الصيد فى مصر

الصيد فى مصر (http://www.egyhunt.net/index.php)
-   محدثات الصوت (http://www.egyhunt.net/forumdisplay.php?f=81)
-   -   خاص بشراء مطاوى قرن غزال ... ( خشب اصلى - عضم -عاج ) (http://www.egyhunt.net/showthread.php?t=7730)

AGM 11-04-25 10:12 PM

خاص بشراء مطاوى قرن غزال ... ( خشب اصلى - عضم -عاج )
 
تم ايقاف نشاط الموضوع طبقا لقوانين المنتدى واعتذر لكم عن الخروج عن النص
agm

الأفوكاتو 11-04-25 10:26 PM

رد: خاص بشراء مطاوى قرن غزال ... ( خشب اصلى - عضم -عاج )
 
الأستاذ الكريم المطواه القرن غزال مجرمة بنص قانون الأسلحة المصري ونازلة في الجدول ومتسمية بإسمها في الجدول ، يعني ممنوعة كمان في المنتدي ، وحكاية المطاوي القرن الخشب اللي نزلت السوق قريب وبتتباع في العتبة عالرصيف ب50 جنيه (حكاية قديمة) والعيال دي اتقبض عليها خلاص وبيتهيألي المطاوي دي صيني او معمولة عمولة غير ال(خوجة) الألماني والجنوب افريقي تماما .
خالص تحياتي للجميـــــــــــــــع

احمد هاشم 11-04-25 10:29 PM

رد: خاص بشراء مطاوى قرن غزال ... ( خشب اصلى - عضم -عاج )
 
بجد حاجه تشرف الموقع بقى لمطاوى قرن الغزاله ههههههههههههه
يا حبيب قلبى الى هيشتريها منك مش هيستخدمها للصيد
دى هيحطها فى جمبو وهو ماشى عشان يقول شكل للبيع

احمد فتحي 11-04-25 10:35 PM

رد: خاص بشراء مطاوى قرن غزال ... ( خشب اصلى - عضم -عاج )
 
روح ياعم بيع الحجات دي في حته تانيه احنا منتدي محترم وذي الاستاذ الافوكاته قال دي مجرمه حيازتها

AGM 11-04-25 10:38 PM

رد: خاص بشراء مطاوى قرن غزال ... ( خشب اصلى - عضم -عاج )
 
انا الحقيقه مش اداري في الموقع علشان اعرف المطاوى ممنوعه ولا لاء
بس الاخوه الكرام المحترمين احب الفت النظر لنقطه مهمه جدا:-

مش كل الناس تمتلك امكانيه شراء سلاح مرخص ولا كل الناس تقدر تشتري مسدسات الصوت الي بتلعبو بيها حضراتكو .. انا معايا طبنجه حيه لكن مش كل واحد هيعرف يشتري سلاح يدافع بيه عن نفسه في الظروف المنيله دي
بالاسعار بتاعتكو دي

اما بالنسبه للاخ الكريم افريكانو فالمطاوى بتاعت العتبه دي مش مطاوي قرن
دي مطواه معموله في احد اوكار المصانع التسليح الهنديه وتباع بمبلغ بسيط جدا
وجرب اقفلها بعنف هتكسر

دي حاجه جنوب افريقيا وانا مستعد اجيبلك العاج منها الي بتوصل لـ 200ج

smsmn8888 11-04-25 10:39 PM

رد: خاص بشراء مطاوى قرن غزال ... ( خشب اصلى - عضم -عاج )
 
اة صحيح دي بتتباع في الازهر يا جدعان مطوة للبيع قرن قرن

AGM 11-04-25 10:40 PM

رد: خاص بشراء مطاوى قرن غزال ... ( خشب اصلى - عضم -عاج )
 
اما بالنسبه للتجريم القانوني فالالكترك مجرم ( لا يقل عن سنتين طبقا للقانون العسكري )

mostafa_hunter122 11-04-25 10:43 PM

رد: خاص بشراء مطاوى قرن غزال ... ( خشب اصلى - عضم -عاج )
 
انا شايف ان حضرتك تلتفت لمذاكرتك ودروسك احسن من الكلام دا والمطاوى وشغل العيال دا واحب اقولك تانى يا اخىالكريم هى مجرررررررررررررررررررمه كفايه لما تبقى شايل الكتريك حتى لو ظابط شافك بيه هتتكلم معاه باحترام هيعرف انك شايله فعلا حمايه ليك وكده انما مطوا لا تواخذنى طبعا معروف هتبقى ايه

welly210 11-04-25 11:03 PM

رد: خاص بشراء مطاوى قرن غزال ... ( خشب اصلى - عضم -عاج )
 
الاخ الفاضل الدال علي الخير كفاعله اولا سبق المداخلة مني في مثل تلك المواضيع وشكوانا جميعا من مثل تلك الاعلانات التي لا ترتقي لمثل منتدانا ثانيا سيدي الفاضل شروط المنتدي تحذر وتمنع مثل تلك الاعلانات التي لا ترتقي لاخلاق الاعضاء لان تلك النوعية بالذات معروف من يحملها فهي مشبوهة مشبوهة الي الاعماق ثالثا تذكر وتفكر كما بدات كلامي فالدال علي الخير كفاعله ارجو ان تتفكر في تلك الجملة ولا تنظر الي مكسب بسيط زائل ولكن انظر لمكسب باقي الي يوم صعب وفقك الله وهدانا وهداك الي ما يحبه ويرضاه

الأفوكاتو 11-04-25 11:14 PM

رد: خاص بشراء مطاوى قرن غزال ... ( خشب اصلى - عضم -عاج )
 
علي فكرة يا Agm انا اسمي الأفوكاتو مش افريكانو ، وبعدين المطوة اللي كانت في العتبة زي ما بقولك قرن وانا شوفتها بنفسي وعندي منها والصورة مرفقة ومش انت اللي هتجيبلي العاج منها انا عندي العاج منها من قبل ما حضرتك تتعلم تفتحها وبردو مرفق صورة ، ولكن الحيازة شئ والعرض والطلب في المنتدي الوحش بتاعنا شئ تاني ، علشان احنا اسعارنا غالية وبنلعب بمسدسات الصوت زي ما بتقول ،وكاننا احنا اللي بنتحكم في أسعار السوق (ياريت يسمع من بوقك ربنا) بقولك ممنوع تعرض او تطلب مطواه قرن غزال هنا روح بيعها عالناصية ، ولمعلوماتك المطواه العاج هي الخوجة الالماني ام سلاح رفيع وطويل والجنوب افريقي منها خشب واسم ماركتها (okapi) ومكتوب عليها made in south africa أما بتاعت العتبة فهي خشب ردئ ومش هيعمر ومعمولة بقي في الصين ولا الهند ده مش مهم والحمد لله ولا نوع من الثلاث انواع مطلوب هنا في المنتدي ، وياريت تلتزم بقوانين المنتدي
خالص تحياتي للجميــــــــــــــــــــــع

AGM 11-04-25 11:33 PM

رد: خاص بشراء مطاوى قرن غزال ... ( خشب اصلى - عضم -عاج )
 
المطاوى المعروضه يا باشا باللون البنى الفاتح مطاوى خشب اما الي بلون الغامق عضم
المطواه العاج نوع تانى خالص بتبقى اتخن شويه لوعندك منها زي ما تفضلت بالذكر قبل ما اتعلم افتحها
وتم اطلاع على موضوع الاسلحه الممنوعه وبناءنا عليه تقرر الاعتذار للاخوه ووقف نشاط الموضوع
بس احب اقولك ع المستوى الشخصى انا مش مقتنع بتجريمها بذات الفتره دى انا عندى من زمان منها بس مش بشيلها معيا مشلتهاش الا اليومين دول واسال ع العاج الي عندك تانى واتاكد هما هيقلولك واسف مخدتش بالى من الاسم

الأفوكاتو 11-04-25 11:38 PM

رد: خاص بشراء مطاوى قرن غزال ... ( خشب اصلى - عضم -عاج )
 
شكرا ليك انك قفلت الموضوع ، وانا يا سيدي مش بفهم حاجة في انواع المطاوي ومش عايز افهم ، وعلي فكرة احنا عمالين نهاتي من زمان ان مسدسات الصوت مش بتنفع للحماية الشخصية والدفاع عن النفس يبقي المطوة القرن غزال هي اللي هتنفع ؟ معتقدش! يبقي حتي مالهوش لزوم تشيلها معاك خاصة وان الحمد لله الدنيا اتظبطت عن الأول كتير ، والله الكلام لمصلحتك علشان انت عارف عقوبتها (كانت زمان 6 شهور ودلوقتي بقت 3 سنين وهي والالكتريك) فملهاش لزمة وبعدين هي مش هتحميك من حد معاه فرد او مسدس حي ، وانت بتقول عندك مسدس حي طب بتشيلها ليه ؟
خالص تحياتي للجميــــــــــــــــــــــــع

AGM 11-04-25 11:46 PM

رد: خاص بشراء مطاوى قرن غزال ... ( خشب اصلى - عضم -عاج )
 
الخزنه الي في مكسوره لفيت لما قلت بس مفيش ليها حل الا تغيرها ولا يوجد امكانيه
هي طبنجه روسي

الأفوكاتو 11-04-25 11:53 PM

رد: خاص بشراء مطاوى قرن غزال ... ( خشب اصلى - عضم -عاج )
 
ربنا يعوض عليك ويحميك وماتحتاجلهاش ولا هي ولا غيرها
خالص تحياتي للجميــــــــــــــــع

osama2011 11-04-26 12:10 AM

رد: خاص بشراء مطاوى قرن غزال ... ( خشب اصلى - عضم -عاج )
 
تمام كده بس ياريت الكلام ده يطبق علي جميع انواع المطاوي من سسته وخلافه

ashe_k_79 11-04-26 03:19 PM

رد: خاص بشراء مطاوى قرن غزال ... ( خشب اصلى - عضم -عاج )
 
يارجاله في إيه عادي انا بحب القرن غزال مش لازم للهايشتري مطواه قرن خاصتا لو عاج يكون مش محترم ولا نازل يبلطج بيها ومش هايدور عليها علي النت ولا هايدفع فيها فلوس أصلا أنا عندي منها الأصلي و وبحبها ومابتخرجش من الدرج فيها إيه بقي و ومش للبيع والله عشان محدش يفهمني غلط انا بحب أقتني كل أنواع السلاح الأصلي مش أكتر وعندي كرباج سوداني أصلي من سنين عمره منزل من البيت عادي حتي في عز أيام القلق
وتقبلوا مروري

محمد أشرف 11-04-30 11:11 AM

رد: خاص بشراء مطاوى قرن غزال ... ( خشب اصلى - عضم -عاج )
 
الرجاء من الإدارة غلق الموضوع

braveheart 11-04-30 11:12 AM

رد: خاص بشراء مطاوى قرن غزال ... ( خشب اصلى - عضم -عاج )
 
اقتباس:

المشاركة الأصلية كتبت بواسطة محمد أشرف (المشاركة 85846)
الرجاء من الإدارة غلق الموضوع

.............................
+1


الساعة الآن 08:52 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir