رساله الى كارهى الكرال
 

بسم الله الرحمن الرحيم
رساله الى كارهى الكرال
اولا وقبل كل شىء
احب اشكر جميع الاخوه المحترمين اللى عارفين نفسهم
اللى نصحونى انى ماضربش بيها كتير غير لما افكها واشحمها الاول
عشان وهى لسه جديده بتكون ناشفه من الداخل و مفهاش شحم
وده ممكن يأثر على الاجزاء الداخليه ويسبب خدوش ومشاكل فى الكانون والبستم
اهداء لاعضاءنا العظام ومحترفينا الكرام
وجهة نظر مأخوذه عن الكرال مطلوب تغييرها
انا احتارت كتير قبل ماكتب الموضوع ده
لكن حسيت انه واجب عليا اشارك اخواتى واساتذتى الاراء حتى نستفيد جميعا
اولا طبعا كلنا متابعين اخبار الكرال وعارفين ان فيه صيادين كتير محترفين شايلينها
وفيه صيادين اكتر خايفين منها وبيقولو سمعتها وحشه
وفيه ناس قالو فيها اشعار هجاء توديها فى داهيه وتخليها ملهاش لازمه
هههههههههههههههههه
لكن اللى مجننى ان فيه ناس كتييييييييييير اوى اشتروها وبيشكرو فيها
وبعد حيره كبيره وفترة مراقبه لأحوال البندقيه مع الناس
قررت اخوض التجربه
انا طبعا شاريها من شهرين تقريبا بـ 1650 جنيه
http://www11.0zz0.com/2012/05/31/11/759577705.jpg
هى اينعم اشتريتها غاليه شويه لكن انا عملت بنصيحة واحد محترم قاللى
( بص ياصديقى لو مجبتش الكرال دلوقت بالسعر ده هاتندم لأنك كمان سنه ممكن تلاقى سعرها وصل فوق الـ2800 لأنها اثبتت وجودها وخليك فاكر كلمتى دى )
ومتهيئلى عنده حق بسبب جنون الاسعار اللى احنا عايشينه دلوقت
وانا كمان عن نفسى ليا وجهة نظر فى الموضوع وهى
وهى ان البندقيه دى حتى لو طلعت فى مستوى متوسط فى الاداء فهى سعرها رخيص ومش هاتضرنا كتير
احنا عندنا النوريكا 61 اللى سرعتها 170 وصلت 1600 جنيه دلوقت
والنوريكا سبورت اللى سرعتها 160 على ما اعتقد وصلت 1750 دلوقت
بالزمه ده مش حرام يعنى
وكمان سعر الكرال قريب من المعادى اللى بـ 1250 جنيه مع الفرق طبعا
لأننا لو قارناها بالمعادى هانعمل زى اللى بيقارن الطياره بالجمل
وطبعا المقارنه فى صالح الكرال من جميع النواحى
ده زائد انى مقتنع تماما انها كمان سنه هايبقى فعلا سعرها رهيب
المهم
اول ماخرجتها من الكرتونه يوم ماجبتها بصراحه شكلها شيك اوى والدبشك بتاعها عجبنى جداااااااااا
ولفت نظرى وزنها
انا كنت اسمع ان وزنها تقريبا 2.400
لكن وزنتها لقيتها حوالى 2.700
وبعد تغيير القاعده الفايبر بقاعده معدن اصبحت 2.925
القاعده المعدن فرقت فى الوزن شويه

المهم اول حاجه فكرت فيها هى الضرب..
كسرت البندقيه وعمرت رشايه ولاحظت ثقل كبير اوى اثناء الكسر
لكن محطتش فى دماغى وطنشت
وكان قدامى نص بلاطه ( مزايكو ) على مسافة 11 متر تقريبا نشنت عليها وضربت
بسم الله مشاء الله تقريبا كانت هاتفرتك البلاطه من قوتها
والطلقه حركت البلاطه من مكانها حوالى 15 سنتى للخلف
وبكده تبقى قوتها كويسه
وعشان اتأكد جبت قطعة خشب سمكها 4 سنتى ووقفتها على سيفها
وغرزت فيها دبوس مكتب كبس عشان انشن واضرب عليه على بعد 10 متر وضربت طلقتين
الطلقتين غرزو داخل الخشب حوالى 1.5 سنتى ونص
ودى صورة الطلقتين عامل عليهم زوم بالكاميرا
http://www11.0zz0.com/2012/05/31/11/330855274.jpg
واستخدمت مع البندقيه رش ديابلو تركى ودى صورتة
http://www11.0zz0.com/2012/05/31/11/504514300.jpg
كده قوتها حلوه اوى
فاضل بقى نشوف باقى الامكانيات والبندقيه من الداخل
وطبعا كنت مرعوب من اللى باسمعه عنها من مشاكلها الداخليه سواء فى التقفيل
او النظافه والتشحيم
او القاعده اللى طبيعى هاتكون مكسوره
او السوسته اللى طبيعى هاتكون بايظه ومعووجه ومحتاجه تغيير
او الجلبه اللى بتكون مشققه او تالفه
وبعد نصايح بعض الاخوه الكرام سواء فى المنتدى او خارجه قمت بفك البندقيه وبرده وانا مرعوب
وكانت اول مفجأه
السوسته رهييييييييييبه بمعنى الكلمه
مش ناشفه ولا حاجه ( يعنى كويسه وتأدى الغرض )
ومعدوله زى المسطره وحلقاتها متساويه تماما
والمسافه بين كل حلقه وحلقه مظبوطه جدا جدا
وبرغم ذالك حطيت فى دماغى انى هابقى اجبلها سوسته اسبانى لزيادة الكفائه
ولسه جايبها من يومين
ودى صورتها
http://www11.0zz0.com/2012/05/31/11/786184221.jpg
كده خلصنا من السوسته واطمنا عليها الحمد لله
نيجى للقاعده الفيبر
لقيتها سليمه وعشره على عشره وبتلمع كمان لكن برده حسيت انها ضعيفه ومش هاتتحمل ضغط السوسته مع الاستخدام
قمت واخد القاعده تانى يوم ورايح عند ورشة خراطه محترمه وقلتله عاوز زيها بالظبط بنفس المقاسات ولكن معدن او المونيوم
وعملهالى معدن واتكلفت بالظبط ( 20 جنيه ) بس
ودى صورة القاعده الفيبر وصورة القاعدة المعدن
http://www11.0zz0.com/2012/05/31/11/676181741.jpg
http://www9.0zz0.com/2012/05/31/11/308974404.jpg
كده اطمنت على القاعده
وبعدين بقى نيجى للبستم والجلبه
فكيت البستم وخرجته ومتنسوش انى لسه مرعوب
ههههههههههههههههه
لقيت البستم فى منتهى النظافه ومفهوش رايش ولا اى حاجه
وكل مافى الامر انه عاوز يتشحم مش اكتر
بصيت على الجلبه برده وانا مرعووب كالعاده
لقيتها عشره على عشره برده وزى الفل ومفهاش اى مشاكل
كده بدأ الرعب يخف شويه شويه
مسكت البندقيه وشحمتها كويس اوى اوى لانها مكانش فيها ولاااااااااا فتفوتة شحم صغننه
زى مايكون تركيا مفهاش شحم او يمكن عندهم ازمة شحم
ههههههههههههههه
قفلت البندقيه وتمام
وعشان تنسى موضوع فك مسامير الدبشك لوحدها اثناء الضرب
اشتريت تلاته اولسيه صغيرين من محل قطع غيار سيارات
وحطيت تحت كل مسمار اولسيه وربط عليه جامد
وكل سنه وانت طيب
بقالى شهرين باضرب بيها ومفيش مسمار اتنفس
http://www11.0zz0.com/2012/05/31/11/376999584.jpg
المهم
قمت عشان اجرب و اشوف نتيجة تعبى
وبرده كنت لسه مرعوب شويه
وكانت اول صدمه وانا باعمر
زراع التعمير عند الكسر بيحتك بالكانون بعنف فى الجزء اللى الزراع بينام عليه على جسم الكانون من الخارج
http://www11.0zz0.com/2012/05/31/11/796447121.jpg
وده طبعا مش كويس وعيوبه هاتكون
( ثقل كبير فى الكسر) ..
صوت مش حلو ومش طبيعى اثناء الكسر
( الاحتكاك بالكانون سيأدى حتما الى تضرر جسم الكانون من الخارج مستقبلا)
لأن الزراع الحواف بتاعته المقابله للكانون حاميه جدا
وهما كانو حاطين قطعتين فيبر صغيرين جدا بين الزراع وجسم البندقيه عشان يمنعو الاحتكاك
لكن بعد كسر وتعمير حوالى خمس رشات قطعتين الفيبر دول كل سنه وانت طيب (( اتمسحو ))
http://www11.0zz0.com/2012/05/31/11/134177048.jpg
وقعدت افكر...هاتعمل ايه ياواد هاتعمل ايه ياواد........................
وبعد تفكير عميق
شغلت دماغى وقمت رايح عند اقرب حداد واخدت منه حتة صاج مجلفن سمكها حوالى 2 مللى وطولها حوالى خمسه سنتى وعرضها حوالى 3 سنتى
وقمت بالشاكوش وصنعت على ايدى واقى للكانون ومظبطه وخليته بالشكل ده
http://www11.0zz0.com/2012/05/31/11/353438427.jpg
وسيبت تجويف فى نص الواقى بسيط عشان المسمار اللى فى نص الزراع ده يبات فيه
http://www9.0zz0.com/2012/05/31/11/717397152.jpg
وجيت بالمبرد وقمت بأزالة الحواف من الواقى نهائيا حتى اصبحت ملساء جدا من الظهر و الاطراف
وبالذات الظهر و الاطراف اللى فى المؤخره وفى المقدمه عشان هما دول اللى هايكون عليهم قوة احتكاك
ولبستها بطريقة الكبس فى اسفل الزراع من الناحيه اللى بتحتك بالكانون
بالشكل ده اللى انا معلم عليه باللون الاصفر فى الصوره
http://www11.0zz0.com/2012/05/31/11/917589895.jpg
وحطيت تحت الواقى شوية شحم بينه وبين جسم البندقيه
وقفلت البندقيه وجرب يامعلم البندقيه
الله واكبر الله واكبر
لقيت البندقيه بقت حرير فى الكسر
مفيش صوت احتكاك
مفيش صوت للكسر
الكسر بقى خفيف جدا وفى منتهى السهوله
صوتها فى الضرب اصبح معقول ومش قوى زى الاول عشان اتشحمت
وجربتها بكام رشايه لاحظت ان النشان بيخلف كل كام رشايه
ايه السبب بقى؟؟
هاقولك اهو
المشكله دى سببها احتكاك البكره اليمين بتاعة الناشنكاه فى جسم الدبشك مع كل كسره وتعميره
فى الجزء الداخلى من الدبشك اللى انا معلم عليه بالاصفر ده
http://www6.0zz0.com/2012/06/04/18/392755040.jpg

لكن خليك فاكر انا قلت من الجزء اللى من الداخل فى الدبشك
ولحل المشكله
هاتجيب سكينه حاميه او موس او قطر حامى
وتبدأ فى الكشط الخفيف فى المكان اللى بيحتك فيه الناشنكاه
تقشط شويه وتجرب تكسر البندقيه بالراحه واحده واحده وانت مركز على الناشنكاه
ولو لسه فيه احتكاك طبعا هاتشوفه بعنيك
وتكرر الكشط تانى لغاية ماتيجى تكسر وتلاقى الناشنكاه مش بيحتك بالدبشك تانى
وان شاء الله المشكله هاتتحل
كده البندقيه بقت زى الفل
تعالى بقى يامعلم على التجربه المهمه اللى بترعب اى صياد لسه شارى بندقيه جديده
وهى تجربة الدقه فى التجميع
طلعت من جيبى جنيه معدن
قصيت حتة ورقه بيضاء على قد الجنيه المعدن ولزقتها على قطعة خشب على مسافة 15 متر
وضربت خمس طلقات بدون تلسكوب طبعا وكانت النتيجه
تلات رشات ملتصقين داخل الورقه.
1رشايه جنبهم قليلا ولكن داخل الورقه ايضا
ورشايه بجانب الورقه من الخارج
ودى نتيجه متهيألى مرضيه جدااااااا
مع الاسف نسيت يومها اصور الورقه
طيب دلوقت انا عاوز اجربها عملى لكن مع الاسف مكنتش عارف اطلع للصيد وقتها اول ما اشتريتها
بس برده ايدى بتاكلنى وعاوز اجربها عملى
اخدتها معايا تانى يوم الشغل ولما وصلت فى المنطقه اللى شغال فيها
لقيت يمامه مستنيانى على سلك الكهربه على مسافه حوالى 23 متر نشنت وتوكلت على الله وانا برده مرعوب
الحمد لله نزلت خالصه
اتشجعت اكتر ومشيت كمان شويه لقيت يمامه على شجره على بعد 28 تقريبا ونشنت
اللهم لك الحمد نزلت مفرفره
مشيت كمان شويه لقيت يمامه تانى على شجره وكانت قريبه جدا حوالى 14 متر ونشنت لكن مفيش نصيب طارت عشان ايدى اتهزت وانا باضرب
بصيت فى الساعه وحسيت انى هاتأخر على شغلى قمت راجع
وانا فى طريقى فى الرجوع لقيت يمامه واقفه على الارض حوالى 20 متر
سميت ونشنت والحمد لله ماتحركتش من مكانها واتقفلت
وعلى فكره دى مكانتش طلعة صيد
دى كانت تجربه عمليه للبندقيه وتسليكة زور بس مش اكتر
هههههههههههههههههه
التلات يمامات الضحايا اهم
http://www11.0zz0.com/2012/05/31/11/171197743.jpg
الكلام ده كان من شهرين
وانا حاليا ضربت بيها اكتر من 2500 رشايه
والحمد لله اصطادت بيها الفتره اللى فاتت كتير اوى
سواء يمام
او غربان
او عصافير
او فراخ ميه
او حتى سمك
وممكن كمان تصطاد بيها بنى ادمين لو عاوز
http://www9.0zz0.com/2012/05/31/11/300742951.jpg
هههههههههههههههههههه
وسؤالى لاخواتى وحبايبى دلوقت
هو الصياد مننا يهمه ايه فى البندقيه غير انها
تكون دقيقه
تكون سريعه وقويه
تكون شيك
تكون رخيصه
وترفع راسك فى كل مكان تصطاد فيه
وده كله موجود فى الكرال ان شاء الله
مااااااااعلينا بقى
كده انا عملت اللى عليا وانتو حرين
ياترى فيه حد عنده اى سؤال قبل ما امشى واقفل
انا شايف واحد رافع ايده فى الصف الاخرانى وعاوز يسأل
اتفضل ياسيدى اسأل انا سامع
س سؤال
ياقبطان انت بتقول انها سريعه وقويه ودقيقه ومش عارف ايه
دى بندقيه تعبانه وخامتها وحشه ومتتقارنش بالاسبانى ولا الالمانى
وبعدين هو انا اروح اشترى بندقيه جديده وفى اول يوم اغيرلها سوسته وجلبه ومش عارف ايه
امال هى جديده ازاى
ج جواب
حبيب قلبى خليك معايا وانا هافهمك واحده واحده
اولا
فيها ايه يعنى لما تجيب الكرال بــ 1400 مثلا
وتصرف عليها كمان 300 سوسته وجلبه وخلافه
يعنى المجموع هايبقى 1700 جنيه
بس بعد كده هاتحس انك ماسك بندقيه محترمه
واسأل خبرائنا عنها هنا وشوف هايقولولك ايه عنها بعد التعديلات
وكمان انت عندك اقل بندقيه هاى باور الالمانى والاسبانى سعرها فوق الـ3000
وبعدين تعالى هنا
اولا خاماتها مش وحشه اوى يعنى
وبعدين شوف انت دافع فيها كام ياحبيبى1700 بالتعديل (تراب الفلوس ) بالنسبه للهاى باور
وبعدين ابقى تعالى كلمنى فى خامات
سبحان الله عليك يا اخى
متعصبنيش بقى
هههههههههههههههههههه
ماااااااعلينا
ها حد عاوز يسأل تانى غير الاخ ؟؟
اتفضل حضرتك يابو نضاره سوده عاوز تقول ايه
س سؤال
انت بتقول انها دقيقه جدا
حضرتك جبت الكلام ده منين
انا كان عندى كرال وجربتها بدل المره عشرين ومفيش دقه خالص
وكنت كل ماضرب بيها الاقيها طلقه يمين وطلقه شمال
وحبه فوق وحبه تحت
وكأننا فى فرح العمده
ال دقيقه ال
ج جواب
ياباشا الموضوع بتاع التشكيل فى الضرب ده ليه اسباب كتير
ممكن من ال سوسته وممكن جلبه وممكن من انواع الرش اللى بتستخدمها
وعشان اثبتلك وجهة نظرى اتفضل انا جربت عليها 6 انواع رش مختلفه
وكانت دى النتايج مع كل نوع فى الدقه
جبت جنيه معدن
وعملت 5 دواير بحجم الجنيه المعدن على لوح خشب
http://www9.0zz0.com/2012/05/31/11/700325908.jpg
وضربت فى كل دايره 5 رشات من كل نوع
مع الوضع فى الاعتبار انى كنت باظبط البندقيه اولا فى كل مره على كل نوع رش هاضرب بيه
والضرب كان على مسافه 15 متر بدون تلسكوب طبعا
وادى النتيجه بعد تركيب السوسته الجديده
انا جربت عليها خمس انواع رش
http://www9.0zz0.com/2012/05/31/11/555075876.jpg
التجربه على رش جامو ماتش ويعتبر هو البريمو مع الكرال فى التجميع معايا
خمس رشات فى الدايره
4 رشات فوق بعض ورشايه جنبهم
مع الوضع فى الاعتبار ان اول رشه اللى هى على حرف الدايره
كانت قبل ماظبط البندقيه على الجامو ماتش عشان نسيت
يعنى المفروض الخمسه فوق بعض
http://www11.0zz0.com/2012/05/31/11/954688221.jpg
تااااااانى تقييم كان للديابلو الالمانى وبصراحه الرشه دى ممتازه مع الكرال برده
خمس رشات
4 فوق بعض
وواحده جنبهم
http://www9.0zz0.com/2012/05/31/11/962560414.jpg
تالت تقييم كان للجامو هانتر
خمس رشات
تلاته فوق بعض
واتنين جنب بعض
http://www9.0zz0.com/2012/05/31/11/863413351.jpg
رابع تقييم كان لل(هدف مان) المصرى
وده عمل فرح العمده اللى حضرتك تقصده اهو
اتنين فوق بعض
وتلاته فرح العمده
ههههههههههههههه
http://www9.0zz0.com/2012/05/31/11/141066934.jpg
خامس تقييم كان للديابلو التركى
وبرغم انه كان شغال معايا حلو فى السوسته القديمه
لكن بعد تركيب السوسته الجديده مش نافع معايا
فرح العمده برده
خمس رشات
اتنين فوق بعض
وتلاته بره
http://www9.0zz0.com/2012/05/31/11/682878863.jpg
وبكده المفروض حضرتك تكون فهمت وجهه نظرى طبعا فى موضوع التشكيل ده
ولو مكنتش مقتنع برده دى حريه شخصيه
ومن حقك تعترض وتعمل اللى يريحك
احنا فى بلد ديموقراطى ومحدش مننا هايكلمك
ياصيادين لو شفتوه فى الحرب اقتلوه
ههههههههههههههههههه
واخيرا اتمنى اكون وفقت فى وصف كل شىء
وبرغم ان سمعت عن البندقيه دى حجات كتير منها المؤيد ومنها الناقد لكن
هافضل دايما اتذكر مقوله من احد الصايدين بيقول فيها
( البندقيه الكرال دى بالذات عامله زى البطيخه )
ياتطلع معاك رهيبه وجميله ياأما تطلع ملهاش لازمه وفيها مشاكل كتير
والحمد لله ان ربنا اكرمنى وطلعت من الصنف الاول
وكمان كل مشاكلها كانت فى السوسته والجلبه والقاعده وعدم ثبات المسامير
وكل المشاكل دى خبرائنا حلوها قبل كده فى المنتدى واحنا برده قلنا عليها دلوقت الحمد لله فى موضوعنا
وانا الحمد لله لسه مغيرلها سوسته النهارده
وكمان عملتلها تمويه وبقت تحفه اهى
http://www9.0zz0.com/2012/05/31/11/187421897.jpg
وبعدين كمان الاعمال بالنيات
وانا طيب وغلبان وابن حلال كمان
انا مش هاتكلم عن نفسى تانى بقى
عشان مش باحب اتكلم عن نفسى كتير
هههههههههههههههههههه
اجمل واحلى تحيه لكل قناصين وصيادين مصر


بالذمه ده اسمه كلا يارجاله
http://www.egypthunt.net/showthread.php?t=30091
مذبحة الجمعه بالكرال
http://www.egypthunt.net/showthread.php?t=28543
رساله الى كارهى الكرال
http://www.egypthunt.net/showthread.php?t=29417
كنا هانروح فى شربة ميه
http://www.egypthunt.net/showthread.php?t=30036
الشرح الكامل لقنص الاسماك بالبندقيه
http://www.egypthunt.net/showthread.php?t=29067
طلعة النهاره اهداء للرئيس المصرى القادم
http://www.egypthunt.net/showthread.php?t=30185
طلعة ساعه متنوعه
http://www.egypthunt.net/showthread.php?t=28988
طلعة ساعتين الصبح قبل الشغل
http://www.egypthunt.net/showthread.php?t=29990
الموضوع الشامل عن صيد اليمام ودجاج الماء ليلا
http://www.egypthunt.net/showthread.php?t=29886
نص ساعه صيد والقطه الشقيه
http://www.egypthunt.net/showthread.php?t=29646
شرح متكامل عن تمويه البنادق تجربه على الكرال والبى اس ايه
http://www.egypthunt.net/showthread.php?t=28907
تمويه الbsa بتاعتى وارجو التقييم
http://www.egypthunt.net/showthread.php?t=28570[/COLOR][/SIZE]

Re: رساله الى كارهى الكرال
 

السلام عليكم ..........
اولا موضوع اكثر من رائع
ثانيا احلي تقييم
ثالثا و دي اكتر حاجة عجبتني طريقتك في كتابة الموضوع
رابعا و اخيرا ارجو التثبيت

رد: Re: رساله الى كارهى الكرال
 

وعليكم السلام ورحمة الله وبركاته
ازيك يابيبيتو عامل ايه يابن بلدى
يارب تكون تمام وفى احسن حال
ومشكور جدى ياغالى على تقييمك وتشجيعك ليا باستمرار

رد: رساله الى كارهى الكرال
 

لا اجد كلام اقوله غير ان حضرتك استاذ بجد :) و ان شاء الله هجيبها بس ايه رأى حضرتك فى الدبشك الفيبر هل فعلاً ضعيف؟

رد: رساله الى كارهى الكرال
 

موضوع جامد جدا وبجد تعبت فيه ووضحت فيه كل حاجه احلى تقيم يا باشا

رد: رساله الى كارهى الكرال
 

رد: رساله الى كارهى الكرال
 

Re: رد: Re: رساله الى كارهى الكرال
 

الحمد لله تمام يا غالي
انت عامل ايه ؟؟؟ ان شاء الله بخير
منا مقدرش اشوف كل ده و من ابن بلدي بالذات و مدعمهوش .... الناس تقول مفيش انتماء ؟

رد: رساله الى كارهى الكرال
 

ربنا يكرمك ياباشا
وبالنسبه للدبشك
هو لغاية دلوقت كويس معايا
لكن الخشب برده اكيد امتن وافضل
وبصراحه الدبشك الرمايه بتاعها جميييييييييل اوى لو تعرف تعمله خشب بنفس التفاصيل يبقى عشره على عشره

رد: رساله الى كارهى الكرال
 

ربنا يخليك ياجميل
وتسلم على مرورك وتقييمك

رد: رساله الى كارهى الكرال
 

حبيبى والله يامصطفى بك
تسلملى ويسلملى تقييمك

رد: رساله الى كارهى الكرال
 

رد: رساله الى كارهى الكرال
 

اولا الف شكر ياغالى على المعلومات الجميله
ثانيا انا من الشرقيه وحابب اشترى بندقيه كرال
اشتريها منين
وجزاكم الله خيرا ..

رد: رساله الى كارهى الكرال
 

بجد يا باشا الله ينور .. موضوع جميل جدا جدا .. واحلى تقييم كمان !!

وعلى فكرة عايز اقولك على سر .. انا من كارهى الكرال بس شكلى كده هغير رأيى بسبب الموضوع الجامد ده ..

ومعلش عندى سؤال رفيع .. ايه كمية الرعب دى يا باشا !! ههههههههههههههه

تحياتى وارجو التثبيت ..

رد: رساله الى كارهى الكرال
 

رد: رساله الى كارهى الكرال
 

موضوع جميلا جدااا والله العظيم لازم يتثبت

رد: رساله الى كارهى الكرال
 

موضوع رائع ... احلي تقييم لحضرتك و ارجو تثبيت الموضوع :)

رد: رساله الى كارهى الكرال
 

باشا انا ان شاء الله في احتمال اجيب واحد جديده علي قريب و علي فكره انا مبتدئ و معرفش حاجه عن الصيد اساسا بس ححاول ان شاء الله و اجيب واحده و انت بقي تبقي تديني التعليمات اللازمه علشان تبقي كويسه معايا بس انا طبعا حظبطها عند واحد ... بس حضرتك تبقي تقولي جيب سوسته نوع كذا او كذا و غير كذا و متغير كذا معلش بقا حتقل عليك علشان انا بحب الهاي بور ههههههههههه :)

Re: رساله الى كارهى الكرال
 

موضوع رائع بس ما جاوبش برده على اسئلتى

http://www.egypthunt.net/showthread.php?t=29381

رد: رساله الى كارهى الكرال
 

انا تحت امرك ياباشا والله

رد: رساله الى كارهى الكرال
 

والله اهم حاجه عندى هى دعواتك الحلوه دى ياباشا
وبالنسبه للبندقيه تجيبها منين
انا شايف ان الاستاذ محمود شلبى فى القاهره صاحب سمعه كويسه
هاتها من عنده وخليه يعملك التعديلات اللازمه وانت بتشتريها
وان شاء الله هاتكون تمام

رد: رساله الى كارهى الكرال
 

ههههههههههههههه
طبيعى يابو حميد الواحد لما بيكون جايب حاجه جديده بيبقى مرعوب احسن تطلع فشنك
وبعدين البندقيه بدون دقة تجميع بتكون زيها زى نبوت الغفير

رد: رساله الى كارهى الكرال
 

تسلم ياغالى على التقييم
واشكرك على كلامك الجميل
واتمنى دايما اكون عند حسن الظن

رد: رساله الى كارهى الكرال
 

مسائك عسل ياعمرو بك
ويسعدنى جدا ان الموضوع عجبك

رد: رساله الى كارهى الكرال
 

الف مبروك مقدما ياغالى
وان شاء الله لما تجيبها انا تحت امرك فى اى شىء
والمنتدى هنا كمان ملئ بالخبراء اللى افضل منى

رد: رساله الى كارهى الكرال
 

بجد ياباشا مجهود جبااااااااااار ، وموضوع موسوعة بجد ويستحق أعلى تقييم ,, ولازم يتثبت طبعا ,, لأهميته
انا بصيت على الموضوع الصبح وقريت فيه شوية بس كنت فى لاشغل واول حاجة كنت مقررها أول ما أروح
إني أكمل قراءة الموضوع الجاااااااااااامد دة ، لأن بصراحة أنا من الناس اللى معلوماتها عن البنادق " صفر "
وكنت نفسي اجيب حتة كرال اتعلم فيها شوية ,, وكنت كل مانوي اجيبها ألاقي واحد داخل يلطم من الكوارث اللى بتطلع له فيها هههههههههههههههههه
بس انت كدة كبرتها فى دماغي جداااااا , وان شاء الله اجيب واحدة
وأبرشط عليك بم انك ابن جيهتي عشان تدينى كورساااااات
وأسف جدا على الإطالة
وتقبل خالص احترامي وتقديري على مجهودك الأكثر من رائع

رد: رساله الى كارهى الكرال
 

والله يا كبير كلامى مش قد مواضيعك وقيمتها بجد

تحياتى

رد: Re: رساله الى كارهى الكرال
 

[QUOTE=Mohamed Abd El-Hamid;377215]موضوع رائع بس ما جاوبش برده على اسئلتى

[يا جماعة انا نفسى اشترى بندقية صيد فى حدود 1300 جنية
و انا عمرى فحياتى ما مسكت بندقية صيد فاكيد مش فاهم حاجة بس بعد ما قريت مواضيع المنتدى فكرت اجيب الكرال التركى و من ساعتها احترت
انى الاحسن الخشب ولا الفايبر ولا الرماية ولا الكومفلاج
و اللى حيرنى اكتر اجيب انى احسن نمرة 1 ولا نمرة 2
و بعد ما اجيبها بقى محتاج اجيب ايه تانى لوازم للبندقية
مع العلم ان انا ناوى اتعلم الصيد لوحدى عشان مش لاقى حد يعلمنى فى اسكندرية

ملحوظة مهمة جدا: انا سمعت ان البندقية ليها اصدارين و ان الاصدار القديم لازم يتغيرله سوستة و جلبة
اما الاصدار الجديد فاتغلبوا فيه على عيوب البندقية و ما بقاش ضرورى يتغيرلها سوستة و جلبة
فهل الكلام ده صح ولا غلط؟
*****************
بص ياباشا لو عاوز نصيحتى
هات الكرال دبشك خشب تعتبر افضل الكرال
بس انا جبت الفايبر عشان عجبنى
وكل واحد وزوقه
واضمن واحد ممكن تجيبها من عنده هو الاستاذ محمود شلبى فى القاهره
هاديهالك بالتعديلات مع فرق السعر طبعا بعد التعديل
والتعديل عباره عن تغيير سوسته وجلبه وقاعده سوسته
وده اللى انا عملته
وطبعا نمره2

رد: رساله الى كارهى الكرال
 

طب معلش يا كبير كمان سؤال بئة ايه رأي حضرتك فى الكرال الرماية يعنى هل فيه فرق جامد بينها و بين الفيبر طبعاً من حيث شكل الدبشك انا شايف بصراحة ان الرماية شكلها احلى و واقعى كدة :) بس خايف لتطلع مسكتها مش كويسة

رد: رساله الى كارهى الكرال
 

يا باشا حسب راحتك النفسيه

من وجهى نظرى الكرال ماجنوم الاسود احلى كرال
شكلى احلى من المخرمه دى
مش طالعين نصتاد ففلم خيال علمى
هههههههههههههه
حبيبى يا اتش

رد: رساله الى كارهى الكرال
 

وانا تحت امرك طبعا يابن بلدى فى اى وقت
وبجد بجد كلامك اسعدنى جدا
ومتقلقش ياعم من موضوع الكورسات ده
انا مش هاخد منك فلوس كتير
هههههههههههههههههه
مسائك ورد ياصاحبى

رد: رساله الى كارهى الكرال
 

الامر لله يازعيم
وانا عارف انك ابن بلد ومش هتاخد فلوس اصلا هههههههههههه
وان شاء الله اول مايبقى فى ايدي كاشات هتصل بيك وتنزل معاية نجيبها " عافية "
ونشوف بقى شوية الحاجات الغريبة اللى انت عملتها دي بتتعمل ازاى ,, اوك
ومساء الجمال عليك ياكبير

رد: رساله الى كارهى الكرال
 

حبيب قلبى ياغالى
التلات انواع كرال كلهم نفس الامكانيات فى الاداء
والفرق الوحيد بين التلاته هو فى الدبشك
وبصراحه دبشك الرمايه رهيييييييب ومسكته محكمه
وان شاء الله هاحاول اشوف نجار كويس ويعملى واحد زيه

رد: رساله الى كارهى الكرال
 

هههههههههههه و الله انت الى حبيبى يا عم محمد :) اصل الواحد كان محتار بينها و بين البنى :rolleyes:

رد: رساله الى كارهى الكرال
 

هههههههههههههههههه
هو بصراحه الدبشك شكله حلو ياكبير ومغرى
وبرده الكرال الاسود جميله جدا ومنسقه المظهر

رد: رساله الى كارهى الكرال
 

ههههههههههههههههههههههههههههههههههههههههههههههه
بجد انت ملكش حل احلى تقيييم فى الدنيا كلها على الاسلوب بس مش على التعديلات
تعديلات جميله وافكارك حلوه بجد تسلم ايدك
السوسته بتبقى ارزاق وعلى حسب حظك هى من اللى بقو يتفكو ولا اللى جايين زى ما هما
الجلبه بقى يا معلم هتتغير هتتغير هى كويسه اه بس مش ده الاداء الكامل بتاعها
اكسر الماسوره وزحقك صباعك الصغير على مكان خروج الهوا وكمل تعمير لو شفطت صباعك تبقى اصلى لو مشفطتش يبقى مش ده الاداء الكامل
فكره تلبيسه دراع التعمير جميله بس فى اسهل منها
هوه انك تفصل حتتين بلاستيك
انا بعمل كده عن نفسى
اعمل حدافه بقى والبندقيه مش هيبقى ليها حل
التجميع جميل والماتش جميل والديابلو جمع بين رخص السعر ونضافه المستورد وسرعته عاليه
الجامو هانتر برده رشايه محترمه جدا
بالتوفيق يا كبير وتسلم ايدك ودماغك وانا عن نفسى مبهور بطريقه سرد الموضوع
اما عن اللى بيحب الكرال
انا بعشقها ومن حبى فيها جبت وحده نمره واحد (عيار 4.5)
ادعيلى بقى اظبطها وهبقى اقولك بعد التظبيط
لك منى احلى تحيه

رد: رساله الى كارهى الكرال
 

والله السودا العاديه عندى احسن بص على مسكتها فايد اخونا هاشم
انا اوقات حد بيشوفها معايا
بيجيب ورا بس نفى اكمل تمويهها زيك بس مش لاقى قماش زرعى تانى
هههههههههههههههه

http://im30.gulfup.com/2012-05-31/1338486762841.jpg

رد: رساله الى كارهى الكرال
 

ههههههههههههههههههه
حبيبى ياعادل بك والله
وطبعا حضرتك من الناس الجميله اللى كلنا بنستفيد منها وبالاخص فى الكرال
وبالنسبه لموضوع قطعتين الزراع ان شاء الله هاحاول اعمل زى حضرتك واكيد طبعا هايكون افضل
وبالنسبه لجلبة البستم انا فعلا عملتلها الاختبار ده وكانت زى الفل والله
اما بقى موضوع الحدافه فياااااااااااريت حضرتك تعمل معايا واجب وتبعتلى المواصافت والمقاسات بالظبط عالخاص عشان انفذها لو مفيش مانع
وتبقى كده عملت معايا احلى واجب
وهافضل ادعيلك من هنا للسنه الجايه
ههههههههههههههههههههه

رد: رساله الى كارهى الكرال
 

ههههههههههههههههههه
والله انت لو كنت قريب منى كنت جبتلك القماش لغااااااااااية عندك
وحتى كانت تبقى فرصه جميله اتعرف على حضرتك
لكن مع الاسف بين اسكندريه وشبرا مسافات ومسافات وبلاد وبحار وجبال وسكة سفر
هههههههههههههههههههه
وعلى العموم لو تعرف تبعتلى حد انا ممكن ابعتلك القماش هديه معاه
وبجد مش عزومة مراكبيه

رد: رساله الى كارهى الكرال
 

الله يكرمك يا باشا
وعلى فكره التكاتك خلت مصر قريه واحده
يعنى توكتوك من اسكندريه لهنا مش قصه
هههههههههههههههههههههه


بس يا باشا انا مش عايز قماش فاتح زى حضرتك
اصلى بعيع عنك كءين وبحب الغوامق
ههههههههههه

تحياتى يا كبير
وعشان اشوفك اجيلك جرى يا باشا

رد: رساله الى كارهى الكرال
 

Re: رد: Re: رساله الى كارهى الكرال
 

[quote=القبطان المصرى22;377247]و الله انا خايف جدا من حكاية البندقية ديه عشان مجبش كرال وحشة و اتعقد من الصيد
بس خلاص انا حعمل بنصيحتك و اجيب الخشب بس ايه الفرق بقى بين نمرة 1 و نمرة 2 وانى الاحسن فيهم
و انت اشتريتها من حد عندنا فى اسكندرية ولا من استاذ محمود شلبى اصل انا كنت بفكر فى استاذ هشام سمير

رد: رساله الى كارهى الكرال
 

الله يكرمك ياباشا
وشكرا على كلامك الجميل وردك الاجمل

رد: Re: رد: Re: رساله الى كارهى الكرال
 

[quote=Mohamed Abd El-Hamid;377311]الاستاذ هشام سمير طبعا راجل محترم وذو سمعه جيده جدا
لكن انا قلت على الاستاذ محمود شلبى عشان هايعملها التعديلات
ومش عارف بصراحه الاستاذ هشام بيعمل التعديلات دى ولا لا
وانا من راى تجيب نمره 2 احسن وافضل
وطالما هاتجيب الكرال وتعملها التعديلات اللازمه يبقى مفيش تعقيد ان شاء الله

رد: رساله الى كارهى الكرال
 

وانا كنت وصيت صديق ليا اشترهالى من عند نبيل فتح الله محطة مصر اسكندريه
بس طبعا كانت من غير تعديلات

Re: رساله الى كارهى الكرال
 

و بتصطاد منين بقى
مع العلم ان انا ساكن فى ك21 و ادامى اراضى تين بتاعت عرب بس لو اصطدت فيها هم اللى حيصطدونى بس بحى مش رش

رد: رساله الى كارهى الكرال
 

الاخ العزيز القبطان بعد التحية.
أحلى تقييم لموضع حضرتك المميز خاصة فكرة تلبيسة دراع التعمير.
ماعندكش فكرة عن مدى سعادتى كلما رأيت موضوع جديد عن الكرال وافكار جديدة وتعديلات جديدة لهذه البندقية لأنى بأحس اننى كنت على حق فى تقييمى لهذه لبندقية منذ اكثر من 20 شهر عندما ظهرت هذه البندقية فى الاسواق المصرية وكان عليها هجوم شرس لدرجة ان البعض أكد انها صناعة صينى وليست تركى.
اخى العزيز هذه بعض الروابط القديمة حتى يعلم محبى الكرال كيف كانت بداية هذه البندقية فى الاسواق المصرية وكيف وصلت الى ماهى عليه الان بفضل الاخوة الاعضاء وتعديلتهم.

http://www.egypthunt.net/showthread.php?t=3171

http://www.egypthunt.net/showthread.php?t=3019

خالص تحياتى للجميع.

رد: رساله الى كارهى الكرال
 

رد: رساله الى كارهى الكرال
 

رد: Re: رساله الى كارهى الكرال
 

انا ياباشا شغال فى مدينة النوباريه
وهناك طبعا زى مانت عارف مناطق زراعيه كتير
انا بقى باصطاد دايما هناك لما ظروف شغلى بتسمح

رد: رساله الى كارهى الكرال
 

الف الف شكر ليك ياعادل بك على مرورك الجميل
وردك الاكثر من رائع
وفعلا حضرتك من اول الناس اللى كانت ليها وجهة نظر محترمه عن الكرال
وانت من اكتر الناس اللى مواضيعها شجعتنى على شرائها

رد: رساله الى كارهى الكرال
 

متقولش حاجه يااستاذ محمد
كفايه عليا مرورك اللى زود الموضوع تألق وحلاوه
ربنا يكرمك ومايحرمنى من ردودك المشجعه ابدا

رد: رساله الى كارهى الكرال
 

الله يكرمك يا وليد بك ويخليك لينا
وردك ده اكبر دليل على ان الكرال فعلا محترمه
لأنك من مالكيها

Re: رساله الى كارهى الكرال
 

يا ادارة .... اطالب بغلق الموضوع ......... عشان الراجل ده و الموضوع
احب اقوللو منك لله .... عقدتنا كلنا ........ روح يا شيخ ربنا يجعلك في كل خطوة يمامة

رد: رساله الى كارهى الكرال
 

الله ينور عليك يا قبطان موضوع جميل واحلي تقييم
يا تري السوستة طلعت كويسه واخبارها ايه معاك

رد: رساله الى كارهى الكرال
 

أيه يا قبطان الكلام ده؟؟؟
ده يا فندم من أحسن المواضيع اللي شوفتها في المنتدى الحلو ده... و حياة الكرال عندك ثبتو... تقييم 100/10 :)
تقبل مروري.. :)

رد: رساله الى كارهى الكرال
 

اية الجمال والحلاوة دية مشكووووووووووووووووووووووووووووووووووووووووووور يا قبطان موضوع ممتااااااااااااااااااز

رد: رساله الى كارهى الكرال
 

تم تثبيت الموضوع

رد: رساله الى كارهى الكرال
 

شغل عالي يا قبطان و مبروك التثبيت

Re: رساله الى كارهى الكرال
 

مبروووووووووووووووك التثبيت

رد: Re: رساله الى كارهى الكرال
 

حرام عليك يابيبو غلق ايه ياراجل
هههههههههههههههههه
وبخصوص الدعوه الاخيره طبعا هافضل اقول اميييييييييييييين لغاية السنه الجايه

رد: رساله الى كارهى الكرال
 

الله يبارك فيك يا استاذ عادل وشكرا على التقييم
والسوسته اللى كنت كلمتك عنها طلعت مضروبه
لكن جبت واحده تانيه والحمد لله عشره على عشره
وعلى فكره انا بعد ماكلمتك اتصلت بالاستاذ عادل عبده برده

رد: رساله الى كارهى الكرال
 

ربنا يخليك ياباشا
والله ده وسام على صدرى كلامك
واكبر واحلى تحيه لحضرتك

رد: رساله الى كارهى الكرال
 

اشكرك استاذ محمد جدااااااااا
واتمنى يكون فعلا عجبك الموضوع

رد: رساله الى كارهى الكرال
 

ربنا يخليك لينا يامشرفنا الغالى

رد: رساله الى كارهى الكرال
 

الله يبارك فيك يامحمد باشا
فينك كده مختفى ليه من فتره؟؟

رد: Re: رساله الى كارهى الكرال
 

حبيبى يابيبيتو والله
ده بفضل دعواتك وتقييماتك الجميله دايما

رد: رساله الى كارهى الكرال
 

الله يخليك يا فندم, و أنا كده الحمد لله وجهتني للكرال تأكدت و إن شاء الله أجيبها قريب أوي.. :)

رد: رساله الى كارهى الكرال
 

يا جماعه انا ازاى ممكن اعرف ان البندقيه الكرال اللى قدامى دى كويسه (مش بطيخه قرعه )وخصوصا انى من اسيوط يعنى هضطر انى انزل مصر ومفيش ابدا امل انى بعد ما اشتريها ارجع علشان اغير فيها حاجه يا ريت يا جماعه تفيدونى لو سمحتم

رد: رساله الى كارهى الكرال
 

الحل الوحيد انك تشوف محل مضمون يكون بيبيعها وبيعملها التعديلات فى نفس الوقت تجيبها من عنده
وبكده مش هاترجع مصر تانى عشان التعديلات

رد: رساله الى كارهى الكرال
 

طب بعد اذنك يا سيادة القبطان وبعد اذن الاعضاء ممكن حد يقولى فين ممكن الاقى اضمن محل فى مصر وبرضه يعنى تكون اسعاره معقوله ولكم منا وللسادة الخبراء والاعضاء خالص تحياتى

رد: رساله الى كارهى الكرال
 

انا اسمع عن محل الاستاذ محمود شلبى فى القاهره انه راجل محترم
اسأل على عنوانه فى المنتدى هنا وروح له

رد: رساله الى كارهى الكرال
 

اى حكاية النشان البيتغير بعد كل ١٠ رشات مثلا و كل شوية لازم بتظبط تانى؟

رد: رساله الى كارهى الكرال
 

رد: رساله الى كارهى الكرال
 

تمام وحلها عند البرنس عادل عبده
بيعمل حاجه انسى النيشان يخلف ولو بعد مليون رشه

رد: رساله الى كارهى الكرال
 

طيب يا جماعه ايه نظام الناس اللي في اسكندريه ؟؟؟؟؟؟؟؟؟؟

رد: رساله الى كارهى الكرال
 

رد: رساله الى كارهى الكرال
 

رد: رساله الى كارهى الكرال
 

++++++++++++++++++++1

Re: رساله الى كارهى الكرال
 

لو سمحت ممكن تعرفنا حضرتك عملت التموية اللي على بندقيتك ازاي؟؟؟

Re: رساله الى كارهى الكرال
 

لو سمحت بعد اذنك ممكن تعرغني حضرتك عامل التمويه اللي على البندقية ازاي؟

Re: رساله الى كارهى الكرال
 

بعد اذن صاحب الموضوع
راجع الموضوع ده يا باشا
http://www.egypthunt.net/showthread.php?t=28907

رد: رساله الى كارهى الكرال
 

الف شكر يا كبير،و اتمنى ان ا/نبيل فالاسكندرية ممكن يسعدنى فالموضوع ده ان شاء الله.

رد: Re: رساله الى كارهى الكرال
 

شكرااااااااااااااااااااا جزيلا

رد: Re: رساله الى كارهى الكرال
 

معلش لو فيها غلاسة مني
انا اليوم كنت رايح اشتري واحدة كرال بس انا عايز دبشك خشب والراجل عمال يوقلي مفيش فرق بينهم بس انا صممت على الخشب راح قالي استنى اسبوع كدة عشان اجيبهالك
حضرتك رايك اية هل الدبشك الخشب افضل فعلا خصوصا ان رد فعل البندقية وصوتها عالي شوية
ولية الديانا دايما بتصنع البندقية دبشك خشب ما كانت عملتها فايبر مثلا
ولك جزيل الشكر

رد: Re: رساله الى كارهى الكرال
 

١++++++++++++
كنت حابب اسأل هل عيوب الكرال العتله اقل من الكسر؟ و قطع غيار العتله متوفره مثل الكسر؟

رد: رساله الى كارهى الكرال
 

الكرال بندقيه كويسه بالنسبه لتمنها فقط
لان خامتها زى الزفت سواء حديد او دبشك وخصوصا الفيبر
ومجموعه الزناد تحس انها صفيح جمب الالمانى والاسبانى
ده غير عيوب السوست من الاخر بندقيه عامله زى العربيات الكورى

رد: Re: رساله الى كارهى الكرال
 

هو فعلا كلهم نفس الامكانيات
لكن الفرق فى الدبشك بس
وطبعا الدبشك الخشب اقوى من الفايبر

رد: رساله الى كارهى الكرال
 

طيب وهو مين قال لحضرتك اننا قارناها بالالمانى او بالاسبانى؟؟؟
وبعدين هى الديانا الالمانى والنوريكا او الجامو الاسبانى بكام؟؟ والكرال بكام؟؟
مع احترامى لرأى حضرتك طبعا

رد: رساله الى كارهى الكرال
 

كنت حابب اعرف هل الكرال نمره ٢ قادره على قتل كلاب او ثعالب مثلا؟ و انا قصدى للمعرفه،تحياتى و بشكرك على متابعتك المستمره للموضوع.

رد: رساله الى كارهى الكرال
 

ايه يا دكتور :) الكرال طبعا تقتل لكن المهم تضرب فين و بايه ؟ و المسافة ...لك تحياتي

رد: رساله الى كارهى الكرال
 

يا محمد بيه بشاور عقلى اليومين دول مبين العربية او البندقيه عشان كده بسأل اليومين دول،شكلى كده حعملها و حجبها رمايه و ربنا يسهل،ادعيلى بس.

Re: رد: رساله الى كارهى الكرال
 

مع احترامي لحضرتك طبعا .... الدايو لانوس اول ما نزلت اتقال عليها كدة .... ما هي كوري لكن شوف دلوقتي عاملة ازاي ؟؟ و سمعتها ؟؟ و سعرها بقي عامل ازاي ؟؟؟ بعد ما كان سعرها في الارض و اثبتت جدارتها ....... اتقلوا علي الكراااال شوية كدة

رد: رساله الى كارهى الكرال
 

ازيك ياقبطان اخبارك ايه بصراحة الموضوع جميل وريحنى كتير لانى اللى حصل معاك فى الاسعار والشراء هو اللى حصل معايا بالظبط لكن الله ينور عليك ياراجل ياطيب فاضل بقى اجيبهالك تظبطهالى ههههه

رد: رساله الى كارهى الكرال
 

معلش أنا عندي سؤال فني شويه بخصوص ماسوره الكرال و ياريت حد عنده الكرال يساعدني

عدد الشخشنات كام؟ و طول و عرض الماسوره أيه؟
و الماسوره سهل تتفك و تتقصر ولا ملحومه ؟

رد: رساله الى كارهى الكرال
 

اكيد طبعا ياباشا ان شاء الله تقتل ونص
بس المهم زى مامحمد باشا قالك
الضرب يكون فى الرأس ومن مسافه قصيره
لأن مهما كان الكلاب عندها قوة تحمل عاليه ولازم تضرب فى مقتل

رد: Re: رد: رساله الى كارهى الكرال
 

اشطه عليك يابيبو ياجامد

رد: رساله الى كارهى الكرال
 

هههههههههههههههه
ياباشا انا تحت امرك طبعا
بس المهم الوقت
لأنى زى مانت عارف شغال بره اسكندريه ومش باكون موجود باستمرار

رد: رساله الى كارهى الكرال
 

مع الاسف والله انا محاولتش اعد الشخشخنات بتاعتها قبل كده بس على ما اعتقد انها ممكن تكون 8
وطول الماسوره 45.5

رد: رساله الى كارهى الكرال
 

انا الحمد لله لسه شارى بندقية كرال رماية،بس بعد ضرب رشتين شميت ريحه شيات فاى رأيكم مع العلم انى مشحمتهاش؟؟؟
تانى حاجه ممكن صوره لمكان الكاتم بتاع الكرال الجديده و ازاى افرق هل ده جديده ولا قديمه و لو ممكن صور اكون شاكر ليكم.