|
سؤال قانونى و ارجو الافادة ضرورى
دلوقتى انا لو معايا رخصة خرطوش بغرض الرماية و البندقية موجودة عندى فى البيت ماشى .
و دخل عليا حرامى معاة سلاح حى ؟؟؟؟؟؟؟فى هذة اللحظة لو انا استخدمت البندقية و اطلقت النار علية و عورتو مثلا فى رجلة او مات مثلا يبقى انا موقفى اية بالضبط ؟؟؟مع العلم ان البندقية لغرض الرماية مش الدفاع عن النفس و شكرااااااا |
رد: سؤال قانونى و ارجو الافادة ضرورى
مهما هيكون الموقف هتضربه هتى لو مش لغرض الرمايه بس ساعتها التصريح هيلغى وتتحاسب على انه سلاح غير مرخص والله اعلى واعلم
|
رد: سؤال قانونى و ارجو الافادة ضرورى
في حالة الدفاع الشرعي عن النفس يسمح باستخدام اي وسيلة من وسائل الدفاع عن النفس لرد المعتدي وفي حالة ان اثبت دفاعك عن نفسك فهذا لايقع جريمة
والله اعلم وظروف القضية واوراقها هي الي هتحدد هههههههههههههههههه |
رد: سؤال قانونى و ارجو الافادة ضرورى
اقتباس:
|
رد: سؤال قانونى و ارجو الافادة ضرورى
ارجو الاجابه من المختصين فقط ويمنع اى رد يحرض على العنف او نشر الارهاب والحث على الجرائم
|
رد: سؤال قانونى و ارجو الافادة ضرورى
نفس حالة حضرتك ............. وهذا السؤال محيرني .............انا مرخص خرطوش ومش عارف الاجابة
ارجوا المساعدة من الاعضاء الكرام |
رد: سؤال قانونى و ارجو الافادة ضرورى
فى حاجة غريبة حصلت كان فية ردود راحت فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ارجو من الادارة لو حذفت الردود تدلى بالاسباب لكى نعلم و شكرا.. مع ان الموضوع مفهوش حاجة غلط |
رد: سؤال قانونى و ارجو الافادة ضرورى
سوال جميل ونرجو الافادة
|
رد: سؤال قانونى و ارجو الافادة ضرورى
اقتباس:
وانت ترى ان الاداره لم تحذف الموضوع ولكنها حذفت الردود التى تحرض على القتل |
رد: سؤال قانونى و ارجو الافادة ضرورى
السلام عليكم ورحمة اللة وبركاتة
سؤال الزميل العزيز يندرج تحت بند الدفاع الشرعى فى موانع العقاب والمسؤلية القانونية وسوف اجيب ببساطة واضرب امثلة حتى يفهم الجميع بداية حق الدفاع الشرعى مكفول للجميع بقوة القانون ولكن لة ضوابط واسباب مثال اذا دخل على حضرتك حرامى او بلطجى لمنزللك وانت امن وكان معة سلاح ابيض مطواة مثلا وكان بحوزتك سلاح حى مرخص وقمت باطلاق النار وارديتة قتيلا فهل هذا دفاع شرعى ؟_بالطبع لا لعدم تناسب اداة الاعتداء من المجرم على حضرتك وستدخل فى جناية ضرب افضى لوفاة فلكل حالة مبررات مستقلة عن الاخرى تبحثها وتمحصها النيابة العامة والطب الشرعةى وهو موضوع شائك فى تناسب الفعل ورد الفعل وليس لة حالة ثابتة ابدا _من الممكن ان يكون سلاحك غير مرخص وتدافع عن نفسك ضد احد الاشخاص وسلاحة مرخص وتوجة للاعتداء عليك فى منزللك او ممتلكاتك وكان هو المعتدى وارديتة قتيلا بالسلاح الغير مرخص فهنا تتوافر اركان الدفاع الشرعى بغض النظر عن عدم ترخيص السلاح فى هذة الحالة يمكن ان تعفى من العقاب فى القتل ولكن تعاقب على حيازة سلاح نارى وزخيرة بدون ترخيص_خلاصة القول ان ترخيص السلاح من عدمة ليس الفيصل فى الموضوع ولكن الفيصل هو تناسب اداة الدفاع الشرعى مع الاداة المستخدمة من المعتدى ووقت وظروف الاعتداء وخلافة ولكن على كل حال الموضوع ليس سهل فهذة روح تم ازهاقها او جسد تم الاعتداء علية فيجب ان تحقق النيابة وتفحص وتمحص لبيان وجة الحق والعدل_ارجو ان اكون افدتكم دون تعقيد |
رد: سؤال قانونى و ارجو الافادة ضرورى
اقتباس:
بارك الله فيك اخونا الغالى ابو مروان ودا طبعا فضل التخصص ربنا يزيدك ويبركلك يا متر |
رد: سؤال قانونى و ارجو الافادة ضرورى
اقتباس:
|
رد: سؤال قانونى و ارجو الافادة ضرورى
اللة يباركللك يا استاز هشام ارجو ان اكون قد بسطت الموضوع
|
رد: سؤال قانونى و ارجو الافادة ضرورى
مكنش ليها لزمه انكم تمسحو مشاركتى انا مقولتش جرم وعلى العموم هيه مش فارقه هتحرمونا نتكلم
يا باشا معاش ولا كان اللى يحرمك تتكلم او يزعلك بس فيه شروط بسيطه للمنتدى منها مسح اى رد ممكن يكون سبيل للعنف |
رد: سؤال قانونى و ارجو الافادة ضرورى
السلام عليكم
لاتعقيب بعد كلام الأستاذين أبو مروان والأستاذ doos ولكن أعتقد أن صاحب الموضوع يحتاج إجابه أبعد من موانع العقاب فى حالة الدفاع الشرعي وأعتقد أن مغزى سؤاله هو الوضع القانوني بالنسبة للرخصة الممنوحه له للصيد او للرماية فى حالة إستخدام هذا السلاح المرخص للصيد او للرماية فى الدفاع الشرعي.. وهو ليس الإستخدام الذى تم منح الترخيص على أساسه. بعباره أخرى.. هل إذا تم إستخدام السلاح المرخص للصيد او للرماية فى الدفاع الشرعي.. وتوافرت شروط قيام حالة الدفاع الشرعي.. هل هذا قد يؤدي إلى سحب الترخيص الممنوح له مثلا أو خلاف ذلك؟؟؟ لأنه تم إستخدامه بما يخالف سبب منح الترخيص؟؟؟ وبالطبع بعد توضيح السؤال فالإجابة متروكة لكم بحكم خبراتكم الكبيرة وطبيعه عملكم لكي نستفيد منكم |
رد: سؤال قانونى و ارجو الافادة ضرورى
اقتباس:
|
رد: سؤال قانونى و ارجو الافادة ضرورى
السلام عليكم
عند أقتحام شخص ما لحرمة البيوت الأمنة ......... بذلك يكون قد أسقط أى حماية يكفلها القانون عن نفسه بنفسه الأصل ألا يكون المواطن جبانا فما بالك فى الدفاع عن حرمة بيته ؟؟؟ داخل البيوت الوضع يختلف و القانون لا يمكن أن يمنح المعتدى أفضلية على صاحب البيت المعتدى علية و ألا ما هى فائدة ترخيص السلاح ؟؟؟ عشان أدخل السجن فى كلب معتدى ؟؟ ههههههههه لو الموضوع كده يبقى البلطجية يا هناهم .......... القانون يحميهم ........ يا حلاوة |
رد: سؤال قانونى و ارجو الافادة ضرورى
+++++++++++++++++++++++++++++++++
|
رد: سؤال قانونى و ارجو الافادة ضرورى
اقتباس:
انتا بتتكلم عن واحد داخل بيتك بيتهجم على اهل بيتك ومستنى تسئل هيسحبو الترخيص ولا لا ولا هتحبس ولا لا |
رد: سؤال قانونى و ارجو الافادة ضرورى
رد سريع:
1 - فى حالة حمل المعتدى لسلاح نارى يجوز قانونا قتله فوراً, وبدون أى عقاب على الشخص الذى يقوم بالدفاع عن نفسه. 2 - فى حالة حمل المعتدى سلاح ابيض يتم تنبيهه بإطلاق طلقة فى الهواء, لم يرتدع المعتدى يتم إطلاق النار على ساقة, لم يرتدع يقتل بعد التنبيه. 3 - فى حالة قيام المعتدى بإصابتك بسلاح أبيض يجوز قتله فوراً وبدون تنبيه. الحالات السابقة تعد دفاعاً شرعياً عن النفس ولا يعاقب القائم بها, ولكن الموقف ككل متروك لتقدير جهات التحقيق والقضاء, وبغض النظر عن كل ما سبق رجاء عدم إستخدام السلاح الحى أو إشهاره من الأساس إلا فى أضيق الظروف. اللهم إحفظنا من كل شر, ووفقنا إلى ما فيه الخير لنا.http://www.egypthunt.net/lightgreen/...ttons/edit.gif |
رد: سؤال قانونى و ارجو الافادة ضرورى
والله بعد كلام اساتذتنا مفيش كلام بس فى ظل الظروف اللى احنافيها
تمت العديدمن جرائم القتل لتصفية بعض الحسابات القديمة ودة خلى النيابة تفترض سوء النية فى العديد من حوادث الدفاع الشرعى التى تحوم عليها شبهة سبق الاصرار و الترصد للأسف مش هقدر ادى امثلة لأنها قد تستخدم استخدام خاطىء ( السادة الزملاء المحامين عارفين) بس عموماً تختلف طبيعة كل معتدى علية عن الاخر بمعنى ممكن واحد يدخل علية حرامى يقدر يضبط نفسة ويتخذ الاجراءات القانونية لحامل السلاح المرخص من (تحذير و تهويش وتعجيز ) وعلى فكرة المبدأدة يسرى ايضاً على ضباط الشرطة وفية ناس واحد قريبة يهزرمعاة فيرزع على الباب ويوهمة انة هيكسرة فأخينا ينوبة حالة هلع ويضرب نار فيموتة وممكن يموت حدكمان من اهل البيت . بس النصيحة فى حالة التعرض لأى موقف اضبط نفسك على اد ما تقدر ولو اخذت قرار لا تنظرللمسائلة القانونية اد ماتنظرللمصلحة العامة ليك وللأسرة . وربنامايجبش حاجة وحشة |
رد: سؤال قانونى و ارجو الافادة ضرورى
عنوان الموضوع هو (سؤال قانوني وأرجو الإفادة ضروري)
فالكل متفق من الناحيه الأخلاقية على أحقية الشخص فى الدفاع عن نفسه وبيته وأهله وماله.. بدون تعسف فى إستخدام الحق. والكل متفق من الناحيه القانونية على أحقية الشخص فى الدفاع عن نفسه وبيته وأهله وماله.. بدون تعسف فى إستخدام الحق. ولكي يستفيد صاحب الموضوع ونستفيد نحن أيضا من الإجابة من الناحيه القانونيه.. السؤال يثير مسألتين قانونيتين.. الأولى تم الإجابه عنها إجابه واضحه وهى الوضع القانوني لحالة الدفاع الشرعي... أما الثانية فلم يجيب عنها أحد إجابة واضحه حتى الآن.. وهي ماذا سيحدث للترخيص الخاص بالرمايه فقط فى هذه الحاله.. ربما أشار لها الأستاذ unknown ولكنه لم يفصلها ويوضح إن كان هذا هو بالفعل الحكم القانوني أم أنه إستنتاج. ولذلك أتمنى أن نجد الإجابة من أهل القانون لنستفيد بها كمعلومة من الناحيه القانونيه.. ولكي يستفيد السائل صاحب الموضوع والقراء المشاركون وأنا أركز على الناحية القانونية لإهتمامي بها وحاجتي بالفعل لمعرفة المعلومة.. وشكراً مقدماً لمن سيجيب على التسائل. . |
رد: سؤال قانونى و ارجو الافادة ضرورى
اقتباس:
ويتم الغاء الترخيص فى عدة حالات منها فقد الشروط الصحية وسرقة السلاح نتيجة اهمال وجود خلافات وخصومات ثاريه منعا لاستخدامة من طرفى الخصومة اما فى حالة استخدام السلاح فى الدفاع الشرعى فلا يتم الغاء الترخيص حتى ان كان للصيد بشرط توافر شروط الدفاع الشرعى |
رد: سؤال قانونى و ارجو الافادة ضرورى
اقتباس:
|
رد: سؤال قانونى و ارجو الافادة ضرورى
اقتباس:
و بعدين انا مكنتش متخيل ان الموضوع يوصل للدرجة دى دا كان سؤال طبيعى جدا . :eek: |
رد: سؤال قانونى و ارجو الافادة ضرورى
بجد انا مش عارف اشكر مين ولا مين كل الناس اللى ابدت رأيها كانت فى منتهى العقلانية و دة اللى انا مبسوط منة اكتر من الرد .
شكرا للاستاذ ابو سلطان و الاستاذ دووس و كل الناس . |
رد: سؤال قانونى و ارجو الافادة ضرورى
اةة كنت هنسى شكرا للادارة بتصرفها بموضوعية ..فى سحب المشاركات الانفعالية الزائدة ..............
|
رد: سؤال قانونى و ارجو الافادة ضرورى
يا إخوانى , أنا أعرف أن فيه حاجة اسمها (ظرف مشدد) يجوز فيه استخدام أى شىء للدفاع عن النفس بغض النظر عن التناسب بين السلاح الذى أحمله وما يحمله المهاجم وهذا الظرف المشدد يكون واضح جدا وليس فيه اختلاف مثل وجود شخص غريب فى منزلى ليلاً , فهل يوجد شك أن وجود شخص غريب فى هذه الظروف ممكن أن يكون له أسباب منطقية
فهل هذا الكلام صحيح ؟ |
رد: سؤال قانونى و ارجو الافادة ضرورى
اقتباس:
الإجابة المختصرة: سؤال جميل جداً.. وبغض النظر عن الألفاظ والمصطلحات القانونيه.. لأننا لو مسكنا على الكلمه الإجابه هتطول قوي.. كلامك صح ودى حاله اسمها (الدخول ليلا فى منزل مسكون او فى احد ملحقاتة).. وهى أحد الحالات التى يجوز فيها إستخدام أقصى قوه ممكنه للدفاع الشرعي عن النفس أو المال.. كفايه لحد هنا لو مش غاوي معلومات قانونيه كتير الإجابة الطويله المعقدة: :eek: سؤال جميل جداً والاجابه عنه محتاجه مزاكرة قانون العقوبات من أوله لآخره لأن حضرتك عملت كوكتيل بين حق الدفاع الشرعي والظروف المشدده للعقوبات :) وحضرتك ملكش ذنب فى كده لأن القانون معقد جداً وكل لفظ فيه له أهميه ودلاله وفى فعلا بعض شروط الدفاع الشرعي فى حالات معينه.. تشبه الظروف المشدده.. بس ده مجرد تشابه.. عشان اسهلها لحضرتك شويه.. شروط الدفاع الشرعي حاجه خاصه بالمجنى عليه... الظروف المشدده حاجه تانيه خاصه بالجاني.. دي مذكوره فى القانون لوحدها.. ودي مذكوره لوحدها.. أحيانا بقى بيبقى في تشابه بينهم.. وده شرح مختصر للموضوعين (وللأسف الإختصار صعب قوى فى الحاجات دى) حق الدفاع الشرعي عن النفس أو المال يبيح للإنسان إستخدام القوة اللازمة لصد الإعتداء.. وذلك بنص القانون وليس لوجود ظرف مشدد بالنسبه للجانى.. وطبعا ذلك متى توافرت شروطه ولم تتوافر القيود عليه.. لأن فى بعض الأحيان لا يجوز إستخدام هذا الحق حتى لو توافرت شروطه وذلك لتوافر مانع من موانع استخدامه.. ولا يبيح هذا الحق إرتكاب جريمة القتل العمد إلا بشروط.. وقد يبيح حق الدفاع الشرعي فى بعض الحالات القليله وشروطها مذكوره فى القانون على سبيل الحصر قد يبيح إستخدام القوه لدرجة إرتكاب فعل القتل العمد.. وتتشابه بعض هذه الشروط مع بعض الظروف المشدده للعقوبات.. لكن ليس ذلك معناه أنهم يستمدون قوتهم القانونيه من بعض.. فكل منهم له النص القانوني الخاص به.. ويجب ملاحظة هذا النص القانوني: (أنه لا يعفى من العقاب بالكلية من تعدى بنية سليمة حدود حق الدفاع الشرعى اثناء استعمالة اياه دون ان يكون قاصدا احداث ضرر اشد مما يستلزمة هذا الدفاع ، ومع ذلك يجوز للقاضى اذا كان الفعل جناية ان يعده معذورا اذا راى لذلك محلا وان يحكم عليه بالحبس بدلا من العقوبة المقررة فى القانون).. (هذه الترجمه بالبلدي موجهه للشباب المندفع فقط)يعني بالبلدي لو إتغابيت على الحرامي زياده عن اللازم.. ده ميعفيش حضرتك من العقاب كله.. يعنى لو قتلته ومكنش فى داعي وكان ممكن تضربه وتربطه لحد ما الشرطه تيجي.. تبقى انت كده زودتها وممكن متتعفيش من العقوبه وتشيل الليله.. وممكن لو القاضى حنين بدل ما تتسجن مده طويله يحكم عليك تتحبس مده قصيره. بالنسبة للظرف المشدد للعقوبة هو ظرف إذا إقترن بالفعل الإجرامي كان ذلك سبب لتشديد العقوبه المحكوم بها على مرتكب الفعل.. وذلك بالنسبة للحكم الصادر عليه من المحكمه.. ومن أمثلة الظروف المشددة.. كمثال.. إرتكاب السرقة ليلاً مثلا.. فالجريمه هنا هي السرقة.. ويعتبر الليل هنا ظرف مشدد للعقوبة ويصدر على المتهم حكم أشد من الحكم الذى كان سيصدر عليه لو ارتكبها نهاراً.. وهذا على سبيل المثال.. والظروف المشددة قد نص عليها قانون العقوبات على سبيل الحصر بالنسبة لكل فعل.. فالسرقه لها ظروفها المشدده المنصوص عليها.. وهكذا بالنسبة لكل فعل إجرامي.. وقد يتحول الفعل الإجرامي من جنحه إلى جناية إذا توافر ظرف أو ظروف مشددة.. هذا بإختصار على حسب معلوماتى وأرجو ألا أكون أخطأت أو إختصرت الموضوع بشكل مُخل.. مصدر المعلومات للإستفاده: واللى غاوي بقى قانون عقوبات وعنده استعداد يزاكره من أوله لآخره يتفضل الروابط أهي: http://reda79.jeeran.com/elmwsoaa/ar...3/1026110.html http://reda79.jeeran.com/elmwsoaa/ar...3/1026111.html معلش بقى طولت عليكم.. أنا دايماً بدخل وأخرج بسرعه بدون كتابة ردود لضيق الوقت.. بس حظكو وحش بقى النهرده كنت فاضى وبصراحه بحب المعلومات القانونيه.. بس متقلقوش اليومين الجايين مشغول وربنا هيرحمكو منني:) وأرجو من إخواتى الكبار المحامين وضباط الشرطه إنهم يسامحونى انى اتكلمت فى وجودهم.. طبعاً مقامهم محفوظ فوق الراس.. والسلام عليكم |
رد: سؤال قانونى و ارجو الافادة ضرورى
شكرا لكل واحد افدنا بمعلومة
و جزاكم الله كل خير |
رد: سؤال قانونى و ارجو الافادة ضرورى
مشكور على المشاركة ومعلومات دقيقة ومفيده جزالك الله خير
|
رد: سؤال قانونى و ارجو الافادة ضرورى
انا مع الرأي اللي بيقول أنه دفاع شرعي ومالهوش دعوة بالرخصة.ماانت لو في نفس الحالىدة ممعاكش سلاح ناري ممكن تضربه بالسكينة مثلا ..مافيش رخصة للسكاكين هههههههههه
مع أحترامي وربنا يحفظك |
رد: سؤال قانونى و ارجو الافادة ضرورى
هو موضوع محير فعلا ويرجع التقدير فى النهاية لجهة التحقيق وقاضى الموضوع
والنصيب وقضاء الله وقدره |
| الساعة الآن 06:27 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir