شكر خاص للأستاذ والأخ العزيز جلال باشا خليفه
 

ياجماعه أنا عايز أشكر الراجل ده علي مساعدته لي ، بس والله ما أنا عارف أشكره أزاي ولا علي أيه علي الجدعنه ولا طول البال ولا سعة صدره ولا حبه للخير .... بس في النهاية اللي أقدر أقوله ( قال رسول الله صلي الله عليه وسلم ( لا يشكر الله من لا يشكر الناس ) رواه الترمذي أبو داود من حديث أبي هريرة رضي الله عنه ) ... وجزاك الله كل الخير والإحسان والصحة والعافية ولكل عضو في المنتدي أكسبني معلومة تفيدني في شراء البندقية

وبالمناسبة يا جماعه أنا أشترتها النهاردة الحمد لله والجماعه اللي في المحل عملوا تقدير كبير للاستاذ جلال لما جبت سيرته وعملوا معايا واجب

أنا جبت بندقية جامو هنتر 890 بصراحة بندقية جميلة ماشاء الله

رد: شكر خاص للأستاذ والأخ العزيز جلال باشا خليفه
 

الاخ مجدى
مبروك البندقيه .. وبعدين ده شىء متوقع من اخ زى الاستاذ جلال

رد: شكر خاص للأستاذ والأخ العزيز جلال باشا خليفه
 

الله يبارك فيك يا باشا
أنا عارف يا أستاذ body77 ان ده ما يوفيش حقه بس علي الأقل يعرف أنا بقدره أد أيه مع أن ده ميوصف شعوري ناحيته

رد: شكر خاص للأستاذ والأخ العزيز جلال باشا خليفه
 

ألف مليون مبروك ياباشا
ربنا يديك خيرها ويكفيك شرها يارب.
ده العادى بالنسبة للأخ جلال من خلال معرفتى بيه من مشاراكاته فى المنتدى لأن الوجوه لم تتقابل بعد.
ربنا يباركله فى صحته وأولاده.

رد: شكر خاص للأستاذ والأخ العزيز جلال باشا خليفه
 

الاخ مجدى والاخ عادل
انا ماكنتش اعرف الاستاذ جلال قبل كده ولم اكن رايته الاعن طريق المنتدى والمشاركات
ويوم الاربعاء الماضى اتصلت بيه وعزمت نفسى عنده على قهوه والراجل رحب بى جدااوبعد ان اعطانى العنوان المصيبه الكبرى اننا طلعنا جيران؟؟؟؟المهم بعد انتهائى من يوم عمل شاق وقاسى ( 15 ساعه ) مريت على الاستاذ جلال فى القهوه وكان بيلعب طاوله وتعرفت عليه وجلست منتظره حتى ينتهى من اللعب وكان الوضع مش ...وانتظرت انتهائه من العشره و الحمد لله وشى كان حلو عليه وكسب هههههههه
المهم جلسنا وتحدثنا ومش عارف اقول ايه بصراحه ...تعب وارهاق اليوم كله راح وبصراحه ماكنتش عايز امشى لولا ان كان ورائى بعض الاشياء ماكنتش قمت واعتقد ان حضرتك اتصلت بيه وانا موجود وشوفت مدى الاهتمام والجديه فى حديثه معك
واعتقد مهما قلت وتكتبت مش هقدر اقول او اوصف هذا الاخ ... الاستاذ جلال خليفه