الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   وزارة الداخلية تحدد شروط تراخيص السلاح (http://www.egyhunt.net/showthread.php?t=16230)

Ahmed Youssef 11-09-27 03:26 AM

وزارة الداخلية تحدد شروط تراخيص السلاح
 
حددت وزارة الداخلية شروط استخراج ترخيص السلاح التي تتضمن أن لا يقل سن المتقدم عن 21 عاما وأن لايكون من المشتبه فيهم

أو من مرضى الأمراض النفسية أو العصبية أو المحكوم عليهم أو المنفذين لعقوبات حبس سابقة، اللياقة الصحية لحمل السلاح.


جاءت هذه التصريحات بعد تزايد طلبات تقديم السلاح بعد ثورة يناير, وتضمنت الشروط أن يتم تقديم الطلبات الفردية للأشخاص للقسم التابع له محل الإقامة، أما بالنسبة للشركات الخاصة فيتم تقديم الطلب لإدارة الرخص بقطاع مصلحة الأمن العام.

وفيما يلي نص الشروط الواجب توافرها:


1- ألا يقل السن عن 21 سنة ولم يحكم عليه بعقوبة جناية أو الحكم عليه بعقوبة الحبس لمدة سنة على الأقل فى جريمة من جرائم الاعتداء على النفس أو المال أو العرض .
2- لم يصدر ضده أكثر من مرة حكم بالحبس ولو لأقل من سنة فى إحدى هذه الجرائم.
[size="4"]3- لم يحكم عليه بعقوبة مقيدة للحرية فى جريمة مفرقعات أو إتجار فى المخدرات أو السرقة أو الشروع فيها أو إخفاء أشياء مسروقة.[/size]
4- لم يحكم عليه فى أى جريمة استعمل فيها السلاح.
5- لا يكون من المتشردين أو المشتبه فيهم أو الموضوعين تحت المراقبة.
6- ألا يكون قد أثبت إصابته بمرض نفسى أو عقلى وأن تتوافر فيه اللياقة الصحية لحمل السلاح .
7- أن يتوافر لديه الإلمام باحتياطات الأمن الواجبة عند التعامل مع السلاح .
8- يشترط تقدم طالب الترخيص بمبررات كافية وجدية للترخيص له.
إجراءات الترخيص بإحراز وحيازة سلاح:
يقدم طلب الترخيص لإحراز وحيازة سلاح ملصقا به طابع شرطة فئة 3 جنيه إلى مأمور القسم أو المركز الذى يتبعه محل اقامة الطالب مرفقاً به : صحيفة الحالة الجنائية – عدد 2 صور فوتوغرافية – إقرار بعدم وجود رخصة سلاح أو شهادة إعفاء أو إخطار سارية المفعول – بيان بمبررات الترخيص – شهادتين طبيتين من أخصائي تفيد لياقة الطالب صحياً (باطنة – نظر)- المؤهل الدراسي بالنسبة لذوى المؤهلات أو شهادة محو الأمية لغيرهم حتى سن 35 سنة ويعفى من تقديمها ما يزيد على ذلك.

الرسوم المقررة لاستخراج سلاح :
4 جنيهات رسم تخصيص – 3.10 ضريبة الدمغة – 25 جنيها رسم تنمية موارد الدولة – 20 جنيه نموذج رخصة السلاح المؤمنة – 4.40 رسم استخراج تصريح شراء السلاح .

عادل عبده 11-09-27 03:30 AM

رد: وزارة الداخلية تحدد شروط تراخيص السلاح
 
يامسهل يارب بس الموضوع ده هيغلى السلاح اكتر واكتر

YOSSEF EL MASRY 11-09-27 03:37 AM

رد: وزارة الداخلية تحدد شروط تراخيص السلاح
 
الله بنور علي حضرتك
الموافقة علي الترخيص تستغرق زي السابق
انا شايف ان الشروط سهلة معقول كدة بس مفيش اي حاجة مستخبية
شكرا

sam 11-09-27 04:11 AM

رد: وزارة الداخلية تحدد شروط تراخيص السلاح
 
انا لن اصدق حتي يتم الترخيص لأحد الناس بهذه الشروط اشوف الأول علشان اصدق

ramyhekal 11-09-27 05:03 AM

رد: وزارة الداخلية تحدد شروط تراخيص السلاح
 
اقتباس:

المشاركة الأصلية كتبت بواسطة sam (المشاركة 207241)
انا لن اصدق حتي يتم الترخيص لأحد الناس بهذه الشروط اشوف الأول علشان اصدق

وانا كمان زيك بالظبط

صقر ابوحسانين 11-09-27 05:15 AM

رد: وزارة الداخلية تحدد شروط تراخيص السلاح
 
دى الشروط الطبيعيه ومن زمان وهى كده ولكن اخونا نسى موضوع (وثيقه التعارف) ودى من خلالها الضابط بيغلث على طالب الرخصه والله اعلم وعلى فكره انا معايا رخصه من حوالى 10 سنين ودى حاجه عاديه يعنى مفيش حاجه اتلغت من الموضوع ده المهم مبرر الترخيص

ebrahem 11-09-27 07:11 AM

رد: وزارة الداخلية تحدد شروط تراخيص السلاح
 
مشكور على المعلومات يا سيد احمد

heshamfk 11-09-27 08:17 AM

رد: وزارة الداخلية تحدد شروط تراخيص السلاح
 
نسي كمان شيك مقبول الدفع بقيمة 70 جنيه لصالح مدير مصلحة التدريب بوزراة الداخلية يسلم في اقرب قطاع امن مركزي لدائرة القسم

elmasrey123 11-09-27 11:28 AM

رد: وزارة الداخلية تحدد شروط تراخيص السلاح
 
كويس والله دا انا عايز اطلع رخصة

shadymageed 11-09-27 12:43 PM

رد: وزارة الداخلية تحدد شروط تراخيص السلاح
 
ممكن سؤال ايه هيه مبررات يعنى ممكن تكون ايه ؟؟؟ مهوه ممكن اقول اى حاجه ويرفضوها وايه موضوع الشيك ده اديله شيك ليه اصلا ويا استاذ احمد المعلموات دى انته جايبها منين انا سالت عنالتراخيص هوه هوه نفس النظام القديم

tamer el-henawy 11-09-27 12:58 PM

رد: وزارة الداخلية تحدد شروط تراخيص السلاح
 
والله ياجماعة الكلام ده زى الفل 100% بس
الواقع حاجة غلسة اوى اوى عن تجربة شخصية
اتمنى للمتقدمين لرخصة السلام الصبر والتوفيق وانا معاهم

bodygard 34 11-09-27 03:20 PM

رد: وزارة الداخلية تحدد شروط تراخيص السلاح
 
هى هى نفس الشروط ولا جديد فى الامر واللعبه كلها تقديريه فى ايد مدير ادارة البحث ووراه مدير الامن

عادل محمد سلامة 11-09-27 08:30 PM

رد: وزارة الداخلية تحدد شروط تراخيص السلاح
 
و الله يا اخوانى عملت كل اللى بتقولوه و لغاية دلوقت مستنى الفرج بقالى ستة اشهر اقصد الموافقة و مش حقدر اقول اكتر من كدهه غبر حسبى الله و نعم الوكيل

عادل محمد سلامة 11-09-27 08:39 PM

رد: وزارة الداخلية تحدد شروط تراخيص السلاح
 
بالمناسبة انا مش صياد جديد قد اكون جديد فى منتداكم المحترم لكن ممكن تقييمى يكون على اساس اشتريت الرمسيس بتسعة جنيهات و علبة الرش لما الاسعار ارتفعت ايامها بقت بشلن حد سمع عنه ( خمسة قروش ) يعنى صياد قديم و عجوز كمان تقبلوا تحياتى

أميجو 11-09-27 10:01 PM

رد: وزارة الداخلية تحدد شروط تراخيص السلاح
 
قانون حيازة الاسلحة فى مصر لابد من تغيره والخبر ده مجرد تصريح على سبيل حشو الجرائد والمنظرة الاعلاميه .
العبره بالموافقة الامنيه مش التصريحات .
وبعدين جنان أسعر الاسلحة الحية فى مصر لايشجع على التجربة وكفاية سعر الحلوان .
مع خالص تحياتى للجميع

sniper-2 11-09-28 01:59 AM

رد: وزارة الداخلية تحدد شروط تراخيص السلاح
 
أنا لا أرى أى جديد فى هذه الشروط ..فهى كما هى من سنوات ..والعبرة بالمبررات القوية والواسطة ..حتى لو توفرت لك كل الشروط ..فالداخلية بتحاول على قدر المستطاع تقلل من تراخيص السلاح ..لسبب ما فى نفس يعقوب ..قد يكون مقنع لهم ..وللعلم بعد الثورة قامت وزارة الدفاع بترخيص سلاح ميرى لجميع الضباط من رتبة نقيب بالأضافة الى ترخيص سلاح آخر شخصى لهم ..والكثير أيضا يرخص خرطوش بسهولة تامة .. .

فرج محمد 11-09-28 02:54 AM

رد: وزارة الداخلية تحدد شروط تراخيص السلاح
 
وانا بحثت عن القرار علي النت ولم اجده

Ahmed Youssef 11-09-28 03:32 PM

رد: وزارة الداخلية تحدد شروط تراخيص السلاح
 
منورين الموضوع....و أنا جايبة من صفحة الشرطة المصرية علي الفيسبوك.

Ahmed Youssef 11-09-28 03:35 PM

رد: وزارة الداخلية تحدد شروط تراخيص السلاح
 
وهتلقوه علي موقع الوفد

عادل محمد سلامة 11-09-28 04:37 PM

رد: وزارة الداخلية تحدد شروط تراخيص السلاح
 
الشيك مقابل التدريب على استخدام السلاح و كيفية تأمينه و بصراحة هى دى الاستفادة الحقيقية فى الموضوع

فرج محمد 11-09-28 04:52 PM

رد: وزارة الداخلية تحدد شروط تراخيص السلاح
 
وربنا يكرم وتكون فيه استفادة اكبر بالحصول علي الترخيص

محمدعرب 11-10-05 06:37 PM

رد: وزارة الداخلية تحدد شروط تراخيص السلاح
 
جزاك الله خيرا وبارك فيك والله انا عايذ اعمل رخصه لكن انا معرفشى حد عمل رخصه فى الوقت الحاضر

man.man115 11-10-05 10:58 PM

رد: وزارة الداخلية تحدد شروط تراخيص السلاح
 
على فكرة ياجماعة التراخيص متعطلة بسبب كمية الطلبات وهناك تخوف من انتشار السلاح فى البلد وتم وضع اولوية جديدة وهى (المؤهل)بيكون له الاولوية مهندسون محاسبون محامون مع المبررات ...............الخ خصوصا ان فى الطلبات المقدمة حاليا حرفين ومهنين وتجار واصحاب محلات بدون تعليم وبدون مؤهلات اى بدون ثقافة خاصة ثقافة حمل السلاح وهو ده سبب تعطل كثير من الطلبات

فرج محمد 11-10-06 02:06 AM

رد: وزارة الداخلية تحدد شروط تراخيص السلاح
 
الاخ الفاضل
man.man115
هل هذا الكلام من مصدر موثوق به وعلي هو علي مستوي جميع المحافظات ام لمحافظة واحدة يعني قرار من مدير امن مثلا

old hunter 11-10-06 02:15 AM

رد: وزارة الداخلية تحدد شروط تراخيص السلاح
 
اقتباس:

المشاركة الأصلية كتبت بواسطة صقر ابوحسانين (المشاركة 207253)
دى الشروط الطبيعيه ومن زمان وهى كده ولكن اخونا نسى موضوع (وثيقه التعارف) ودى من خلالها الضابط بيغلث على طالب الرخصه والله اعلم وعلى فكره انا معايا رخصه من حوالى 10 سنين ودى حاجه عاديه يعنى مفيش حاجه اتلغت من الموضوع ده المهم مبرر الترخيص

ماهي وثيقه التعارف يباشا وشكرا

فرج محمد 11-10-06 11:22 AM

رد: وزارة الداخلية تحدد شروط تراخيص السلاح
 
وثيقة التعارف هي استمارة تحصل عليها من كاتب الرخص بالقسم وتدون فيها اسماء افراد عائلتك و ومهنتهم وعمرهم ووعملهم ومحل اقامتهم ودرجة قرابتهم منك وتذكر فيها الوالدين ولو كانوا متوفين ويتم الكشف عليها بمديرية الامن في سبعة ادارة تنفيذ الاحكام والمعلومات والاموال العامة والاداب والمخدرات وجرائم النفس والتسجيل الجنائي والبحث الجنائي

AMR ALY 11-10-06 12:00 PM

رد: وزارة الداخلية تحدد شروط تراخيص السلاح
 
اقتباس:

المشاركة الأصلية كتبت بواسطة man.man115 (المشاركة 212562)
على فكرة ياجماعة التراخيص متعطلة بسبب كمية الطلبات وهناك تخوف من انتشار السلاح فى البلد وتم وضع اولوية جديدة وهى (المؤهل)بيكون له الاولوية مهندسون محاسبون محامون مع المبررات ...............الخ خصوصا ان فى الطلبات المقدمة حاليا حرفين ومهنين وتجار واصحاب محلات بدون تعليم وبدون مؤهلات اى بدون ثقافة خاصة ثقافة حمل السلاح وهو ده سبب تعطل كثير من الطلبات

لو الخبر اكيد فهذا خبر جيد جدا و يدل علي الموضوعيه في اعطاء الرخصه لشخص واعي يدرك مدي المسئوليه و بالتالي سيكون اضافه للامن عامة و ان كنت اتمني الان لو كنت كملت بعد الهندسه للدكتوراه لتسريع الاجرائات ههه لان في اغلب الحالات بيكون عامل الوقت في غير صالح المتقدم للرخصه،تحياتي و كل عام و انتم بخير دائما

AMR ALY 11-10-06 12:10 PM

رد: وزارة الداخلية تحدد شروط تراخيص السلاح
 
اتمني وجود نظام متكامل للحاسب الآلي تماما كرخص السيارات حتي يقل الوقت الذي تستغرقه دوره المستندات و البريد الورقيه لاستيعاب و فلترة كم الطلبات و الرخص

sniper_vvip 11-10-06 12:25 PM

رد: وزارة الداخلية تحدد شروط تراخيص السلاح
 
اقتباس:

المشاركة الأصلية كتبت بواسطة ahmed youssef (المشاركة 207217)
حددت وزارة الداخلية شروط استخراج ترخيص السلاح التي تتضمن أن لا يقل سن المتقدم عن 21 عاما وأن لايكون من المشتبه فيهم

أو من مرضى الأمراض النفسية أو العصبية أو المحكوم عليهم أو المنفذين لعقوبات حبس سابقة، اللياقة الصحية لحمل السلاح.


جاءت هذه التصريحات بعد تزايد طلبات تقديم السلاح بعد ثورة يناير, وتضمنت الشروط أن يتم تقديم الطلبات الفردية للأشخاص للقسم التابع له محل الإقامة، أما بالنسبة للشركات الخاصة فيتم تقديم الطلب لإدارة الرخص بقطاع مصلحة الأمن العام.

وفيما يلي نص الشروط الواجب توافرها:


1- ألا يقل السن عن 21 سنة ولم يحكم عليه بعقوبة جناية أو الحكم عليه بعقوبة الحبس لمدة سنة على الأقل فى جريمة من جرائم الاعتداء على النفس أو المال أو العرض .
2- لم يصدر ضده أكثر من مرة حكم بالحبس ولو لأقل من سنة فى إحدى هذه الجرائم.
[size="4"]3- لم يحكم عليه بعقوبة مقيدة للحرية فى جريمة مفرقعات أو إتجار فى المخدرات أو السرقة أو الشروع فيها أو إخفاء أشياء مسروقة.[/size]
4- لم يحكم عليه فى أى جريمة استعمل فيها السلاح.
5- لا يكون من المتشردين أو المشتبه فيهم أو الموضوعين تحت المراقبة.
6- ألا يكون قد أثبت إصابته بمرض نفسى أو عقلى وأن تتوافر فيه اللياقة الصحية لحمل السلاح .
7- أن يتوافر لديه الإلمام باحتياطات الأمن الواجبة عند التعامل مع السلاح .
8- يشترط تقدم طالب الترخيص بمبررات كافية وجدية للترخيص له.
إجراءات الترخيص بإحراز وحيازة سلاح:
يقدم طلب الترخيص لإحراز وحيازة سلاح ملصقا به طابع شرطة فئة 3 جنيه إلى مأمور القسم أو المركز الذى يتبعه محل اقامة الطالب مرفقاً به : صحيفة الحالة الجنائية – عدد 2 صور فوتوغرافية – إقرار بعدم وجود رخصة سلاح أو شهادة إعفاء أو إخطار سارية المفعول – بيان بمبررات الترخيص – شهادتين طبيتين من أخصائي تفيد لياقة الطالب صحياً (باطنة – نظر)- المؤهل الدراسي بالنسبة لذوى المؤهلات أو شهادة محو الأمية لغيرهم حتى سن 35 سنة ويعفى من تقديمها ما يزيد على ذلك.

الرسوم المقررة لاستخراج سلاح :
4 جنيهات رسم تخصيص – 3.10 ضريبة الدمغة – 25 جنيها رسم تنمية موارد الدولة – 20 جنيه نموذج رخصة السلاح المؤمنة – 4.40 رسم استخراج تصريح شراء السلاح .

الاخ العزيز أحمد
مع جزيل الشكر للمعلومات اللى عرضتها لكن لا توجد ادنى تسهيلات من و زارة الداخلية للتراخيص بالعكس الموضوع اتصعب اكثر لأنى مريت بتجربة ليست سهلة فى هذا الموضوع بالذات منذ شهر مايو الماضى وللان لم تأتى اى موافقات على التراخيص ..يمكن لو كنت قدمت قبل الثورة كنت حصلت على الترخيص بسهولة لان لدى من المبررات االكثير منها للتراخيص من حيازة زراعية وصناعية وشركة كبرى وكنت غير مهتم انى احوز سلاح حى الا ان اتى موضوع الانفلات ولأن موضوع وقف التراخيص او التريس فيها عم الكل لذلك لم اتلقى الموافقة الى الان بالرغم من ان جميع اوراقى جائت تحرياتها سليمة ولا مانع من الترخيص هكذا ردوا عليا فى القسم التابع له وذهبت للوزارة نفسها وقابلت احد المسؤلين الذى اجاب ان الموضوع بيد المجلس العسكرى يعنى انا سمعت بنفسى السيد وزير الداخلية بيقول تصريح بالتليفزيويون ان التراخيص فتحت وهتتسهل اكثر وطبعا ده تصريح اعلامى فشنك ..دا من كثرة كدبهم طلعوا اعلان فى التليفزيون يحث الناس اللى عندهم سلاح مسروق او غير مرخص بتسليمه فورا ليه بأه ال عشان ده هيكون اكبر مبرر انه يرخص سلاح ..للأسف الواحد مش عارف يعمل ايه هما بيجبرونا على الغلط مش عايزين يفهموا ان الناس على الاقل الملتزمين مش بيحبوا يخالفوا القانون ويحملوا اسلحة غير مرخصة وما باليد حيلة هتحمى نفسك وممتلكاتك ازاى طالما هذا التعسف والغباء الادارى اللى ما زال موجود بالبلد
مع تحياتى للجميع

man.man115 11-10-06 11:42 PM

رد: وزارة الداخلية تحدد شروط تراخيص السلاح
 
المعلومات دى من القسم لانى بقالى دلوقتى سبعة اشهر ولم احصل على التصريح وفيه سبب كمان ان بعض جهات التحريات ذى التهرب الضريبى موجودة فى مجمع التحرير واتعطل كتير من الطلبات بسبب الاضرابات والمظاهرات والاحداث فى الميدان

MIDO911S 11-10-16 08:12 AM

رد: وزارة الداخلية تحدد شروط تراخيص السلاح
 
فعلا الاجراءات سهله بس عند موافقه الأمن العام وشكرا

القناص العالمي 11-11-25 08:00 PM

رد: وزارة الداخلية تحدد شروط تراخيص السلاح
 
يا مسهل الحال يا رب

eng.amg 11-11-25 08:20 PM

رد: وزارة الداخلية تحدد شروط تراخيص السلاح
 
اقتباس:

المشاركة الأصلية كتبت بواسطة عادل محمد سلامة (المشاركة 207635)
بالمناسبة انا مش صياد جديد قد اكون جديد فى منتداكم المحترم لكن ممكن تقييمى يكون على اساس اشتريت الرمسيس بتسعة جنيهات و علبة الرش لما الاسعار ارتفعت ايامها بقت بشلن حد سمع عنه ( خمسة قروش ) يعنى صياد قديم و عجوز كمان تقبلوا تحياتى

ياااه يا باشا.. دانا كنت فاكر نفسي قديم
أصلي أنا إشتريت الرمسيس جديدية ب 23 جنيه
دانا كده شاريها أول إمبارح بالنسبة لحضرتك

عموما دي فرصة سعيدة جدا... وأهلا وسهلا بيك

aybek 11-12-30 12:59 AM

رد: وزارة الداخلية تحدد شروط تراخيص السلاح
 
الحمد لله علي نعمة النسيان - تحياتي للجميع

moh_goher 11-12-30 01:12 AM

رد: وزارة الداخلية تحدد شروط تراخيص السلاح
 
طب دى اول مرحلة بتاعة القسم
ودى الحمد لله مستوفية
تانى مرحلة بتاعة الامن العام اتلغت ولا اتعمل فيها ايه ؟
اللى هى انه يكون عنده قطعة ارض او تجارة بسجل تجارى لا تقل عن 100000 او قطعة ارض واللى طبعا مش كل بتستوفى فيه الشروط دى واللى هى سبب تعقيد التراخيص

moh_goher 11-12-30 01:15 AM

رد: وزارة الداخلية تحدد شروط تراخيص السلاح
 
ولا يمكن دة عشان تراخيص بنادق الرش والصوت اللى طالع جديد بس
ما ظنش انه للحى
ما هو لو كان كدة كان الواحد رخص من زمااااااااااااااااااااااااااان

قناص الظلم 11-12-30 05:38 AM

رد: وزارة الداخلية تحدد شروط تراخيص السلاح
 
ما فيش جديد وزى ماكله بيقول لازم وثيقه التعارف والضابط برخم عليك يعنى لازم واسطه او رشوه وانا راجل عندى املاك وشغلى طبعا فيه خطوره والاوراق الى باشيلها فى منتهى الخطوره واعطونى لا سبب للترخيص

monte 11-12-30 08:14 AM

رد: وزارة الداخلية تحدد شروط تراخيص السلاح
 
تسلم على المعلومات

القانوني 11-12-30 01:29 PM

رد: وزارة الداخلية تحدد شروط تراخيص السلاح
 
كل الاحترام للجميع وللزملاء الافاضل
يوجد شيء غير معروف للبعض يقوم به رئيس مباحث القسم إسمه
مناظرة طالب الترخيص

ونتمنى التوفيق للجميع

forexawy 11-12-31 01:31 AM

رد: وزارة الداخلية تحدد شروط تراخيص السلاح
 
طبعا الأمل مفقود في موضوع التراخيص دي...وزارة الداخلية لا زالت تحمل عقليات متحجرة و مش بتفكر و لهذا السبب التقديم زي قلته...

tamer el-henawy 11-12-31 04:31 AM

رد: وزارة الداخلية تحدد شروط تراخيص السلاح
 
ا/ احمد يوسف
شكرا على الموضوع الجميل ولكن حضرتك نسيت شئ مهم جدا جدا فى شروط تراخيص السلاح وهو
على المتقدم للترخيص ان يتحلى بالصبر وطول البال
والله مقدم الاوراق وكله تمام من شهر مارس
بالتوفيق للجميع

aybek 12-01-03 12:48 AM

رد: وزارة الداخلية تحدد شروط تراخيص السلاح
 
اقتباس:

المشاركة الأصلية كتبت بواسطة tamer el-henawy (المشاركة 271608)
ا/ احمد يوسف
شكرا على الموضوع الجميل ولكن حضرتك نسيت شئ مهم جدا جدا فى شروط تراخيص السلاح وهو
على المتقدم للترخيص ان يتحلى بالصبر وطول البال
والله مقدم الاوراق وكله تمام من شهر مارس
بالتوفيق للجميع

أفادك الله , تحياتي


الساعة الآن 10:21 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir