كرال (مزايا وعيوب وكيفية التغلب عليها)
4 مرفق
الكرال من البداية حتى النهاية كثيرا ما يسال الأعضاء في الفترة الأخيرة عن الكرال وهل هي جيده أم لا وكمية المشاكل التي تظهر بها وأيه المشاكل اللي فيها والفيبر أحسن ولا الخشب وكل الأمور أنا حبيت انقل التجربة باعتبار أن معايا كرال بفضل الله وإيه مشاكل ومميزات البندقية بالكامل لأنها موجودة في أكثر من موضوع والأول لازم أوجه شكر يستحقه التالي أسمائهم مع حفظ الألقاب Qoldus عادل عبده adel152 محمود شلبي لأني استفد منهم جدا انا هحط الموضوع في ورشة الاسلحة عشان التعديلات اللى ممكن تتعمل وتفيد الناس وتعالج عيوب البندقية وعشان بصراحه موضوع adel152 موجود في القسم ده واهو موضوع جميل وشيق وهحط كل الاسئله الإجابات من وجه نظر صياد مبتدأ ( العبد لله) مش خبير وده ممكن يكون مفيد أكتر لزملاء الجدد اللي زي حلاتي. 1- أنهي أحسن الكرال الخشب ولا الفيبر وأيه الفرق بين الماجنوم والرماية؟ كل الكرال واحد ولا يوجد فرق بينهم تقريبا إلا في شكل الدبشك فقط لا غير ده رأي أنا الشخصي. من حيث السرعة والمشكل اللي فيها. بس هنا كان أ/ Qoldus (ربنا يبارك فيه ويديله الصحة) ليه رأي أخر وهو الفيبر البني لأنها واخده الايزو بس أنا جبت الخشب وكان على ألكرتونه أنها واخده الايزو برده لكن لو هتجيب الخشب هات الدبشك الخشب القصير من الطويل لان الطويل بحك النيشان الخلفي فيه وهقول أزاي حليت المشكلة دي برده في وقتها. 2- هيا كويسه لواحد مبتدأ؟ البندقية تعتبر من البنادق الهاي بور وليها رد فعل عالى شوية وممكن تبدأ بيها أو يفضل حاجه تكون أهدى شويه ورد فعلها قليل ودى كانت نصيحة ليا برده من الأستاذ/ Qoldus وفعلا نصيحة مفيدة ولابد أن تأخذ في الاعتبار بس الحمد لله أنا برده اهو بتعامل معاها كويس وهيا كده كده بعد فترة بتقل شوية. 3- هيا إيه مميزات الكرال؟ انأ بدأت بالمميزات عشان نقولها ونخلص على طول لان العيوب ليها قصة لسه جاية - بندقية تعتبر من بدايات الهاي باور - السعر الكويس جدا بالنسبة للأسعار الحالية - خفه الوزن بالمقارنة ببعض البنادق الاخرى - سهله البيع والشراء لان أصبح عليها طلب لو مش عجباك سهل تبيعها. 4- هيا إيه عيوب الكرال؟ هنا بقه لازم ارجع اشكر الناس اللى قولت عليها في الأول تانى بصراحة وان شاء الله هقول المشاكل اللى قبلتني وازاي تتحل. أول حاجه السوسته (بتتكسر ولا لأ) انا اللى معايا محصلش فيها كده ولما جبتها من أ/ هشام سمير قالى مش محتاج تغير سوسته لان الاصدار الجديد تم معالجه الجزء ده فيه بس أ / adel152 قال مافيش اصدارين ولا حاجه فيها. انا مش خبير زي ما اتفقنا فمش هقدر افتى فى اللى معرفوش بس انا شوفت شكلين فعلا ليها والاختلاف بيكون في الحلية اللى عليها النشينكان الامامي المهم أنها متكسرتش وبرده غيرت سوسته بواحدة تانى مصري كويس لكن الأفضل تغير السوسته بواحدة اسباني ومهم قوى حكاية اسباني أصلي دي هتحافظ فيها على قوة البندقية والسويسته مش هتريح معاك بسرعة. ايه مشكلة عدم ثبات النشينكان الخلفي فعلا النشنكان الخلفي كان بحك جامد في الدبشك عند الكسر وأنا عملت حفر للدبشك حولين النشنكان ووسعت ليه براحته يطلع وينزل على مزاجه زي الصورة المرفقة في الموضوع وتم ضبطه وتمام التمام. وبعدها ركبت سكوب كمان يله محدش واخد منها حاجه. حكاية الجلب دي ايه محتاجه تغيير والله اللى حصل معايا زي السوسته بالضبط كانت الجلب كويسة والنجم محمود شلبي قالى مي محتاجه تغيير الجلب كويسه وممتازه بس انا قولته بالمره غيرها وفعلا غيرتها بواحده اسباني اصلي والحمد لله. زيادة تأكيد الفيبرا اللى على الدليل والوردة اللى فوقيها دي حته فيبرا بتكون متركبه على الدليل تحت السوسته بس معمولة فبر ودي قالى عليها النجم محمود شلبي وعادل عبده وقالى قبل ما يفتح البندقية انها هتلاقيها يا مكسورة أو معضعضة وفعلا كانت معضعضة والوردة اللى فوقيها كانت مكسورة (كسرت من ناحيه واحده) مرفق صورة القطعة الفيبر تم عمل واحده أخر وورده حديد أخر عند خراط بنفس المواصفات ودي تم عملها من البلاستيك الألماني القوى (التيفلون) والوردة اتكلفو 20 جنية بس بصراحة أفضل واقوي ميت مرة من الأصلية ودي اللى قالي عليها أ/ عادل عبده غير حاجات تانى كتير جدا دوشته فيها هههههه وأ/ محمود شلبي عملها من الحديد برده عند الخراط وكمان عمل فكرة اجمل انه عمل الدليل كله بدل ما هو 3 اجزاء عمله حته واحده عند الخراط وده يخليه أقوى وامتن ميت مرة من الأصلي بصراحة واسف نسيت اصور القطعة الجديدة قبل ما اركبها. أما الأستاذ/ adel152 بصراحة كان ليه السبق في موضوع الكرال وهو مرجع جميل للبندقية دي فعلا وربنا يبارك ليه على المجهود والمعلومات اللى فاد بيها الأعضاء ولو فيه حد عنده مشكله فيها أو عايز يضبطها من غير كلام وعلى محمود شلبي رجولة وخفه دم وأخلاق الدنيا فيه بصراحة والاهم من كده في وجهه نظري انه صياد يعنى مش مجرد ورشة بيصلح الحاجة وخلاص ولا مسالة تجارة لا فاهم بيعمل أيه. واللي عايز يشتري الكرال بسعر كويس فعلا ومش زي المحلات عندك أ/ هشام سمير وأ/ محمود شلبي بردة موجودة عنده. واللي عايز يعرف أي معلومة عن البندقية و يتعرف على صياد جدع قوى وراجل جدا يكلم عادل عبده هههههههه هيدعي عليا دلوقتى عشان هخلى الناس تهريه اتصال حاجه أخيرة برده وهو أيهما أفضل الكرال أم ( الاسبانيات ـ والصيني) كل بندقية ليها طعم وشكل مختلف عن غيرها والكرال مينفعش تتقارن بحاجه اسباني كده ترميها في الزبالة هههههه قارنها بالرمسيس المعادي وسط البلد كده يعنى القرار في الأخر بيتوقف عليك أنت في حاله الشراء من ناحيه المادة وتقييمك للمعلومات اللى عرفتها عنها وحاجات كتير جدا. أتمنى أن الموضوع يكون لم بقدر الإمكان بالمعلومات اللى الناس بتسال عليها. ويارب السنه دي تكون خير على البلد وعلى الكل بأذن الله. |
رد: كرال (مزايا وعيوب وكيفية التغلب عليها)
تقيم وان شاء الله الموضوع يتثبت موضوع جميييييييل جدا
وشكر على المجهود الرائع |
رد: كرال (مزايا وعيوب وكيفية التغلب عليها)
مجهود رائع يا باشا
|
رد: كرال (مزايا وعيوب وكيفية التغلب عليها)
موضوع ممتاز جزاك الله خيرا اخى
___________ سبحان الله وبحمده سبحان الله العظيم |
رد: كرال (مزايا وعيوب وكيفية التغلب عليها)
اقتباس:
اقتباس:
اقتباس:
|
رد: كرال (مزايا وعيوب وكيفية التغلب عليها)
يااااااااااااااااااااااااااااااااااااااااااانهار ابيض
انا ازاى شوفت الموضوع ده متأخر بس انت راجل محترم بجد ياعم امين انك بتنقل العلم ويعلم ربنا انى كان نفسى اعمل موضوع زى ده بس انا مش بعرف انسق المواضيع واعمل موضوع رائع زيك كده بجد تسلم ايدك وجزاك الله خير الجزاء ملحوظه :ماعاش ولا كان اللى يدعى عليك يا عم امين وربنا يجمعنا بيك على خير بأذن الله يارب ومتحرمش منك ابدا يا غالى |
رد: كرال (مزايا وعيوب وكيفية التغلب عليها)
تم تثبيت الموضوع لتعم الفائده على الجميع ويرجع حق البندقيه الغلبانه ديه ليها ويتردلها اعتبرها
|
رد: كرال (مزايا وعيوب وكيفية التغلب عليها)
اقتباس:
وانت لما بتعمل موشوع بيكون احسن من كده كمان |
رد: كرال (مزايا وعيوب وكيفية التغلب عليها)
السلام عليكم
انا الآن أطمنت عن الأول ، لان الموضوع كان تاعبنى جدا ، وكنت خايف على الفلوس بصراحة ( لانها مش جاية بالساهل) على كل حال أنا الآن فى انتظار مكالمة من الاخ هشام او الاخ محمود شلبى عشان أروح أستلم الكرال الخشب ، وبعد الكلام ده كله لو حصل فيها حاجة غريبة هيكون نصيبى كدة وأشكر الاخ عادل والاخ توتو لانى تعبتهم معايا فى الموضوع ده ، وهما يعلم الله لم يقصروا فى شيىء .. فنسال الله ان يبارك فيهما ملحوظة: انا بتكلم شوية فصحى وشوية عامية (ولو كان عليا اتكلم فصحى دائما فهى لغتنا الجميلة التى اختارها الله تبارك وتعالى لكتابنا الخاتم) |
رد: كرال (مزايا وعيوب وكيفية التغلب عليها)
الله ينور يا باشا
|
رد: كرال (مزايا وعيوب وكيفية التغلب عليها)
موضوع جميل جداً و متميز , واسمحلى أضيف بعض الصور لقاعدة السوستة , ودى موجودة عند محمود شلبى السوداء دى البلاستيك , اللى على الشمال دى مكسورة و محمود كان عامل المعدن دى علشان تتركب مكانها http://im12.gulfup.com/2012-01-21/1327150746992.jpg http://im12.gulfup.com/2012-01-21/1327150746984.jpg http://im12.gulfup.com/2012-01-21/1327150746593.jpg http://im12.gulfup.com/2012-01-21/1327150746765.jpg |
رد: كرال (مزايا وعيوب وكيفية التغلب عليها)
اقتباس:
اقتباس:
اقتباس:
|
رد: كرال (مزايا وعيوب وكيفية التغلب عليها)
لو سمحت عاوز عنوان محمود شلبى ورقم تليفونة وشكرا جدا ليك
|
رد: كرال (مزايا وعيوب وكيفية التغلب عليها)
اقتباس:
نمرته 01002075115 |
رد: كرال (مزايا وعيوب وكيفية التغلب عليها)
اقتباس:
ههههههههه |
رد: كرال (مزايا وعيوب وكيفية التغلب عليها)
راااااائع رائع بجد الله يكرمك واضح جدا الجهد الكبير المبذول فيه
ويستحق التثبيت وربنا يجزيك خير وكل مضيفي المعلومات في الردود : المحترم عادل عبده المحترم محمد حسن |
رد: كرال (مزايا وعيوب وكيفية التغلب عليها)
اقتباس:
|
رد: كرال (مزايا وعيوب وكيفية التغلب عليها)
السلام عليكم ورحمه الله وبركاته فى البداية انا ليا الشرف انى اعرف الكتير من الناس الى ردوا فى الموضوع وكمان اعرف عادل عبده والنجم حوده شلبى وفعلا انا بصدق على كلام الاخ صاحب الموضوع لان الكرال الى انا اختها من محمود شلبى شغاله زى الاكس والنيشان اصبح بدقة متناهية بعد تركيب الاسكوب وبالمرةاشكر اخويا طارق على الاسكوب المتين .
كرال + اسكوب = صيد وفير |
رد: كرال (مزايا وعيوب وكيفية التغلب عليها)
اقتباس:
|
رد: كرال (مزايا وعيوب وكيفية التغلب عليها)
مجهود رائع تسلم ايدك
|
رد: كرال (مزايا وعيوب وكيفية التغلب عليها)
اقتباس:
|
رد: كرال (مزايا وعيوب وكيفية التغلب عليها)
ايه يا امين باشا الجمال ده
اسف انى مشوفتش الموضوع ده وبجد انا خسرت كتير انت كده حتنافس عادل عبده على لقب ملك الكرال هههههههههههه تحياتى |
رد: كرال (مزايا وعيوب وكيفية التغلب عليها)
الله ينور يا ريس و لك تقييم و يستحق التثبيت ...بالتوفيق دائما
|
رد: كرال (مزايا وعيوب وكيفية التغلب عليها)
اقتباس:
بس عادل عبده انا اشتفتد منه كتير وناس تانيه ذكرتها في الموضوع وبعدين أ/ Adle152 الناس دي اللى يتقال عليها كده وطبعا الباشا الكبير قوى قولدس فدني كتير بكذا نصيحة ربنا يبارك فيه ويديله الصحة |
رد: كرال (مزايا وعيوب وكيفية التغلب عليها)
اقتباس:
|
رد: كرال (مزايا وعيوب وكيفية التغلب عليها)
جزاكم الله خيرا علي المعلومات القيمة
ممكن سؤال افضل نوع تليسكوب يركب علي الكرال ؟ و لكم جزيل الشكر |
رد: كرال (مزايا وعيوب وكيفية التغلب عليها)
اقتباس:
لان كل التلسكوبات اللى موجودة دلوقتى صيني بس تصنيعها كويس |
رد: كرال (مزايا وعيوب وكيفية التغلب عليها)
الاخ عادل عبده انسان محترم جدا ولا يبخل بالنصيحه على احد
يعنى انا عاوز اعرف هل الاخ محمود شلبى عنده ورشه لصيانه الكرال وتغيير السوسته الخاصه بها وهى متوفره عنده وسعرها كام ؟ |
رد: كرال (مزايا وعيوب وكيفية التغلب عليها)
موضوع هايل فعلا
|
رد: كرال (مزايا وعيوب وكيفية التغلب عليها)
اقتباس:
وأ/ محمود شلبي صياد في الاساس وهو عنده محل لمستلزمات الصيد والراجل بيعمل صيانه لاي بندقية سوء الكرال أو غير على فكرة بس هو اسمه ارتبط بالكرال ههههههه اقتباس:
|
رد: كرال (مزايا وعيوب وكيفية التغلب عليها)
اقتباس:
انشاء الله هجيب تاسكو 3x9x42 |
رد: كرال (مزايا وعيوب وكيفية التغلب عليها)
اقتباس:
|
رد: كرال (مزايا وعيوب وكيفية التغلب عليها)
جزاك الله خيرًا يا أخي على المجهود الرائع ده وجعله الله في ميزان حسناتك
|
رد: كرال (مزايا وعيوب وكيفية التغلب عليها)
اقتباس:
|
Re: كرال (مزايا وعيوب وكيفية التغلب عليها)
تسلم ايدك وموضوع رائع جدا وكل الاخوه الصيادين بجد اسلوب راقي جدا في المعمله
|
Re: كرال (مزايا وعيوب وكيفية التغلب عليها)
طب ايه الفرق بين الرمايه والعاديه!!!؟؟؟؟؟؟
|
رد: Re: كرال (مزايا وعيوب وكيفية التغلب عليها)
اقتباس:
|
رد: كرال (مزايا وعيوب وكيفية التغلب عليها)
سلمت ولك الشكر
|
الساعة الآن 02:14 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir