الصيف والناموس
السلام عليكم ورحمة الله وبركاته مساء الفل ع الكل طبعا الصيف ماينفعش يجي من غير الناموس هاجيب من الاخر وبدون مقدمات أسهل طريقة لطرد الناموس هي كالتالي:- شمع طارد للناموس وهانعمله في البيت 1- عدد 1 كيلو شمع خام . وده هانجيبه من الرويعي او من عند مدرية الامن او ش الازهر وسعر الكيلو من15 الى 20 جنيه على حسب سعر السوق. 2- زيت سيتونيلا . 10 :15 جرام برده من عند اي عطار من ش الازهر او الغوريه بوسط البلد بس مش عارف سعره كام دلوقتي . 3- خيط قطن أو دبارة قطن . من عند اي منجد او محل خردوات سعرها حوالي 1.5 او 2 جنيه 4- اسطمبه للصب . الاسطمبه هاتكون عبارة عن اي حاجه معدن أو زجاج محمل مثلا كبايه ستانلس أو كبايه زجاج عاديه شغال برده . 5-لتسييح الشمع :- هانجيب اي حاجه معدن مثلا كنكه او كسروله او علبة سمنه قديمه . طريقة التصنيع:- 1- نقوم بوضع الشمع الخام في الاناء المعدن . 2- يوضع على النار على نار هادئة جدا وياريت مافيش اي ميه تكون موجوده في الاناء المعدني او اي ميه تيجي ع الشمع . 3- عند بداية الذوبان نتقوم بوضع الزيت ع الشمع اثناء التسيح. 4-وهوا بيسيح نجيب قطعة خيط تكون اطول من الاسطمبه بتاعتنا ونغمرها في الشمع نشمعها يعني بس خلوا بالكم من الشمع علشان بيكون سخن جدا 5- الخيط هاينشف معانا وشبه ثابت هانجيب مثلا قلم ونلف عليه طرف الخيط وندلدل الباقي في الكبايه في النص بالظبط. 6- أول ما شمع يسيح تماما نسيبه يهدا لمده ثواني وبعد كده نصبه في الاسطمبه وبعد ربع ساعه أو تلت ساعه هايكون معانا بأذن الله الشمع جاهز للأستخدام |
رد: الصيف والناموس
طيب بالنسبة للناس اللى معندهاش ناموس .. ينفع نشترى ناموس مع الحاجات دى ونرشه فى البيت .. ههههههههههههههههههههههههه
بهزر طبعا يا باشا .. تسلم ايدك موضوع مفيد جدا .. احلى تقييم يا كبير |
رد: الصيف والناموس
شكرا على المعلومه
|
رد: الصيف والناموس
مشكور يا باشا الله ينور
|
رد: الصيف والناموس
تسلم ايدك ياباشا فعلا الناموس حاجه رخمه اوى ليه بقى كام استفسار كده ماعلش بالنسبه للموضوع ده بيموت الناموس ولا بيطفشه وتانى حاجه الشمعه دى هايكون ليها ريحه ؟؟؟
|
رد: الصيف والناموس
اقتباس:
نورت الموضوع ياباشا |
رد: الصيف والناموس
اقتباس:
|
رد: الصيف والناموس
اقتباس:
|
رد: الصيف والناموس
ماردتش على استفسارى يا باشا ؟؟؟؟؟؟
|
رد: الصيف والناموس
اقتباس:
بالنسبه للريحه ممكن تضيف ريحه للشمع اثناء التسيح ممكن تضيف الروائح اللي بتتباع في محلات المنظفات شغال برده وشكرا لمرورك الكريم وتحت امرك في اي حاجه |
رد: الصيف والناموس
اقتباس:
|
رد: الصيف والناموس
اقتباس:
انا اقصد من موضوع الريحه بالنسبه للزيت الى هانضيفه ده هايكون له ريحه مش كويسه يعنى تضايقنى لو كان فى اوضه مثلا |
رد: الصيف والناموس
اقتباس:
وفعلا الناموس مبهدلنا جدا اليومين دول |
رد: الصيف والناموس
اقتباس:
|
رد: الصيف والناموس
اقتباس:
|
الساعة الآن 11:21 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir