|
سعر السلاح النارى
السلام عليكم ورحمه الله وبركاته
الاخوه الافاضل انا عاوز استفسر عن بعض الامور انا معايا تصريح شراء سلاح وعاوز اشترى سلاح كويس بس ميكونش مصرى رحت الاسلحة والذخيرة اللى فى طريق السويس عندهم اسلحة مصادرة قالولى الموضوع ممكن ياخد 4 او 5 شهور على ما تيجى الموافقة وسمعت انهم اسلحتهم احسنها بيكون اسبانى فى حدود 2000 الى 2500 جنيه غالبا ستار او استرا او لاما مستعمل. انا سألت المتخصصين قالوا افضل الانواع براوننج سيج زاور سى ذد هيكلر جلوك كولت والتر وانا بصراحة عاوز سلاح كويس بس انا مش بفهم فيهم وسمعت ان الجديد غالى جدا وانا مش عاوز حلوان فتنصحونى اجيب ايه ومنين وانا بصراحة قدراتى اقل من 10000 جنيه يعنى اخرى مثلا 7 او 8 فى اماكن ممكن تبيع المستعمل ويكون نظيف ........ز لانى سالت فى القسم قالولى السلاح اتسرق يوم الحريق وانا مش عارف اعمل ايه وتصريح الشراء مدته 3 شهور بس وانا عاوز اخلص يا ريت اللى عنده فكره عن الاسعار يقولى ومنين اشترى .. وشكرا |
رد: سعر السلاح النارى
للأسف حبيب قلبي كل الماركات التي ذكرتها سعرها أكثر من 20000 جنيه وبعضها يصل إل 80000 جنيه...وحدود شرائك يادوب تجيب حلوان...للأسف كل محلات الأسلحة التي أعرفها لا تبيع مستعمل...فرصتك يكون حد عامل إستبدال وعارض طبنجته للبيع لاستبدالها بجديد أو نوع آخر...أو أنشر إعلان في جريدة الوسيط بطلب شراء مسدس على الرخصة...أو إسأل كاتب الرخص عن ميعاد ومكان مزاد الأسلحة المصادرة بتبقي في حاجات لقطة وبأسعار ممتازة...خالص تحياتي...
|
رد: سعر السلاح النارى
اقتباس:
طيب انا سمعت ان البريتا فى منها ب 8000 جنيه جديد هل ده سعرها فعلا |
رد: سعر السلاح النارى
يا اخى حتى لا ينتهى تصريح الشراء اشترى الموجود وحاول يكون ارخص حاجه واضمن الاول السلاح وبعدين لما العمليه تهدا دور برحتك و على اقل من مهلك ولما تلقى حاجه كويسه اعمل امر استبدال وخد الى انت عيذه بالتمن الى اكيد فى الاوقات العاديه هيكون مرتاح كتير عن الان على الاقل هيكون الثلث تقبل رائى
|
رد: سعر السلاح النارى
في واحد كان عايز يبيع مسدس ساقية بس رخصته في العريش وكان عامل اعلان هنا في المنتدي وطالب 4000 جنيه
|
رد: سعر السلاح النارى
اخي الكريم اشتري الحلون متخفش والله سلاح جميل وكويس مشعارف الناس مبتحيوش ليه كل سلاح ليه مميزاته وعيوبه انت مش هتحارب بيه اتكل علي الله وشتري المتوفر ومضيعش الوقت علي الفاضي
|
رد: سعر السلاح النارى
لا يوجد لديك مشكله الا اذا انتهت مده التصريح و الف مبروك واتمني ان اصل للتصريح اصلا
|
رد: سعر السلاح النارى
مساء الخير يا جماعة انا كنت عايز اقول لصاحب الموضوع انى فى محل فى الزمالك اسمة بينو كنت عندة من فترة من حوالى 6ايام و شوفتة عندة مسدسات حية كتير ممكن صاحب الموضوع يجيب رقمة من الدليل و يكلمة و يشوف و ارجو انى اكون مصدر افادة و شكرا
|
رد: سعر السلاح النارى
أخي الفاضل في اطار حرص اعضاء المنتدي علي مساعده بعضهم البعض وفي اثناء تصفحي لصفحتي الشخصية علي الموقع العالمي (facebook ) وجدت اخ فاضل يضع اعلان عن بيع مسدس وهذه مواصفاتو و رقم تليفون صاحب المسدس
German Made 9mm Walther PPK Gun, immaculate condition, Excellent for conceal carry, call me for more info on Mob# 0100044462 وطبعا واضح من كلامو انو عايز حد يكون حاصل علي رخصة أرجو أن اكون قد قدمت مساعده ولسيادتكم الشكر . |
رد: سعر السلاح النارى
الف شكر للجميع وانا بالفعل اشتريت حلوان 14 طلقة مستعمل علشان احفظ بيه الترخيص لغايه ما الامور تهدى والاسعار تنزل وابقى استبدله بحاجة افضل بس عيبه وزنه وحجمه كبير بس اهو احسن من مفيش, شكرا لاهتمامكم وربنا يوفق الجميع
|
رد: سعر السلاح النارى
الف مبروك يا باشا
واهو فعلا احس من مفيش وبرضو عشان التصريح ما ينتهيش . والله الموفق |
رد: سعر السلاح النارى
ممكن سوال هوا حضرتك جبت الحلوان بكام ؟؟؟
|
رد: سعر السلاح النارى
انا مش عارف الناس كارهه الحلوان لية ..... المسدس مع ابى لية 25 سنة و زى الفل ممكن يضرب اى عدد من الطلقات بدون عطل ... بس والدى قالى انو بعت المسدس ل احد اللوائات لتركيب لقمة سحب الطلقات صلب و بعد ذلك المسدس بقى تحفة
|
رد: سعر السلاح النارى
الف مبروك....تقبل مرورى
|
رد: سعر السلاح النارى
الله يبارك فيكم وانا عاوز اعرف اعمله صيانة وارشه فين ؟ عل ممكن فى المصنع 54 الحربى ويتكلف كام
|
رد: سعر السلاح النارى
سؤال بقي بعيد عن الموضوع طلما خلاص إشتريت
حصلت علي الترخيص إزاي ؟ إذا فيها إحراج بلاش وتقبل مروري |
رد: سعر السلاح النارى
مبروك يا باشا و انا إن شاء الله ماشى فى الترخيص الأيام دية المهم جبت الحلوان بكام ضرورى و البريتا لو سالت علية بكام برضة
|
رد: سعر السلاح النارى
ممكن تقول سعرة كام
|
رد: سعر السلاح النارى
ألف ألف مبروك بس ياريت أعرف الزاى أطلع تصريح أو رخصة سلاح وشكراً.
|
رد: سعر السلاح النارى
يا اخى انا مش عارف انى كنت كاره الحلوان ليه كدة
صدقنى زى ما قال اخونا الفاضل انك مش هتحارب بيه والحلوان ميعيبوش الا وزنه وسخونته فى حالة لو ضربت ثلاث خزن ورا بعض ومعتقدش ان ده هيحصل معاك وصدقنى معظم المسدسات بعد ضرب الخزنة الثانية بتبدى تسخن ودة طبيعى الا الحاجات العالية زى جلوك وال كولت وربنا يكفيك شره وان شاء الله متحتاجش تستخدمه تحياتى |
رد: سعر السلاح النارى
انا جبته من ادارة الامداد والاسلحة والذخائر بوزارة الداخلية طريق السويس ب 2700 جنيه سعر موحد لاى طبنجة حلوان بس للعلم انا عضو هيئة قضائية ومعايا اعفاء قضائى من حمل ترخيص سلاح يعنى اجراءات الترخيص عندى مختلفه ومكنتش بفكر اجيبه الا بعد الظروف اللى مرت بيها البلد وربنا يسترها على الجميع ومش عارف والله السعر ده خاص باعضاء الهيئات القضائيه ولا للجميع ....بس انا سألت عليه من يومين بمصنع 54 الحربى قالوا انه جديد ب عشرة الاف جنيه وقابل للزيادة الفترة الجايه بشكل كبير وهو زى ما قالولى نسخة من البريتا ال 9 ملى وهو سلاح البحرية الامريكيه وفى ناس بتدخل بيه مسابقات كمان ... بس اسمه فى مصر حلوان انما فى امريكا وايطاليا بريتا
|
رد: سعر السلاح النارى
الف مبروك معالى المستشار _ربنا يكفيك شر السلاح ولو عند معاليك اطفال يا ريت تكون حزر جدا و يكون موجود فى مكان بعيد عنهم خالص
|
رد: سعر السلاح النارى
سيادة المستشار .. تحياتى ومبروك على المسدس وربنا يكفيك شره انت واسرتك .. واحذر أثناء تنظيفه ألف مرة ومرة ..
سؤال كده على الماشى احنا عرفنا انت جبت التصريح إزاى .. عايزين بقى نعرف إزاى الواحد يجيب عضوية هيئة قضائية عشان ياخد تصريح سلاح ؟ ههههه |
رد: سعر السلاح النارى
عاوز حاجة نظيفة هات ألمانى أو أمريكانى أو ايطالى = Beretta / Colt / Walther
Beretta M9 Walther PPK Colt M1911 بس الكولت هيتعبك لأنة غالى على الفاضى.. و الوالتر بيعلق فخليك فى البيريتا ام 9 |
رد: سعر السلاح النارى
مبروك سيادة المستشار ....
برجاء توضيح مكان الشراء بالضبط - فى أى مكان على الطريق بالضبط -و هل كان فى المعروض بريتا و لا لأ لأننا بصدد شراء سلاح لأخى المستشار بمجلس الدولة و من أين يمكننا الشراء من القوات المسلحة و هل المسدسات السوداء تفرق عن الستانلس أم لا فى السعر و شكرا |
رد: سعر السلاح النارى
باشا بالنسبة للترخيص بتاعك انت مقدم عليه من امتى
|
رد: سعر السلاح النارى
مبوك سيادة المستشار
بس انا من مرشحى الطبنجة الهيكلر الالمانى اللى زى مع الامن المركزى الظباط سرح جميل وخفيف ودقيق جدا |
رد: سعر السلاح النارى
اقتباس:
|
رد: سعر السلاح النارى
اقتباس:
|
رد: سعر السلاح النارى
الحلوان المعدل بكام مستعمل و جديد و هل فية استانلس غير الأسود
|
رد: سعر السلاح النارى
مبروك سيادة المستشار
أنا حصلت على التصريح بتاريخ 35 مارس وبصراحة كنت عاوز مسدس ولتر بي99 بس لقيت سعرة خيالي 65000 مع شفت سعرة في أمريكا من كام شهر 550 دولار مش عارف إية الجنان بتاع المحلات في مصر. المهم يا سيادة المستشار أنا عاوز أشتري بنفس طريقتك هل هذا ممكن وكنت عاوز العناون بالضبط يعني طريق السوي بعد 2 كيلو من الطريق الدائري يعني مقابل مدخل الرحاب مثلا لو تكرمت تليفونك أو العنوان بالضبط . مع الشكر |
رد: سعر السلاح النارى
اقتباس:
ده جنان رسمى وأسوء إستغلال للأحداث . |
رد: سعر السلاح النارى
الـ65000 دول انا ممكن اشتري بيهم مدرعة حربية اصلا دي ناس بتستهبل يا عم الحج
|
رد: سعر السلاح النارى
65000 دول تكمل عليهم و تجبلك عربيه لانسر d:
|
رد: سعر السلاح النارى
موجود في الامدادات بريتا القديمة إللي هي بتاخد طلقات 9 ملي قصير (8.5 ملي) وبرده سعرها 2677
|
رد: سعر السلاح النارى
أشتريت حلوان 92 اليوم جديد من المصنع نيكل كامل
أنا رحت اليوم الاسلحة والزخيرة على طريق السويس والحمد لله لقتها أمام مدرسة ولادي علطول ورحت هناك طلب شراء طبنجة مستعملة من المضبوطات الموجودة عندهم ولكن قالو لي أن التعليمات عندهم البيع للسلك القضائي وأعضاء مجلس الشعب(سابقا) وضباط الشرطة والجيش فقط. وبرالغم من وجود تصريح شراء معي إلا أنهم رفضو فقلت يمكن الموضوع وسطة فكلمت قريب لي وهو أحد قيادات الشركة في مصر فكلم المدير اسمة اللواء يسري والراجل قابلني بمنتهى الإحترام ولكن قال لي أن القانون عندهم كدة والغريب أنني قابلت هناك كثيرين من السلك القضائي مش عارف إية دة هما القضاة هيحولو شرطة ولا إية ها ها ها. عموما سبت المكان وتوجهت إلى المصنع في المعادي بناء على نصاء الأعضاء المحترمين فوجد والحمد لله المسدس حلوان 92 بكل أشكالة وهو أرخص على الأقل 4 ألاف جنية عن السجلابي فكان الإسود منة 9850 وأيضا كان هناك النصف نيكل والنيكل كامل وكمان الذهب وأخترت النيكل بالكامل كنت شايفة أفضلهم في الشكل وكان سعرة 11370 مع خزنة 15 طلقة وكمان المسدس بيركب فية خزنة 20 وخزنة 17 وخزنة 10 بس مش متوفر في المصنع غير الخزنة 15 مع المسدس وطلبت خزنة أضافية مفيش غير 10 ب 400 جنية بس مفيش غير اللون الإسود للخزنة. وبعد ما دفعت أعطوني ورق وبصمة المسدس وذهبت إلى الأمن العام في العباسية مبنى أكادمية الشرطة سابقا وأخذت الموافقة بتعتهم وغدا إن شاء الله رايح صباح علشان أعطيهم الموافقة وأستلم المسدس ومن ثم إلى قسم الشرطة علشان أسلمهم المسدس والأوراق للمطابقة وبعدين يعطوني الترخيص المؤقت وتصريح شراء زخيرة. أنا حبيت أشارك الأعضاء المعلومات دي للإفادة. مع الشكر |
رد: سعر السلاح النارى
جزاك الله كل الخير و ربنا يكفيك شره
و شكرا علي المعلومات القيمة |
رد: سعر السلاح النارى
اقتباس:
|
رد: سعر السلاح النارى
....كيف نحصل على هذا الترخيص يااخى افادكم اللة
|
رد: سعر السلاح النارى
بعد إذن حضرتك ... سعر الطبنجه ستار كام فى إمددات الشرطه
|
رد: سعر السلاح النارى
2700 fixd price
|
رد: سعر السلاح النارى
كولت 38 سبيسيال ساقيه ممتاز،وارد امريكا مرخص للتنازل قسم مصر الجديدة 20.000
|
رد: سعر السلاح النارى
كل الماركات دي غاليه او فعلا استني مزاد المصادره وانصحك باسترا او ستار بس عيار متوفر ذي 9/19مم وبجد ديه اسلاحه معمرة وعمليه جدا بس خلي بالك من العيار
|
| الساعة الآن 03:25 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir