الصيد فى مصر

الصيد فى مصر (http://www.egyhunt.net/index.php)
-   محلات الاسلحه وادوات الصيد (http://www.egyhunt.net/forumdisplay.php?f=55)
-   -   يا فرحة ما تمت فى المنيا (http://www.egyhunt.net/showthread.php?t=36451)

ehab.bob 12-12-09 05:33 PM
يا فرحة ما تمت فى المنيا
 
بعد طول انتظار تم افتتاح محل ( الحاج عبد العزيز دكرورى) بالمنيا لمستلزمات الصيد وبنادق الرش ومسدسات الصوت وطبعا كنت أول واحد جريت على المحل امبارح باركت على الافتتاح وقلت اخد فكرة عن الأسعار لأن عنده الكرال الرماية اللى انا عايزها قلت اشتريها من المنيا بدل ما انزل القاهرة مخصوص المهم سألت عن الأسعار قال ( الكرال الرماية 2350 ) و ( الكرال العتلة 2450 ) و ( الرمسيس نمرة واحد 1500 ) طبعا اتصدمت ومعلقتش على الأسعار قلت يا واد اسأل على مسدسات الصوت وخد فكرة لقيت الجاكل 2350 والبرونى 9000 2300 جنيه والp 29 ب 1800 وكتمت فى نفسى سكت طبعا محبتش احرج الراجل اللى بيبيع واخدت بعضى ومشيت وانا مخنوق يا ريت اصحاب المحل لو يحاولو يبيعو بأسعار احسن من كدة شوية يعنى لو زود عن سعر المحلات فى القاهرة 100 أو 150 فى البندقية أو المسدس يبقى تمام وربنا يرزقهم ويسهلهم .. تحياتى لكل صيادين المنتدى وكل صيادين المنيا.

pooforever_2010 12-12-09 09:06 PM
رد: يا فرحة ما تمت فى المنيا
 
معلش يا باشا هو المحل لازم يبيع اغلى شويه
عشان الضرايب والعمال والكهرباء
بس بصراحه كده اوفر يعنى فرق الجالكل حوالى 700 جنيه
حررررررررررررررررام
معلش وربنا يرزقك بديانا مش كرال
تحياتى

ehab.bob 12-12-09 11:20 PM
رد: يا فرحة ما تمت فى المنيا
 
اقتباس:
المشاركة الأصلية كتبت بواسطة pooforever_2010 (المشاركة 459969)
معلش يا باشا هو المحل لازم يبيع اغلى شويه
عشان الضرايب والعمال والكهرباء
بس بصراحه كده اوفر يعنى فرق الجالكل حوالى 700 جنيه
حررررررررررررررررام
معلش وربنا يرزقك بديانا مش كرال
تحياتى
متشكر يا باشا على مشاركتك بس لازم نفضفض لبعض علشان ميحصلناش انفجار وربنا يخلى حضرتك على الدعوة بتاعة الديانا دى ربنا يسمع منك تحياتى :lov:http://www.egyhunt.net/images/smilies/lov.gif

Mohannad01 12-12-10 12:20 PM
رد: يا فرحة ما تمت فى المنيا
 
ما هو القصة مش قصة المنيا أو القاهرة .. القصة في جشع بعض التجار سواء هنا أو هناك
يعني أنا كنت بسأل على مسدس غاز قبل كده أقل محل قال 1300 وأعلى محل 2000 أو 2200 مش فاكر (كانوا العالم المفترية بتوع فتح الله)
زود أكتر من 50% من السعر وهما الاتنين في القاهرة!
يعني لولا الله ثم التجار المحترمين اللي في المنتدى، الواحد كان كره الهواية من زمان
وان شاء الله ربنا يفتح عليك وتلاقي اللي أحسن منه :)

عـمـر 12-12-14 10:27 PM
رد: يا فرحة ما تمت فى المنيا
 
ياباشا ولا تزعل نفسك تعالى شوف عندنا في بني سويف علبة الرش الرماية او مارسمان اللي تقرف ب 10 جنية الكرال 1600 خد دي بقه ديانا350 مستعملة معايا مستعملة 8000 والله ده مش جشع دي سرقة وحسبنا الله ونعم الوكيل... ولك كل التحية.

ehab.bob 12-12-16 12:29 PM
رد: يا فرحة ما تمت فى المنيا
 
اقتباس:
المشاركة الأصلية كتبت بواسطة pooforever_2010 (المشاركة 459969)
معلش يا باشا هو المحل لازم يبيع اغلى شويه
عشان الضرايب والعمال والكهرباء
بس بصراحه كده اوفر يعنى فرق الجالكل حوالى 700 جنيه
حررررررررررررررررام
معلش وربنا يرزقك بديانا مش كرال
تحياتى
معالى الباشا مقلناش حاجة لازم يكسب بس ميبقاش الفرق 1000 جنيه فى الحتة يعنى كدة مش مكسب كدة دبح

ehab.bob 12-12-16 12:32 PM
رد: يا فرحة ما تمت فى المنيا
 
اقتباس:
المشاركة الأصلية كتبت بواسطة عـمـر (المشاركة 461239)
ياباشا ولا تزعل نفسك تعالى شوف عندنا في بني سويف علبة الرش الرماية او مارسمان اللي تقرف ب 10 جنية الكرال 1600 خد دي بقه ديانا350 مستعملة معايا مستعملة 8000 والله ده مش جشع دي سرقة وحسبنا الله ونعم الوكيل... ولك كل التحية.
يا باشا احنا اللى بنشجعهم على الجشع ده لما نسيبهم كدة ونتعامل مع تجار المنتدى المحترمين لازم هيبيعو بسعر أقل من كدة بكتير وربنا يخليلنا المنتدى العظيم ده وكل القائمين عليه

mhmoud6699 13-01-02 03:15 PM
رد: يا فرحة ما تمت فى المنيا
 
يا استاذ ايهاب انا روحت للراجل يوم السبت هوه الراجل محترم وذوق بس فعلا اسعاره عاليا شويه وبعد كده انا شوفت حاجه غريبه فى السعر عندو بيقول الجامو ب1500 وكرال رمايه 2000 هوه فعلا سخن جدى بس على فين هوه لسه ما كملش المحل على حسب ما شوفت ده حاطط كام حته كده بيحايل بيها الناس وبعد كده انا عايز اشوفك ونتعرف على بعض يمكن ننزل رحله ولا حاجه

usama1001 13-01-03 10:57 AM
رد: يا فرحة ما تمت فى المنيا
 
و الله من زماااااااااااااااااااااااااااااااااااااان من قبل الثورة و ما في اي رقابه علي الاسعار و الان بردوا طبعا .... البلد ما استقرت ... لسه معمول الدستور و لسه ما في حد قرب من المحليات لسه ... فرجه قريب يا رجاله .... علشان التجار الجشعين دول ما ليهم دعوة بالدين ولا الاخلاق دول عاوزين جهاز رقابي قوي .... ربنا يسهل .

owkean 13-01-22 04:24 PM
رد: يا فرحة ما تمت فى المنيا
 
علي فكره نفس الفكره عندنا في سوهاج واسيوط وطهطا واحنا ماقدمناش غير حاجه من الاتنين لاما نشتري وناخد علي قفانا لاما نسكت ونمشي ولا نشتري ولا حاجه

huodaa 15-12-10 04:41 PM
رد: يا فرحة ما تمت فى المنيا
 
فين مكان المحل ده انا من مطاى

TheLegnedkiller 15-12-10 04:44 PM
رد: يا فرحة ما تمت فى المنيا
 
يا كبير صلي علي النبي كده
مضايق علشان الجاكال ب 2350

تصدق بالله عندنا في المنصوره واصل 2500 جنيه

المحلات بتغلي جامد


الساعة الآن 01:43 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir