|
ما هي الكرال؟
1 مرفق
السلام عليكم و رحمة الله و بركاته,
عاملين أيه يا حضرات؟ معلش أنا هدوشكو شوية. أصل العبد لله عاوز يجيبلو حتة كده كرال, بس محتاج معلومات. 1) شركة كرال بتصنع موديلين من الكرال. واحد اللي هو الكرال ديمون (اللي هو العتلة) و التاني, الكرال ديفل (اللي هو اللي أغلبية الناس عارفة, الكسر ). أنا عاوز أعرف, هل الديمون (أو العتلة) موجود في مصر, و لو موجود, بكام و فين؟ 2) أنا قرأت قبل كدة أن سرعة الكرال: نمرة واحد (.177) (4.5): 310 م/ث نمرة أثنين (.22) (5.5) : 240 م/ث هل السرعات ديه صحيحة ولا لا؟ 3) أنا عارف الفرق بين النمرة واحد و أثنين. أصل أنا أتجننت, عاوز النمرة 1 عشان أسرع كثير و أنا الحقيقة نفسي أكون قناص مسافات. و لكن برده أنا عارف أن النمرة 2 أثقل و لمة بتضرب, بتبقى أقوى (من حيث القدرة على قتل المصيد) من النمرة 1, لكن مع المسافات بتبطأ جدا و يبدأ يبان عليها ألأثار البالستية و يبدأ تأثير الجاذبية (Projectile/Bullet Drop). و لكن في رأي الخبراء, أيهما أحسن؟ 4) هل موجود للكرال سكوب بما يسمى الميل دوت (Mil-Dot) و هي العلامات اللي بتكون على السكوب لتقدير مستوى إنخفاض المقذوف مع االمسافات مرفق صورة (للميل دوت). و مع الكرال, هل العلامات ديه ليها لازمة, ولا هي أصلا مش هتوصل للمسافات ديه؟ 5) ما هي أقصى مسافة مؤثرة (يعني تقتل الصيد لما تضربة) في حال نمرة واحد و أثنين. و هل ممكن سرعتها أو قوتها تزيد مع تغيير بعض القطع زي السوستة, و هل ده يأثر عليها؟ 6) أخيرا, ما هي أسعار الكرال نممرة 1 و أثنين... أنا عارف أن كدة كثييييييييررر أووووووووي و ممكن أكون عملت هاي سكور لأطول سؤال في التاريخ.. :) ياريت يا اساتنا الكبار تردة علي و لو على كذة مرة عشان مزهقكوش في عيشتكو و تتمنو تقتلوني.. :) و لكني و الله هأكون مديون لأصحاب الرد لأني عارف غتاتة و رخامة السؤال... |
رد: ما هي الكرال؟
السلام عليكم - سوالك مش طويل ولا حاجة - لكن واضح انك فاهم كويس - وانا احب اتواصل مع ناس فاهمة بالشكل ده - انا شخصيا افضل العيار نمرة 1 لان تأثير المقذوف يعتمد على طاقة الحركة والطاقة تتاثر بالسرعة أكثر من الكتلة (( حيث ان طاقة الجسم المقذوف = 1/2 الكتلة فى مربع السرعة )) ومن المعادلة السابقة نرى ان السرعة تضرب فى نفسها فيكون الناتج قيمة كبيرة اما الكتلة فلا ناخذ منها الا نصفها ولقد فهم الامريكان هذة المعادلة وقاموا بأختراع البندقية m 16 ذات العيار الصغير جدا 5.56 ملم فقط ولكن له طاقة عالية جدا - السرعة الفوهية 990 متر / ثانية يعنى كيلو متر / ثانية ___ وهو امر مرعب - انا شخصيا اصطدت ارانب جبلى ( فى حجم الجدى الصغير ) ببندقية رمسيس نمرة 1 مع شوية اهتمام بالبندقية - ارجو قبول صداقتى -
|
رد: ما هي الكرال؟
شوف أن اقدر أفيدك في شئ واحد و هو السكوب ال Mil-Dot هو مش بس بيستعمل في تقدير مستوى أنخفاض الرشه لكن أيضا في تحديد المسافات
أنا عندي واحد و بستعمله للضرب من مسافه 70 متر و الرشه بتيجي في دايره قطرها 12 سم البندقيه هي ال Diana 350 السرعه حوالي 242 م/س البندقيه مع السكوب مضبوطه على 30 متر و من المسافه دي المجموعات بتكون في دايره قطرها 2.5 سم المشكله الوحيده هي الرياح محتاجه تدريب كتير |
رد: ما هي الكرال؟
اقتباس:
|
رد: ما هي الكرال؟
اقتباس:
|
رد: ما هي الكرال؟
اقتباس:
70 متر.. ده على كده حضرتك بريمو.. و أنا اللي كنت فاكر أقصى مدى للبندقية 20-30 متر.. أصل الكل بيصطاد من 20-30 متر و عمري ما شفت حد كسر الحاجز ده, فافتكرت إن ده أبعد مدى مؤثر ليها.. شكرا جزبلا للرد يا فندم... :) |
Re: ما هي الكرال؟
انا برضو محتاج مساعده في النشان بتاع الكرال البني الفايبر ضايع خالص!!!
|
رد: ما هي الكرال؟
1 مرفق
اقتباس:
كلام حضرتك مضبوط ولكن فى نقطة هامة لكى تكون الصورة كاملة للعيارين وهى أن الفرق فى الوزن للعيار 1 عن العيار2 هو الضعف تقريبا ولكن السرعة بين العيارين لنفس البندقية لاتصل إلى الضعف وإنما نسبة مئوية مثلا لوالسرعة لنمرة 2 .........240 هتكون لنمرة 1 ......... 315 وذلك حتى تكون المقارنة عادلة ناهيك فى أن الرشة الأكثر وزنا هى الأكثر فى الحفاظ على السرعة مع المسافة وبالتالى الطاقة ومرفق علاقة بين وزن الرشة والسرعة سنلاحظ أن الرش الخفيف بد بسرعة عالية لكنة لم يحافظ عليها بقدر الرش الثقيل بالرغم من أنة بدء بسرعة أقل |
رد: ما هي الكرال؟
أرشح لك الكرال الكسر نمرة 2 ممكن تجيب معاك لغاية 50-60 متر وكمان هتقفل معاك الطير فى المسافات القريبة بس متنساش تغير لها جلبة وسوستة وهى سعرها فى حدود 1100 إلى 1300 وفى عروض فى المنتدى كويسة وأجل موضوع الإسكوب شوية نشان الكرال فسفوى والضرب الأوبن سايد بيها جميل
|
رد: ما هي الكرال؟
طب و بالنسبة للنمرة واحد يا فندم.. و على كلام حضرتك صح 100%. بس أكيد برده النمرة 1 بيجيب أبعد و الأختراق بتاعه أقوى فأكيد هيقفل برده.. :)
|
رد: ما هي الكرال؟
اقتباس:
السكوب 2-5 Mil-dot أرتفاع السكوب من الماسوره 5 سم نوع الرش gamo pro magnum .22 سرعه البندقيه: 242 م/ث المسافه المتصفر السكوب عليها: 28 م عند تكبير 5X و مسافه 50 م الرشه بتنحدر 12.5 سم أو ما يوازي 1.3 نقط Mil dots عند تكبير 5X و مسافه 60 م الرشه بتنحدر 25.6 سم أو ما يوازي 2.1 نقط Mil dots عند تكبير 5X و مسافه 70 م الرشه بتنحدر 44.6 سم أو ما يوازي 3.2 نقط Mil dots واضح من المثل أن الأنحدار مش بمسافات متساويه لكن ألي أنا لاحظته و تقريبا دي أهم حاجه : هي أن كل لما مسافه التصفير بتزيد كل لما يكون معدل الأنحدار كبير و أحسن مسافه للتصفير هي من 16-20 متر لكن ده مش مفيد لو عاوز تضرب على مسافات أكثر من 75 متر موضوع الضرب من المسافات البعيده ده سهل جدا لو عندك برنامج زي Chairgun pro الي أنا بعمله هو أني طبعت جدول بيبين الأنحدار عند مسافات مختلفه و غلفته و حطيته مع جراب البندقيه و بستعمله علطول أنا بضرب يمام من مسافه 70 متر بكل بساطه بس طبعا بثبت البندقيه على حته خشب و بحركها حركه بسيطه جدا بكل هدوء علشان أنشن |
رد: ما هي الكرال؟
جدول للإنحدار؟؟؟ ده حضرتك على كده بقى واخده مسأله شخصية مع اليمام. هههههه..
طب معلش ما هو حضرتك كل ماتغير المسافات هتحتاج كمبيوتر عشان تعرف اإنحدار هيكون قد إيه؟؟ هو حضرتك بتروح تصطاد باللابوب معاك يا فندم و لا إيه؟؟؟؟ و هو حضرتك يا فندم بتعرف مسافتك إلى الهدف إزاي؟ على فكرة, أنا لو كنت حضرتك كنت دخلت القوات المسلحة وحدة القناصة.. صدقني بمهارات زي ديه, ده أنت أستاااااااذذذذ.... :) :) |
رد: ما هي الكرال؟
اقتباس:
المسافه بالمتر= طول الهدف بالسم x التكبير / عدد نقط ال mil-dots و أنا عامل جدول تاني في نفس حجم الأول بطول الطرائد المختلفه عند مسافات مختلفه و تكبيرات 2X و 5X |
رد: ما هي الكرال؟
هو حضرتك بتقيس المسافات بالميلدوت كمان.. حضرتك بجد فنااااان... ده أما عمري ما شفت كده في حياتي.. حتى طول الطرائد على جدول... هو حضرتك في بينك و بين اليمام طار أو حاجة يا فندم؟؟ :) ده حتى الواد تد اللي على اليوتيوب اللي جايب معدات بيجي 5000 دولار مش جامد أوي زي حضرتك.. :)
|
رد: ما هي الكرال؟
يا سيدي أنا مش جامد ولا حاجه أنا لسه مبتديء
أنا أبتديت في الهوايه دي من حوالي خمس شهور بس طبعا ربنا يخليلنا النت و ال youtube |
رد: ما هي الكرال؟
ربنا يخليهولنا يا باشا.. عموما أنا متوقع لحضرتك مستقبل باهر في الصيد إن شاء الله يا فندم و ربنا يزيدلك في مهاراتك كمان و كمان زي ما ساعدتني يا باشا.. :)
|
رد: ما هي الكرال؟
اقتباس:
انت ازاي ممكن تعمل كل ده بسرعه |
رد: ما هي الكرال؟
ما هو عنده جدول بالكلام ده كله.. يا دوب بس يعرف المسافه للهدف و يجيب الأرقام و المستويات من على الجداول.. :) و أكيد مع الوقت الواحد بيتعود و بيعرف يقدر المسافات من غير حسابات ..... :)
|
رد: ما هي الكرال؟
اقتباس:
|
| الساعة الآن 02:17 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir