|
الوز العراقى
بسم الله الرحمن الرحيم كل ماحد يا جماعه يكون صايد ويقول انه صايد وز عراقى بكل صراحه لما بشوف شكله بحاول اقنع نفسى ان ده وز عراقى بس مابقدرش حتى لما حد يكون صايد الى بيقولوا عليه عنز وبسال هل العنز ده هو هو الوز العراقى ماحدش بيرد عليه لان فى الوقت ده من السنه بيكون موسم حاجه ماعرفش بقى هو وز عراقى ولا عنز ولا ايه بالظبط وبيفضل طاير فى السما عالى اوى وبيفضل يلف فى دوائر وبيبقى فى مجموعات انا دخلت على النت وبحثت عن الوز العراقى جالى صور كتير بس ولا واحده منها زى العنز الى الصيادين عندنا بيصطادوه وبيحطوا صوره واليكم بعض صور صيد من احد الاعضاء لما يسمى العنز ولا اعتقد ان ده الوز العراقى ودى صورته حى ودى بقى الصور الى لاقيتها على النت بالبحث عن الوز العراقى المهم ان ولا صوره منهم ظهرت للعنز بما يثبت كلامى ان العنز مش هو الوز العراقى والله اعلم واعتقد ان دى اقرب صوره انه يكون هو ده فعلا الوز العراقى دى بقى صور من موضوع فى منتدى عربى متخصص فى الصيد بردوا وشوفوا سرد الموضوع وشوفوا صوره الوز العراقى الحقيقى الى وزن الواحد بتوصل الى 7 كيلو عشان تتاكد ان ده وز عراقى الراجل كاتب فى الموضوع صور وزة عراقية وزنها 7 كيلو ونص بعد اصابتها وقعت بالماء ودخلت وراها وزى ما شايفين ابتلت ملابسى وكنت برداااااان بالصور ودى الصور بسم الله ماشاء الله اكنهم بيجروا فى غزاله وده بقى لينك الموضوع الى فيه صيد الوز انصحكم بالدخول وهاتشوفوا صيد بسم الله ماشاء الله من ما تعرفوه ولا تعرفوه اخيرا ارجو الموضوع يكون عجبكم وارجو حد يكون متاكد من المعلومه ان العنز او القلق لا يمت بصله للوز العراقى وعايز اعرف هو فعلا فيه موسم للوز العراقى فى مصر اقصد الوز العراقى الى فى الصور مش العنز وهل الى بيحلق دلوقتى فى السما ده وز عراقى ولا عنز وبما ان العنز مش هو الوز العراقى ارجو التطرق لموضوع اكله من عدمه لانه بمنقاره الطويل ده زيه زى ابو قردان وبياكل حشرات وديدان زيه زى ابو قردان واى طائر منقاره طويل كده بيكون ده غذائه لانه بيكون وسيله مساعده للتنقيب فى الارض عن الحشرات والديدان فى النهايه لكم تحياتى وارجو يكون موضوع مفيد |
رد: الوز العراقى
احلى تقييم يا باشا وتسلم ايدك
|
رد: الوز العراقى
ربنا يخليك يا استاذ عادل يابو الكرم بس ماقلتليش ايه رايك فى موضوع العنز والوز العراقى موافقنى الرأى ان ده حاجه وده حاجه تانيه خالص ؟
|
رد: الوز العراقى
أولاً : أحييك على مجهودك فى البحث و اجتهادك لتوضيح الموضوع و افادة الأعضاء ثانياً : أوافقك الرأى بأن العنز مختلف عن الوز العراقى ولا يوجد أى وجه للشبه بينهما " تم تثبيت الموضوع لأهميته " |
رد: الوز العراقى
موضوع ممتاز فعلا كدة عرفنا ان العنز حاجة والاوز العراقى حاجة تانية خالص وعلى فكرة انا كنت عارف كدة من الاول والوز العراقى بيجى على اوائل 9 فى الجاية على بحيرة المنزلة واصطدناة لكن بيبقى موجود تانى فين الله اعلم
المهم بقى انى بشوف العنز دة كتير اووووى فى سهل الطينة وكنت فاكرو ابو قردان فلو بيتاكل وحد اكلو يريت ياكد الكلام لانو لو مش بيتاكل الافضل يتساب لانو فعلا صديق للفلاح لانة بينضف الارض من الدود وجزاك الله خير واحلى تقييم يا باشا |
رد: الوز العراقى
اقتباس:
|
رد: الوز العراقى
اقتباس:
ربنا يخليك يا باشا واظن يعنى اننا فى غنى عن حاجه بتاكل حشرات وديدان وصيدها او اكلها مش هايفيدنا فى حاجه مع العلم انى لم اصطاد العنز ولا كلته قبل كده بس متهيا لى ان طعمه مش هايكون لذيذ يعنى ولك تحياتى |
رد: الوز العراقى
بسم الله ماشاء الله معاهم بنادق خرطوش كانهم طلعين برحله ضغط هوا عندنا ههههههههههههههههه
ربنا يصلخ الحال |
رد: الوز العراقى
مجهود ممتاز واحلى تقييم هو فعلا العنز زى ما بيسموة اخواننا هنا فى مصر هو طائر القلق وبيكون موطنة الاصلى فى اوربا وهو منتشر جدا فى المانيا وبيسكن هناك اعلى الاشجار وفوق ابراج الكهرباء وهناك بيكون زى ابو قردان عندنا ما بيخافش من الناس لانهم لا يصتادوة لانة ياكل الفئران الصغيرة والتعابين الضغيرة وبيكون ماشى ورا الجرارات الزراعية وهى بتقلب الارض هناك وياكل زى ابو قردان ديدان فئران صغيرة افاعى وانا شفت الكلام دة فى قناة ناشيونال جرافيك لكن الاهالى الطيبين فى مصر سموة الوز العراقى زى ما سمو الدرة المشوى لوز والسودانى كاجو _هههههههه_اعتقد من طبيعة غذائة انه لا يؤكل والله اعلم واعرف ناس اصتادته لاجل التحنيط فقط يا ريت اى صياد اكلة يفيدنا لما كان بينضفة وجد اية فى امعاؤة اعتقد انه لاياكل الحبوب نظرا لشكل منقارة_والله اعلم
|
رد: الوز العراقى
اقتباس:
بالظبط يا ابو مروان اعتقد ان ربنا وهب له المنقار ده عشان يساعده فى تقليب الارض والتنقيب عن الحشرات ونفسى حد فى مصر يكون اصطاد وز عراقى بجد ويحط لنا له صوره ويقول لنا موسمه امتى وفين |
رد: الوز العراقى
جزاك الله خيرًا على الإفادة الجميلة وتقبل تحياتي ودمت في أمان الله تعالى
|
رد: الوز العراقى
بحييك على الموضوع ومجهودك العظيم بس
انا نفسى اعرف الحاجات دى مش بشوفها عندنا ليه وهل هى بتعيش فى اماكن معينه فى مصر واماكن تانيه لا انا المره الوحيده اللى شفت حاجه كانت زى وزه كبيره طايره على ارتفاع مهول جدا وزى ما تكون تايهه من سرب ! |
رد: الوز العراقى
مش كل الطيور بتتواجد فى كل الاماكن يعنى فيه حاجات مش بتكون موجوده عندنا خالص لان موطنها مكان تانى وفيه حاجات بتعدى علينا فى اوقات معينه فى السنه وبتبقى وقت هجرتها وفيه ناس بتقول ان الوز ده موجود عندنا فى اوقات معينه من السنه بس بيبقى فى اماكن معينه بردوا وعلى فكره فيه عندنا صيد ارانب ووزغلان بردوا بس الموضوع صعب جدا لانه بيبقى فى المناطق الصحراويه ومش اى حد يروح هناك
|
رد: الوز العراقى
السلام عليكم كلامكصح مية مية أنا أوافقق الرأى على أن هذا طائر والتان طائر أخر بس سؤال هل يمنع أكله ألم نعرفه
وياريت الأجابة وتقب ل مرورى ----------------------------------------------------------------- الهم أصلح دنيانا بالدين وأقم فينا شرعك ياأكرم الأكرمين |
رد: الوز العراقى
اقتباس:
|
رد: الوز العراقى
بصراحه بحث ممتاز تسلم الايادي
|
رد: الوز العراقى
مع انه مووووووضووع قديم جدآ بس انا علقت التعليق ده عشان التجديد عشان لو فى حد عنده معلومة جديدة
|
رد: الوز العراقى
اقتباس:
|
رد: الوز العراقى
طبعاً العنز شى والاوز العراقى شىء تانى تماماً
احلى تقيييم |
| الساعة الآن 04:43 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir