|
الجيت الخارقة
السلام عليكم
بعد موقف السكوب الى طلع بايظ اضطريت ابيعه كقطع غيار لمحل عندنا وكملت عالفلوس والحمد لله جبت سكوب نضيف بوشنال 3-9-40 . بس حسيت البندقية ضعيفة ازاى ياجدعان ؟ دى جيت نمرة 2 ومن الى انا بسمعه عنها انها فتاكة المهم كلمت صديقى العزيز واخويا الكبير استاذ ايمن وشرحتله الموقف قالى فعلا دى مش قوة الجيت فى حاجة غلط ؟ كلمت بعده استاذ محمود شلبى وبعتله البندقية وقلتله عايز مدفع وزى ماتتكلف قام ركبلى سوستة اصلية اصلية وجلبة وحدافةوروقها وجبت البندقية بصراحة مدفع بمعنى الكلمة فرق شاسع جدا لدرجة انها على مسافة 10 متر فرتكت ملة السرسر فرتكتها مش خرمتها تسلم ايدك بجد ياعم محمود وركبت السكوب عليها وطلعت طلعة كده تجربة بسم الله ماشاء الله 6 اجواز يمام غير الى وقع وماعرفتش اجيبه روحت وانا مبسوط ونمت لقيت الجماعة فى البيت بيصحونى فى كلب عمال يعوى وواقف قدام البيت وماحدش عارف يخرج وعمال يزوم عالعيال الصغيرة قلت اخبطه طلقة يمكن يخاف ويجرى وقفت على بعد يجى 10 متر كده ونشنت على قلبه وقمت ضاربه واحدة قام صرخ نص صرخة ونام مكانه بجد مابقتش مصدق ايه ده؟ اول مرة امسك بندقية كده بس المشكلة الوحيدة رد الفعل فعلا غبى ولو واحد مش عارف وبيضرب قباستهتار ممكن يعوره وحصلت مع نسيبى بيضرب باستهتار والدبشك قدام وشه قام ختابط فيها وعلشان ماطولش عليكم دى حكاية الجيت بعد ماتتظبط |
رد: الجيت الخارقة
ما شاء الله تبارك الله ربنا يديك خيرها ويكفيك شرها
|
رد: الجيت الخارقة
كل ده مش مهم عاوزي اليمام نشوفه متفجر
|
رد: الجيت الخارقة
ماشاء الله والله أكبر ربنا يباركلك فيها ويكفيك شرها محمود شلبى عمل معاك الواجب البندقيه ديه فيها سر وسحر غريب بجد يا كابتن مش عايز اشوف البندقيه ديه معروضه فى سوق البيع ربنا يباركلك فيه وربنا عوضك عن موضوع الاسكوب البايظ علشان انتا انسان طيب ومحترم.
|
رد: الجيت الخارقة
ربنا يديك خيرها ويكفيك شرها بس السوستة والجلبة بكام؟
|
رد: الجيت الخارقة
ربنا يكفيك شرها ويزيدك يا كابتن
|
رد: الجيت الخارقة
اشكركم على الردود الجميل دى
وخصوصا الاستاذ ايمن الانسان الخلوق المحترم والحمد لله على كل شىء بجد الجيت دى حاجة غريبة وسعر الجلبة والسوستة الاصلية تقريبا دخلو فى 260 جنيه |
| الساعة الآن 08:34 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir