتن موش فى دماغة لعب الكورة دى واخد جينات الصيد سواء سمك او طيور لما يشوف عصفورة او حمامة يقول هانصتادها _ههههه_موش زى الاطفال التانيين واللة الصيد دة فى الدم جينات_ربنا يبارك فيكو يا احلى صيادين فى مصر والصيد صياد موش بندقية فتاكة بس
|
رد: الشيف مروان بيقولكوا اتفضلوا معانا
الف شكر لزوق حضرتك كيلر باشا
|
رد: الشيف مروان بيقولكوا اتفضلوا معانا
استاز يونس الجامو 900 عاملة كاام؟
|
رد: الشيف مروان بيقولكوا اتفضلوا معانا
بسم الله مشاء الله ربنا يبارك .... والشف مروان منور وربنا يبارك فيه
|
رد: الشيف مروان بيقولكوا اتفضلوا معانا
صيد رائع .......وصياد جامد .......تحياتى لك يا ابو مراون
|
رد: الشيف مروان بيقولكوا اتفضلوا معانا
بألف هنا و شفــــــا يا باشــــا
|
رد: الشيف مروان بيقولكوا اتفضلوا معانا
اللهم صلي علي النبي علي مروان العسل دة ... ربنا يخلي يا فندم و يبارك لك فيه ... و بألف هنا و شفا ... و تحياتي لك و للشيف مروان.
|
| الساعة الآن 04:25 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir