|
دعوة للنهوض بالمنتدى
السلام عليكم
فى الاونة الاخيرة حدث هبوط شديد فى مستوي التواجد والبيع والشراء ف المنتدى واصبحنا جميعا نستنكر حظنا ونرمي اللوم على بعضنا البعض فبدلا من ان نبحث عن المبررات يجب ان نبحث عن طرق جديدة للنهوض بالمنتدى من جديد فهو بيتنا الثانى وليتذكر معي الاعضاء القدامي اننا كنا نقضى اوقات على المنتدى اكثر مما نقضيها فى حياتنا اليومية كان كل خمس دقايق اعلان جديد كان فى مواضيع حلوة ومقتنيات جديدة واسعار مناسبة انا فاكر لما كان الواحد بينزل اي موضوع كان فى خلال دقائق يلاقي عشرات التعليقات محتاجين بجد نتكاتف لنجعل المنتدي فى افضل حالاته من جديد |
رد: دعوة للنهوض بالمنتدى
ان شاء الله هيرجع لما الحكومه تلغى الفيس بوك
|
رد: دعوة للنهوض بالمنتدى
السبب معروف .. الى عملوا كدة عارفين نفسهم انا فاكر ان كان فى اعﻻن لأحد الهواة جايب كام بندقية بخزن عشر رشات بسعر قليل جدا.. وتم حذف اعﻻنة بعد عدة ساعات لية لأنة مسددش المعلوم.. ومع احترامى الكبير للمشرفين ذوى النزاهة ومحبى الهواية إﻻ ان تلك النتيجة الطبيعية لمطاردة وحذف اعﻻن اى تاجر جديد جايب بضاعة جديدة تستحق اﻹقتناء..حتى وان كان هاو وﻻ يهدف للربح بقدر ما يهدف لخدمة اصحاب الهواية.. النتيجة الطبيعية ان العملية نشفت على الكل والناس هربت لمنتديات اخرى بجد الموضوع دة اسوأ حاجة فية ان محدش بيعترف بغلطة ويحاول يصلح البوظان الى عملة..ومش هتكلم اكتر من كدة.
|
رد: دعوة للنهوض بالمنتدى
الفيس موجود من زمان اصلا يا جماعة لكن لو بصينا كدة بهدوء حنلاقي ان الهواية الخاصة بالاسلحة عموما سواء الصيد او محدثات الصوت حنلاقيها حصلها نوع من انواع الضياع او الانحطاط واتحولت من ايدي النبلاء لايدي بعض الافراد لامستغلين والنصابين لاغراض تجارية او ما شبة يعني ... سبب الركود في المنتدي ان الهواية مش واخدة حقها اصلا في البلد ومحدش يقولي ظروف لان ملهاش اي علاقة بالظروف والقوانين مطاطة .. ومفيش مساحة للممارسة والابداع والتجديد غير اختفاء الكثير من الموديلات او اسعارها الي بقت جزافية وبس مش اكثر |
رد: دعوة للنهوض بالمنتدى
احييك يا نور
|
رد: دعوة للنهوض بالمنتدى
شرف ليا يا فندم..:joi: |
رد: دعوة للنهوض بالمنتدى
اقتباس:
|
رد: دعوة للنهوض بالمنتدى
وأنا أعشق هذا المنتدى وأجد نفسى فيه . تحياتى لجميع الاعضاء الاعزاء .
|
رد: دعوة للنهوض بالمنتدى
اقتباس:
|
رد: دعوة للنهوض بالمنتدى
اقتباس:
|
رد: دعوة للنهوض بالمنتدى
جميل.. بعد موافقتك محتاجين مقترحات منك ومن اﻷعضاء لتفعيل ذلك اﻹقتراح والتواصل مع المنتديات الكبرى واﻷعضاء القدامى لضخ دماء الحيوية للمنتدى من جديد وانتو كمشرفين أفاضل لكم التقدير واﻹحترام.. يارب نﻻقى عروض ممتعة لمحبى الهواية ونفتكر ايام المجد.. لما كانت بنتزل عروض على الطلقات الصوت اﻷلمانى والطبنجات اﻹيطالى والبنادق الهوائية عالية الجودة وادوات واكسسوارات التنشين.. وكمان اية على يمنع ننشط المواضيع العريقة زى موضوع تربية الصقور و الصقارين ..الطرائد أنواعها ومواسمها.. القوسروالسهم وكيفية تصنيعهم وتصنيع اسهمهم والعناية بيهم.. لية منفتحش قسم للخيول والأعضاء الخيالة يكلمونا عن سمعة الحصان المصرى البيور الى مكسرة الدنيا عند أصحاب الهواية فى الخليج ويكلمونا عن الفرق بين خيل السباق وخيل قفز الحواجز واخيرا خيل الجمال محتاجين موضوعات عن كﻻب الصيد انواعها ومواصفاتها وكذلك كﻻب الحراسة .. لية منعملش ابديت لأنواع الطرائد ومواسمها ..ﻻحظت مثﻻ من أيام إن فى جزر جديدة بتظهر فى النيل وحواليها المئات من الطيور الجميلة خصوصا البط.. لية منيسرش على بعضنا و الفاهم يشرح للمستجد كيفية صيانة البنادق و تزييتها وتغيير السوستة والجلبة والحفاظ على الدبشك.. لية منتكلمش عن عروض لبنادق ال pcp ومسدسات الغاز ساقية وخزنة .. مفيش غير تركيا الى نجيب منها بضاعة يعنى ربنا يصلح اﻷحوال.
|
رد: دعوة للنهوض بالمنتدى
انا عن نفسى هبدأ بنفسى وهنزل عروض ل اكثر من حاجه
من غداً ان شاء الله |
رد: دعوة للنهوض بالمنتدى
لو كل الصيادين اتكاتفو ورجعوا للمنتدى الاصلي هنا
ويكون تحت راية واحدة اكيد هايكون اجمل من الشتات ده انا فاكر ان اوقات كان كل دقيقة اعلان جديد عالمنتدى انا كنت ليل نهار مابقومش من قدامه ياريت دعوة للصلح والتكاتف والعودة مرة اخري يد واحدة |
رد: دعوة للنهوض بالمنتدى
انا معاك تماما طبعا ومبادرة سليمة انا من قبل ماسجل في المنتدي كنت ديما متابع المواضيع ومسجلتش غير في 2012 وولائي وهوايتي كلها بالكامل للمنتدي طبعا بالرغم من اني مش صياد ومش من هواة الصيد لكن كل هوايتي مركزة في محدثات الصوت ومتعلقاتها طبعا تحت ايد باش مهندس محمد مكاوي قدوتي الي كنت متابعلة كل كلمة بيقولها من الناس الي افتقدناهم كثيرا |
رد: دعوة للنهوض بالمنتدى
الى معاة ارقام او ايميﻻت اﻷعضاء القدامى يا ريت يراسلهم والمشرفين المحترمين يساعدو فى انعاش المنتدى بالمشاركات التنشيطية للمواضيع الجادة والمحترمة
|
رد: دعوة للنهوض بالمنتدى
طيب الحل الموضوعى ايه
|
| الساعة الآن 09:32 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir