الصيد فى مصر - الكروان

[IMG]https://l.top4top.io/p_150031dk81.jpg[/IMG]
ولا اماكن تواجده..
الاراضى البور/ على شفاف الترع/ فوق الاماكن المهجروه كالبيوت ومزارع الدواجن/ أماكن تشوين سبلة الفلاحين (السباخ)
ثانيا صفاته..
لون بيساعده كويس اوى فى التخفي وعند الاقتراب منه ينبطح الى الارض ويتغير لون ريشه بحيث يكون صعب تمييزه وسط الارض والاعشاب الجافه
يسمح لك بالاقتراب منه بمسافه كويسه جدا.. واحيانا تحس انه مش مستوعب انت بتعمل ايه وتلاقيه واقف عمال يبص لك نظره كده فيها غباء لدرجة انك ممكن تعمر وتضربه وهو مش مستوعب.. تقدر تضرب من شباك عربيتك اكتر من واحد واقفين جنب بعض لانهم بيكونوا مش مستوعبين الل بيحصل ولا عارفين ان الضرب جاى من العربيه
لحمه خشن جدا وقوى ممكن تضربة الرشه عادى جدا ياخدها ويطير وهو مبسوط كلة نشاط وحيويه.. لذلك ركز على ضربه فى الاماكن القاتله.. راسه كمان كبيره ممكن تنشن عليها بسهوله.. ممكن يقابلك ليل ونهار عادى جدا..
يفضل سلخه وكمان انت بتنضفه يفضل تكون فاتح الحنفيه فوقه وانت بتفتح بطنه لان الريحه الل هتشمها مش هتعجبك..
بعد كده تبله يوم كامل (مايه /بصل وثوم مفروم/ فلفل اسود/ ملح/ خل/ ليمون) واعمل شقوق فى صدره بالسكينه.. تانى يوم يتم تسويته مع بصل وطماطم وفلفل اسمر على نار هاديه وبياخدج وقت طويل لكنه بيستوى تماما.. بعد كده حمره وبألف هناااااااا حجمه كبير ويستاهل وطعمه بعد التتبيله دى رااااائع