الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   تحذير من النصاب على مصراوى (http://www.egyhunt.net/showthread.php?t=10003)

ebrahem 11-06-07 07:26 AM

تحذير من النصاب على مصراوى
 
يعلن للمرة العاشرة عن مسدس صيد حيوانات ومرة غزلان ومرة روسى ومرة امريكى ومرة المانى معرفش اية وضحاياة كتييير
ودة رابط الاعلان:
http://classifieds.masrawy.com/AdDet...7&CategoryID=8
بقالة اكتر من اربع شهور بينصب على الناس ويبيعلهم مسدسات صوت تركى تعبانة وطلق بلى ملزوق بالسيليكون خطير على الناس وعلى صاحب المسدس وللأسف محدش قبض علية ودة رقم تليفونة 0169989088

tarekvb 11-06-07 07:36 AM

رد: تحذير من النصاب على مصراوى
 
مشششششششششكور على تحذيرك

Mohamed Mahmoud 11-06-07 07:53 AM

رد: تحذير من النصاب على مصراوى
 
مشششششششششكور

kiko_2015 11-06-07 08:49 AM

رد: تحذير من النصاب على مصراوى
 
ازاي مقبضوش عليه لحد دلوقتي؟؟ ده انا متابعو من 4 شهور ..

Hamdy Ebrahem 11-06-07 09:02 AM

رد: تحذير من النصاب على مصراوى
 
بارك الله فيك على التحذير

sultan 11-06-07 09:16 AM

رد: تحذير من النصاب على مصراوى
 
متيجى نلم رجاله المنتدى ونعمله كمين ونروقه
وبالمره نتسابق على النيشان على اهله ولما نزهق نسلمه
انا كلمته فى التلفون وهوه لزيز ممكن نقبله ونظبطه والى معاه حاجه عايز يجربها يجربها بلى رش صوت اليكتريك الى موافق يرفع ايده
هههههههههههههههههههههه

smsmn8888 11-06-07 09:52 AM

رد: تحذير من النصاب على مصراوى
 
اقتباس:

المشاركة الأصلية كتبت بواسطة sultan (المشاركة 114554)
متيجى نلم رجاله المنتدى ونعمله كمين ونروقه
وبالمره نتسابق على النيشان على اهله ولما نزهق نسلمه
انا كلمته فى التلفون وهوه لزيز ممكن نقبله ونظبطه والى معاه حاجه عايز يجربها يجربها بلى رش صوت اليكتريك الى موافق يرفع ايده
هههههههههههههههههههههه

بجددد يا اخيراا تا انا عندي ترسانة عايز اجربة قول بس يا ابو سلطان بس علي فكرة القانون لا يحمي المغفلين؟؟؟؟؟؟؟؟

sultan 11-06-07 09:54 AM

رد: تحذير من النصاب على مصراوى
 
القانون لا يحمى المغفلين بس شباب المنتدى بيحمى المغفلين (الى هما خيفين ) وللاسف بنسميهم مغفلين

Hamdy Ebrahem 11-06-07 09:56 AM

رد: تحذير من النصاب على مصراوى
 
وانا من زمان نفسى اضرب حد حدد معاه المكان والزمان واتفق معاه على شحنه كبيره ونضربه ونقلبه فيها ونبعها بربع تمنها لو مضروبه وبالنص لو معقوله والفلوس تتقسم بالتساوى انا التلات تربع وباقى الناس اللى حيروحو الربع عشان تبقى قسمة العدل هههه

sultan 11-06-07 10:06 AM

رد: تحذير من النصاب على مصراوى
 
لو اموضوع بجد عايزين تشتركو فيه يبقى فى ترتيب وتبقى الشرطه عندها علم علشان الموضوع يبقى فى النور وخلو موضوع الشرطه ده عليا وممكن كان اتفق معاهم انهم يخدو الى يحبسه بس ويدونا بقيت البضاعه والموضوع ده سهل واهو نبقى عملنا خير واستفدنا ونبقى مرشدين اد النيا هههههههههههه

moneey1975 11-06-07 10:32 AM

رد: تحذير من النصاب على مصراوى
 
اتكلمنا في الموضوع ده كتير ووضحنا كل حاجة لازم علي الاخوه الاعضاء توخي الحظر منه

smsmn8888 11-06-07 10:39 AM

رد: تحذير من النصاب على مصراوى
 
اة ياشباب خلاص بقينا عصابة وبنقسم النصباا لاااا معلش لو تا حصل كل شئ معا الاستاذ النصاب المحترم يروح للشرطة علشان دي فلوس حرام وحتي لو بنهرج في ناس مش كويس هتفهم الكلام تا بجد ولمعلومتكو هو اصلاا ممكن يكون داخل معانا هنا في المنتداء وعرف كل الكلام تا فهمتو يا باشاوات

sultan 11-06-07 10:44 AM

رد: تحذير من النصاب على مصراوى
 
ههههههههههههههههههههه يعنى مش هنعرف نبقى بلطجيه

hogan 11-06-07 10:50 AM

رد: تحذير من النصاب على مصراوى
 
واللهى ياباشا كلامك صح انا قبلتو وكمان كان كل شويه يقولى شعر فى السلاح ده مره يقولى ده طلقه نابلم ومره يقولى ده ممكن يقتل خمسه بطلقه واحده والهى انا استعجبت قلتلو انتا معاك كام حته قالى الى انتا عايزه قلتلو كويس انا هاخد 100 قطعة لو بالشكل ده نظرا لوجودنا بالجبال معظم الوقت لحماية مزارعنا حلو الكلام حضرت فلوسى لاقيتو قالى القطعة 5500 جنية ليك مع علبه 50 طلقه المانى ولوعايز الف طلقه اجبلك قلت امين نجرب الموضوع فى 10 حتت المهم قابلتو وكلمت اصدقائى لكى يجهزو هما كمان بالفلوس علشان انا هخلص وارحلوهم وانا ولله الحمد عندى خلفيه كبيره عن الاسلحه المهم اول ماقبلتو قلتلو انا نفسى اشوف نو الزخيره دى ممكن قالى اتفضل تفتكرو لقيت اه البيه معاه مسدس بلو سى الى هو شبه ال cz وماسح من عليه المركه والنوع بصنفره وفاتح المسوره وحاطط معها علبه زيت والطلقات البلى المانى فضحكت وكمان بيقول للناس انه ممكن يضؤب حى طلقات 8.5 م يعنى كمان نصاب ويودى الناس فى داهيا ويقول على ال8 ملى 9 م شورت لكى يحبك النصب واللهى لما عرف انى فاهم وعرف انى مش كروديا قام قلى يباشا حصل خير بين البايع و الشارى يفتح الله
رحت على مصراوى علشان اقول للناس خلى بالكو ده نصاب لقيتو قافل اضافه الاسئله وكمان عملت اعلان لمصراوى لم يتم اضافته بخصوص هذا النصاب واى حد عايذ يتاكد منى ممكن يبعتلى على الخاص واتكلم معاه وانا تحت امره
والله على مااقول شهيد
وحق كتاب الله ده حصل

hogan 11-06-07 10:53 AM

رد: تحذير من النصاب على مصراوى
 
ياباشا كلامك صح انا قبلتو وكمان كان كل شويه يقولى شعر فى السلاح ده مره يقولى ده طلقه نابلم ومره يقولى ده ممكن يقتل خمسه بطلقه واحده والهى انا استعجبت قلتلو انتا معاك كام حته قالى الى انتا عايزه قلتلو كويس انا هاخد 100 قطعة لو بالشكل ده نظرا لوجودنا بالجبال معظم الوقت لحماية مزارعنا حلو الكلام حضرت فلوسى لاقيتو قالى القطعة 5500 جنية ليك معه علبه 50 طلقه المانى ولوعايز الف طلقه اجبلك قلت امين نجرب الموضوع فى 10 حتت المهم قابلتو وكلمت اصدقائى لكى يجهزو هما كمان بالفلوس علشان انا هخلص وارحلوهم وانا ولله الحمد عندى خلفيه كبيره عن الاسلحه المهم اول ماقبلتو قلتلو انا نفسى اشوف نو الزخيره دى ممكن قالى اتفضل تفتكرو لقيت اه البيه معاه مسدس بلو سى الى هو شبه ال cz وماسح من عليه المركه والنوع بصنفره وفاتح المسوره وحاطط معها علبه زيت والطلقات البلى المانى فضحكت وكمان بيقول للناس انه ممكن يضرب حى طلقات 8.5 م يعنى كمان نصاب ويودى الناس فى داهيا ويقول على ال8 ملى 9 م شورت لكى يحبك النصب واللهى لما عرف انى فاهم وعرف انى مش كروديا قام قلى يباشا حصل خير بين البايع و الشارى يفتح الله
رحت على مصراوى علشان اقول للناس خلى بالكو ده نصاب لقيتو قافل اضافه الاسئله وكمان عملت اعلان لمصراوى لم يتم اضافته بخصوص هذا النصاب واى حد عايذ يتاكد منى ممكن يبعتلى على الخاص واتكلم معاه وانا تحت امره

والله على مااقول شهيد
وحق كتاب الله ده حصل

ahmedmostafa 11-06-07 11:08 AM

رد: تحذير من النصاب على مصراوى
 
مشكوريين يا شباب المنتدي على طرح هذا الكلام الخطير و انا متابه هذا الشخص جيداً منذ كان يبيع المسدس البلو على انه الماني و انه مستورد من الخارج و ماسورته مفتوحه من المصدر و كان سعره حينها 2500 جنيه و بعبله الطلق كان 3050 جنيه و اذكر اننى قمت بالأتصال به لمعرفه نوع المسدسات الذي لدية و كان منمق جداً فى كلامة و على دراية كاملة بفنون البيع فى السلاح لأنه صياد في فن النصب و التحايل على الأخرين.

ولكن بعد فترة من الوقت قال لي صديقي بأنه قابله فى مدينه نصر و اشتري منه قطعه سلاح روسي مكتوب عليها blow c06 و انه من الحديد الصلب غير التركي الموجود فى مصر لأنه """ رديء """ و قابل للأنفجار و كان صاحبي سعيدأ جداً و انه عندما قام بتجربتها قبل الشراء أعجبته جداً لأنه احدث ثقباً فى سيارة مكهنه علماً بأنه قد أشتري المسدس بسعر 2700 جنيه بخلاف علبه الطلق.
وعندما نهرته لأنه لم يتشر قبل الشراء قال لى انه أقنتع بكلام ذلك النصاب و انه يجب ان يتصل به قبل الشراء بيوم من الساعه 10 - 11 مساءاً لتأكيد حجز الشراء و انه معه رخصه شراء وبيع سلاح ، والتجربة قبل الشراء فى مكان بجوار الكليه الحربيه - عند الشرطة العسكرية هكذا قال - لأنه ماشي رسمي - و لكن بعد فترة أقتنع بكلامي انه تركي و انه قد نصب عليه خاصه عندما اراد منه ان يكلمة مرة اخري فلم يرد عليه مرة أخري.
و اصبح يغلق الخط فى وجهه - هذا النصاب يقول انه عندة محل خاص بعائلته اسمة ابو مورين فى كليه البنات - مصر الجديدة - و لا اعلم ان كان هناك ما يسمي بذلك ام لا.

يبقي ان نعلم أننا من واجبنا ان نقوم بعمل ما تجاة مثل هولاء النصاب المرتزق الذي يكسب على حساب الغلابه من الشعب مستغلاً عدم دراية الأغلبيه بعلوم و فنون السلاح و عليه أقترح ان نقوم بتحذير مواقع الأنترنت مثل مصراوى و أن نقوم بالتعليق على كل مشاركات مثل هولاء بأنه نصاب و يتم الأتصال به من كل اعضاء المنتدي على هاتفه حتى يقوم بتغييرة و يزهق مننا - القصد ان نقوم بعمل ايجابي تجاهه و تجاة كل من تثول له نفسه بالنصب على الأخرين.
وان نطرح اي فكرة من الممكن ان تقوم بأيقاعه
والله من ورائه القصد

كريم الشامي 11-06-07 11:13 AM

رد: تحذير من النصاب على مصراوى
 
شكرا علي التحذير

ahmadkader 11-06-07 11:16 AM

رد: تحذير من النصاب على مصراوى
 
يا جماعة الحل بسيـــــــــــــــــط و simple عالآخر ، السهل الممتنع ، و أنا لو فاضى النهاردة و اللا بكرة هعمله إن شاء الله ، كالآتى:
- ألوو أستاذ محمد أنا فلان و عايز حتتين تقابلنى فين ؟
- هقابلك الساعة كذا فى المكان الفلانى
- طيب إتفقنا

و فى المكان و الزمان هيتظبط متلبس بالتجارة فى أسلحة نارية بدون ترخيص و مسدسات صوت معدلة مجرمة

و لا نقول نصب و لا دياوله ، هو أصلا لابس تأبيدة لوحده ، و الإعلانات مالية التليفزيون إن اللى هيبلغ عن حد بالشكل ده ليه كمان جائزة مالية ، و إن آخر ميعاد لتسليم الأسلحة دى هو آخر الشهر

ahmedmostafa 11-06-07 11:56 AM

رد: تحذير من النصاب على مصراوى
 
يا سلام عليك يا أبو حميد يا جامد و الله فكرة 100/100
وانا معاك لو محتاج اي مساعدة

sayedlabib 11-06-07 12:00 PM

رد: تحذير من النصاب على مصراوى
 
يا جماعه انا هاكلمه وهاحذره من الموضوع ده بس قبل ماعمل كده عايز ارائكم لان انا اعرفه كويس هو بيقول ان عنده مكان لضرب النار عند سور الكليه الحربية وفعلا بيبع البلو ب5000 جنيه اللى هو اصلا جملته 600 جنيه للمستور ياجماعه واللى بيتاجر جمله يبيعه 900 واللى يبيع قطاعى يبيع ب1200 شوفتو النصب المهم لو متفقين انا هاكلمه بس مستنى رايكم ايه وعلى فكره ده حاطط فيديو لناس بتصطاد خنازير بسلاح حى وعلى الاقل لازم يكون 10 مللى لان الخنزير جلده سميك ازاى بقى البيله تخترق 2 مع بعض ومن اول مره انا كلمته حسيت انه نصاب وعلى فكره برضه هو مابيروحش لحد لازم الزبون اللى يروح عنده واسمه فعلا محمد وانا اعرف واحد بيتعامل معاه على طول يعنى ممكن اساعدتكم زى مانتم عايزين

guns 11-06-07 12:22 PM

رد: تحذير من النصاب على مصراوى
 
يا جماعة هوا نصاب ولا معاة رخصة ولا حاجة ومعندوش محل واسلم حل يتعملوا كمين ويتسلم للشرطة ونستريح من الناس اللي زي دي اللي هيجيبوا مصر ورا

العربى 11-06-07 12:51 PM

رد: تحذير من النصاب على مصراوى
 
ربنا يسترها
لا حول ولا قوه الا بالله

hogan 11-06-07 01:27 PM

رد: تحذير من النصاب على مصراوى
 
ياجماعة انا اتكلمت قبل كده وقلتلكو انا قبلتو وكمان بيقولى انه معها طلقات الى خارج حارق بكميات والواد ده كداب انا قابلته وجربنا السلاح علشان يبقى كل كلامى سليم والراجل ده مش نصاب ده محترف نصب ولو الكل اجمع انا اسلمه بيدى وانا عندى الطريقة بحكم عملى

ebrahem 11-06-07 01:31 PM

رد: تحذير من النصاب على مصراوى
 
الى ضايقنى ان فى ناس وشكلهم غلابة بتدفع وتشترى القرق دة والواد نصب عشرة عشرين مية ميتين مبيشبعش والمغفلين فى ال85 مليون كتييير يعنى ممكن الواد دة يبقى مليونير من بيع الهوا ومن آخر نكتة الى بيحكيها للمغفلين ان زباينة فيهم ناس شغالة فى المخابرات الحربية ومجلس الدولة كانوا محتاجين يحمو بيوتهم وما صدقو يلاقو السلاح الفتاك الى بيبيعة شفتوا الطيابة بتاعت الشباب المسكين وصلت لفين؟

braveheart 11-06-07 01:53 PM

رد: تحذير من النصاب على مصراوى
 
اقتباس:

المشاركة الأصلية كتبت بواسطة sultan (المشاركة 114554)
متيجى نلم رجاله المنتدى ونعمله كمين ونروقه
وبالمره نتسابق على النيشان على اهله ولما نزهق نسلمه
انا كلمته فى التلفون وهوه لزيز ممكن نقبله ونظبطه والى معاه حاجه عايز يجربها يجربها بلى رش صوت اليكتريك الى موافق يرفع ايده
هههههههههههههههههههههه

مممممممم ... انا بصراحة نفسي أجرب الكرال علي بني أدمين ... ممكن تاخدوني معاكو ... :)

AFROTTO 11-06-07 02:06 PM

رد: تحذير من النصاب على مصراوى
 
اقتباس:

المشاركة الأصلية كتبت بواسطة ahmadkader (المشاركة 114641)
يا جماعة الحل بسيـــــــــــــــــط و simple عالآخر ، السهل الممتنع ، و أنا لو فاضى النهاردة و اللا بكرة هعمله إن شاء الله ، كالآتى:
- ألوو أستاذ محمد أنا فلان و عايز حتتين تقابلنى فين ؟
- هقابلك الساعة كذا فى المكان الفلانى
- طيب إتفقنا

و فى المكان و الزمان هيتظبط متلبس بالتجارة فى أسلحة نارية بدون ترخيص و مسدسات صوت معدلة مجرمة

و لا نقول نصب و لا دياوله ، هو أصلا لابس تأبيدة لوحده ، و الإعلانات مالية التليفزيون إن اللى هيبلغ عن حد بالشكل ده ليه كمان جائزة مالية ، و إن آخر ميعاد لتسليم الأسلحة دى هو آخر الشهر

تمام ياأحمد باشا والموضوع بسيط جداا
بس ليا ملحوظة للآخوة الآعضاء اللى قالت القانون لايحمى المغفلين
مش معنى أن شخص مش عارف أية حقيقة السلعة اللى قدامة يبقى مغفل
لما نصاب يبيع مسدس صوت تركى عادى ويقول دة مسدس صيد غزلان والخ
وواحد يشترية على كدة يبقى طيب ومش عارف حاجة ومانقولش القانون لايحمى المغفلين
المفروض نقول القانون بيحمى الناس الطيبين وأعتقد مافيش حد ماأتنصبش علية
ماهو مش معقول كل الناس بقت ناصحة خلاص ولا أية ..!!!؟

lilkapo 11-06-07 02:44 PM

رد: تحذير من النصاب على مصراوى
 
طب مفى حل اسهل واسرع نبلغ عنو الجيش
يعنى نروح لاقرب وحدة شرطة عسكرية ونبلغهم برقم موبايلو واسمو واكيد هما هيعملو علية كمين بدل ميكون مامن نفسو بشوية بلطجية تحسبا لاى كمين لان اكيد هيكون حزر جدا جدا الى زى الشخص دة
صدقونى دة انسب حل وممكن نعرض عليهم المساعدة ونساعدهم كمان فى القبض علية واهى سمعة كويسة للمنتدى من خلالها ممكن نعرض بعض طلبتنا وناقشها معاهم ها رايكم اية

sayedlabib 11-06-07 04:14 PM

رد: تحذير من النصاب على مصراوى
 
ميه ميه وانا معاك نروح والله نبلغ الجيش لان اللى بيعملوا ده والله حرام وتجارة بجهل الناس الغلابة حرااااااام بجد واحنا كده مشاركين لو معملناش حاجه

sultan 11-06-07 04:16 PM

رد: تحذير من النصاب على مصراوى
 
على فكره انا كلمته وسجلت المكالمه وهرفعها لما اروح

ahmedmostafa 11-06-07 04:20 PM

رد: تحذير من النصاب على مصراوى
 
رأي محترم موضوع الشرطة العسكرية لأن دة آمن و اسلم حل و كمان قانوني و عموماً دي أرقام الشرطة العسكرية عشان لو أدارة المنتدي تحب تكلمهم بشكل قانوني و رسمي
ارقام الشرطة العسكرية

16137

16138

sayedlabib 11-06-07 07:08 PM

رد: تحذير من النصاب على مصراوى
 
يا ريت يا استاذ سلطان تسمعنا المكالمة عشان الناس تعرف اج ايه الراجل ده كداب ونصاب

sultan 11-06-07 07:41 PM

رد: تحذير من النصاب على مصراوى
 
اولولى ارفع المكالمه ازاى هيه اكتداد wav

tarekvb 11-06-07 07:46 PM

رد: تحذير من النصاب على مصراوى
 
اقتباس:

المشاركة الأصلية كتبت بواسطة sultan (المشاركة 115070)
اولولى ارفع المكالمه ازاى هيه اكتداد wav

ادخل على http://www.mediafire.com/ وقم برفع الملف واخذ نسخة من لينك التحميل وبدين ضعه فى المنتدى

sultan 11-06-07 07:50 PM

رد: تحذير من النصاب على مصراوى
 
انابرفع المكالمه وطبعاا ايل اسم غير اسمى ايله خالد ههههههههههههههه
وعلى فكره ليا واحد صحبر ظابط وطلع ميرفش حاجه عن البلى الى فى مسدس الصوت ولما اولتله بيبيع مسدس صوت ببلى الى ده ميعملش حاجه ده بيعور بس اولتله صح بيعور بس ومردتش افهمه حاجه مع انه صاحى اصل الحكومه بعد الثوره متنضمنش حتى لوكان صحبك

sultan 11-06-07 07:53 PM

رد: تحذير من النصاب على مصراوى
 
دى المكالمه الى كانت مع النصاب مش اولتلكم لزيز بس اولولى انفع مخبر ولا لا

http://www.mediafire.com/?bn89oid08iis432

sultan 11-06-07 08:00 PM

رد: تحذير من النصاب على مصراوى
 
بس الراجل ده موسع ماسوره البلو اكيد علشان شكل البلى كبير اكبر من 3 يمكن 4 وبيستعمل طلق المانى صح ولا انا غلط

sultan 11-06-07 08:04 PM

رد: تحذير من النصاب على مصراوى
 
بس الراجل ده بيسكن بياخد مسكنات الرغى السلس الى بيرغيه ده تجت تئثير المخدر صح ولا لا هههههههههههههه

braveheart 11-06-07 08:10 PM

رد: تحذير من النصاب على مصراوى
 
ههههه ...
مش ممكن أنت يا أ / سلطان ... تخيل الراجل بيقولك الفارغ لما بيطير بيعور ... لا و أية المقذوف لما بيجي في الخرصانة الـ 5 سم بيفرتكها ... اللهم صلي علي النبي ... ههههههههه

بس أنت ثبتة تمام الله ينور .. طب أيه ، هنقبض عليه أمتي بقي ... ؟؟ :)

sultan 11-06-07 08:12 PM

رد: تحذير من النصاب على مصراوى
 
لما الرجاله تقول كلمتها انا عايز اجيبه حلوان علشان كده اجلت المعاد وكل يوم هكلمه واعتزر لحد ما يفكر يجيلى حلوان وهوه ونصيبه لو مطلعش بيصطاد خنازير هخلى الكلب بتاع وائل محبس والكلب بتاع ابو زيد يكلوه
دول اصحابى بس بيحبو يخدمو

sayedlabib 11-06-07 08:24 PM

رد: تحذير من النصاب على مصراوى
 
على فكره الواد ده برضه بينتحل اسم شركة اسمها ابو مورين ويقولك احنا دى شركتنا وادخل على موقعنا وكلام كده


الساعة الآن 02:00 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir