طريقه حساب منحنى القذيفه بأستعمال برنامج Chairgun
السلام عليكم
أنا عضو جديد هنا و لأنه عيد و عندي أجازه فأنا بقالي يومين قاعد على النتدى و أريت مواضيع كتير أوي و حاسيت أني أقدر أعمل موضوع جديد و متميز ناس كتير بتسأل عنه ناس كتير بتسأل عن ضبط السكوب و منحنى القذيفه و الحمد لله في برنامج بيحسب الموضوع ده بدقه رهيبه البرنامج أسمه Chairgun pro ممكن تحمله من الموقع ده: http://www.hawkeoptics.com/apps/chairgun-pro.html الأول بعد ما تحمل البرنامج و تصتبه أول خطوه هي تغير الوحده من نظام أنجليزي للنظام المتري: Configure->Units->Metric علم على Metric بدل Imperial تاني خطوه هي أختيار العيار زي ماهو باين في الصوره دي: http://i1240.photobucket.com/albums/...s/cb2e1876.jpg تالت خطوه هي أختيار نوع الرش و ده موجود هنا: File->Pellet DataBase->Open هيفتح لك ملف بأمتداد tsv أختار نوع الرش ألي بتستعمله (ولو مش موجود أختار أقرب حاجه ليه من حيث الشكل و الوزن و الشكل أهم من الوزن) طيب فرضا نوع الرش ألي بتستعمله مش موجود ؟؟ أختار أقرب شكل للرش بعد ما أخترت نوع الرش بناء على الشكل ممكن نغير الوزن ببساطه غير الرقم المكتوب في خانه الوزن في الصوره دي: http://i1240.photobucket.com/albums/...s/f186c7ba.jpg أدخل كل البيانات الصحيحه في الصوره يعني دخل ال...... 1- وزن 2- سرعه 3- مسافه تصفير السكوب 4- أرتفاع السكوب 5- التكبير بقيه البيانات سيبها بدون تغير طيب دلوقتي لازم نختار نوع الشعار بتاع السكوب الشعار المدرج هو: Generic 30-30 الشعار الميل دوت هو: Generic Mil-Dot للتأكد من نوع الشعار أفتح : Tools->Reticles … و شوف نوع الشعار من الليسته ألي في الصوره دي (تجاهل الأرقام دلوقتي): http://i1240.photobucket.com/albums/...s/8bca6bcc.jpg خلص و أقفل الصفحه و أرجع للجدول بعد كده من خانه ال Range أختار أقصى مسافه تحب تشوفها معروضه الخط بيبين منحنى القذيفه و الجدول بيبن الأرقام بدقه غير سرعه الرياح و زاويتها و شوف أزاي المنحنى بيتغير و غير الزاويه بتاعت البندقيه (الأنحدار) و شوف المنحنى بيتغير أزاي و أهم حاجه غير التكبير و هتلاقي مكان الأصابه بيتغير (مكان الأصابه في الحقيقه مش بيتغير لكن مجرد الصوره على السكوب) فبرده في الأخر عند الضبط عند تكبير معين ما ينفعش تستعمل نفس البيانات للضرب عند تكبير مختلف يعني لو مثلا ضبط عند تكبير 3 هتلاقي أن عند 50 متر الرش بيجي عند تاني شرطه من تحت و لو غيرت التكبير ل 9 هتلاقي الرش بيجي عند خامس شرطه طيب كلام حلو بس أزاي هيفيدك وأنت بتصطاد؟؟؟؟ أنا هئولك الموضوع سهل أوي مش محتاج تبص في جدول ولا تحسب ولا حاجه البرنامج فيه خاصيه ممتازه أفتح : Tools->Labels, etc.->Scope Caps هتلاقي الشكل ده: http://i1240.photobucket.com/albums/...s/0d3ce837.jpg أطبع ورقه و ألزقها على غطاء السكوب أو غطاء علبه الرش و بنظره واحده سريعه هتعرف مكان الرش و ممكن برده أضافه تأثير الرياح و في الأخر قبل أغلاق البرنامج أعمل Save فهتفضل كل البيانات موجوده لما تفتحه تاني أرجو يكون الموضوع عاجبكوا و أرجو من الأداره التثبيت للأفاده |
رد: طريقه حساب منحنى القذيفه بأستعمال برنامج Chairgun
موضوع جامد والله وفيه شغل عالى
|
رد: طريقه حساب منحنى القذيفه بأستعمال برنامج Chairgun
والله انت برنس
فهمان بجد على العموم فى كام استفسار صغير حظبط الجمجه وبعدين نتكلم |
رد: طريقه حساب منحنى القذيفه بأستعمال برنامج Chairgun
و الله مشاركة متميزة فعلا وبرنامج بأبحت عنه من زمان مشكور أوي أوي
|
رد: طريقه حساب منحنى القذيفه بأستعمال برنامج Chairgun
اقتباس:
اقتباس:
اقتباس:
|
رد: طريقه حساب منحنى القذيفه بأستعمال برنامج Chairgun
بقيه الموضوع........
حساب تأثير الهواء أضافه تأثير الهواء: دلوقتي لأضافه تأثير الهواء لازم تقدر تحدد أتجاه الرياح و قوتها لتحديد قوه الرياح بدقه ماينفعش تقدرها بأنك تحس بيها لأن ممكن الرياح عندك يكون ليها سرعه و قرب الهدف يكون ليها سرعه و أتجاه مختلفين شوفو الفيديو ده و بعدين هأولكم أزاي تحددوا سرعه الرياح بدقه: شوفوا الجدول ده: http://i1240.photobucket.com/albums/...s/1dd68997.jpg طيب بعد ما عرفنا سرعه الرياح و أتجاهها ممكن نضيفها في برنامج chairgun دخل البيانات في خانه سرعه الرياح و زاويتها و برده بعد كده هنطبع ورقه سهله تقراها في ثانيه تعالوا نشوف مثال: فرضا الرياح جايه من يمينك بسرعه 12 كم/س في خانه ال Wind angle حط 90 و في خانه ال wind speed حط 12 و أفتح : Tools->Reticles … هتلاقي المنظر ده: http://i1240.photobucket.com/albums/...s/2f64a828.jpg و برده ممكن تطبعه طيب الناس هتسأل أنا محتاج بقى مليون جدول لكل سرعه و زاويه رياح؟؟؟؟؟ طبعا لأ الموضوع أسهل من كده بكتير أنت محتاج خمس جداول بس كلهم بزاويه 90 واحد بسرعه 4 و سرعه 6 و سرعه 12 و سرعه 16 و سرعه 20 يعني ناخد مثل مع بعض علشان نوضح: فرضا أنت واقف بتصتاد و الرياح من شمالك بالضبط (بزاويه 90) و بسرعه 12 كم/س فهتستعمل الجدول على طول و تشوف المنحنى في ثانيه طيب فرضا السرعه زي ماهي بس الأتجاه أتغير (أو أنت لفيت) فبدل من شمالك بقى جاي من الشمال الشرقي يعني بزاويه 45 و الجداول بتاعتك كلها 90 مفيهمش ولا واحد بزاويه 45 الموضوع بسيط......... مش سرعه الرياح 12 كم/س ؟؟؟؟؟؟ بزاويه 45 ؟؟؟؟؟؟ طيب يبقى تساوي سرعه رياح 6 كم/س بزاويه 90 طلع الجدول بتاع السرعه 6 كم/س و بص على المنحنى هيبقى هو ده |
رد: طريقه حساب منحنى القذيفه بأستعمال برنامج Chairgun
فين يا جماعه المشاراكات و التقييم؟؟؟؟
أيه الموضوع مش عاجبكوا ولا أيه؟؟؟ |
رد: طريقه حساب منحنى القذيفه بأستعمال برنامج Chairgun
مجهود جبــــــــــار
|
رد: طريقه حساب منحنى القذيفه بأستعمال برنامج Chairgun
الله ينور عليك ولاهى احلا اعضاء فى احلا منتده
|
رد: طريقه حساب منحنى القذيفه بأستعمال برنامج Chairgun
اللة ينور فعلا
|
رد: طريقه حساب منحنى القذيفه بأستعمال برنامج Chairgun
مشكورين يا جماعه و كل عام و أنتوا بخير
|
رد: طريقه حساب منحنى القذيفه بأستعمال برنامج Chairgun
اعمل ايه
طب لو باستخدم النيشان او اكتب ايه فى Scope Height |
رد: طريقه حساب منحنى القذيفه بأستعمال برنامج Chairgun
بص حضرتك ال POI هي أختصار Point Of Impact بتعتمد على أرتفاع السكوب في حاله ال أوبن سايت حطها ب 0.5 نص سم
و بدل ما تستعمل ال شرط على السكوب أستعمل ال POI يعني مثلا لو ال POI ب -35 يبقى الرش هينحدر 35 سم قدر المسافه و أضرب أعلى من الهدف ب 35 سم يعني مثلا طول الحمامه حوالي 35 سم يعني هتتخيل أن في حمامتين واقفين فوق بعض و أنت بتضرب على الحمامه ألي فوق |
رد: طريقه حساب منحنى القذيفه بأستعمال برنامج Chairgun
يعنى حضرتك لو باستخدم اوبن سايد اكتب ارتفاع النيشان فى Scope height طب وباقى البيانات dotsep clicks MOA laser zero laser height Mag
|
رد: طريقه حساب منحنى القذيفه بأستعمال برنامج Chairgun
ههههههههههههه
الحمد لله نضرتى ليك مخيبتش راجل فهمان بجد ارجو من الاداره الموقره تحفيز العضو فورا +تثبيت الموضوع لو سمحت يا كريم رقمك على الخاص عندى كام سؤال عن البرنامج لو فيها رخامه يعنى انا عارف |
رد: طريقه حساب منحنى القذيفه بأستعمال برنامج Chairgun
موضوع مميز
تم التثبيت |
رد: طريقه حساب منحنى القذيفه بأستعمال برنامج Chairgun
اقتباس:
و أنا في الخدمه يا ريت لو حد عنده أستفسار يسأل ما يترددش |
رد: طريقه حساب منحنى القذيفه بأستعمال برنامج Chairgun
ماردتش على سؤالى يا باشا !!!
|
رد: طريقه حساب منحنى القذيفه بأستعمال برنامج Chairgun
اقتباس:
اقتباس:
|
رد: طريقه حساب منحنى القذيفه بأستعمال برنامج Chairgun
اقتباس:
|
رد: طريقه حساب منحنى القذيفه بأستعمال برنامج Chairgun
واضح ان المكالمه التليفونيه فيه مشاكل
طيب اكلمك ازاى أخوك م/عبدالرحمن محمد طالب كلية الهنسه جامعة عين شمس |
رد: طريقه حساب منحنى القذيفه بأستعمال برنامج Chairgun
Laser height lazer zero mag clicksMOA dotsep عايز اعرف يا استاذ كريم دول اكتب فيهم ايه وهل بعد كده اقيس ارتفاع النيشان واكتبه فى خانه الاسكوب هيت
|
رد: طريقه حساب منحنى القذيفه بأستعمال برنامج Chairgun
موضوع اكثر من رائع تسلم ايدك واحلى تقييم
|
رد: طريقه حساب منحنى القذيفه بأستعمال برنامج Chairgun
اقتباس:
ال mag هو تكبير السكوب clicks MOA MOA أختصار Minutes of angle و هي بتعتمد على السكوب العادي هو أن كل click (تكه) بربع MOA يعني clicks/MOA = 4.188 الرقم ده هتلاقيه مكتوب على بكرات السكوب DotSep هي المسافه بين كل شرطه و التانيه متقاسه بال Minutes Of Angle دي سيبها بدون تغير |
رد: طريقه حساب منحنى القذيفه بأستعمال برنامج Chairgun
اقتباس:
|
رد: طريقه حساب منحنى القذيفه بأستعمال برنامج Chairgun
موضوع جامد والله وفيه شغل عالى
|
رد: طريقه حساب منحنى القذيفه بأستعمال برنامج Chairgun
نيجي بقى لتقدير المسافه
معلش أنا نسيت الموضوع بتاع المسافه ده بس و أنا بطلع البندقيه لقيت الورق بتاع المسافه و أفتكرت بنفس البرنامج برده الفكره العلميه هي أنك لو عارف طول الهدف و الزاويه بينك و بينه تقدر تستعمل حساب الثلاثات علشان تعرف المسافه كأنه مثلث و أنت عارف له طول ضلع و زويتين يبقى تقدر تحسب طول الأضلاع ألي فاضله و بالتالي المسافه بينك و بين الهدف http://onlinephys.com/trigo1.gif المشكله هي أن الزاويه (angle) دي كبيره فلازم تتقسم بس الزوايه مش بتتقسم بأضافه رقم عشري لأ الزوايه بتتجزء لدقائق و الدقائق لثواني علشان كده بتتسمى دقائق الزاويه أو (Minutes Of Angle) أو MOA طيب كلام جميل على الرغم من أنه صعب شويه نكمل؟؟؟ نكمل الناس أكتشفوا أنه فيه نظام أحسن و أنسب للقياس ألي هو بدل أستخدام الدرجات (Degree) يستخدموا نظام راديان (Radian) و لو حد دور على الأله الحاسبه بتاعته بتاعت ثانويه عامه هيلاقي زرار مكتوب عليه Rad و زرار Deg و ممكن الأله تحسب بالنظام ده أو ده و الراديان بتتقسم لمللي فيبئى أسمها MilliRadian أو Mils أختصارا طيب الراديان هي درجات لقياس الزاويه يعني الدائره فيها 360 درجه و فيها 6283 Milliradian كلام طوييييل و مقدمه ممله بس أوقات الواحد بيبقى فاضي شويتين الشرط و النقط الموجوده على الشعار دي في الحقيقه زوايه و بالتالي ممكن نستعملها لقياس الزاويه طيب عرفنا الزاويه يبقى فاضل نعرف طول الهدف و ساعتها ممكن نحدد المسافه بدقه الأهداف عندنا معظمها طيور و دي متوسط الأطوال متقاسه من طرف الديل لأعلى الرأس العصفور: 12-14 سم اليمام: 23-43 سم الحمام: 32-37 سم الغراب: 40-53 سم موضوع حساب المسافه ممكن يتعمل بمعادلات معقده أو ببرنامج Chairgun في ثانيه أفتح: Tools->MDRF هيطلعلك المنظر ده: http://i1240.photobucket.com/albums/...s/dfe8b106.jpg دخل حجم الهدف و التكبير و على الشعار هيطلعلك دوريه هي حجم الهدف على مسافات مختلفه فتقدر تشوف الهدف واخد كام نقطه على السكوب و تعرف المسافه على طول و برده ممكن تطبعها و تمشي تصتاد بكشكول ههههههههههههه بس للأسف الشعار الوحيد الموجود هو ال Mil-Dot و أتمنى يكون عجبكوا |
رد: طريقه حساب منحنى القذيفه بأستعمال برنامج Chairgun
بسم الله الرحمن الرحيم
اول اشكر صاحب الموضوع ولكن يوجد شيئا مهمين جدا وهو البرنامج بيستخدم للتلسكوب hawek فقط وليس اى نوع اخر واعتقد كل نوع تلسكوب لى بيناتى الخاصة لان دى بيعتمد على نقاء العدسة وتكبرها كام مرة نعطى مثال بسيط ناتى بعدد ٣ تلسكوب مختلفين فى النوع ومتساوين فى القياس مثلا هاوك 4x16x50,نيكون 4x16x50,لابرس 4x16x50 ونصفرهم كلهم على50 متر والتكبير 16 مرة وندخل جميع البيانات فى البرنامج ونضرب على مسافات مختلفة النتيجة كل تلسكوب لة نتيجة الخاصة والنتيجة الثابتة هى ٥٠ متر مسافة التصفير مع العلم الضرب بيكون بنوع بندقية واحدة والسرعة ثابتة وثانى حاجة ودى اهم شئ سرعة البندقية المستعملة وسرعتها مع كلنوع رش ارجو ان اكون وفقت فى التوضيح |
رد: طريقه حساب منحنى القذيفه بأستعمال برنامج Chairgun
اقتباس:
لاكن سؤال لو سمحت هل قياسات الطيور دقيقة لو تخمين لان في تحديد المسافة الطول يكون مهم ويفرق كثير .. مع الشكر والتقدير ... |
رد: طريقه حساب منحنى القذيفه بأستعمال برنامج Chairgun
تسلم ايدك على المجهود الجبار و ربنا يبارك لك
|
رد: طريقه حساب منحنى القذيفه بأستعمال برنامج Chairgun
اقتباس:
بس خلي بالك الطول ده من طرف الزيل لأعلى الرأس |
رد: طريقه حساب منحنى القذيفه بأستعمال برنامج Chairgun
شكرا عزيزي
ممكن رابط لتلك القياسات وشكرا |
رد: طريقه حساب منحنى القذيفه بأستعمال برنامج Chairgun
اقتباس:
الموقع فيه معلومات كتير مفيده عن معظم أنواع الطيور |
رد: طريقه حساب منحنى القذيفه بأستعمال برنامج Chairgun
اللة ينور
بس ده محتاج سكوب MilDot |
رد: طريقه حساب منحنى القذيفه بأستعمال برنامج Chairgun
تمام
أنا الحمد لله عندي 2 تليسكوب ميل دوت و كل التليسكوبات ألي بشتريها بدور أنها تكون ميل دوت الشعار المدرج قديم أوي و تقريبا العالم كله بطل يستعمله مش موجود غير في مصر بس و دي غلطه المستهلك مش التاجر المستهلك عنده جهل بالأنواع الحديثه و بيطلب المدرج فالتاجر هيجبله المدرج |
رد: طريقه حساب منحنى القذيفه بأستعمال برنامج Chairgun
مشكور على البرنامج
لاكن اني استخدم الرش من نوع Gamo Pro hunter ولم اجدها في قائمة ممكن الـ BC الخاص بها وشكرا |
رد: طريقه حساب منحنى القذيفه بأستعمال برنامج Chairgun
اقتباس:
http://www.photosbykev.com/wordpress...llet-database/ لو ما لقيتهاش أستعمل ال BC بتاع أقرب شكل لشكل الرش ألي بتضربه لأن ال BC ده بيعتمد على الشكل فقط (الأيرودينمكس) |
رد: طريقه حساب منحنى القذيفه بأستعمال برنامج Chairgun
موضوع تحفة يا باشا الله ينور وتسلم ايدك
|
رد: طريقه حساب منحنى القذيفه بأستعمال برنامج Chairgun
مشكوووووووووووووووووووور
|
الساعة الآن 03:33 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir