شرح كامل لعمل استاند لكاميرا البندقيه بــ30 جنيه
بسم الله الرحمن الرحيم
السلام عليكم ورحمة الله وبركاته بناء على طلب بعض الاخوه الكرام وجميع صيادين مصر العظام اقدم لكم شرح تفصيلى عن طريقة صنع استاند للكاميرا الديجتال والاستاند ده هايركب للبندقيه ويصورلك كل شىء وانت بتضرب سواء كنت بتصطاد باسكوب او اوبن سايت انا بصراحه مش عارف هو حد عمل الفكره دى قبل كده ولا لا لكن عموما والله دى فكرتى وتنفيذى اهداء منى لكم جميعا وعلى ما اعتقد ان اللى عمل استاند قبل كده عملو يركب للاسكوب فقط مش للاوبن سايت كمان http://www14.0zz0.com/2012/11/13/07/113279030.jpg والفكره كلها مش هاتكلفك 30 جنيه او اقل مع انى باسمع ارقام غريبه لأسعار الاستاندات يعنى مثلا 250 جنيه و600 جنيه وده مبلغ ضخم جدا على حتة استاند هو اينعم بيكون حاجه فخمه اوى لكن برده حرام المبلغ ده يندفع فى استاند وبسم الله نبدأء هو تنفيذ الفكره باينه انها صعبه اوى لكن اللى هايشغل دماغه ويركز شويه فى الشرح هايعرف انها سهله اولا المطلوب قطعتين صاج مجلفن سمكها 1 مللى القطعه الاولى مقاس 7 سنتى عرض فى 19 سنتى طول القطعه الثانيه 8 سنتى عرض فى 21 سنتى طول http://www14.0zz0.com/2012/11/13/07/538540698.jpg قطعتين كاوتش سمكها 1 مللى برده ونفس مقاسات قطعتين الصاج2 http://www14.0zz0.com/2012/11/13/07/373648097.jpg مسمارين بصاموله مقاس 10طول5 سنتى ومعاهم اربع ورد http://www14.0zz0.com/2012/11/13/07/278886884.jpg مسمار 10(سن خشن)وطوله 2 سنتى رأس المسمار مفك مش صاموله..وركز اوى فى موضوع سن خشن ده لأنه لو سنه مش خشن مش هاريبط فى الكاميرا وابقى هات معاه وردتين http://www14.0zz0.com/2012/11/13/07/772264196.jpg 4قفيز بلاستك زى ده والواحد سعره 25 قرش http://www14.0zz0.com/2012/11/13/07/237067183.jpg المهم انا عامل الشرح على قطعتين كارتون وانتو ابقو نفذوها على الصاج هانمسك القطعه اللى مقاسها 7+19 ونفصلها بالمقاسات دى وركز كويس فى المقاسات اللى مكتوبه عالصوره المربعات اللى باللون الاحمر سيتم قصها واخراجها http://www14.0zz0.com/2012/11/13/07/198190162.jpg وبالترتيب كده من اليمين من الخلف هانقص 7.5 سنتى ونسيب 1 سنتى وبعدين نقص 4.5 سنتى وبعدين نسيب 1.5 سنتى ونقص 4.5 سنتى ومن الامام هانقص 4.5 سنتى وهانسيب 3 سنتى وبعدين نقص 4سنتى وبعدين نسيب 3 وبعدين نقص 4.5 وبكده يبقى قصينا الزوائد وجهزنا القطعه بالشكل ده http://www14.0zz0.com/2012/11/13/07/815190313.jpg وبعدين نخرم خرم مقاس 10 هنا لربط الكاميرا فيه ولو عاوز تلحم صاموله من تحت مفيش مشكله http://www14.0zz0.com/2012/11/13/07/731047964.jpg http://www14.0zz0.com/2012/11/13/07/479115490.jpg الخطوه اللى بعد كده نبدأ فى لم وتجميع الجوانب وتجهيز القالب بالشكل ده http://www14.0zz0.com/2012/11/13/07/410695159.jpg http://www14.0zz0.com/2012/11/13/07/763590873.jpg http://www14.0zz0.com/2012/11/13/07/702518085.jpg ومننساش نلحم الفواصل كلها فى بعضها وده هايدى ثبات اكتر للاستاند وبعدين هانجيب القطعه الصاج التانيه اللى مقاسها 8+21 سنتى ونخرمها اربع اخرام لمسمار بصاموله مقاس 10 على نفس العلامات دى بعد الحواف بــ1سنتى http://www14.0zz0.com/2012/11/13/07/953772730.jpg وبعدين هانبداء نقص قطعتين الكاوتش ونفصلهم بنفس الطريقه بتاعة قطعتين الصاج ونلزقهم بالامير او بالكله علي الصاج من الداخل زى البطانه كده عشان الصاج مايجرحش الكاميرا او البندقيه http://www14.0zz0.com/2012/11/13/07/370970720.jpg وبعدين هاتجيب القطعه الخاصه بالدبشك وتلفها باديك على الجزء اللى قدام الزناد علطول لغاية ماتبقى كده http://www14.0zz0.com/2012/11/13/07/446702721.jpg http://www14.0zz0.com/2012/11/13/07/409221321.jpg وبعد كده نروح لأقرب ورشة ونخليه يعمل الاتى نلحم القطعتين فى بعض بالطريقه دى القطعه اللى بتشيل الكاميرا هاتتلحم فى الحته اللى متعلم عليها مربع دى بس الحمهم فى بعض كويس اوى من جميع النواحى عشان رد الفعل مايحركش ميخليش الاستاند يهتز http://www14.0zz0.com/2012/11/13/07/985923733.jpg http://www14.0zz0.com/2012/11/13/07/455227248.jpg والكاميرا زى ماحنا عارفين فيها ثقب مسمار من تحت هاتربطها منو فى الاستاند المسمار اللى عليه سهم ده هايربط الكاميرا فى الثقب اللى عليه دايره ده http://www14.0zz0.com/2012/11/13/07/119860134.jpg http://www14.0zz0.com/2012/11/13/07/115331043.jpg والشكل النهائى للاستاند هايكون كده http://www14.0zz0.com/2012/11/13/07/224809904.jpg وده شكل الكاميرا من الخلف http://www14.0zz0.com/2012/11/13/07/370516912.jpg وهايكون شكلها كده من الامام http://www14.0zz0.com/2012/11/13/07/127469214.jpg وهى راكبه على البندقيه والاستاند وابقى اربطها بالقفيز البلاستك ده فى كل طلعه صيد زياده فى التثبيت اربط القفيز فى نفس المكان اللى فى الصوره ده http://www14.0zz0.com/2012/11/13/07/101669938.jpg وابقى اقطع القفيز بعد ماتخلص تصوير وتيجى تفك الكاميرا والكاميرا بكده هاتبقى جامده ومتثبته كويس جدا وده فيديو لتوضيح عدم تأثير رد الفعل على التصوير اثناء الضرب https://www.youtube.com/watch?v=GgELavHfnRA وكل ما ارجوه منكم ان تدعولى بالخير وبالهدايه ولوالدى بالرحمه والمغفره واى سؤال انا فى الخدمه والسلام عليكم ورحمة الله |
رد: شرح كامل لعمل استاند لكاميرا البندقيه بــ30 جنيه
موضوع رائع ومميز وجهد مشكور عليه يا قبطان كان نفسى اعطيك تقييم بس مقفول تسلم ايدك يا باشا
|
رد: شرح كامل لعمل استاند لكاميرا البندقيه بــ30 جنيه
اقتباس:
حظى كده بقى ههههههههههههههههه والله مرورك دايما على مواضيعى شرف ليا كبير يا استاذ محمد وبدون تقييم |
رد: شرح كامل لعمل استاند لكاميرا البندقيه بــ30 جنيه
حتى انا كمان جيت اديلك تقييم لقيتو مقفول
هههههههههههههههههه |
رد: شرح كامل لعمل استاند لكاميرا البندقيه بــ30 جنيه
ربنا يخليك لينا يااااااااااااااااااااااااارب و مشكور علي مجهودك الرائع ..
انا بردة كنت عايز اديلك تقييم لكن مقفول .. ربنا يباركلك يارب |
رد: شرح كامل لعمل استاند لكاميرا البندقيه بــ30 جنيه
السلام عليكم
ربنا يهديك ويهدينا ويهدى جميع المسلمين ويتغمد والدك بواسع الرحمة والمغفرة وجميع المسلمين الاحياء منهم والاموات موضوعك جميل ومفيد يا قبطان وشكرا على المحهود وعلى الفيديو كمان |
رد: شرح كامل لعمل استاند لكاميرا البندقيه بــ30 جنيه
اقتباس:
تسلم ياجميل على المرور الجميل وتقييمى الحقيقى هو وجودك دايما فى مواضيعى |
رد: شرح كامل لعمل استاند لكاميرا البندقيه بــ30 جنيه
اقتباس:
الكام دعوه دول عندى بالدنيا بحالها سلمت يداك ولسانك ياغالى تحياتى العطره ليك |
رد: شرح كامل لعمل استاند لكاميرا البندقيه بــ30 جنيه
اقتباس:
|
رد: شرح كامل لعمل استاند لكاميرا البندقيه بــ30 جنيه
جميل و الفيديو المرفق جامد يا باشا
|
رد: شرح كامل لعمل استاند لكاميرا البندقيه بــ30 جنيه
مشكووور واله على مجهودك العالى والمتميز
|
الساعة الآن 12:09 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir