|
ظاهرة في منتهي الخطورة
إستمرار لمسلسل الهلس الموجود في مصر من زمان أوي مش بس بعد الثورة أول إمبارح إثنين من أصدقائي إتقبض عليهم للأسف في جريمة حيازة سلاح و هو برضه للأسف سلاح في منتهي الخطورة ( بندقية رش كرال ) علي فكرة أنا مش بهزر أنا بتكلم بجد إتمسكوا ببندقية رش كرال و 3 علب رش و راحوا قسم المرج بالفعل و مخرجوش غير تاني يوم العصر و مأخدوش البندقية و لا الرش التفسير الوحيد لموضوع زي ده إن للأسف الحلقة المفقودة بين الإنسان و القرد ظهرت في مصر لما عنصر فرض قانون ( ضابط شرطة يعني ) يقبض علي مواطن واقف جنب كام شجره بيضرب عصافير ببندقية رش و بعمله محضر حمل سلاح و ياخده القسم و يبيته ليله لتاني يوم العصر و يصادر منه البندقية يبقي الضابط ده يا إما مختل عقليا يا إما كان شارب حاجة مع العلم إن الإتنين مهندس بترول و طبيب أسنان يعني مش عربجية أو مسجلين و شنطة العربية عليها عصافير و يمام و علبة الرش مفتوحة علي شنطة العربية الضابط إللي ميعرفش يفرق بين بندقية الرش و بين السلاح الحي يبقي يفتح محل كشري أفضل ليه و للناس أو يقدم في مصلحة البريد لأنها بصراحة مش ناقصة قرف و عك أكتر من كده بصراحة أنا بقالي فترة بفكر أشتري بندقية لأن الصيد إستهواني بعد تجربة مع أصدقاء لكن دلوقتي إنتقلت من مرحلة التفكير لمرحلة التصميم و نفسي و مني عيني أقابل واحد من عينة الضابط الهلس ده علشان تبقي حفلة شاي إنجليزي للصباح الباكر بجد حاجة تقرف |
رد: ظاهرة في منتهي الخطورة
هذه هى مصر .................!؟
|
رد: ظاهرة في منتهي الخطورة
السلام عليكم يا أستاذ أحمد يا رب تكون بخير
أنا لي وجهة نظر مختلفه في الموضوع و هي أن الأمر يعود إلي طريقة تعاملك مع ضابط الشرطة يعني سامحني ممكن يكون أصدقائك آستفزوه أو تحدثوا معه بطريقه غير لائقه أو مثلاً تهكموا عليه في الرد عند السؤال المعتاد "أنتم بتعملوا إيه " " أو إيه البنادق دي" " أو في ترخيص للبنادق دي" و علي شاكلة هذه الأسئله الذي إذا تمت الإجابة عليها بإبتسامه أو شئ من اللياقة في الحديث و ذكاء الحوار الموقف بيعدي. الكلام ده مش كلام مرسل و الله و عن تجربه. فأحيناً كثيره أنا و محمد محمود بنقابل كمائن شرطه و معانا بنادق ديانا اللي شكلها لوحده يودي في داهيه و بطريقة الحوار الضابط بيبتسم و يقولك طب عدوا علينا شوية حمام و أنتم راجعين و مره إتنين ظباط قالك ممكن أضرب بيها مره :). و أقسم لك بالله إننا ساعات بنضرب قدام قسم شرطه أو بوكس كمين واقف بس زي ما بقولك أسلوبك بيفرض علي الطرف الأخر طريقة التعامل. ممكن تلاقي حد مرعوب من منظر البندقية لما تنزل بيها من العربيه و في مثل ذلك الموقف نتعمد الإبتسام في وجه هذا الشخص المرعوب و طمئنته بكلمة "متخفش إحنا بنصتاد". النهارده مثلاً و في رحلات صيد سابقه كنا بنضرب أمام منطقه عسكرية أه و الله عسكرية و ممكن تلاقي حراسات الأبراج بعته حد يقولك أنت بتعمل إيه أو لو سمحت إمشي لما بنرد "إحنا أسفين و حاضر" بينتهي الموقف فوراً و ممكن تقلب بهزار و لكن تخيل لو رديت و أنت بتسأل ليه أو لا مش ماشي ؟؟؟!!!. صدقني أسلوبك أنت كصياد هو مفتاح الحل و ده نصيحه لكل الصيادين. ممكن يكون برضه الضابط اللي قبض علي أصدقائك هو المخطئ و المتجني عليهم و الله أعلم بتفاصيل الموقف بس زي ما قلت لك بشئ من الحنكه المواقف دي بتعدي حتي لو الضابط غير متفهم أو عايز يعسفك يعني بمعني أصح تحكم بنفسك و بطريقة ردودك حتي تتحكم في الموقف و رد فعل من أمامك و كل ده عن تجربه و الله. أخيراً و ليس أخراً لازم كلنا نبقي عارفين إن سؤال أي ضابط عن السلاح اللي في إيدك ده من صميم عمله و علينا مراعاة ما تمر به البلاد من ظروف إرهاب و إطلاق نار علي الضباط و خلافه. أعهدك شخص متفتح و مثقف و ستتفهم كلامي جيدا خالص تحياتي لحضرتك |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
للأسف كلامك صحيح جدا |
رد: ظاهرة في منتهي الخطورة
اقتباس:
:) وجهة نظر حضرتك طبعا تحترم و هي واقعية جدا جدا بنسبة 50% من وجهة نظري المتواضعة يمكن تطبيقها علي أرض الواقع الـ 50 % التانيين خاضعين لعامل آخر مهم و هو إن في ضباط مرضي نفسيين و ده واقع مينفعش نهرب منه أنا من فترة عملت موضوع و قلت إني خرجت مع أصدقاء ليا كانوا بيصطادوا و أصروا إني أجرب أضرب رش و عجبني الموضوع جدا و إكتشفت إني ممكن أنفع صياد علي أدي :) :) :) و بدأت أفكر أجيب بندقية في اليوم ده عدت عربية دورية فيها ضابط أمن مركزي و سواق و 4 عساكر هدي جنبنا و بصوت عالي قال ( سلام عليكم ) قربنا عليه لما شاف البندقية من علي بعد حوالي 10 أو 15 متر قال تمام يا باشا لا مؤاخذة و إبتسم أنا بقي مسكتش أصريت أكمل لغاية عنده و قلتله ( لا يا افندم تشوفها حقك ) هو إحترمني يبقي لازم أحترمه غصب عني لقيته رد الإحترام بإحترام أكثر و فتح باب العربية و نزل و بيقولي ربنا يخليك كتر خيرك خلاص يا باشا و فضل واقف معانا حوالي 10 دقايق بنتكلم في حاجات عادية و مشي و توكل علي الله يشوف حاله إنما في الموقف محل النقاش لما يكون إتنين طلعوا بطايقهم و راحوا لغاية العربية و إدوله البندقية في إيده ياخد البطايق منهم و يحطها علي التابلوه و يتكلم في الموبايل عشر دقايق فبيسألوه من فضلك هو في مشكلة يرد بمنتهي البرود أه في مشكلة لما نشوف الهبابة إللي معاكوا دي أقف هناك كده ... و يكمل كلام في الموبايل ... و في الأخر يصر ياخدهم قسم المرج و يباتوا لتاني يوم العصر و البندقية تتاخد منهم يبقي أنا أسف لأني مضطر أوصف الموضوع بدقة ( دي قلة أدب و سفالة ) أنا أعرف الشخصين دول كويس أوي مهندس و طبيب أسنان و ناس محترمة جدا إنما للأسف كلام حضرتك ممكن يكون صحيح مع ضابط سوي نفسيا و من بيت محترم إنما هما قابلوا ضابط لا شاف تربية و لا يعرف إحترام للأٍسف هي دي أخلاق نسبة غير قليلة من الضباط و في الأخر بيسألوا بمنتهي البراءة ( ليه مش بتحبونا ؟؟؟ ) :) :) :) ضابط الشرطة يا أستاذي الفاضل إسمه عنصر فرض القانون مش عنصر إستغلال النفوذ و قلة الأدب هو بيعمل كده علشان يحس بنفسه شويتين تلاتة و يمكن تكون إللي معاه علي الموبايل واحدة مش واحد فحب يعمل شويتين أدامها أهي فرصة تسمعه بيتكلم كده مع حد ادامه شكرا لسعة صدر حضرتك و كل سنة و إنت طيب ( أنا أسف جت متأخره ) :) |
رد: ظاهرة في منتهي الخطورة
معلش يا باشا للاسف انت في مصر وعمرك ما هاخد حقك لا في الهواية ولا في القانون والعدل
جهاز الشرطة واجهزة كتير عاوزة اعادة هيكلة من الالف للياء |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
http://www.moiegypt.gov.eg/Arabic/Co...showComplains/ شوف الموضوع ده ممكن يساعد اصدقائك بامعلومات الموجودة فيه. http://www.youm7.com/News.asp?NewsID...4#.U-Tj6aMViXw |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
:lov::lov::lov::lov: |
رد: ظاهرة في منتهي الخطورة
اقتباس:
ابتسم فنحن المصريين |
رد: ظاهرة في منتهي الخطورة
مخلص كلام عرابى باشا
امشى جنب الحيط لا جوه الحيط ..وتصنع البراءة. ارسم ابتسامه مصطنعه على وشك علشان الباشا يقول دا غلبان وعارف مقامه ومقام اللى اللى بيتكلم معاه . وبالنسبه لصاحب الموضوع انتا بتشتكى ليه انتا عايش فى اسواء دوله فى التاريخ الحديث من حيث قمع الحريات . والمرض الطبقى . وتعسف كل مؤسسات الدوله تجاه المواطن ضيف لكل ده فساد المؤسسات الحقوقيه والجهات المسؤاله عن استرداد حق المواطن بص انا لو اتفتحت فى الموضوع ده احتما اتبند من المنتدى اشتكى لربنا يا عم ودورلك على هجره لان بأختصار الواقع زفت والمستقبل خره |
رد: ظاهرة في منتهي الخطورة
أنا من رأى الاستاذ عادل . لابد من تقديم شكوى .وارسال برقية لوزير الداخلية . ولرئيس الجمهورية . ولا تهاون فى حقوقنا.
لا سيما ان اصحاب الواقعة ناس محترمة ولها ثقل فى المجتمع . مع قبول فائق تحياتى . |
رد: ظاهرة في منتهي الخطورة
اقتباس:
هو ده اللي أنت فهمته من الكلام يا إتش إمشي جوا الحيط و أعمل غلبان ؟؟؟؟؟!!!!!!!!!!! عمر ما كان ذكائك في الحوار أو حنكة إدارة الموقف لا كانت ضعف و لا كانت مشي جوا الحيط و أنت من الناس اللي عارفه إن عرابي مبيمشيش جوا الحيط :punnch: بس ده حتي بالبلدي بيقولك أخد الحق حرفه :joi: |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
ده شو بس كده عشان الإعلام مفيش الكلام ده في مصر غير في عالم سمسم |
رد: ظاهرة في منتهي الخطورة
اقتباس:
للأسف مفيش قانون في مصر غير في كلية الحقوق |
رد: ظاهرة في منتهي الخطورة
اقتباس:
:) :) :) :) |
رد: ظاهرة في منتهي الخطورة
اقتباس:
هتشتكي مين لمين لا في قانون ولا في ضوابط و لا في نظام معين تقدر تاخد حقك منه بس برضه هما غلطانين يعني إيه يمشي بكرال من غير ترخيص من المخابرات العامة :) :) :) |
رد: ظاهرة في منتهي الخطورة
اقتباس:
كنت قلت ضابط حمار و مش عارف يفرق و حصل إشتباه إنما يباتوا ليله في القسم عشان بندقية رش دي قلة أدب لا توصف |
رد: ظاهرة في منتهي الخطورة
اقتباس:
الشكاوي دي بتتبعت فقط في مسلسل قضية رأي عام بتاع يسرا هو حضرتك متخيل إنك لو بعت شكوي لوزير الداخلية حد هيبص فيها أساسا إنت في مصر يا سيدي الفاضل |
رد: ظاهرة في منتهي الخطورة
اقتباس:
هو دا القانون ياباشا ميكس كل حاجه والعكس بيتيح ليا ان انا اشترى بندقيه رش واستخدمها في اماكن معينه وفي نفس الوقت اتمسك وادخل الحجز مع مجرمين واشكال وسخه ودا علشان ظابط معقدر ورخم ومش عاوز يمشي الدنيا |
رد: ظاهرة في منتهي الخطورة
اقتباس:
بص ياعم حسن في ظباط الابتسامه والكلمه الحلوه بتاكل معاهم وفي ظباط مرضى نفسين وكلنا عارفين دا وبناقبل ناس محترمه جدا وبنقابل ظباط مرضى كتير جدا ومن حق الظابط المريض دا انه يكلمك بأسلوب وحش ومستفز وانت تضحك في وشه ولو كلمته بأسلوبه يزعل |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
في سواق تاكسي غلبان وراكب معاه دكتوره في الجامعه وفي كمين في احمد بدوي في شبرا وامين الشرطه وقف الراجل السواق وخد الرخصه واداها للظابط وعملوله مخالفه السواق بيقول للظابط انا معملتش حاجه المخالفه ليه قاله امشي يارجل يا ابن ........ ووابل من الشتائم وضربه بالقلم الراجل عيط الدكتوره اللي معاه قالته انت بتضربه وتهين كرامته ليه انا هعملك محضر ولو القسم رفض هطلع على مكتب وزير الداخليه انا دكتوره في الجامعه وعارفه انا بكلمك ازاي الظابط قالها اعملي اللي انتي عاوزاه خدت الراجل وطلعوا ع القسم ورفضوا يعملوا محضر والظابط اللي قابلهم قالهم اتفضلي حضرتك واحنا هنصالحهم على بعض الست خدت الراجل وطلعت على الوزاره وعملت شكوى في الظابط ومحضر في مدرية الامن وخدت ارقامهم وبعد كام يوم امين شرطه راحل للسواق وبيقوله ياعم دا الباشا كان بيهزر معاك ونخلص الموضوع ودي وتتنازل ع المحضر والشكوى هههههههههههههههه قاله انا هروح لكبير السواقين وهو يتصرف وقاله انا همشي الموضوع زي ما هو وراحله بعدها تاني بكام يوم يديله فلوس ويتنازل والراجل رفض |
رد: ظاهرة في منتهي الخطورة
احم احم
انا كان نفسي اعلق علي الموضوع ده بكلمتين بس بصراحة لقيت ان الكلام في المواضيع دي مبقاش لها عازه وكل اللي اقدر اقولة ان احنا في مصر يا سادة الدولة الاولي في العالم والراعي الرسمي لقانون (( ساكسونيا )) بس كده |
رد: ظاهرة في منتهي الخطورة
اقتباس:
بس الشكوى ممكن تمشي في الوزاره يا مصري بس انت كلامك صح ولو راحوا يعملوا محضر في القسم ممكن يتنفخوا هناك هههههههههههه |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
ولكن الشكوي لغير الله مذله دائما يا مورو |
رد: ظاهرة في منتهي الخطورة
اقتباس:
لكن مختلف معاك في نقطة هو مش رخم ... لا خالص هو عديم الرباية و بعدين أنا مش طالب منه يمشيها أنا طالب منه يمشي القانون إللي مقربش و لا حتي بمليون متر من بنادق الرش و قال إنها تستوجب الحبس لحين الفحص ده لأنها باينة للأعمي |
رد: ظاهرة في منتهي الخطورة
اقتباس:
ده إللي بحاول أوصله من كلامي أنا مش مجبر أقف أدام الضابط أعمله فيها أمين الهنيدي علشان يرضي عني في قانون ملزم للجميع في أسلوب تخاطب و حوار هو غصب عنه يلتزم بيه و له عندي إحترام متبادل و نفس أسلوب الحوار و إن يكون معايا ما يثبت شخصيتي مما نص عليه القانون غير كده ملوش قانون الطوارئ إنتهي علي فكرة و محدش قادر يفتكر ده مستحيل نقول كلهم كده .. لا طبعا نبقي إحنا إللي مجانين فيهم و فيهم في ناس منهم محترمة جدا جدا جدا و في ناس منهم متعرفش حاجة عن الإحترام |
رد: ظاهرة في منتهي الخطورة
اقتباس:
يعني كلام حضرتك معناه إني أسأل عن الضابط إللي عايز أشتكيه الأول و لو عرفت إن ليه ضهر يبقي أريح دماغي و بلاش أشتكي ما هي دي برضه فضيحة |
رد: ظاهرة في منتهي الخطورة
اقتباس:
طيب و لو حد غلبان و ميعرفش حقوقه يبقي يتضرب علي قفاه عادي ؟؟؟ :) :) :) المفروض القانون إتعمل لتنظيم العلاقات بين الناس و السلطات و الهيئات متعملش علشان يطبق علي إللي ملوش ضهر و إللي ليه ضهر يطيح في الناس عادي |
رد: ظاهرة في منتهي الخطورة
اقتباس:
كلام حضرتك سليم طبعا القانون بيتطبق علي ناس و ناس |
رد: ظاهرة في منتهي الخطورة
اقتباس:
هتروح لضابط في القسم تقوله عايز أعمل محضر في زميلك لو سمحت شوف إنت بقي رد الفعل و كم السفالة إللي هتقابله |
رد: ظاهرة في منتهي الخطورة
ياباشا احنا في مصر
من الاخر كده الموضوع مالهوش علاقه بالانسان محترم ولا لاء الموضوع كله ان البلد دي اللي مالهوش ضهر بيضرب على قفاه لغاية مايعمى انا بقى محترم وفي حالي وماليش ضهر يبقى لو حصلتلي مشكله هتبهدل وهتزل وكرامتي تتهان فعلا البلد ماشيه كده واللي عاوز يتأكد من دا يجي اوريله امثله حيه |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
و لكنه يمثل 50% من الواقع الـ 50% الباقية سببها كم غير عادي من الأمراض و العقد النفسية عند عدد غير قليل من الضباط إنما نقطة إن إللي ملوش ضهر في مصر بيتضرب علي قفاه فأنا بقول لحضرتك بصراحة يحمد ربنا إنها هترسي علي القفا بس |
رد: ظاهرة في منتهي الخطورة
اقتباس:
ضابط الشرطة إللي ميعرفش الفرق بين البندقية الرش و السلاح الحي لازم يشتغل جزمجي مش ضابط دي فضيحة حتي علي مستوي التدريب في كليته إنما لو جينا للواقع حضرتك هتلاقي إنه عارف كويس أوي إنها بندقية رش إنما لو إعترف إنها بندقية رش و تعامل مع حاملها علي هذا الأساس هيطلع عقده علي مين ؟؟؟؟؟؟؟؟؟؟ للأسف في حالة إستغلال للظروف الأمنية الحالية و بدأ يحصل تمادي بشكل غير مقبول في حاجات كتير أوي |
رد: ظاهرة في منتهي الخطورة
اقتباس:
:) :) :) كلامك صحيح 10000 % و الله الحل في شوية ضمير مش أكتر بره يا أستاذي العزيز بيتقال عليهم ( عناصر فرض القانون ) هنا في مصر إسمهم ( عناصر خلي القانون ينفعك ) :) :) :) |
رد: ظاهرة في منتهي الخطورة
من الاخر بقى كده الحل اننا نعمل نقابه علشان اللي يفكر يطلع عقده علينا يزعل مننا
|
رد: ظاهرة في منتهي الخطورة
اقتباس:
الحل الصح ... الأخلاق و الضمير و الله ما هي صعبة |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
وتغيير سياسة التعالمل مع المواظن وهيبة البدلة الميري |
رد: ظاهرة في منتهي الخطورة
وطبعا ده مستحيل
|
رد: ظاهرة في منتهي الخطورة
اقتباس:
فقط إنه يتشغل شغلته يشتغل ضابط مش فتوة علي الناس |
رد: ظاهرة في منتهي الخطورة
اقتباس:
من أول أسلوب و كيفية إختيار لطبة الكلية المنظومة من أولها للأسف خربانه |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
ضابط الشرطة بيتم تعيينه بنفس الطريقة إللي إنت قلتها ؟؟؟؟ نفس الطريقة بالضبط خريج حقوق بقي تجارة آداب علوم طب تروح تقدم و يتم فحصك نفسيا و طبيا و إجتماعيا و بعدها او إتقلبت بتاخد دورة مكثفة إسمها تحديدا و نصا ( دورة إعداد عناصر فرض القانون ) هي إسمها كده حرفيا دور عليها علي الإنترنت هتلاقيها كده و يتم تعيينه بعدها و يتدرج تدرجه الطبيعي إنما فكرة العزل لمدة 4 سنين و هو أصلا جاي بالواسطة بيتخرج طبعا و عنده إحساس بالفوقية غير عادي طبعا مش الكل في منهم ولاد ناس كتير |
رد: ظاهرة في منتهي الخطورة
اقتباس:
ما هو لو يفهم كده ... إنما للأسف مفيش مخ لو إحترمني هحترمه غصب عني و حصلت معايا كتير أوي إنما لو قل أدبه فلازم يفهم إن موضوع الخوف إنتهي هديله علي نافوخه و هقل من كرامته أدام الناس طيب ليه من الأول عاملني قانون هعاملك أخلاق معادلة سهلة جدااااااااااا |
رد: ظاهرة في منتهي الخطورة
انا اتعاملت مع ضباط الشرطة كتير انت لو شكلك ابن ناس هيحترمك لو عربجي هتاخد علي عينك اما حاله المرضي النفسيين شريحه لا تتعدي ال20 فالميه بس اكيد ضابط الشرطه مش هيشتم من الباب للطق يا اما يبقي مجنون
|
رد: ظاهرة في منتهي الخطورة
بيشو الراجل بيقولك دكتور ومهندس
وعاوز اقولك على حاجه المرضى النفسيين منهم 80% :) |
رد: ظاهرة في منتهي الخطورة
اقتباس:
ممكن حضرتك بتتكلم علي ماليزيا أو حضرتك مقرأتش الموضوع أصلا أنا بقول مهندس بترول و طبيب أسنان و بعدين مفيش حاجة إسمها لو عربجي تاخد علي عينك عربجي يتعامل بالقانون برضه هو مش شغال عند إللي خلفوه خالف القانون يعاقب بالقانون إنما يعامل علي إنه بشر مش صفيحة جبنة النسبة الغريبة العجيبة إللي إنت كتبتها دي صحيحة 100% بس معكوسة الـ 20% دي هما المحترمين |
رد: ظاهرة في منتهي الخطورة
اقتباس:
:) :) :) :) أنا علي فكرة كتبت ردي عليه و مكنتش قريت ردك مساء الخيرات يا أستاذنا |
رد: ظاهرة في منتهي الخطورة
اقتباس:
واكتر من 80 % كمان |
رد: ظاهرة في منتهي الخطورة
علي فكرة كون إن فيهم نسبة كبيرة جدا لا يمتوا للضمير بصلة
لا يمنع وجود ناس محترمة فيهم و حديثي تخرج كمان أعتقد إن الموضوع ليه صلة بالتربية و الأسرة أكتر منه تدريب و كلية |
رد: ظاهرة في منتهي الخطورة
اقتباس:
مع ان فيهم ناس اسرهم محترمه جدا جدا جدا وهما طالعين شمال |
رد: ظاهرة في منتهي الخطورة
تم حذف المشاركات التى ليس لها علاقة بالموضوع
|
رد: ظاهرة في منتهي الخطورة
اقتباس:
باشا من الاخر هما محترمين و هو من حقوا يشتبه فيهم علي فكره الظواهري دكتور و بن لادن مهندس فالمهنه مش محدد لحاجه |
رد: ظاهرة في منتهي الخطورة
طيب هوا دلوقتي اشتبه فيهم نفرض ان ده حقة
لما لقاهم سلام مدلهومش االحاجه تاني لية ؟؟؟؟ اكيد عشان ياخدها لنفسو او تتفرق على اي ظابط في القسم ملهاش تالت |
رد: ظاهرة في منتهي الخطورة
على فكرة ياجماعة احنا مش هنستريح غير لما يبقى ممنوع قانونا انك تمشى ببندقية رش فى الشارع (جهارا نهارا) زى ما بيحصل دلوقت.
وللعلم الكلام ده مطبق فى اغلب دول العالم. مش معنى ان بنادق الرش فى مصر ليس لها ترخيص ان كل واحد ياخد بندقية فى ايده ويستعملها فى الاماكن السكنية زى ما اغلبنا بيعمل. احمدوا ربنا على اللى احنا فيه. لو تعرفوا القوانين فى البلاد المعروفة بالحرية والديمقراطية الخاصة بهذا الموضوع هتعرفوا قد ايه الموضوع ده فيه تساهل فى مصر غير طبيعى فى الموضوع ده. بلاش نكبر المواضيع اكثر من اللازم. الناس بتخرج تصطاد كل يوم وصورهم وفيديوهاتهم على جميع المنتديات وصفحات الفيس بدون أى مشاكل فلما يحصل موقف زى ده كل فترة بلاش نعمل منه قاعدة. لأننا ممكن كلنا نندم بعد كده على الكلام ده. ده رايى الشخصى وكلامى ده مش موجه لعضو بعينه. |
رد: ظاهرة في منتهي الخطورة
اقتباس:
|
رد: ظاهرة في منتهي الخطورة
اقتباس:
معاك حق مليون % ان بلاد برة مش سامحة بالصيد ببنادق الرش في الشوارع او على الطرق السريعه وده الصح طبعا بس بديل لكده عندهم مزارع لكل انوع الطرائد او اراضي ببتتاجر وعندهم غابات للصيد الحكومة مراقباها ومراقبة اعداد الحيوانات وبتساعد في زيادتها وعندهم اندية الرماية دي حاجه منتشرة والتراخيص مفتوحة بسهولة جدا (ترخص سلاحك في اقل من 10 دقائق في امريكا) اوربا باخد وقت بس وقت قليل مش سنين زي عندنا بص حضرتك مادام مفيش قانون يمنع المشي بالبنادق الرش في المناطق السكنية والصيد بها رغم ان ده غلط انا عارف بس مش من حق الظابط ان يلمس البندقية ولا يكلم الي بيصطاد اصلا مادام القانون مسمحلوش برة واخدين حقهمم في الصيد والسلاح والرماية اكثر مننا ب100 ضعف |
رد: ظاهرة في منتهي الخطورة
اقتباس:
و لكن الموضوع لم يحتوي علي أي مشاركات لا علاقة لها بالموضوع إلا لو هنا في المنتدي ممنوع نتكلم في حاجات معينة زي الشرطة مثلا :) :) :) |
رد: ظاهرة في منتهي الخطورة
اقتباس:
و إتقالهم لفظيا ( عشان تبطل تعيش في دور صياد الغابة المرعب ) |
رد: ظاهرة في منتهي الخطورة
اقتباس:
:) :) :) :) :) ظواهري مين و بن لادن مين أنا بقول لحضرتك بيصطادوا عصافير تقولي بن لادن و ظواهري |
رد: ظاهرة في منتهي الخطورة
اقتباس:
و هو إحترام يشهد به الجميع ثانيا و لشديد أسفي كلام حضرك غير صحيح بالمرة إذكر إسم دولة واحدة منعت إستخدام أسلحة الرش في أماكن عامة و مفيهاش أماكن مخصصة للصيد و بدون رسوم فقط أطلب من حضرتك دولة واحدة أتحدي أن تجد دولة واحد فقط ... لسبب بسيط لأن السلاح في هذه الدول حق مكتسب زي المواطنة بالظبط سيدي الفاضل في معظم الدول إللي حضرتك إستشهدت بيها بيسمح بترخيص أسلحة آلية و أوتوماتيكية و الصيد حق مكفول لأي مواطن معاك إنه منوع في منطقة سكنية بس في أماكن متاجة للصيد و محميات صيد معمولة علشان الناس دي تمارس هوايتها و مع إن محاذير حمل السلاح في مصر في منتهي القوة إلا إن السلاح الغير مرخص في مصر 3850% من حجم السلاخ المرخص و ده مش كلامي ده كلام الحكومة :) يعني القوانين ممنعتش حد يشيل سلاح نحمد ربنا علي إللي إحنا فيه ( طبعا نحمد ربنا علي كل شئ و في كل وقت ) لما يكون إللي إحنا فيه حاجة عدلة إنما لما يكون القانون في مصر بالمزاج أو القانون في مصر معمول علشان إللي بيعرف يجيب حقه بس يبقي ندعي ربنا بعد الحمد و نقول ربنا يتوب علينا عارف إن الشرطة عليها ضغوط ... إرهاب و بلطجة و بلاوي زرقا بس كل ده كوووووم ..... و إحترام الناس كوم تاني إحترام الناس مش حاجة بيمنوا علينا بيها ده في القانون يا سيدي الفاضل إللي حضرتك إتكلمت عنه في ردك مع العلم إن الواقعة محل المناقشة في هذا الموضوع في منطقة في المرج غير سكنية بالمرة و تبعد عن أقرب مساكن مش أقل من 800 متر لأني رحت معاهم هناك قبل كده أتمني ميكونش كلامي ضايق حضرتك :) |
رد: ظاهرة في منتهي الخطورة
اقتباس:
الترخيص في الولايات المتحدة الأمريكية و زي ما بحب أعمل دايما بتكلم بالدليل العملي قانون الأسلحة الأمريكي أخر تعديل 2005 اللينك إللي فوق فيه قانون الأسلحة الأمريكي بأخر تعديل ليه سنة 2005 ترخيص السلاح بالإخطار يا حضرات يعني حضرتك تشتري السلاح و نرخصه في أقل من ساعتين فقط كل أنواع السلاح المذكورة في الرابط إللي فوق مسموح بترخيصها طبنجات و مسدسات و بنادق رش و خرطوش و بنادق آليه لما بقي تحصل جريمة بسلاح مرخص يبقي ليها صاحب هنا في مصر لما تحصل جريمة يستحيل تحصل بسلاح مرخص لأن السلاح بدون رخصة في مصر بقي أكتر من الحمص في المولد وفرلي قانون يديني حقوقي في ممارسة هوايتي و أنا يستحيل أقرب من منطقة سكنية ببندقية رش مع العلم للمرة المليوووووووووون كانوا بيصطادوا في غيط زرع مش منطقة سكنية و العصافير علي شنطة العربية و الرش العلب مفتوحة و رغم كده معاملة في منتهي قلة الأدب و إتحبسوا لتاني يوم العصر و البندقية إتكسرت متفق مع حضرتك جدااااااااا إحنا فعلا مش واخدين حقنا زي برة |
رد: ظاهرة في منتهي الخطورة
اتكسرت لا حول ولا قوة الا بالله
اتكسرت |
رد: ظاهرة في منتهي الخطورة
اقتباس:
(إذكر إسم دولة واحدة منعت إستخدام أسلحة الرش في أماكن عامة و مفيهاش أماكن مخصصة للصيد و بدون رسوم فقط أطلب من حضرتك دولة واحدة) بناء على كلامى فقط. وبالفعل اكثر الدول حرية وديمقراطية ومعروف للجميع هى المملكة المتحدة. ده قانون الاسلحة الهوائية مباشرة من رابط وزارة الداخلية. وعلشان ماضيعش وقتك فى البحث عن الجزء الخاص بأستخدام الاسلحة فى الاماكن العامة (للعلم ممنوع حمل هذه الاسلحة وليس استخدامها فى الاماكن العامة) ده الجزء الخاص بهذا الموضوع. It is an offence for any person to have an air weapon in a public place without a reasonable excuse. While there is no statutory definition of a reasonable excuse, it might include carrying a weapon to and from a shooting club, or taking a new weapon home from a dealer. However, it is ultimately for the courts to decide what a reasonable excuse is. وده الرابط الخاص بوزارة الداخلية الموجود فيه كل القوانين الخاصة بالاسلحة الهوائية حتى وجودها داخل منزلك لابد من وجود مكان مؤمن (خزنة لتخزينها). https://www.gov.uk/government/upload...ty-leaflet.pdf صدقنى ياباشا احنا فى نعمة. خالص تحياتى |
رد: ظاهرة في منتهي الخطورة
وماحدش يزعل نفسه... جناينى اتقبض عليه علشان ماشى فى الشارع بالمنشار اللى بيستخدمه فى قطع الزرع فى شغله. وبرضه ده فى انجلترا
مش بندقية رش؟؟ https://www.youtube.com/watch?v=Ck9NJgLONww |
رد: ظاهرة في منتهي الخطورة
اقتباس:
و قبل ما يخرجوا الضابط كسرها أدامهم |
رد: ظاهرة في منتهي الخطورة
اقتباس:
لكن أنا قلت في كلامي في دولة لا يوجد فيها مناطق صيد مفتوحة لممارسة الهواية إنجلترا فيها مجميات صيد كتير جدا خصوصا في الشمال الكلام يتفق مع وجهة نظري علي فكرة و لا ينفيها و أختلف مع حضرتك إحنا في نعمة أكيد من عند ربنا لكن حقنا .... لا |
رد: ظاهرة في منتهي الخطورة
اقتباس:
:) :) أستاذي العزبز إحنا في صدد الحديث عن الأسلحة النارية و ما في حكمها من بنادق وطبنجات صيد و بعدين أنا موافق عاملني كما يعامل المواطن الإنجليزي في كل شئ و أنا موافق الصيد يتمنع أخي العزيز دي هواية هواية بالنسبة لناس كتير أوي مجرد حاجة بيحبوها بتشيل عنهم شوية من الهم إللي هما فيه حتي المتعة بقي فيها مشكلة أنا مقلتش ميتأكدش من البندقية إنما يقبض عليهم و يباتوا في القسم و البندقية تتكسر قولي بقي حضرتك لو ده حصل في إنجلترا إللي حضرتك بتستشهد بيها المواطن ده هياخد تعويض كام من الحكومة علي إساءة معاملته |
رد: ظاهرة في منتهي الخطورة
بصراحه انا مش هعلق تاني ع الموضوع دا وتحياتي للجميع
|
| الساعة الآن 06:00 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir