الصيد فى مصر

الصيد فى مصر (http://www.egyhunt.net/index.php)
-   محدثات الصوت (http://www.egyhunt.net/forumdisplay.php?f=81)
-   -   المسدس اللى بسببه أتغير عندى معظم اللى عرفته عن الاسلحه valtro mod AP 92 army (http://www.egyhunt.net/showthread.php?t=43712)

محمد الحكيم 13-11-12 03:24 AM

المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
اولا بعد السلام عليكم أعضاء المنتدى الكرام الاكثر أحترام على المستوى العام النهارده أنا جبت مسدس بعد محاولات دامت لأكثر من 4 سنين مع صاحبه أن يبيعه مكنش راضى احكيلكم الموضوع فى واحد صاحب الوالد اسمه الحاج حسن الحاج حسن كان شارى المسدس من سنة 84 والمسدس كان عاجبنى جدا وكنت كل لما اشوفه اعرض عليه أن يبيعه وهو مكنش راضى انا مسكت المسدس كتير ولما شفته عرفت أنه مسدس قيم جدا جدا وبرده حاولت معاه مرات كتييييييييييييييييييييير جدا بس للأسف كنت بفشل المسدس المكتوب عليه حاجه غريبه مكتوب عليه فالترو AP 92 Army ودى حاجه بصراحه عمرى ماشفتها المهم بالصدفه النهارده كان الحاج حسن عندنا فى البيت جيت اهزر معاه وبقوله أيه ياعم حسن هو انت مش تاوى ترضى عنى وتبيع ليه المسدس لاقيته بيقولى لا خلاص أنا رضيت عنك وهديهولك من غير فلوس كمان بصراحه أنا حسيت أن من شدة الابتسامه أن وشى مش هعرف ألمه تانى خالص طبع دى فرصه من الاخر بس بصراحه انا قلت فى عقلى لا اديله فلوس أحسن ممكن بعد كام يوم يتصل بيه يقولى ابعت المسدس اصلى محتاجه او مثلا حد من أولاده يقله لا انا عاوزه بدام انت استغنيت المه قلت له لا انا مقدرش اقبله منك على اساس انه هديه انا اشتريه منك ماشى؟ مخبيش عليكم انا كنت مستنى رده وصوت دقات قلبى بقت عامله زى المسدس الجاكالى دول لما بيضرب الى المهم رد عليه موافق اتفقت معاه على السعر وياريت محدش يسأل السعر كام علشان انا بخاف من الحسد هههههههههههههههههههه المهم هو خد الفلوس وأدانى المسدس وفى قلب الخزنه حوالى 12 طلقه المانى المسدس عيار 8mm وبصراحه دى الحاجه الوحيده اللى كانت مزعلانى ودا علشان عمرى مجربت المسدس دا بالتحديد انا كان اخرى معاه اتفرج عليه من بعيد لبعيد المهم أخدت المسدس والحاج حسن قعد شويه ومشى مسكت المسدس قلعته مالط ونظفته تمام وخرجت أجرب صوته طبعا فيكم اللى هيقول حرام الطلق الالمانى مش موجود والطلق غاليه بسالتجربه مجتش على الفاضى المهم نزلت اجرب المسدس فى حته فضيه كدا فى الشارع عندنا مع العلم أنا الشارع لسه جديد وتحت الانشاء يعنى لسه فى بيوت بتتبنى المهم نازل اجرب المسدس لاقيت شاب شكله مش مظبوط وماشى ومعاه شوال انا زلت شفنى لقيت بدء يجرى المهم طلعت المسدس من جنبى وشديت الاجزاء وقلت له أثبت عندك وضربت 3طلقات فى الجو الشاب دا سمع صوت المسدس وقع على وشه واتبهدل خالص المهم قام جرى وساب الشوال وجرى رحت افتح الشوال لاقيت فيه سلوك كتير من بيت جديد فى الشارع الشاب دا كان سارقهم المهم الناس طبعا طلعت فى البالكونات واللى نزل من بيته المهم شرحت ليهم الموضوع بس مش دا المهم المهم انى بعد الكام طلقه دول انا كنت حاسس انى مش سامع كويس مكنت متخيل ان مسدس 8mm صوته يبقى كدا خالص انا أسف طولت عليكم بس معلش من فرحتى بالمسدس حبيت تشركونى الفرحه دى ان اول يوم للمسدس معايا أستعمله فى الخير مع العلم ان الاسلاك اللى كانت فى الشوال تقدر بحوالى 5000 جنيه اسيبكم مع الصور التحفه الجميله دى وتحياتى لكل الاخوه الاعضاءhttp://im42.gulfup.com/i6a1Z.jpg
http://im42.gulfup.com/bjs4K.jpg
http://im42.gulfup.com/zTYAY.jpg
http://im42.gulfup.com/KbV9X.jpg
http://im42.gulfup.com/rLh7j.jpg
http://im42.gulfup.com/pguZc.jpg
http://im42.gulfup.com/nBopC.jpg
http://im42.gulfup.com/oPkK9.jpg
http://im42.gulfup.com/fnQFm.jpg

Alessandro 13-11-12 03:34 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
الف مبروك يا غالى وربنا يباركلك فيه و يكفيك شره

محمد الحكيم 13-11-12 03:39 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
ربنا يخليك يا كبير بس ان مش عارف ارفع الصور كل شويه يدينى فشل الرفع

Alessandro 13-11-12 03:56 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
اقتباس:

المشاركة الأصلية كتبت بواسطة محمد الحكيم (المشاركة 535653)
ربنا يخليك يا كبير بس ان مش عارف ارفع الصور كل شويه يدينى فشل الرفع

ده موضوع لأخ لينا هنا فى المنتدى فيه طريقة سهلة لرفع الصور على المنتدى

http://www.egyhunt.net/showthread.php?t=42890

محمد الحكيم 13-11-12 04:41 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
تسلم يا كبييييييييييييييييييير

farouk 13-11-12 10:15 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
الف مبرووووووووووووووك

محمد الحكيم 13-11-12 04:11 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
أرجو من الاعضاء المحترمين تقييم المسدس بالنسبه للسعر

boodi gawish 13-11-12 09:42 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
مبرووك يا باشا علي المسدس

el7awi 13-11-12 10:32 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
مبرووووووووووووك :)

ĴΘĶЄЯ 13-11-12 10:44 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
بسم الله ما شاء الله
رووووووووووووووووووووعه
وشكله شبه الحي بالظبط
مبروك عليك يا باشا

هشام سمير 13-11-13 12:33 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
مبروك محمد باشا هو صوره بالكربون من بريتا 84
تقدر تستخدمله قطع غيار البيرتا

mohamedatia 13-11-13 01:08 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
مبروك مسدس قيم

محمد الحكيم 13-11-13 03:33 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
ربنا يخليكو يا جماعه وشكرا لحضرتك يا هشام بيه بس المسدس اكبر بكتير من البيرتا 84 بالنسبه للخزنه او الاخزاء بتاعته

Mr_mody 13-11-15 05:35 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
مسدس قيم جدا! و ميغركش الطلق ال8 ملي علي فكره! بس المشكله ان احنا هنا البلد فقر و مفهاش محدثات صوت! ربنا يبارك لك فيه و حافظ عليه و ماتفرطش فيه !
تحياتي يا باشا

أبو علي 13-11-17 04:08 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
ما شاء الله ربنا يباركلك فيه .. لكن ايه الفرق بينه و بين الفالترو 98 ؟؟؟ اعتقد انهم واحد !!!!

mahmoudsaid 13-11-17 07:25 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
مبروك يا باشا

محمد الحكيم 13-11-22 01:27 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
ربنا يبارك فيكم يا جماعة وبالنسبه للسؤال الاستاذ أبو على الفرق كبير جدا بينه وبين ال98 يعتبر فرق السما والارض مسدسى أنا الخامه اللى مصنع منها المسدس عاليه جدا ماسورة المسدس وسعه من الامام والطبه اللى فى الماسوره مش بينه خالص بيت النار صلب والماسورة على ما أزن أنه حديد معظم أجزاء المسده تحس أنها حديد الخزنه بتشيل 18 طلقه عيار 8mmبس الصوت عالى جدا بطريقه غريبه ومش مفهومه كملن المسدس فيه حاجه غريبه جدا مشفتهاش غير فى المسدس الحى الهكلار اليو أس بى كومبكت وهى عباره عن جلبه كوتش ركبه على سوستت العمود الارتداد اللى التحت الماسوره ودى مهمتها حاجات كتير وهى تقليل ردة الفعل لمسدس وتخفيف الاحتكاك من السوسته والعمود المسدس كان صحبه شريه من سنة 1984 والمسدس حالته كويس مش نافصه غير زرار الامان واتمنى من ربنا كل زميل لينا فى المنتدى نفسه فى مسدس ربنا يكرمه ويشتريه

أبو علي 13-11-22 01:30 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
شكرا للتوضيح .. ربنا يبارك لك فيه :)

sayed amer 13-11-22 01:48 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
الف مبروك وربنا يكفيك شره
وبالنسبه لتقيم من 800 ل1000

محمد الحكيم 13-11-22 03:11 AM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
شكرا يا جماعه بس للمعلومه بسيطه أنا اعرض عليا فيه 1500 انا محبتشا ابيعه دا أصدار مش موجود دلوقتى خالص
واللى عرض السعر غاوى اسلحه وفاهم كويس بيقول كام

boodi gawish 13-11-22 06:20 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
اقتباس:

المشاركة الأصلية كتبت بواسطة محمد الحكيم (المشاركة 536854)
شكرا يا جماعه بس للمعلومه بسيطه أنا اعرض عليا فيه 1500 انا محبتشا ابيعه دا أصدار مش موجود دلوقتى خالص
واللى عرض السعر غاوى اسلحه وفاهم كويس بيقول كام

فعلا مسدس قيم ربنا يباركلك

محمد الحكيم 14-02-08 10:24 PM

رد: المسدس اللى بسببه أتغير عندى معظم اللى عرفته عن الاسلحه valtro mod AP 92 army
 
مع الاسف المسدس للبيع يا جماعه


الساعة الآن 07:15 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir