موضوع مفيد جدا عن البنادق . اتفضلوا
 

انا قررت انى اعمل الموضوع ده عشان نريح الصيادين من الاسئلة الكتير وايضا المثل بيقول اسأل مجرب ولا تسأل طبيب .. الموضع باختصار اننا عاوزين نعرف عيوب ومميزات البنادق والسؤال هنا لكل صياد
س : ما نوع البندقية اللى ان اشترتها وندمت انك اشترها او اسوء بندقية اشترها ومش حلوة فى الصيد ؟
س : ما نوع افضل بندقية انت اشترتها ومبسوط انك اشترتها ومستحيل تفرط فيها ومريحاك فى الصيد ؟

افضل بندقية :
اسوء بندقية :

ويفضل ذكر نوع الرش مع البندقية المفضلة لديك ... اتفضلوووا .. انطلقووووووا

وانا هخلى نفسى للاخر

رد: موضوع مفيد جدا عن البنادق . اتفضلوا
 

--انا شايف ان في الفئات السعريه المنخفضه افضل حاجه دلوقت السيلفر الفالكون وفي الرش المصري ذو الفئه السعريه المنخفضه المرسمان ويليه الرمايه
--في الفئات السعريه الاعلي انا بفضل عن نفسي الاسترونج التركي عن الكرال وفي الرش الاعلي في الفئه السعريه ياتي زعيم الاغلبيه صاحب التاييد الجماهيري الجامو ماتش والبرماجنوم

رد: موضوع مفيد جدا عن البنادق . اتفضلوا
 

بالنسبة ليا انا لبيندقية الى ندمت على شراها مش علشان انها وحشة او مش حلوة فى الصيد لا علشان طلعت زيد امى وودتنى الامن العام يجى 5 مرات فى 9 شهور هى البنقيه الى انا اشتريتها من موقع الاكاديميه الامريكيه crosman 1077 الصراحة كانت بندقيه حدوته ليها خزنه وبتضرب 12 طلقة ورا بعض بسرعة ايدك ودقيقة لابعد الحدود بس قرفتها وحشة كفايه ان كل شويه يتبعتلى جواب مسجل بعلم الوصول لحضورى فى مبنى الامن العام دول بعتولى جواب على الشغل بتاعى فى سينا وسئلو على فاتشأمت منها فابعتها لما جبتها من غير ملطلع اصطاد بيها
اما عن البندقيه المفضله هى حتتين ولسه مفيش حاجة فيهم جبتها هما ال350 ماجنم او الجامو ماكسيما
الرش المفضل الى بحبه وشغال على اى حاجة جبتها برو ماجنم

رد: موضوع مفيد جدا عن البنادق . اتفضلوا
 

موضوع جميل يارامى باشا وأتمنى ان الاعضاء كلها يشاركوا فيه لأن ده هيورينا اختلاف وجهات النظر فى بعض البنادق المتداولة عن طريق التجربة وليس نظريا.
انا شخصيا لم استخدم الكثير من البنادق. البنادق التى تم شرائها واستخدامها:
التل المجرى كسر LG527
نوريكا61
جامو اكسبو 2100
رمسيس اصدار قديم
كرال ماجنوم دبشك اسود فيبر
بصراحة البنادق دى مافيش واحدة اشتريتها وندمت. لكن أكثر بندقية كانت محتاجة صيانة بأستمرار كانت الكرال لكن بصراحة البندقية دى بعد تغيير سوستتها بسوستة شادو كانت ممتازة ودقيقة معايا جدا وكنت بأستعمل معاها رش تركى ببوز اسمه Pointer وكان دقيق جدا مع الكرال.
أكثر بندقية لم ارتاح لها فى هذه المجموعة كانت النوريكا61.
البندقية المفضلة لدى ومن المستحيل التفريط فيها هى معشوقتى التل المجرى.
بالنسبة للرش وجهة نظرى الشخصية ان معظم الرش الموجود فى مصر سواء محلى او مستورد مكانه الطبيعى صفيحة القمامة وليس بيت الرش فى البندقية.
خالص تحياتى للجميع.

رد: موضوع مفيد جدا عن البنادق . اتفضلوا
 

من اجمل البنادق الى استعملتها هى النوريكا جيت نمرة 1 و 2
بصراحة بندقية حكاية فى القوة والدقة
لكن وزنها تقيل شوية
اما الاسترونج جربتها فكانت بتشكل كتير ومش دقيقة قوى
والكرال بكافة انواعها بختك يابو بخيت ممكن تطلع حلوة وممكن لا وده فى الدقة اما القوة فهى كويسة
لكن الجيت بصراحة لا يعلى عليها

رد: موضوع مفيد جدا عن البنادق . اتفضلوا
 

موضوع رائع ومفيد انا عن نفسى كان عندى جامو دلتا نمره 1 كانت دقيقه بس كنت ضعيفه القوه 160 متر وكان الرش الماتش معاها ممتاز وجبت كرال دبشك خشب متعدله كانت كويسه جدا معايا كان معدلها عادل عبده وبصراحه فنان كانت دقيقه وقويه وكنت بفضل البرو ماجنوم معاها واخيرا النوريكا جيت بصراحه بندقيه اكثر من رائعه قوة ودقه وافضل انواع الرش معاها الهوبى وكمان الماتش الخفيف

رد: موضوع مفيد جدا عن البنادق . اتفضلوا
 

هاااااااااااايل الكل يشارك .. حتى لو لم يوجد لده الا بندقية واحدة يقولنا نوعها وعاملة ايه معاه

رد: موضوع مفيد جدا عن البنادق . اتفضلوا
 

افضل بندقية اشترتها ديانا 52 نمرة اتنين
بندقية بتعطيك ثقة انك تضرب من اى مسافة

رد: موضوع مفيد جدا عن البنادق . اتفضلوا
 

هيال انا مبسوط من جميع الاعضاء على المشاركة بس هو ليه مفيش تفاعل على الموضوع ياريت نتفاعل

رد: موضوع مفيد جدا عن البنادق . اتفضلوا
 

فين ياجماعة بقيت الاعضاء الموضوع مش حلو ولا ايه

رد: موضوع مفيد جدا عن البنادق . اتفضلوا
 

اولا الموضوع ممتاز الف شكر علية....انا كتبت موضوع طويل عريض هنا من يومين وبعدين الكهربا قطعت قبل ما انشرة وادايقت ....وكنت ناوى اكتبة تانى.
1/الرمسيس نمرة 1 ودى طبعا بدايه كل صياد هى بندقية ممتازة جدا فى الدقة بس ضغيفة ولو حالتها كويسة جلبة وسوست ممكن تصتاد يمام وحمام لمافة 25 متر
2/الشنغهاى الصينى نمرة 2 ودى بندقية متوسطة القوة ودقيقة وممكن تصتاد يمام وحمام لحد 30&35 متر
3/النوريكا موديل 73 نمرة 2 ودى بندقية فوق المتوسطة من حيث القوة ولكنها دقيقة وممتازة من حيث الخامات والوزن انا باصتاد بيها دلوقتى ومريحانى وسوستها تقريبا 70% والحمد لله لحد 30&40 متر فى احسن الحالات باصتاد بيها يمام وحمام وضارب بيها كروانات...فراخ غيط...غراب لما كانت السوستة كويسة.........باكرر شكرى مرة تانية على الفكرة

رد: موضوع مفيد جدا عن البنادق . اتفضلوا
 

انا بستغرب محدش جاب سيرة الجامو cfx royal من اروع وامتع وادق مع المتانة وحط مليون خط تحت كلمة ادق وسرعة تجميع الهدف وطبعا الديانا 54 قوة بس دقتها مش زى الجامو انا لو ركنت الجامو سنة وخرجت اصطاد بيها من غير تظبيط لكن لديانا لازم اضبطها ودى ميزة الرويل

رد: موضوع مفيد جدا عن البنادق . اتفضلوا
 

دى حقيقة البندقية دى جبارة وان شاء الله احاول اجيب واحدة مستعملة بس مش لاقى حد عارضها للبيع بسغر كويس

رد: موضوع مفيد جدا عن البنادق . اتفضلوا
 

السيلفر فالكون الصينية
سرعتها 260 ودقيقة جدا وسعرها رخيص
والشادو 1000 بندقية كويسة جدا بس حسب الفرز بردو وعيبها مع اغلب انواع الرش مش دقيقة لازم رش غالي معاها زي البروماجنوم او الديابلو العلبة البلاستيك التركي
الصيني b1 كانت بداية حلوة وعلمتني كتير

رد: موضوع مفيد جدا عن البنادق . اتفضلوا
 

عايزين صورة للسليفر فالكون
ضرورى

رد: موضوع مفيد جدا عن البنادق . اتفضلوا
 

حاااااااضر بس للعلم الي معايا مش موديل الديانا 350

رد: موضوع مفيد جدا عن البنادق . اتفضلوا
 

والله الموضوع حلو وانا نفسى اشارك بس المشكله هى ان البندقيه اللى عندى انا خدتها من عمى و مش عارف نوعها بس هو كان شاريها تقريبا من 14 سنه .......عشان كده انا مش عارف اتكلم عليها

رد: موضوع مفيد جدا عن البنادق . اتفضلوا
 

والله والموضوع حلو و انا نفسى اشارك فيه بس مش عارف عشان البندقيه اللى عندى انا كنت واخدها من عمى و هو كان شاريها من زمان و انا مش عارف نوعها عشان كده مش عارف اشارك

رد: موضوع مفيد جدا عن البنادق . اتفضلوا
 

من افضل البنادق اللى استخدمتها نوريكا جيب
خمات متينه
جوده عاليه
دقه ممتازه
سعر قليل
قوه مزهله . 280 متر فى الثانيه

رد: موضوع مفيد جدا عن البنادق . اتفضلوا
 

موضوعك فى غاية الجمال