الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   للمحترمين فقط . (http://www.egyhunt.net/showthread.php?t=10360)

ashraf_f 11-06-12 10:02 PM

للمحترمين فقط .
 
احبائى و اصدقائى اعضاء المنتدى المحترمين لفت نظرى موضوع هام ارجو ان نواجه سويا و ان نعمل على نشر الوعى

الموضوع مع الاسف المتاجرة و التربح بدم الشهداء و بثورة المصريين و بعلم مصر

فقد لفت نظرى عبده مواسم اللى تجارته ازدهرت و كسب ملايين من بيع علم مصر و بادج مصر و تى شرت الثورة و صور الشهداء بجنيه فى الاشارات و دلوقتى شوية نصابين بيلبسو تي شرتات 25 يناير حوالى 4 افراد او 6 بيعملو نفسهم بيدهنو رصيف وواحد منهم بيلم جنىه من كل عربية ماشية ارجو من كل واحد تنبيه اصدقائه و معارفه علشان كدة عيب قوى ان شوية العيال دول يشوهو ثورتنا
ثانيا و انا فى الاشارة كنت عاوز علبة مناديل فطبعا العلب عليها علم مصر فقلت للبائع لا اريد هذه العلبة لانها لما تفضى هارميها فى الزبالة و عيب قوى ارمى علم بلدى فى الزبالة البائع وقف تنح و للاسف دلوقتى طول ما احنا ماشيين علب عصير و علب كشرى عليها علم مصر مرمية على الارض طول ما انتا ماشى تعالو نوقف المهزلة دى برضو بكل ادب و احترام مانشتريش حاجة من دى و نقول عيب نرمى علمنا

braveheart 11-06-12 10:06 PM

رد: للمحترمين فقط .
 
و الله كلام محترم .. و وجهة نظر تحترم .. تحياتي لك.

jamayka 11-06-12 10:08 PM

رد: للمحترمين فقط .
 
ربنا يبارك فيك يا استاذ اشرف و نعم الاحترام و الوطنية و الانتماء و اتمنى لو ربع الناس يكونو زي حضرتك و يفكرو بالطريقة دى الواحد كان قرب يفقد الامل فى الناس

ashraf_f 11-06-12 10:09 PM

رد: للمحترمين فقط .
 
شكرا يا كريم مستنيك تقوللى طلعة الصيد الجاية فين والا ناوى تزوغ

ashraf_f 11-06-12 10:12 PM

رد: للمحترمين فقط .
 
ايه الكلام الحلو دة يا جامايكا كل الناس اللى قابلتهم هنا محترمين الصيد و الرماية بتجرى فى عرق الفرسان و النبلاء

braveheart 11-06-12 10:12 PM

رد: للمحترمين فقط .
 
اقتباس:

المشاركة الأصلية كتبت بواسطة ashraf_f (المشاركة 119686)
شكرا يا كريم مستنيك تقوللى طلعة الصيد الجاية فين والا ناوى تزوغ

يا فندم عيني و الله ... حضرتك تشرفنا بس في الإجتماع القادم و سنقوم بالتعارف علي سيادتك و نحدد طلعة مخصوص لحضرتك ... أحنا بجد هدفنا إن اللي بيحب الصيد يطلع و يضرب و يتشجع و نطلع معاه و نساعدة و ربنا يكرمنا و يحقق هدفنا بإذن الله.
تحياتي لك.

ashraf_f 11-06-12 10:15 PM

رد: للمحترمين فقط .
 
باذن الله انا ساحضر الاجتماع و سيكون لى شرف الانضمام للرابطة و خدمة الاعضاء

wknm 11-06-12 10:16 PM

رد: للمحترمين فقط .
 
والله يا اشرف بيه انت ميه ميه

انا برضو كنت متابع الموضوع ده و حاسس ان في حاجه غلط

و كمان حبت العيال الي بيرسموا على الرصيف و بيلموا جنيه من كل عربيه

و ياريت ختى بيرسموا حاجه عدله الي هي حبت شخبطه عيال و لو جبنا عيل في الابتدائيه حيرسم حاجه اجدع من كده

المهم اننا ابتدينا ننسى ثورتنا و كل واحد بقى يكبر دماغوا و النتيجه هي استغلال كل من هب و دب للناس الطيبين

يا ريت كل واحد منا يبتدي يوعي كل الى يعرفه علشان نحافظ على بلدنا من كل خاين

تحياتي

ashraf_f 11-06-12 10:23 PM

رد: للمحترمين فقط .
 
شفتو بقى ان فيه زينا كتير ربنا هيحاسبنا انه ادانا البصيرة و احنا لازم نوعى اللى حوالينا

wknm 11-06-12 10:41 PM

رد: للمحترمين فقط .
 
يا ريت محدش يقول مليش دعوه اكيد في حد حيتصرف
علشان كده حنرجع زي الاول و اوحش

ياريت طاقم الداره التثبيت للموضوع لانو مهم

تحياتي

هشام سمير 11-06-12 10:53 PM

رد: للمحترمين فقط .
 
كلام جميل جداً وعندك حق والله

ashraf_f 11-06-12 11:11 PM

رد: للمحترمين فقط .
 
شكرا يا هشام بقالك اسبوع مختفى لعل المانع خير

pooforever_2010 11-06-12 11:33 PM

رد: للمحترمين فقط .
 
لا تعليق
عجز اللسان عن الكلام
بسبب جمال وحلاوة كلام حضرتك
بقلبى وعقلى معاك
تسلم ايدك
تحيا مصر

ashraf_f 11-06-12 11:41 PM

رد: للمحترمين فقط .
 
يا باشا دة بس من ذوقك

pooforever_2010 11-06-12 11:43 PM

رد: للمحترمين فقط .
 
والله اللى قلته من قلبى
حضرتك كلامك هزنى من جوا
والله انا زيك حتى التلفزيون بيساعد النصابين
نغمات الثورة
موبيل الثورة
لحاف الثورة

.................
بجد حاجه تقرف
ربنا يباركلك على الموضوع الجميل ده

ashraf_f 11-06-12 11:48 PM

رد: للمحترمين فقط .
 
ربنا يكتر من امثالك يا جماعة مصر مليانة بناس زى الالماظ عاوزين نرجع فعالين و منقولش و احنا مالنا و مالناش دعوة لاء دة مالنا و احنا اصحاب الدعوة

doos99 11-06-12 11:49 PM

رد: للمحترمين فقط .
 
لابد ان نقاطع هذه المنتجات لاننا لا ينفع ان نرمى علم مصر في الزباله او علي الارض و ياتى من يدوس عليه باقدامه هل هذا ينفع لذا لابد من واقفه حاسمه لكل من يستخدم الثوره فى التجاره لكى يزيد من ربحه فهذا استهزاء بثورت شعبنا و ايضا ان اغلب المحلات فى بلدنا اصبحت باسم 25 يناير مثل عصائر 25 يناير و انا و كثيرين يرون ان هذا تسفيه لثوره شعبنا الجميله

hosam hamza 11-06-12 11:52 PM

رد: للمحترمين فقط .
 
http://forum.sedty.com/imagehosting/...1287604706.gif

pooforever_2010 11-06-12 11:52 PM

رد: للمحترمين فقط .
 
المشكله مش فالناس الكويسه
المشكله فالناس اللى مش فاهمه حاجه
ولما تشوف حد بيعمل حاجه تتريق عليه
يعنى لما حصل الحادث الموسف لكنيسه امبابه كنت بغلى
وساعتها كنت متجبس
لقيت اقل حاجه انى اطبع ورق للوحده الوطنيه
ولما حبيت اعلقه
اتريقوا عليا
فيه ناس كتير كده
صدقونى
اخوكم / محمد سعيد

ashraf_f 11-06-13 12:00 AM

رد: للمحترمين فقط .
 
صح فيه ناس كتيرة مش فاهمة و دة دورنا اننا نفهمهم من وجهه نظر اخرى احنا اللى قصرنا فى حقهم و مش زنبهم انهم جهلة لكن الزنب زنبنا اننا سبناهم و لم نوعيهم و اعتقد ان دة وقت العطاء و الله المستعان

pooforever_2010 11-06-13 12:10 AM

رد: للمحترمين فقط .
 
مع احترامى ليك فيه ناس متعلمه كمان
وشايف ان اللى بيعمل حاجه
يبقى بيتمنظر قصاد
نسيوا ان الاعمال بالنيات
وربنا اللى يعرف اللى
فالنفوس وده اللى بيحزن اكتر
لانهم متعلمين

smsmn8888 11-06-13 12:33 AM

رد: للمحترمين فقط .
 
لا حياة لمن تنادي الموضوع خرج عن الصيدارة والكل لازم يركب الموجة

سيدخالد 11-06-13 12:49 AM

رد: للمحترمين فقط .
 
دى ظاهرة وهتاخد وقتها وهتعدى ..........والجميع يدركها فلا تبتاس اخى الفاضل

ashraf_f 11-06-13 01:11 AM

رد: للمحترمين فقط .
 
لا والنبى بلاش تاخد وقتها دى لان الوقت دة من عمرنا و ممكن ياخدنا الوقت و مانلحقش نشوف يوم حلو و ساعتها الجيل اللى بعدينا مش هيسامحنا

algazar 11-06-13 01:35 AM

رد: للمحترمين فقط .
 
شكرا لتنبيهك لنا مع خالص الاحترام

ashraf_f 11-06-13 09:20 AM

رد: للمحترمين فقط .
 
لا شكر على واجب

tarekvb 11-06-13 09:24 AM

رد: للمحترمين فقط .
 
اقتباس:

المشاركة الأصلية كتبت بواسطة ashraf_f (المشاركة 119686)
شكرا يا كريم مستنيك تقوللى طلعة الصيد الجاية فين والا ناوى تزوغ

انت قولتلى يا كريم اخر مرة رسم الاشتراك فى الطلعة كااام ؟؟؟؟ هههههههه

تشرف وتنور وسعدنا انك تكون معانا

sameer 11-06-13 09:38 AM

رد: للمحترمين فقط .
 
و الله حاجة فعلا تنرفز شوف كدا يا باشا الاعلان ده



professional sniper 11-06-13 09:51 AM

رد: للمحترمين فقط .
 
السلام عليكم ورحمة الله تعالى وبركاته ,., ربنا يبارك فى حضرتك يا استاذ اشرف , ويكثر ومن امثالك .
خالص تقديرى .....

sayedlabib 11-06-13 09:53 AM

رد: للمحترمين فقط .
 
الله ينور عليك يا استاذ اشرف انا معاااااااااااااااااااااك على طول الخط ده

ashraf_f 11-06-13 10:52 PM

رد: للمحترمين فقط .
 
لا شكر على واجب

mrasool 11-06-13 11:00 PM

رد: للمحترمين فقط .
 
مساء الجمال يا اشرف باشا
دايما كدا عامل موضوعات محترمة وتستحق الاهتمام
تحياتى ليك ولكل الاعضاء المحترمين

ashraf_f 11-06-14 12:19 AM

رد: للمحترمين فقط .
 
دة من زوقك يا محمد

BooGY 11-06-15 10:10 AM

رد: للمحترمين فقط .
 
وجهة نظر لها ان تحترم لان ده فعلا اللى بيحصل وده اسوأ استغلال لناس ماتوا فى سبيل اننا نعيش واحنا ضيعنا كرامتهم فى وقت هما مش قادرين يحافظوا عليها فيه

ashraf_f 11-06-16 10:50 PM

رد: للمحترمين فقط .
 
الحمد لله ان المحترمين كتير فى بلدنا

unknown 11-06-17 01:52 AM

رد: للمحترمين فقط .
 
كلام محترم من شخص محترم
بارك الله فيك
يا اخى دة حتى فلورا حطوا عليها علم مصر

ashraf_f 11-06-17 02:03 AM

رد: للمحترمين فقط .
 
لو ماشتاريناش و فهمناهم وجهه نظرنا هنصلح الوضع

سرسور 11-06-20 08:48 AM

رد: للمحترمين فقط .
 
و موضوع آخر ارجو ان ننتبه له وهو ان تجد اشخاص بنوا اكشاك على الارصفة وفي الطرقات و تحت الكباري و دهنوها علم مصر و كتب عليه شباب ثورة 25 يناير
و ايضا تجد شخص سائق سيارته عكس الاتجاه و واضع استيكر مكتوب عليه " انا مش حكسر اشارة أو مش حمشى عكس الاتجاه ".
وجدت شخص اخذ رصيف بجوار صور مدرسة و عملة كافيريا في الشارع و علق لافتة " كافيتريا ثورة 25 يناير"
و كثيرا من هذه المخالفات ، ارجو ان ننتبه جميعا حتى لا نقول " الشعب يريد اسقاط الشعب"
و جزاكم الله خيرًا

hesham[MaFya]a 11-06-20 02:28 PM

رد: للمحترمين فقط .
 
بسم الله ما شاء الله كلام عظيم و طبعاً انا معاك..

hesham[MaFya]a 11-06-20 02:29 PM

رد: للمحترمين فقط .
 
و تم تقييمك يا أ/اشرف

ashraf_f 11-06-20 03:11 PM

رد: للمحترمين فقط .
 
شكرا هشام بس والاهى الواحد ما فارقة معاه تقييم اد ما نفسه يعمل حاجة تنفع الناس

ashraf_f 11-06-22 10:20 AM

رد: للمحترمين فقط .
 
ايه 377 بس اللى دخلو على الموضوع انا عاوز 377777777

moneey1975 11-06-22 10:24 AM

رد: للمحترمين فقط .
 
كلام حضرتك غايه غايه في الاحترام وربنا يسهل والشعب المصري يبدا يفهم الدنيا ماشيه ازاي

abdalla nabel 11-06-22 11:35 AM

رد: للمحترمين فقط .
 
انسان محترم جدا ويريت نسعدو كلنا في هذا

ashraf_f 11-06-23 01:42 AM

رد: للمحترمين فقط .
 
يالا ايدى فى ايدكو ساعدونى

محمد الشامي 11-06-23 09:29 AM

رد: للمحترمين فقط .
 
تحياتي لصاحب الموضوع , وفعلا الكلام ده وااااقع 100% وياريت الكل ياخد باله

caster 11-06-23 11:09 AM

رد: للمحترمين فقط .
 
انا معك ولك كل الاحترام بس في نا بتستهزا بالموضوع دا وتقول صورة لا هى مش كدة لو كل فكر زيك كدة وخاف على مصلحة البلد واقل شى يبقا اهم شى هنكون احسن بلد لك الشكر


الساعة الآن 07:34 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir