نرجو عمل قسم للمعلومات الخاصة بالبنادق
 

الاخ العزيز عاصم كل سنة وانت طيب بمناسبة العام الجديد الذي اتمني من الله ان تحقق فية كل ماتتمناة علي المستوي الشخصي وعلي تطوير المنتدي .
انا عايز اطرح فكرة كنت بتناقش فيها مع الاخ اسامة (تاون سنيبر ) وهي ان احنا نعمل قسم داخل المنتدي يكون مرجع لجميع انواع البنادق (ضغط الهواء) يكون فية الموديل والصورة ولو امكن نجيب من علي النت المسلسل الخاص بيها وسنة الصناعة وبلد المنشاء ......الخ
ودة هيكون مرجع للاعضاء يقدروا من خلالة الاطلاع علي جميع المعلومات الي هما عايزنها واحنا معانا في المنتدي ناس كتير جدا عندهم معلومات كتيرة ومفيدة وايضا النت علية كل المعلومات دية وممكن كل عضو يكتب فية الي يعرفة او الي يقدر يجيبة من النت ومن امثال الي عندهم هذة الملكة محمد انور - اسامة (تاون سنيبر ) طلعت بخيت
اسامة خطاب - احمد كمال - اشرف باهي - وطبعا شيخ المنتدي وعمنا الكبير الواء صلاح - وكل الي عندة معلومة او صورة سواء تاريخية او حديثة وانا خايف انسا حد من الاسماء احسن يزعل مني .
ومن الممكن يا عاصم ان تكون موسوعة تاريخية وتبقا حاجة جديدة في الوطن العربي ونتميز عن باقي المنتديات
مش عارف الفكرة كويسة ولا اية وعلي فكرة اسامة (تاون سنيبر ) ابتدا الموضوع دة عمل مرجع علي ال bsa ودة شئ ممتاز .....
انا بقول فكرة جديدة لعام جديد لاحلي منتدي وصيادين

رد: نرجو عمل قسم للمعلومات الخاصة بالبنادق
 

فكره جميله يا استاذ جلال بجد ربنا يكرمك انت و استاذ اسامة
و يا ريت تبقى حاجه مقفوله نسبياً يعنى الموضوع يبقى عامل زى صفحه الويب العاديه مش منتدى عشان انا كل ما بدخل على منتدى عشان اجيب معلومات بلاقى حاجات حلوه قوى بس الفكره ان بيبقى فيه فى وسط المعلومات دى رغى كتييير جداً ممكن يزهق الواحد او يخليه ينسى المعلومه اللى داخل عشانها اصلاً و ممكن المعلومه تبقى فى الصفحه الخمستاشر و اللى فى الاول كله ملهوش لازمه للدرجه.
و تكمل بقى لو نعمل صفحه تابعه للصفحه الاساسيه دى اللى محدش ممكن يغير فيها غير الأدمن تبقى لمشاركه الخبره او الاسئله و الذى منه :)
بجد تبقى حاجه حلوه جداً لو اتنفذت يا استاذ عاصم :) ربنا يوفقكم جميعاً

رد: نرجو عمل قسم للمعلومات الخاصة بالبنادق
 

الله ينور عليك يا أستاذ جلال. أنا كنت بتكلم مع اخويا ساعة ماشتراكت فالمنتدى وقلتله إزّي حاجة زي دي ماكانتش موجودة في المنتدى. واقترح أيضًا إن هذا القسم لا يمكن غير للاعضاء فقط مشاهدته وإلا سوف يتم تقليده فموقع اخرى.وبالمرة سينتفع الاعضاء بقيمة البحث والمشاركة.ولا انفي عن نفسي ذلك فـأنا لست من المشاركين في البحوث,فقد شاركت في 3 أو 4 مواضيع فقط. كما ان المنتدى ليس للمتعة فقط, بل لابداء الرأي الاخر.
جزاك الله خيرا