|
ما هو المدى المؤثر لبندقية المعادي؟
السلام عليكم ....
يا ريت يا جماعة لو حد يعرف المدى المؤثر لبندقية المعادي ولو اتغيرلها سوستة اسباني زي ما الناس بتعمل (تقريبا سوستة نوريكا جيت) مداها المؤثر قيبقى قد ايه.... وشكرا |
رد: ما هو المدى المؤثر لبندقية المعادي؟
بص يا سيدى هذا الموضوع قتل بحثا من قبل اعضاء مميزين وثقة بالمنتدى وعن تجربة شخصية مع بندقية المعادى والصينى اقدر اقولك ملخص عنها
1 : بندقية رائعة وهى جديدة زيرو 2 : سرعتهم حوالى 125 : 130 متر ثانية 3 : المدى المؤثر تقريبا نصف هذة المسافة يعنى حوالى 60 متر وهى جديدة زيرو عيوبها 1 : تضعف السوستة بسرعة رهيبة وترتخى تماما بعد 2000:3000 رشة 2 : نمرة واحد يحدث انحناء لماسورتها عند الاستخدام الكثير وذلك لسوء خاماتها 3 : النشان الخلفى فى نمرة واحد وفى نمرة اثنين (التى ليس لها بكر ضبط للنيشان وانما جزء بلاستيك يتحرك للامام والخلف ) يتلفوا سريعا جدا بعد حوالى عام استخدام ولا يكون دقيق ابدا بعدها 4 : خشب الدبشك عادة يكسر بعد فترة من الاستخدام وحتى لو حافظت علية فشكلة مش كويس اصلا 5 : جلبة المكبس وجلبة التسريب يجب تغييرهم بصورة دورية لسرعة تلفهم محاولات الاصلاح لها :- حضرتك بتقول ممكن تغير سوستتها بحاجة اجمد اسبانى مثلا بص يا سيدى لو قمت بتغيير السوستة بتاعتها بسوستة من نفس النوع حتى يحدث تاكل باجزاء التعشيق بمجموعة الزناد وهذا ما ستلاحظ بان اغلب الاخوة بيشتكوا منة ( البندقية بتضرب لوحدها او لا تعشق اصلا ) وذلك بسبب هذا التاكل فى مجموعة الزناد واكس الدليل وذلك لضعف الخامات المصنوعة منها البندقية وانها غير مقاومة للاحتكاك والتاكل فما بالك لو ركبت سوستر اقوى من سوستتها الاصلية (نتائج كارسية طبعا) بقدم البندقية هترميها ومفيش شارى لها ابدا دة عن تجربة شخصية لها وناوى اجيب حاجة من الاسباى واهو كلة بيشكر فيها يعنى نوريكا او جامو ودول برقابة المصرى والصينى تقبل مرورىعلى موضوعك الكريم وبالتوفيق انشاء اللة |
رد: ما هو المدى المؤثر لبندقية المعادي؟
نسيت اقولك المدى المؤثر لا يعتمد على السوستة فقط ولكنة يعتمد على كمية الهواء بالمكبس وحجمة ودول ثابتين ولذلك السرعة والمدى ثابتين
ولكن السوستى الاسبانى هتتحمل وتعيش قوية كام شهر زيادة بس |
رد: ما هو المدى المؤثر لبندقية المعادي؟
السلام عليكم ....
بص يا باشا......أولا شكرا على ردك ...... تاني حاجة أنا سمعت شتيمة فبندقية المعادي كتير قوي وفي نفس الوقت سمعت قده مديح فأنا مش عارف اصدق ايه ولا ايه بس طبعا حضرتك بتقول الكلام ده عن تجربه وطبعا دا يحسب في صفك بس المشكلة في ان الحكم بيكون على الامال يعني لو حضرتك أملك انك تصطاد غزالة مثلا بندقية رش مش هتنفع .... وواحد تاني كل إلي عايزه والي هيعرف يصطاده طيور صغيرة ومتوسطة يبقى بندقية رش متوسطة نمرة اتنين هترضي غروره .... طيب أنا عايز أسأل سؤال لو واحد جاب بندقية زي المعادي مثلا وهوة معندوش سابق خبرة ولا بالبنادق ولا بالصيد تفتكر هيكون رأيه زي حضرتك كده ...... هوة ممكن أه بس بعد لما يتعامل شوية معاها ويبقى عايز يتطور. زي مثلا برضو النوريكا ٥٦ ناس كتير بتقول عليها ضعيفة ومش بندقية صيد في حين ان في ناس بتشكر فيها على انها الماني ... وكمان قريت عنها في موقع أجنبي مقيمها ٤،٣ من ٥ يعني نسبه جيده جدا .... يعني العملية نسبيه مش اكتر .. وطبيعي جدا ان بندقية سعرها كده زي المعادي تقيم أنها مش قوية ...... وشاكر جدا مرة تانية لردك على الموضوع .... وربنا يرزقك وتخرج من حفرة المصري لنور الاسباني والألماني والانجليزي كمان ياله انشالله ما حد حوش. |
رد: ما هو المدى المؤثر لبندقية المعادي؟
اقتباس:
|
رد: ما هو المدى المؤثر لبندقية المعادي؟
تمام يا باشا أنا عارف بس أنا كان قصدي أن الناس اللي بتحبها بتشكر فيها جامد زي مابيشكرو في الألماني .
وشكرا على مرورك |
رد: ما هو المدى المؤثر لبندقية المعادي؟
بالهداوه وبلاش قفش فى الكلام
العضو بيزيك لو مواصفات المعادى زى مواصفات الرمسيس فهاتقعد معاك 5 سنين ما تقولش لا ولو ضعفت فضعف بسيط لكن هاتجيبلك طيور لحد غربااااااااااااان ومن مسافه محترمه بردو وكمان احنا صيادين يعنى يهمنا اننا نستخدم سلاح قاتل وليس سلاح له مدى معين وقوه معينه اما المدى المؤثر اللى بتفكرو فيه لو انت صياد صح هاتجيب بالمعادى من مسافه 50 متر كحد اقصى لليمام و40 او 35 متر كحد اقصى للحمام وانت عاوز اكتر من كده ايه؟؟ والصيد هو استخدام سلاح قبل ما يكون مدى وبندقيه والحمد لله لحد ناو معايا بندقيه رمسيس بقالها 5 سنين وما قالتش لا على طير بس علشانا نا فاهمها وواثق فى امكانياتها اللى انا اعرفها وانصحك بالمعادى نمره 1 واعتقد انها نفس مواصفات الرمسيس لانهم نفس المصنع ونفس الخامات بس |
رد: ما هو المدى المؤثر لبندقية المعادي؟
أهلا بيك يا باشا .......
لاقفش ولا حاجة دا انتو كتر خيركو ان انتو بتردو على الموضوع..... والأخ درويش بيقول كلام من واقع تجربة ويشكر على الملاحظات اللي قالها اللي خلتني فعلا أفكر تاني ...... واحنا كلنا اخوات وبنتبادل الخبرات والتجارب مع ان أنا ميح مفيش أي حاجة عندي بدلها :d يا ريت بقى تستحملوني....... |
رد: ما هو المدى المؤثر لبندقية المعادي؟
فعلا يا hoka اللة ينور عليك احنا فعلا بنتناول خبرات من بعض والدين النصيحة صح
وبالنسبة للصيد فاى بندقية فعلا بتصيد وبالحفاظ عليها بتعيش وربك بيرزق الكل ولكن انا كان ردى فقط ان الاسبانى مثلا ممتاز مع العمر الطويل ودقيق طبعا واسم ينفع تبيع بندقيتك بعد كدة بية واسعار النوريكا 56 مش بعيد اوى عن الصينى |
رد: ما هو المدى المؤثر لبندقية المعادي؟
تماإام جينا لمربط الفرس النوريكا 56 حلوة ولا وحشة ......الاراء هتختلف طبعا الي اصطاد بالديانا والويبلي مش هيقتنع بال نوريكا 56
بس حضرتك شايف انها كويسة عشان تجربتك المريرة مع المصري.. |
رد: ما هو المدى المؤثر لبندقية المعادي؟
اها يا استاذ درويش وانا موافق مع كلامك بس ما حبيتش احبط الاخ بيزيك مع العلم انه ملوش فى البنادق اوى زى ما انا كنت زيه بردو
ههههههههههههه بس مش عيب تتعلم بردو وادينا اتعلمنا اهه بس لو ناوى على بندقيه وتعيش معاك عقبال ما تتعلم اظبط حته بى 3 اللى هى صينى ديه بقت البندقيه البدايه لكل صياد حاليا وحتى المحترفين بيستخدموها لقوتها وثمنها المعقولين جداااا ولو فيه نصايح تانيه اسمعها بردو واستفاد يمكن يكون ربنا مسهلها قدامك وتقدر تجيب حاجه من الديانا او الجامو وربنا معاك ومعانا كلنا ويحفظنا جميعاااااااااااااااا |
رد: ما هو المدى المؤثر لبندقية المعادي؟
البندقية ال b3 الصيني أنا لفيت عليها في محلات وسط البلد امبارح ملقيتش .
الصيني اللي لقيتو اللي هية البام ٢١ وطبعا دي عالية جدا عليا والتانيه رخيصة ومناسبة في السعر بس الحمد لله البندقية الخرز أحسن منها اللي هية ال بام xs b3-1 فلو حد عارف الشنجاهاي البي 3 أجيبها منين وبكام يقولي بس يكون في القاهرة ... |
رد: ما هو المدى المؤثر لبندقية المعادي؟
اعتقد ان فيه فرع ابو ضيف فى 6 اكتوبر الاعضاء جابو منه
او شوف فرعه اللى ف وسط البلد وطبعا الحل الامثل والاصح انك تسال الاستاذ جلال خليفه وهو هايجيبهالك وربنا معاك |
رد: ما هو المدى المؤثر لبندقية المعادي؟
فعلا البام 3 مختلفة تماما والكل بيشكر فيها وبالتوفيق انشاء اللة
|
رد: ما هو المدى المؤثر لبندقية المعادي؟
درويش باشا البام b3
مش حلوة خالص انته إكيد قصدك على الشنجاهاي ال b3-2 |
رد: ما هو المدى المؤثر لبندقية المعادي؟
اسف فعلا غلط هية شنجهاى 3-2
|
رد: ما هو المدى المؤثر لبندقية المعادي؟
الاخ العزيز بيزك لو تسمح حضرتك تركز سؤالك عشان نعرف طلباتك ولو بتسال ايه الفرق او البندقيه كويسه من عدمه يبقى حضرتك يكون سؤالك البندقيه دى مثلا سريعه ولا او العمر الافتراضى اد ايه او هكذا يعنى كل بندقيه ليها ميزات وعيوب وعلى حضرتك التنويه عن تفسير السؤال بالظبط حتى تكون الاجابه مستفيضه وفقنا الله واياكم لما فيه الصالح وخدمه رياضه الملوك وتقبل تحياتى
|
رد: ما هو المدى المؤثر لبندقية المعادي؟
سيادة المستشار سؤالي عن المدى المؤثر لبندقية المعادي قد ايه وهل ممكن يزيد بتغيير
السوستة ولو ممكن يبقى المدى هيوصل لكام ......؟ |
رد: ما هو المدى المؤثر لبندقية المعادي؟
اخى بيزيك انا كان عندى البندقية المعادى وكنت شاريها مستعملة وكانت شعالة معايا زى الفل سنةو ونصف مع العلم كنت باعاملها باهانة وماكنتش بتقول لا .. لكن لاحظت ان الماسورة بتاعتها بتتنى والسنة و نص التانيين سوستتها ضعفت وحاولت انى اركب لها سوستة اسبانى مركبتش لانها اتخن من السوستة المصرى فعيرتها لسوستة مصرى ولكنها كانت اضعف من الاصلية ايام ما كانت ضعيفة .. وانا اعتقد ان المدى المؤثر لها لايزيد عن 30 متر لانى كنت لما باضرب بيها على هدف من على مسافة 50 ج وليكن فى عمارة لازم ارفع الدبانة الى الى ما يعادل 4 او 5 ادوار عشان تصيب الهدف ... وبالنسبة لى اقصى مدى اصطدت بيها فيه هو 20 متر ... وبعدها اشتريت الصينى b2 ووجدتها اقوى منها شوية ولكن سرعان ما ضعفت السوستة بتاعتها والدبشك بتاعها اتشرخ وبعدها بيعتها بنص ثمنها .. وبعد كده اشتريت الاسبانى جامو 900 فوجدت فرق ملحوظ فى القوة والسرعة وطبعا جودة الخامات وكانت بتصيب الهدف من مسافة 50 متر بدون ما ارفع الدبانة مللى واحد ...
الخلاصة لا انصحك بالمعادى ولا الصينى B2 .. خليك فى الاسبانى افضل سواء جامو او نوريكا .. الاثنين كويسين .. وتوكل على الله ..... |
رد: ما هو المدى المؤثر لبندقية المعادي؟
أستاذ أيمن طبعا البنادق الاسباني لا غبار عليها وعلى جودتها بس المشكلة في الميزانية المحددة وكمان أنا مش مستعد كمبتدئ ان أجيب بندقية ماركة بالشيءالفلاني وبعدين الاقي الموضوع فيه معوقات أو اني مش هينفع أكمل ......بس هي دي الفكرة ........بس لو جربت ولقيت ان أنا ممكن أكمل ممكن أجيب بندقية ماركة كويسة .......
|
رد: ما هو المدى المؤثر لبندقية المعادي؟
اشترى المعاادى واتوكل على الله .... انا مش عاارف ازاى ممكن الواحد يشترى بندقية رش ب4 الاف وخمسة .. الواحد يشترى (ألى) احسن هااها... والله الرمسيس القديم ايام التشيكى والمعاادى نظيفة بس الى يحافظ عليهاا
|
رد: ما هو المدى المؤثر لبندقية المعادي؟
بصراحه افضل بندقيه الرمسيس المصرى قالوا لنا الافضل الاسبانى شادو 1000 ولكنها للاسف ضحكوا علينا لان مؤخرة الماسورة فبر وانشرخ عندى ولا اجد لها لحام فقالوا اهل الخبرة اشتري لها ماسورة بكام ياترى قالوا 1100 فى الحدود دى دة مش خراب بيوت وبعدين اقولها لكم بصراحة بتوع السلاح بيكسبوا اكتر فى المستورد عن المصرى وان شاكر لكم
|
| الساعة الآن 09:17 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir