الصيد فى مصر - وجهة نظر في إختيار نوع البندقية للمبتدأ

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - وجهة نظر في إختيار نوع البندقية للمبتدأ (http://www.egyhunt.net/showthread.php?t=31063)

وجهة نظر في إختيار نوع البندقية للمبتدأ

بعض معلومات قد تفيد في إختيار نوع البندقية ودا طبعا من وجهة نظري المتواضعة:

أولا: العيار (عيارات كثير 4.5 مم - 5 مم - 5.5 مم - 6.25 مم .... لكن المتوفر في مصر 3 عيارات فقط)
************************************************** ********************

رقم 1 (عيار 4.5 مم أو 0.177 بوصة)
--------------------------------------------
= يتميز بالسرعة الكبيرة - والدقة المهولة - مناسب للطرائد الصغيرة بس حيتعبك مع الحمام والغربان والطرائد الأكبر.
= يتطلب دقة مهولة في التصويب ونوع معين من الرش لتوليد صدمة علي الهدف.
= مناسب أكثر في تدريبات الرماية والقنص أكثر منه في الصيد.
= سرعته من 130 ألي 400 م/ث

رقم 2 (عيار 5.5 مم أو 0.22 بوصة)
--------------------------------------------
= يتميز بدقة معقولة - وسرعة متوسطة (كبيرة نسبيا)
= لا يتطلب دقة هائلة في التصويب لصدمتة العالية علي الهدف.
= مناسب لمعظم الطرائد في مصر إبتدائا من اليمام والحمام وكل أنواع الطيور حتى المهاجر منها وأيضا الحيوانات مثل الكلاب والثعالب والأرانب.
= سرعته من 130 ألي 300 م/ث أو أكثر قليلا

رقم 3 (عيار 6.35 مم أو 0.25 بوصة)
--------------------------------------------
= دقة قليلة - وسرعة قليلة
= لا يتطلب دقة هائلة في التصويب لصدمتة العالية جدا علي الهدف.
= مناسب للطرائد الكبيرة فقط مثل الطيور المهاجر الكبيرة و الحيوانات مثل الكلاب والثعالب والأرانب.
= سرعته من 100 ألي 160 م/ث أو أكثر قليلا
= غير منتشر في مصر سواء البنادق أو الرش

ثانيا البندقية:
**********

بالنسبة للكسر والعتلة:
============

الديفل في البنادق إلي هيا ماسورة كسر. - Break Barrel
والديمون هي الماسورة الثابتة (عتلة) سواء كانت سفلية أو جانبية - Fixed Barrel

يتفوق الديمون (Fixed Barrel) علي الديفل (Break Barrel) في الآتي:
--------------------------------------------------------------------------------------
- الديمون هو الأفضل علي الإطلاق لعيوب موديلات الكسر من تنفيس بسيط بالجلب ((ودا في جميع الأنواع علي إطلاقها حتى الديانات.)) وإعوجاج الماسورة من الإستخدام المتكرر.
- والديمون أقوى في السرعة بنسبة تصل إلي 20 % حسب نوع البندقية لأن كبس الهواء بالكامل موجه إلي المقذوف دون تنفيس إطلاقا

أما الديفل (Break Barrel) يتفوق على الديمون (Fixed Barrel) في الآتي:
------------------------------------------------------------------------------------------
- وزن أقل لعدم وجود عتلة تعمير.
- سهولة في تلقيم الرشة لعدم وجود جزرة لوضع الرشة (سواء كانت غرفة جانبية مثل الديانا أم غرفة منزلقة للجانب مثل Kral أو لأعلى مثل BSA. و Gamo CFX و webley
- في الجزرة علي شكل غرفة منزلقة للجانب مثل Kral أو لأعلى مثل BSA. غالبا ما تحدث أعطال فيها وكسور ودا بيحصل مع ناس كتير. وبتتكلف كتير. أما الديانات والبام فلا يحدث فيهم مشاكل لأنها غرفة تفتح بالكامل.

بالنسبة لعوامل الوزن والحجم والسرعة والدقة: ومن أشهر البنادق الموجودة في مصر
==============================================

=المصري:
يتميز بالدقة الكبيرة والوزن الخفيف وتوافر قطع الغيار وسعر معقول. وإذا كانت عيوبه عدم وجود نموذج العتلة فيه. وسرعة متوسطة والأنواع (رمسيس– ومعادي)

= الأسباني:
يتميز بالدقة الكبيرة والوزن الخفيف (من 2.5 كج إلي 3.5 كج تقريبا) وتوافر قطع الغيار وسعر معقول. وإذا كانت عيوبه عدم إنتشار نموذج العتلة فيه. وسرعة غير عالية جدا وأشهر أنواع الأسباني (الجامو – والنوريكا) وكل نوع به موديلات كثيرة

=الإنجليزي:
أيضا دقة عالية جداااا ووزن معقول (أكبر من الأسباني قليلا) خامات عالية جدا وإذا كانت عيوبه عدم إنتشار قطع الغيار وسرعة متوسطة إلى حد ما وسعر عالي نسبيا. واشهر أنوعه (البي إي إيه – والويبلي) وكل نوع به موديلات كثيرة

= المجري:
أيضا دقة عالية جداااا ووزن معقول (أكبر من الأسباني قليلا) خامات عالية جدا وإذا كانت عيوبه عدم إنتشار قطع الغيار وسرعة متوسطة وسعر عالي نسبيا. واشهر أنوعه (التل)

= الألماني:
دقة من عالية جدا إلي متوسطة حسب النوع والموديل وزن من متوسط إلي عالي جدا سرعة من متوسطة إلي عالية جدااا خامات رائعة وفينيش رائع. يقال عنها بندقية العمر... العيوب (وزن يصل إلي 5 كجم) طول كبير يصل إلي 115 سم. صوت عالي. سعر مرتفع. قطع غيار متوافرة إستيراد من الخارج. وأشهر الأنواع (ديانا – وفايروخ)

=التركي:
يتميز بالدقة الالمتوسطة والوزن الخفيف نسبيا (من 2.5 كج إلي 4 كج تقريبا) وتوافر قطع الغيار وسعر معقول. وإذا كانت عيوبه عدم إنتشار نموذج العتلة فيه. وخامات غير جيدة وأشهر الأنواع (الكرال – والريتاي)

= الصيني:
يعتمد علي التقليد التام (copy paste) حسب الموديل المقلد. سعره قليل. جودة من متوسطة إلي عالية جدا. سرعة من تحت المتوسط إلي عالية جدا. وأشهر الأنواع (الشنغهاي – والبام) والبام التي هي من فلتات الصيني ومن أقوي وأجود الأنواع علي الإطلاق)

ثالثا:بالنسبة لمبتدأ:
**************

نصيحة بلاش تبدأ ببندقية غالية لإحتمالية تغييرها الكبيرة في المستقبل القريب.
وبلاش بندقية فائقة القوة لعدم التعود علي رد الفعل العالي كمبتدأ.
وبلاش بندقية عالية الوزن.
وبلاش بندقية نمرة 1 لعدم فعاليتها الكبيرة مع الطرائد.
لذى تخيلي ورأيي الشخصى المناسب بندقية أسباني زي الجامو (شادو) أو (سي إف إكس رويال) – أو النوريكا (جت) أو (مارفك)

ورأيي بلاش سكوب في الأول وتتعود علي الضرب بالنشينكان العادي.

رد: وجهة نظر في إختيار نوع البندقية للمبتدأ

تسلم ايدك موضوع جميل و وافي

رد: وجهة نظر في إختيار نوع البندقية للمبتدأ

كلام جميل :)
:rolleyes: بس فى حاجة انا مش فاهمها فى انواع مقلتهاش مثل(B3-01,BAM B22,SIG SAUER P229) هما دول مش رش

شكرا للانتباه :)

رد: وجهة نظر في إختيار نوع البندقية للمبتدأ

موضوع أكثر من رائع, أحلى تقييم يا فندم.. :) :)

رد: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة gobaa (المشاركة 399794)

كلام جميل :)
:rolleyes: بس فى حاجة انا مش فاهمها فى انواع مقلتهاش مثل(B3-01,BAM B22,SIG SAUER P229) هما دول مش رش

شكرا للانتباه :)

شكرا للمشاركة يا أستاذي
بالنسبة لل SIG SAUER P229 دا مش رش. دا مسدس FireArm حي 9مم
أما ال B-22 فدي موديل في BAM
وال B-3-01 فدي موديل في الشنغهاي
وأعتقد تم ذكرهم بس بيكون الكلام على الماركات وليس الموديلات.
ويوجد أنواع أكثر من هذا بكثيييييير ولكن الكلام في الموضوع عن أشهر الأنواع المعروفة في مصر والسوق المحلي.

رد: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة kased (المشاركة 399738)

تسلم ايدك موضوع جميل و وافي

اقتباس:

المشاركة الأصلية كتبت بواسطة angel of death (المشاركة 399936)

موضوع أكثر من رائع, أحلى تقييم يا فندم.. :) :)

شكرا للردود الجميلة والتقييم
:)

رد: وجهة نظر في إختيار نوع البندقية للمبتدأ

موضوع رائع جدااا تسلم ايديك واحل يتقيم

رد: وجهة نظر في إختيار نوع البندقية للمبتدأ

اكثر من رائع
اشكرك علي هذا المجهود الجميل

تحياتي

رد: وجهة نظر في إختيار نوع البندقية للمبتدأ

موضوع اكثر من ممتاز

رد: وجهة نظر في إختيار نوع البندقية للمبتدأ

:):):)موضوع جميل الواحد مش محتاج أي معاومات بعد كده أعلي تقييم

رد: وجهة نظر في إختيار نوع البندقية للمبتدأ

موضوع رائع تسلم ايدك واعلى تقييم

Re: وجهة نظر في إختيار نوع البندقية للمبتدأ

موضوع جامد جدا و شكلك انت اللي هتساعدني انا اول مرة افكر اشتري بندقية رش او ضغط هواء بس انا عامة بحب اجيب اقوي حاجة في اي حاجة او مجبهاش من اصله
هل في انواع قوية و مداها بعيد و بتشيل كذا طلقة و بتضرب
auto or semi auto
مثلا موجودة هنا و اسعارها بتتراوح بين كام و كام
مش مهم اوي بالنسبة لي تكون بتضرب اوتو بس المهم يكون فيها خزنة بتشيل كذا طلقة زي الساقية مثلا
و تكون قوية و مداها بعيد يعني تصطاد جاموس مش ارانب

مستني ردك

رد: وجهة نظر في إختيار نوع البندقية للمبتدأ

موضوع رائع جدااا تسلم ايديك واحلى تقييم

رد: وجهة نظر في إختيار نوع البندقية للمبتدأ

موضوع ممتاز جعله الله فى ميزان حسناتك
رائى الشخصى البندقيه نمره واحد لو بندقيه ماركه محترمه وهاى بور اذا فهى قادره على السيطره واصطياد جميع الطرائد فى مصر

رد: Re: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة karim kamal (المشاركة 400968)

الحاجات إلي بتضرب أوتو أو سيمي أوتو دي بتبقى من فئة PCP وليس Spring المعتمدة على سوستة.
وفي أنواع كثير منها بس للأسف مش موجوده في مصر إلا يكون واحد مدخلها معاه وعرف يعديها من الجمارك

أما لو أتكلمنا عن بنادق Spring فيوجد من نظام الخزنة أشهر موديلين مجربين ومعروفين لمعظمنا وهما:

Diana 300 R

http://airgun-academy.pyramydair.com...fle-reload.jpg

7 shot magazine
Under lever(عتلة)
0.177= 265 m/s
0.22 = 200 m/s

BSA GoldStar

http://www.airpistol.co.uk/images/spit5.JPG

10 shot magazine
Under lever(عتلة)
0.177= 310 m/s
0.22 = 260 m/s

وأنا رأيي لو تحب الموديلات دي توكل علي الله وهات BSA GoldStar

أما لو بتفكر في حاجة بالغة القوة وتصطاد لحد الغزلان البرية فعندك ديانا 350 ماجنم بس دي نظام كسر مسورة وتعمير طلقة طلقة.

رد: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة salas0010 (المشاركة 401596)

كلامك صحيح لو حتراعي الكلام دا وتستخدم نوع زي الماتش أو الهولو بوينت وكمان تنشن علي أماكن معينة في الطريدة.
أنا ضارب غراب النهاردا بالنوريكا جت نمرة 2 من مسافة 40 متر تقريبا بإستخدام البرو ماجنم. أنا شوفتها على السكوب جات في صدره.
وبعديها طار عادي جدااا لغاية موصل فوقنا في العربية وبعدين وقع قدامنا ميت زي الطوبة (( إظاهر كان ناسي وإفتكر ))
تخيل بقى لو نمرة 1!!!!!!!!!!

رد: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة mody_kamal (المشاركة 400309)

موضوع رائع جدااا تسلم ايديك واحل يتقيم

اقتباس:

المشاركة الأصلية كتبت بواسطة nileprince (المشاركة 400439)

اكثر من رائع
اشكرك علي هذا المجهود الجميل

تحياتي

اقتباس:

المشاركة الأصلية كتبت بواسطة moorey (المشاركة 400487)

موضوع اكثر من ممتاز

اقتباس:

المشاركة الأصلية كتبت بواسطة ghitany (المشاركة 400513)

:):):)موضوع جميل الواحد مش محتاج أي معاومات بعد كده أعلي تقييم

اقتباس:

المشاركة الأصلية كتبت بواسطة mbadr (المشاركة 400932)

موضوع رائع تسلم ايدك واعلى تقييم

اقتباس:

المشاركة الأصلية كتبت بواسطة tamer farag (المشاركة 401580)

موضوع رائع جدااا تسلم ايديك واحلى تقييم

شكرا لكل الردود الجميلة والتقييمات ... :)

رد: وجهة نظر في إختيار نوع البندقية للمبتدأ

اقتباس:

وبعديها طار عادي جدااا لغاية موصل فوقنا في العربية وبعدين وقع قدامنا ميت زي الطوبة (( إظاهر كان ناسي وإفتكر ))
تخيل بقى لو نمرة 1!!!!!!!!!!

اصل انا بشوف تأثير الرشه نمره 2 على اليمام والحمام وبصراحه تاثيرها مدمر وبتعمل احمرار واسع بحس انه افترى مش افترى بمعنى افترى اقصد قوه مفرطه مقارنه بحجم الطريده اما بقى لو بندقيه نمره 1 هتصطاده برضوا لاكن تاثيرها اقل فتلاقى الطير شكله مش متبهدل
لو سمحت يا بشمهندس ليا سؤال هو ليه معظم الصيادين بيحبوا لما يصطادوا هدف انه ينزل مقفول زى الطوبه فيها ايه لو نزل صاحى وتروح تجيبه وتذكيه
ويا رب اغفر لنا وبلغنا شهر رمضان وربنا يكرمك يا اخى الكريم

رد: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة salas0010 (المشاركة 401741)

حكاية أنو ينزل مقفول دي ليها طعم تاني..

بدل بقى متيجي في جناحه ويجري ونجري وراه.. ولا تعمل زي يمامة ضربتها ووقعت علي الأرض مبتتحركش. ولما روحت أجيبها طارت ووقعت علي سور عالي وماتت فوقه.

لكن لما تتكموم في مكانها بتريح :)

رد: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة eng.amg (المشاركة 401751)

حكاية أنو ينزل مقفول دي ليها طعم تاني..

بدل بقى متيجي في جناحه ويجري ونجري وراه..
لكن لما تتكموم في مكانها بتريح :)

صدقنى انت ردك خوفنى ههههههههه احسبك سفاح يمام وحمام وانا عرفت انواع الطيور التانيه ابتدت تنقرض ليه :):):):)

ربنا يبارك لك وموضوع ممتاز اخى الكريم

رد: وجهة نظر في إختيار نوع البندقية للمبتدأ

موضوع رائع تسلم ايدك بس انا ليه سؤال ايه رايك فى النوريكا سبورت كبدايه؟

رد: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة hesham khedr (المشاركة 403368)

موضوع رائع تسلم ايدك بس انا ليه سؤال ايه رايك فى النوريكا سبورت كبدايه؟

النوريكا سبورت بندقية جميلة جدا وخفيفة ودقيقة للغاية.
هيا متوسطة القوة بس صيادة علي المسافات القريبة والمتوسطة.
كبداية إختيار سديد وممكن تستمر معاك بعد كده لأني أعرف ناس كتير محترفين معاهم وبيعتمدوا عليها في الصيد

رد: وجهة نظر في إختيار نوع البندقية للمبتدأ

عايزين نعرف الاسعار ويا ريت المصرى والصينى

رد: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة prince_of_myslef (المشاركة 405389)

عايزين نعرف الاسعار ويا ريت المصرى والصينى

الأسعار عالية اليومين دول.
المصري فيه رمسيس 4.5 مم بحوالي 900 ج جديدة
والمعادي 5.5 مم بحوالي 1200 ج بس مش عارف تحديدا

ونصيحة لو حتشتري حاجة منهم هات مسنعمل بنصف الثمن حتى لو حالتها مش ممتازة لأنها غير مكلفة في الصيانة

الصيني مفيش منه جديد في السوق غير البايونير والبام.
والأسعار في حدود 3000 ج للجديد.

ونصيحة لو حتشتري منهم فخليك في البام.

رد: وجهة نظر في إختيار نوع البندقية للمبتدأ

الله ينور يا استاذنا موضوع جميل للمساعده في الاختيار

رد: وجهة نظر في إختيار نوع البندقية للمبتدأ

موضوع رائع جداً ياباشمهندس بارك الله فيك واكثر من امثالك

رد: وجهة نظر في إختيار نوع البندقية للمبتدأ

اقتباس:

المشاركة الأصلية كتبت بواسطة eng.amg (المشاركة 405390)

بارك الله فيك وجزاك خير على مجهودك ..
يا نهار ازرق ..فين ايام الرمسيس لما كانت جديده ..
طيب ما تعرفش حد بتاع مستعمل ثقه .. اصل شايف انه حرام ادفع 900 جنيه فى رمسيس نمره واحد

رد: وجهة نظر في إختيار نوع البندقية للمبتدأ

شكرا ياباشا على الرد ورجعتلى ثقتى فى بنددقيتى فعلا

رد: وجهة نظر في إختيار نوع البندقية للمبتدأ

موضوع جميل شكرا على المعلومه

رد: وجهة نظر في إختيار نوع البندقية للمبتدأ

تسلم على المعلومات الرائعة

رد: وجهة نظر في إختيار نوع البندقية للمبتدأ

موضوع اكثر من ممتاز
واحلى تقييم يا باشمهندس