الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   بخصوص موضوع انى عايز اشتغل (http://www.egyhunt.net/showthread.php?t=41612)

ابن الوطن 13-07-25 08:34 PM
بخصوص موضوع انى عايز اشتغل
 
يا اجدع رجالة فى مصر كل سنة وانتم طيبين جميعا

بخصوص موضوع انا كتبتة امبارح هنا على المنتدى وكنت باخد اراءكم بخصوص انى معايا ثانوية ازهرية وعندى 37 سنة ومشتغلش ابدا فى اى حاجة وعايز اشتغل فى اعمال كتابية مثلا او سكرتير فى عيادة
وفية عضو هنا رد على امبارح ولفت نظرى لموضوع السفر وانى ممكن اسافر لدولة عربية مثلا واشتغل هناك كبياع فى محل مثلا او شىء من هذا القبيل وعلشان كدة انا النهاردة طول النهار عمال ابحث على النت على منتديات السفر والسياحة والتاشيرات واخيرا لقيت فرصتين حلوين اوى
ان دولة الكاميرون طالبة السنة دية شباب من دول عربية وافريقية بحيث انهم يشتغلوا هناك فى محميات طبيعية
اللى هى بتكون زى غابة بس لية ابواب وتحت رقابة الحكومة وانى اشتغل هناك فى رعاية الحيوانات وانى اروح لسفارة الكاميرون فى مصر واشوف بس اية الشروط والاجراءات بس كدة كدة بكون مقبول

تانى دولة وهى اسرائيل لانهم هناك عددهم قليل وبيرحبوا جدا بالجنسيات العربية بس الاولوية عندهم مصر
يعنى مصر رقم 1 وان فية اساسا مطاعم هناك بتقدم الاكل العربى والشرقى جوة تل ابيب ممكن اشتغل فيها

برضة علشان مروحش بعيد عن ابناء وطنى اللى هو انتوا يعنى عايز رايكم

وكل سنة وانتم طيبين وبصحة

Angel 13-07-25 08:41 PM
رد: بخصوص موضوع انى عايز اشتغل
 
اسرائيل و كاميرون !!! الاتنين

Angel 13-07-25 08:54 PM
رد: بخصوص موضوع انى عايز اشتغل
 
بعد اذن الناس عدم فتح اى مواضيع سياسية !!

ĴΘĶЄЯ 13-07-25 09:13 PM
رد: بخصوص موضوع انى عايز اشتغل
 
اسرائيل ؟؟؟؟؟
بالتوفيق يا ابن الوطن

loverlover 13-07-25 10:55 PM
رد: بخصوص موضوع انى عايز اشتغل
 
ربنا يوفقك فيما يرضيه

dr mido dentist 13-07-25 11:12 PM
رد: بخصوص موضوع انى عايز اشتغل
 
مش عارف ليه اما اسع الحاجات دى بحس ان فيه عملاء امن الدولة المنحل بيجسوا راى الناس فى ماضيع شائقة سبب لا يعلمه الا الله

dr mido dentist 13-07-25 11:13 PM
رد: بخصوص موضوع انى عايز اشتغل
 
نرجوا حذف الموضوع

Egyptian_Destroyer 13-07-25 11:23 PM
رد: بخصوص موضوع انى عايز اشتغل
 
فعلا بيرحبوا بينا في اسرائيل و بيعاملوا الناس احسن ما بيعاملوا ابناء جنسهم
علشان يغيروا رأينا فيهم و يكسروا عينينا و يمكن كمان يجندوا اي حد من ضعفاء الايمان
و علي فكره دي خطة شيطانيه طويله المدي .. نرجو الحذر
و نصيحتي ليك خليك في اي بلد عربي احسن
و علي فكره المعلومات دي من ناس بتشتغل في امريكا و اتعاملوا مع اليهود
بالتوفيق ... حفظك الله و تذكر ( أحذر )

ابن الوطن 13-07-26 12:40 AM
رد: بخصوص موضوع انى عايز اشتغل
 
dr mido dentist
انتا تقصد اية بان امن الدولة هما اللى بيكتبوا المواضيع دية
مش فاهمك بصراحة

Mohamed Mahmoud 13-07-26 12:45 AM
رد: بخصوص موضوع انى عايز اشتغل
 
انت بتهزر يا برنس ولا اية................ اسرائيل اية يا باشا وبتاخد راى مين

وليد سالم 13-07-26 01:03 AM
رد: بخصوص موضوع انى عايز اشتغل
 
يا ابن الوطن

هل تعلم ان عدد من استشهد في حرب اكتوبر من المصريين تقريبا 22000 شهيد
هل تعلم ان من استشهد من المصريين في حرب الاستنزاف تقريبا 12000 شهيد
هل تعلم ان عدد من استشهد من المصريين في حرب 67 تقريبا 19000 شهيد
هل تعلم ان عدد الشهداء المصريين في حرب 48 تجاوز ال 10000 شهيد

مجموع الاجمالي للشهداء المصريين برصاص دولة الارهاب والاستعمار عبر تلك الحروب 63000 شهيد مصري

فكيف تقبل ولو مجرد التفكير ان تعمل عند من قتل كل هؤلاء من اخوانك
والله ولو مت جوعا وسحلت فقرا وقتلت قهرا لن تمتد يدي ابدا لهؤلاء الا بالرصاص الحي
يا اخي العزيز تراجع عن مجرد حتي ولو اخذ الراي في ذلك الشأن

واتمني لك التوفيق والرشاد بعون الله

ابن الوطن 13-07-26 02:32 AM
رد: بخصوص موضوع انى عايز اشتغل
 
اخى وصديقى وليد سالم
انا مش اكيد هروح اسرائيل وانا بكرهم كرة العمى الله يحرقهم هما والامريكان كمان
بص يا وليد مربط الفرس من موضوعى دة اللى كتبتة امبارح انى عايز اشتغل مربط الفرس هو الجواز
انا نفسى اتجوز لانى بقة عندى 37 سنة ومفيش فلوس ولا شقة ولا اى حاجة
وفى نفس الوقت مش عارف اشتغل فى القطاع الخاص لان كل مهن القطاع الخاص بتطلب مجهود بدنى وانا اللياقة عندى قلت شوية
وعشان كدة انا شايف نفسى فى كادر معين اللى هو كل ما يتعلق بالورق والمستندات
سواء اكان اعمال كتابية او شئون عاملين حاجات من دية يعنى وانا موافق لو المرتب هيكون 100 جنية بس احس انى بشتغل

Egyptian_Destroyer 13-07-26 02:39 AM
رد: بخصوص موضوع انى عايز اشتغل
 
يا باشا ركز في كلامي اللي كتبته في الصفحه الاولي و افهم معناه كويس ... حتكسب اه بس مش لله و للوطن خد بالك ... انت حتدخل عش الدبابير برجلك ووسائلهم شيطانيه ... ربنا يسهلك الحال في وطنك او في اي دوله تانيه الا اسرائيل

وليد سالم 13-07-26 02:43 AM
رد: بخصوص موضوع انى عايز اشتغل
 
اقتباس:
المشاركة الأصلية كتبت بواسطة ابن الوطن (المشاركة 517465)
اخى وصديقى وليد سالم
انا مش اكيد هروح اسرائيل وانا بكرهم كرة العمى الله يحرقهم هما والامريكان كمان
بص يا وليد مربط الفرس من موضوعى دة اللى كتبتة امبارح انى عايز اشتغل مربط الفرس هو الجواز
انا نفسى اتجوز لانى بقة عندى 37 سنة ومفيش فلوس ولا شقة ولا اى حاجة
وفى نفس الوقت مش عارف اشتغل فى القطاع الخاص لان كل مهن القطاع الخاص بتطلب مجهود بدنى وانا اللياقة عندى قلت شوية
وعشان كدة انا شايف نفسى فى كادر معين اللى هو كل ما يتعلق بالورق والمستندات
سواء اكان اعمال كتابية او شئون عاملين حاجات من دية يعنى وانا موافق لو المرتب هيكون 100 جنية بس احس انى بشتغل


ربنا معاك ويوفقك بعونه وقدرتة ويفتح لك ابواب الرزق من فضلة

adel152 13-07-26 04:35 AM
رد: بخصوص موضوع انى عايز اشتغل
 
تحذير لجميع الاعضاء يوجد كثير من الاعلانات على الانترنت بطلب عماله أو وجود وظائف بدول اجنبية لمتحدثى اللغة العربية والمقصود من هذه الاعلانات تجنيد شبابنا للعمل مع دول عدوة لمصر (وعلى فكرة مش شرط ان الدولة اللى منزلة الاعلان تكون معاها مشكلة مع مصر لأن دى مكاتب وكلاء لبلاد أخرى).
أغلب هذه الاعلانات بيطلب منك ان تكتب الcv بتاع على النت علشان يقرروا من بياناتك لو تنفع معاهم ولا لأ.
برجاء الحيطة من هذا النوع من الاعلانات وتاكد تماما ان نسبة البطالة تتصاعد فى الاونة الاخيرة خاصة بالدول الاوروبية وليس من المنطق طلب عمالة من الخارج لأى عمل قانونى.
اللهم اني قد بلغت اللهم فاشهد.

جنرال 13-07-26 06:01 AM
رد: بخصوص موضوع انى عايز اشتغل
 
ياأخي لو عايز تشتغل أي حاجة ، روح الموسكي اشتري شوية بضايع بسيطة وبيعهم وأكسب . روح محلات بتطلب بائعين . روح مدرسة عايزه إداريين. أجر تاكسي وأشتغل عليه . فيه مليون فرصة في مصر .

قنااص العرب 13-07-26 10:54 AM
رد: بخصوص موضوع انى عايز اشتغل
 
بص بصراحة انت سوالك مستفز ومش عارف انت تقصد ايه من الموضوع ده اولا ازاى بتقول لياقتك ضعيفة ومش قادر على شغل القطاع الخاص وعاوز تسافر اذا كان شغل بره كله عربى او اجنبى شغل فاعل ومفيش ياما ارحمينى ثانيا بما انك قنوع كده وعاوز تشتغل لو 100 جنيه هتلاقى ملييوووووووون وظيفة ابسطها بائع فى اى محل ومش اقل من 300 جنيه كمان بس انت دور بجدية

abo amar 13-07-26 12:15 PM
رد: بخصوص موضوع انى عايز اشتغل
 
اقتباس:
المشاركة الأصلية كتبت بواسطة ابن الوطن (المشاركة 517465)
اخى وصديقى وليد سالم
انا مش اكيد هروح اسرائيل وانا بكرهم كرة العمى الله يحرقهم هما والامريكان كمان
بص يا وليد مربط الفرس من موضوعى دة اللى كتبتة امبارح انى عايز اشتغل مربط الفرس هو الجواز
انا نفسى اتجوز لانى بقة عندى 37 سنة ومفيش فلوس ولا شقة ولا اى حاجة
وفى نفس الوقت مش عارف اشتغل فى القطاع الخاص لان كل مهن القطاع الخاص بتطلب مجهود بدنى وانا اللياقة عندى قلت شوية
وعشان كدة انا شايف نفسى فى كادر معين اللى هو كل ما يتعلق بالورق والمستندات
سواء اكان اعمال كتابية او شئون عاملين حاجات من دية يعنى وانا موافق لو المرتب هيكون 100 جنية بس احس انى بشتغل
وانت شايف ان 100 جنيه راتب هيجوزوك ويجبولك شقه يا اخى سامحنى ان اقول لك انت عاوز العمل يجيلك وانت قاعد فى البيت يخبط على بابك كام مره نزلت تدور على شغل كام مره نزلت طرقت الابواب وبعدين مين اللى عرفك ان لياقتك قلت هو انت جربت تشتغل فى القطاع الخاص ولاقيت نفسك مفيش لياقه بص فى اى حال من الاحوال الشغل اليومين دول فى اى مكان فحت وردم فاذا كنت مستعد للفحت والردم خش مش مستعد ثق تماما انك لو اشتغلت مدير فى شركة مش هتستحمل
تحياتى .. وبالتوفيق

مورو 13-07-27 03:02 AM
رد: بخصوص موضوع انى عايز اشتغل
 
والله البلد مليانه شغل بما انك لو عايز 100 جنيه هتلاقي حاجات كتير هنا ب 500 أو 600 جنيه دور وربنا يوفقك وانا لو لاقيت حاجه هبلغك ان شاء الله

مورو 13-07-27 03:03 AM
رد: بخصوص موضوع انى عايز اشتغل
 
انت منين وساكن فين وكده يعني

مورو 13-07-27 03:07 AM
رد: بخصوص موضوع انى عايز اشتغل
 
بعد اذن ادارة المنتدى هضيف لينكات لمواقع وظائف
http://www.bayt.com/ar/egypt/job-search/


http://egypt.dubizzle.com/ar/jobs/jo...&xtor=SEC-4021[Sell_-_AR_-_Job_Seekers_-_Search]-GOO-[Sell_-_AR_-_Job_Seekers_-_Search_-_(Broad)+g+c+]-[%D8%A7%D9%83%D8%A8%D8%B1_%D9%85%D9%88%D9%82%D8%B9_ %D8%AA%D9%88%D8%B8%D9%8A%D9%81_%D9%81%D9%89_%D9%85 %D8%B5%D8%B1+1t2]-S-[%D9%81%D8%B1%D8%B5%20%D8%B9%D9%85%D9%84%20%D9%81%D 9%89%20%D9%85%D8%B5%D8%B1+b]

ابن الوطن 13-07-27 07:44 PM
رد: بخصوص موضوع انى عايز اشتغل
 
اصحابى واحبابى
انا اللى عايز اوصلة ليكم انى انا فعلان اشتغلت فى مصنع احذية ومحافظ جلد واساسا انا كنت شفت اعلان فى الوسيط طالب شباب وبنات يشتغلوا فى عيادة دكتور اسنان سكرتارية ولما رحت وعملت مقابلة مع الدكتور شاف انى مش مناسب بس انا الوحيد اللى اتصل بى بعد المقابلة بيومين وطلب انى اروح اقابلة وعرض على انى اشتغل فى المصنع بتاعة على خط انتاج ودة كلة لية علشان هو شاف فى البيانات بتاعتى انى معايا ثانوية ازهرية وهو اساسا خريج طب اسنان الازهر فاعتبر انى زميلة يعنى
المهم بعد ما رحت واشتغلت فعلان هما 3 ايام بالضبط ومشيت لانى فوجئت بمجهود بدنى رهيب
يا اصحابى انا ببحث عن الشغل اللى هو كل ما يتعلق بالورق والمستندات

NEW_Year 13-07-27 11:50 PM
رد: بخصوص موضوع انى عايز اشتغل
 
السلام عليكم ورحمة الله و بركاتة

اولا اهلا بحضرتك في منتدي الصيد في مصر وسط اخواتك واحبابك ..
تحية طيبة وبعد .
بالنسبة لموضوع اسرائيل ياريت جضرتك تنسي التفكير فية من الاساس لانك هتكون داخل في طريق انت مش حاسة ومعذرة اخي الكريم مش فاهم المقصود من وراء هذة الطلب للوظيفة اية هو ؟

بالنسبة في مصر في الكثير من الشغل والفرصة متاحة للجميع طلاما حضرتك بتتكلم عن راتب قليل مثل ما قلت 100 جنية
بكل سهولة تقدر تشتغل فأي محل واقل شيئ 500 جنية
لو حضرتك نزلت كدا فمرة بعد الفطار في رمضان او بعد المغرب في باقي الشهور العادية واتمشيت شوية علي رجلك
اعتبرها تمشية فقط وبص علي المحلات هتلاقي الكثير كاتبين ( مطلوب بائعين بمرتبات مجزية ) اكيد المرتب هيتراوح من 500 جنية الي 600 جنية كبداية ودا طبعا بالنسبة لطلب حضرتك ال 100 جنية اعتقد انو شيئ كبداية مش وحش .

ابتدي واتوكل علي الله واخلص نية انك تدور انزل علي رجلك ودور مش تدور وانت قاعد في البيت علي النت
وكلم احبابك ومعرفك قولهم انك عاوز تشتغل ولو حد لافي شغل لحضرتك يقولك مفهاش عيب
وللعلم : الشغل عمرة ما كان عيب طلاما مش بيقل من كرامة الانسان
قدام حضرتك حل تاني وهو تاكسي لو معاك رخصة وبتعرف تسوق .. لو مش معاك رخصة بتقدر تطلعها وتشوف حد يكون بيأجر تاكسي وتشتغل علية لما تعملك في اليوم 50 جنية ليك انت بالاضافة الي يومية التاكسي رضا
50*30 = 1500 نقول 1000 جنية نقول 700 جنية اعتقد كبداية تقدر تأقلم نفسك عليها في المعيشة
وربنا مش بينسي حد بس الاجتهاد ثم الاجتهاد اخي الكريم

اتمني يكون كتابتي هونت علي حضرتك شوية ويكون فيها ولو القليل من الامل لحضرتك
واسئل الله التوفيق لك وللجميع .. بس ابعد عن فكرة اسرائيل نهائي #

سلام عليكم

smsm saber 13-07-28 01:18 AM
رد: بخصوص موضوع انى عايز اشتغل
 
شركة السلاب للسيراميك والبورسلين (المهندس / احمد السلاب ) , تطلب الوظائف التالية :
عدد 5 اخصائي مبيعات لفرع 6 اكتوبر كود HR12
عدد 8 اخصائى مبيعات لفرع مكرم عبيد كود HR13
عدد 4 اخصائي خدمة عملاء لفرع 6 اكتوبر كود HR14

(يشترط قرب السكن من الفرع ومؤهل عالى مناسب)


معلومات هامة عن الوظائف :
ساعات العمل 12 ساعة .
الاجازة يوم واحد اسبوعيا .
الراتب يبدا من 1100 جنية الى0000.
حوافز كل 3 اشهر مجزية.
زيادة على الراتب كل 6 اشهر وهذا يميزنا.
فرصة للترقى .
عقود عمل غير محددة المدة .
تامين اجتماعى وصحي تتحمل تكلفتة الشركة.
تدريب وتنمية مهارات موظفي الشركة بشكل مستمر .


ترسل السيرة الذاتية مع مراعاة كتابة كود الوظيفة على hr@ahmedelsallab.com


للاستعلام: عشرة خطوط 89 - 0227272780

smsm saber 13-07-28 01:19 AM
رد: بخصوص موضوع انى عايز اشتغل
 
https://www.facebook.com/TawzeefMasry

Egyptian_Destroyer 13-07-28 01:51 AM
رد: بخصوص موضوع انى عايز اشتغل
 
اقتباس:
المشاركة الأصلية كتبت بواسطة NEW_Year (المشاركة 518028)
السلام عليكم ورحمة الله و بركاتة

اولا اهلا بحضرتك في منتدي الصيد في مصر وسط اخواتك واحبابك ..
تحية طيبة وبعد .
بالنسبة لموضوع اسرائيل ياريت جضرتك تنسي التفكير فية من الاساس لانك هتكون داخل في طريق انت مش حاسة ومعذرة اخي الكريم مش فاهم المقصود من وراء هذة الطلب للوظيفة اية هو ؟

بالنسبة في مصر في الكثير من الشغل والفرصة متاحة للجميع طلاما حضرتك بتتكلم عن راتب قليل مثل ما قلت 100 جنية
بكل سهولة تقدر تشتغل فأي محل واقل شيئ 500 جنية
لو حضرتك نزلت كدا فمرة بعد الفطار في رمضان او بعد المغرب في باقي الشهورة العادية واتمشيت شوية علي رجلك
اعتبرها تمشية فقط وبص علي المحلات هتلاقي الكثير كاتبين ( مطلوب بائعين بمرتبات مجزية ) اكيد المرتب هيتراوح من 500 جنية الي 600 جنية كبداية ودا طبعا بالنسبة لطلب حضرتك ال 100 جنية اعتقد انو شيئ كبداية مش وحش .

ابتدي واتوكل علي الله واخلص نية انك تدور انزل علي رجلك ودور مش تدور وانت قاعد في البيت علي النت
وكلم احبابك ومعرفك قولهم انك عاوز تشتغل ولو حد لافي شغل لحضرتك يقولك مفهاش عيب
وللعلم : الشغل عمرة ما كان عيب طلاما مش بيقل من كرامة الانسان
قدام حضرتك حل تاني وهو تاكسي لو معاك رخصة وبتعرف تسوق .. لو مش معاك رخصة بتقدر تطلعها وتشوف حد يكون بيأجر تاكسي وتشتغل علية لما تعملك في اليوم 50 جنية ليك انت بالاضافة الي يومية التاكسي رضا
50*30 = 1500 نقول 1000 جنية نقول 700 جنية اعتقد كبداية تقدر تأقلم نفسك عليها في المعيشة
وربنا مش بينسي حد بس الاجتهاد ثم الاجتهاد اخي الكريم

اتمني يكون كتابتي هونت علي حضرتك شوية ويكون فيها ولو القليل من الامل لحضرتك
واسئل الله التوفيق لك وللجميع .. بس ابعد عن فكرة اسرائيل نهائي #

سلام عليكم
+++++++++++++++++++++++++++++++1

ابن الوطن 13-07-28 02:08 AM
رد: بخصوص موضوع انى عايز اشتغل
 
انا مكنتش اتصور والله
مدى جدعنة ورجولة اعضاء المنتدى هنا والله
احسن شباب ورجالة فى مصر والله
مجرد ما حكيت على ظروفى وانى معايا ثانوية ازهرية وعندى 37 سنة وعمرى ما اشتغلت ابدا فى حياتى الكل تسابق على افادتى سواء من ممارستة للعمل وافادتى بخبراتة او الناس اللى تعبت وجابتلى مواقع للتوظيف انا مش عارف اوصف اللى حصل دة الا بان المنتدى دة واهلة وشبابة ورجالتة يمكن اجدع واحسن شباب مش فى مصر فى الوطن العربى كلة والمنتدى دة بشبابة ورجالتة يعتبر مفخرة عظيمة لجميع المنتديات بكافة انواعها مش فى مصر بس فى الوطن العربى كلة
تسلموا يا شباب والله
وكل سنة وانتم طيبين جميعا
وحسنة قليلة تمنع بلاوى كتيرة
وياهناك يا فاعل الخير والثواب
طب اى حاجة ربع جنية واروح هنا
هههههههههههههههههههههههههههه

وليد سالم 13-07-28 02:16 AM
رد: بخصوص موضوع انى عايز اشتغل
 
اقتباس:
المشاركة الأصلية كتبت بواسطة ابن الوطن (المشاركة 518085)
انا مكنتش اتصور والله
مدى جدعنة ورجولة اعضاء المنتدى هنا والله
احسن شباب ورجالة فى مصر والله
مجرد ما حكيت على ظروفى وانى معايا ثانوية ازهرية وعندى 37 سنة وعمرى ما اشتغلت ابدا فى حياتى الكل تسابق على افادتى سواء من ممارستة للعمل وافادتى بخبراتة او الناس اللى تعبت وجابتلى مواقع للتوظيف انا مش عارف اوصف اللى حصل دة الا بان المنتدى دة واهلة وشبابة ورجالتة يمكن اجدع واحسن شباب مش فى مصر فى الوطن العربى كلة والمنتدى دة بشبابة ورجالتة يعتبر مفخرة عظيمة لجميع المنتديات بكافة انواعها مش فى مصر بس فى الوطن العربى كلة
تسلموا يا شباب والله
وكل سنة وانتم طيبين جميعا
وحسنة قليلة تمنع بلاوى كتيرة
وياهناك يا فاعل الخير والثواب
طب اى حاجة ربع جنية واروح هنا
هههههههههههههههههههههههههههه


انت منور في وسطنا ده مكانك في اي وقت وبين اخونك وتحت امرك وقتما تشاء يا صديقي وعيونا ليك

ابن الوطن 13-07-28 02:50 AM
رد: بخصوص موضوع انى عايز اشتغل
 
تسلم يا استاذى وليد سالم
ربنا يخليك يا غالى ويديك الصحة
اهلا بيك فى منتدانا وسط اهلك واحبابك
ههههههههههههههه

hogan 13-07-28 12:08 PM
رد: بخصوص موضوع انى عايز اشتغل
 
لا تعليق ؟؟؟؟؟؟؟؟؟؟؟؟


الساعة الآن 03:47 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir