ما هو البعد الامثل للتلسكوب عن العين
 

السلام عليكم
حبيت استفسر منكم عن افضل طريقه لتركيب التليسكوب وليست معايرته او تصفيره علشان الاخوه الله يعطيهم العافيه عاملين ليهم شرح كتير عن تصفيره ولكن لم يتطرق احد الي طريقه تركيبه الافضل وكمان كم البعد المفترض بينه وبين العين انا سمعت انها من 3 الي 4 بوصات ولكن حبيت اتآكد منكم لخبراتكم الميداينه والاستفسار الاخير نفترض وجود تليسكوب قياسه 3*9*40 هل يمكن صيد عصفور علي بعد 100 متر مثلا بواسطته وهل الوضوح يكون ممتاز مثلا ولكم جزيل الشكر

رد: ما هو البعد الامثل للتلسكوب عن العين
 

السلام عليكم
بص يا اخى بالنسبه لبعد التليسكوب عن العين مش بالمسافه انت حتعرفها لوحدك لان البعد البؤرى لعينك تختلف عنى وهكذا فانت حتنظر من التليسكوب لحد اما عينك تشوف الكروس كله بكل وضوح وده حيكون الوضع الثابت لعينك كل مره تيجى تضرب بيه بحيث بعينك حتشوف الكروس كله وباوضح صوره ممكنه امالو غيرك جه يبص من نفس المسافه ممكن حيشوفها مشوشه نتيجه انه مثلا عنده بعد نظر فهى بتختلف من شخص لاخر وانت ممكن تحددها بنفسك وعينك هى الى حتحددهالك , اما بالنسبه لمقاسات التليسكوب الى حضرتك قلتها فاعتقد انها حتكون فى منتهى الصعوبه انك تضرب عصفور على بعد متر ان ممكن تشوف العصفور ده نقطه فى التليسكوب وبالتالى مش عايز اقول انه مستحيل تضرب عصفور على بعد 100 متر بمقاسات التليسكوب ده اما لو حابب تضربه على بعد 100 متر فالتليسكوب ممكن يكون 4-16*50 مثلا , اما بالنسبه لتثبيت التليسكوب على البندقيه فده فيديو يوضح ليك كيفيه تثبيته على البندقيه واسف على الاطاله .

رد: ما هو البعد الامثل للتلسكوب عن العين
 

الف شكر علي الرد والمرور ولكن بخصوص انه العصفور علي بعد ١٠٠ متر هيبان في السكوب علي انه نقطه يبقي علي كده بالنظر بس بدون سكوب مش هشوف عصافير خالص علي نفس البعد هههههههههههههه*

رد: ما هو البعد الامثل للتلسكوب عن العين
 

أنا معنديش خبرة في التليسكوبات.. وعايز أبتدي أعرف معنى مقاستها ؟؟!
يعني ايه مثلا 4-16*50
لو في موضوع في المنتدى بيشرح الكلام ده ابعتهولي ومن فضلك تحط اللينك بتاعه
شـــــــــــكرا

رد: ما هو البعد الامثل للتلسكوب عن العين
 

المقطع الاول وهو 4 الي 16 بمعني يكبر الهدف الي 4 اضعاف او 5 اضعاف الي 16 ضعف بمعني كل ماتزيد الزوم الصوره تكبر الي 16 ضعف الي هو اخر زوم للتلسكوب بما انك كاتب 4 الي 16 وفي بعض التليسكوبات بيكون 3 الي 9 مثلا وده بيكبر من 3 اضعاف الصوره لغايه 9 اضعاف الصوره مثلا اما الرقم الاخير ودايما بتلاقيه 32 او 40 او 50 زي المقاسات الي انته كاتبها وده معناه قطر العدسه الاماميه 40 ملي او 50 ملي وكل مازاد قطر العدسه يكون احسن يعني ابسط تشبيه اقدر اوصله لك ايه الفرق بين التلفزيون العشرين بوصه وال 40 بوصه هو ده الفرق بالضبط علشان انته بتشوف الصوره اوسع ولكن حاول انك ما تتعداش 40 مللي علشان مظهره العام للبندقيه وامكانيه التركيب علي البندقيه وفي كمان ملحوظه تاني وهي مثلا لو خليت الزوم علي 16 الي هو اقصي زوم او تقريب بالنسبه للمقاس الي انته كاتبه كأنك قربت مساحه الف متر الي 16 ضعف بمعني كأن الهدف بالقرب منك علي بعد 62 متر تقريبا وهي حاصل قسمه 1000 علي 16 وقيس علي كده الباقي وارجو ان اكون وضحت لك الصوره او قربتهالك هههههههه علي اساس اني سكوب ههههههههه