|
لكى تصيب الهدف لاتلتزم بقواعد الرماية
الإخوة الأعزاء
السلام عليكم ورحمة الله وبركاته وكل عام ومجتمع الرماة بخير لدى تجربة مؤكدة ومستمرة وأخضعها كل يوم للإختبار ... وللغرابة فإنها تصدق دائما مما يجعلها خبرة ثابتة ... قاعدة يعنى. قاعدتى تقول: لاتلتزم بما نعرفه من قواعد الرماية وسوف تصيب الهدف ... وفى السنتر وأيا كانت المسافة. أمارس الرماية تقريبا بشكل شبه يومى ... أطبق قواعد الرماية المعروفة زى الإمساك الخفيف بالبندقية، وتنظيم النفس، ووضع شعيرة الناشنكان الأمامى فى منتصف فتحة الشيز مع تساوى الأكتاف وفى أسفل منتصف الهدف، والسحب الخفيف والثابت للزناد، والسماح للبندقية بالإرتداد بحرية، ومتابعة الطلقة، ... إلخ ... أعمل كل ده وتأتى الطلقة على الحافة الخارجية للهدف إن كنت محظوظا وعلى بعد بوصات فى أغلب الأحيان. أنسى كل هذه القواعد فلا تساوى فى إرتفاع مجموعة الناشنكان ولا تنظيم للتنفس ولا وضع أعلى الشعيرة فى أسفل منتصف الهدف ولا سحب خفيف للزناد ولا حاجة من دى خالص ... فقط أقوم بتوجيه البندقيه تجاه الهدف وأتبع إحساس خفى داخلى يقول أننى فى هذا الجزء من الثانية سأصيب الهدف ... أضغط على الزناد وتأتى الطلقة فى السنتر تماما. أجرب مرات ومرات ... وفى كل مرة أتبع القواعد تروح الرشة فى مكان لا أتوقعه ... وكل رشة فى إتجاه مختلف ... أنسى القواعد تأتى الطلقات بعضها فوق بعض وفى السنتر بالضبط ... هل من تفسير؟؟ معلومة: البندقية ديانا 350 ماجنوم، والرش كله من بره حيث تمكننى ظروف من ذلك. يتبقى أن أكرر التحية للإخوان وللأساتذة مشرفى المنتدى |
رد: لكى تصيب الهدف لاتلتزم بقواعد الرماية
الموضوع مش كده بالظبط انت لما تلتزم بقواعد الرمايه بتضعط علي نفسك و بالتالي اعصابك بتتوتر فممكن يكون
السبب من كده ..........ز كمان في الغالب محدش بيلتزم بقواعد الرمايه بالظبط في النهايه شكرا للافاده |
رد: لكى تصيب الهدف لاتلتزم بقواعد الرماية
حاجه غريبه ,,,هنجرب و نشوف النتيجه
|
رد: لكى تصيب الهدف لاتلتزم بقواعد الرماية
انا ساعات برضه بحس بكده !!
والغريب انى بفضل الاوبن سايت اكتر من الاسكوب ونتايجه بتبقى دقيقه اكتر من الاسكوب |
رد: لكى تصيب الهدف لاتلتزم بقواعد الرماية
وصفة جديدة
|
رد: لكى تصيب الهدف لاتلتزم بقواعد الرماية
مش ضروري انها تبقى قاعدة ممكن الموضوع ده يمشي مع حضرتك بس مع ناس تانية لأ واحتمال يكون لما انت بتركز في القواعد أوي بتفقد حس عندك يخليك متصيبش تمام ومش كل الناس عندها الحس ده وبصراحة أنا شايف ان القواعد محطوطة للمبتدئين، لو اتدربوا عليها كويس ومشيت معاهم يبقى أوكي، لو ما مشيتش معاهم لحد ما بقوا محترفين يبقى يحاولوا يشوفوا طريقتهم الخاصة وزي ما بيقولوا "لكل قاعدة استثناء" فممكن بعض الناس ومنهم حضرتك تكون الاستثناء هنا وشكرا لمشاركتك التجربة :) |
رد: لكى تصيب الهدف لاتلتزم بقواعد الرماية
عفوآ سيدي الفاضل ولكني أختلف معك في تجربتك تمامآ .. هناك قواعد تتبع في الرمايه و عند اتقانها فأنت تكون قد وصلت لدرجة اﻹحتراف. من المؤكد أنك ترتكب خطاء ما أثناء التصويب و هو ما يجعلك لا تستطيع ظبط عملية التصويب.
تقبل تحياتي |
رد: لكى تصيب الهدف لاتلتزم بقواعد الرماية
الكلام ده فيه كثير من الصحة..ولكنه ينطبق على من له خبرة طويلة فى الرماية وليس على المبتدئ ..والدليل أنه يوجد محترفين رماية فى مختلف أرجاء العالم يستخدمون المسدسات والبنادق بدون استعمال الناشنكاه أصلا . فقط بتوجيه السلاح بأتجاه الهدف ..وبسرعة رهيبة ولكن طبعا دى قدرات خاصة جدا ...تحياتى للجميع
|
رد: لكى تصيب الهدف لاتلتزم بقواعد الرماية
ساعات بعملها والله وبتيجى بالظبط مع انى ببقى مش ثابت
|
رد: لكى تصيب الهدف لاتلتزم بقواعد الرماية
اقتباس:
سيدى الفاضل هذا معناه إن حضرتك غريزة الرماية عندك عالية ، و دى نعمة مش موجودة عند كل البشر ، و هذا النوع من أنواع الرماية يعرفه العسكريين بإسم ( الرماية بالغريزة ) و عادة يكون من أى وضع و فى مواقف يكون فيها الإنسان متحركا |
رد: لكى تصيب الهدف لاتلتزم بقواعد الرماية
و الله غريبة الحكاية ديه.. :) هبقى أجربها كدة إن شاء الله بس يمكن عشان حضرتك لما بتطبق القواعد بتبقى متوتر.. :)
|
رد: لكى تصيب الهدف لاتلتزم بقواعد الرماية
أعتقد بكتر التركيز على قواعد التنشين بتفقد الكثير من التركيز على الهدف وكلما زاد الوقت فى رفع البندقية على الهدف كلما زادت حركة ماسورة البندقية عن الهدف نفسه.
لكل منا قدرات تختلف عن الأخر وحضرتك عندك قدرة بأستعمال قواعد التنشين بدون تفكير وبذلك وقت التنشين بيكون قصير والبندقية بتكون مازلت ثابتة على الهدف بدون تحرك ماسورة البندقية مما يعطى النتيجة المطلوبة. |
رد: لكى تصيب الهدف لاتلتزم بقواعد الرماية
اقتباس:
++++++++++++++++++++++++1 |
رد: لكى تصيب الهدف لاتلتزم بقواعد الرماية
كلامك صح بس مش بالضبط قواعد الرماية دى ضرورية جدا يعنى لولاها عمر ما كانت خبرتك حتوصل
للدرجة دى و دا كلو مجرد تمرس واحساس و خبرة من كتر الضرب زى ضابط الحراسات الخاصة بيطلع المسدس و يضرب فى حركة واحدة فى جزء من الثانية و بتيجى اكيد ما اعدش يتاكد من كل الخطوات دى قبلها دا راى و تقبل مرورى |
رد: لكى تصيب الهدف لاتلتزم بقواعد الرماية
فعلاالطريقه دي عمليه وناجحه جدا معايا لانى بكون مطبق من غيرنوم لمابطلع اصتاد وده لاني لونمت مابعرفش اقوم الفجر يعنى بتبقا حته الدقه والثبات معدومه وده السبب فى اتباعى لطريقه دي بيبقا كل تركيز فى توقيت الضغط على الذناد حتى لو البندقيه مش ثابته المهم امتى اضرب على الهدف
وساعات بضرب وانا بتحرك مش ثابت لان الطير مابيدنيش فرصه اقف |
رد: لكى تصيب الهدف لاتلتزم بقواعد الرماية
هقول تفسير مختلف شوية...........لو عضلات الزراعين ضعيفة شوية والبندقية تقيلة......لو قعدت تطبق فى قواعد اكيد على ما تيجى تضرب ممكن دراعاتك تكون خدلت و الرشة تطلع اوت..........
لكن لما بتضرب بسعة ضعف الزراعين وثقل وزن البندقية مابيلحقوش يأثروا على دقة النشان..... يعنى التحكم فى اعصابك يتأثر بشكل كبير بثقل وزن الندقية وطوول فترة التصويب دى وجهة نظرى...مين متفق ومين مختلف؟ |
رد: لكى تصيب الهدف لاتلتزم بقواعد الرماية
هقول تفسير مختلف شوية...........لو عضلات الزراعين ضعيفة شوية والبندقية تقيلة......لو قعدت تطبق فى قواعد اكيد على ما تيجى تضرب ممكن دراعاتك تكون خدلت و الرشة تطلع اوت..........
لكن لما بتضرب بسرعة ضعف الزراعين وثقل وزن البندقية مابيلحقوش يأثروا على دقة النشان..... يعنى التحكم فى اعصابك يتأثر بشكل كبير بثقل وزن الندقية وطوول فترة التصويب دى وجهة نظرى...مين متفق ومين مختلف؟ |
رد: لكى تصيب الهدف لاتلتزم بقواعد الرماية
على ما اعتقد ان الموضوع مرتبط بالحاله النفسيه او قوة الاعصاب بدرجه كبيره
وعلى فكره انا معظم ضربى بيكون خطف او نتش الزناد فى جزء من الثانيه وبيعمل معايا نتايج هايله مع ان من ضمن قواعد التنشين بتحزر من انك تنتش الزناد لكن انا بانتش وبتيجى سبحان الله ههههههههههههههههههههه تسلم ايدك ياباشا |
| الساعة الآن 01:55 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir