|
سوق الجمعة
***********************
بسم الله الرحمن الرحيم يوم الجمعه (فى القاهرة) الموافق 22 مارس 2013 *********************** نظرا لقروب دخول سيزون الصيف اغلب الاسعار بدات فى الانخفاض وخاصا ( العصافير والسمك ) اما الكلاب فالاسعار تتميز بثبات نسبى حسب قوه العرض والطلب اليوميه اولا :- الكلاب قبل اى شئ اود ان انوه حضراتكم انتبهوا جدا فى تعامللاتكم مع الشباب ال فى السوق 1 - فى عيال بيترصدوا ال بيبع كلب وقفش الفلوس عشان يوجبوا معاه سواء بالنشل او بالتثبيت او بالمرازيه 2 - خلوا بالكوا بردوا من ال يفضل ماشى معاك زى ضلك قال يعنى بيساعدك انك تجيب حاجه كويسه 3 - طبعا والاهم خلى صاحب الكلب يطلعلك الكلب لحد المواصلات او لحد سيارتك توخيا للحذر وبردو لما تنزل حاول تنزل مع زميل اومع حد ونس اللهم ما بلغت اللهم ما فشهد 1 - الجيرمان شيبارد سعر الجراوى تقليب متوسط يبدا من 400 ج والجرواى التقليب عالى ( كسحه وقفله وش وودن 11 ) يبدا من 1500 ج 2 - الجريت دان سعر الجرو يبدا من 1500 الى 2500 جنيه سعر الكلاب الكبيره يبدا من 2000 حنيه والنتايه بتزيد عن الدكر فى حدود 500 جنيه امال لو طول وشلاضيم وحجم وكفوف وجته عاليه بيوصل لل 3500 الى 5000 وانت وشطارتك 3 - الرود وايلر سعر الجرواى يبدا من1500 جنيه طبعا ده للجراوى النورمال وسيبك من الناس ال فى اول السوق ال بيقولك ب 800 والكلام ده كله فاكس والكبير يبدا من 2500 جنيه وانت طالع ومش معنى كده انك تروح تسأل على دكر عالى او دكر امريكان وتقول انا قريت السعر ب 2500 انا بقول الاسعار بالنسبه للتقليبات النرومال تبدا ب ... 4 - البيت بول الجراوى تبدا من 800 ج اما لو بولى او امريكان وتقليب تمام تلاقى الجرو يبدا من 2000 ج وانت وشطارتك اما الكبير يبدا من 1500 ج ولو تقليب عالى وضخامه وصدر عريض وشراسه بيوصل لل 4000 جنيه مرتاح 5 - السنت برنارد الجراوى تبدا من 2000 جنيه والكبير بيزيد عليه من 1000 الى 1500 جنيه *********************** ثانيا :- العصافير والببغاوات طبعا الاسعار بدات فى الانخفاض وذلك يبدو مليا فى الشوش والكوركات والطفرات عموما 1 - البادجى سعر زوج الزغاليل يبدا من 35 ج للغوامق والفواتح 50 ج والشغال يبدا من 60 ج للغوامق والفواتح يبدا من 80ج 2 - الكوكتيلات اسعار الزوج الشغال يبدأ من 175 ج للحبشى واللاتينى والمصبع يبدا من 200 ج للزوج والايزابيل يبدا من 250 ج للزوج الشغال 3 - الفيشر والروز سعر زوج الروز الشغال يبدا من 175ج طبعا بالنسبه للأنواع العاديه سعر زوج الفيشر يبدا من 200 ج طبعا السعر بيزيد مع النوادر 4 - الزيبرا سعر الزوج الحبشى ب 40 ج سعر الزوج الفواتح ب 45 : 50 ج سعر الزوج الايزابيلات ب 60 ج 4 - الببغاء الزنجبارى يبدا من 3500 ج ما تسترخصش يعنى ما تجيبش ببغاء غير متدرب عشان اقل فى حدود 500 ولا 700 ج ( بيبقى مزعج ومصدر قلق بخلاف الببغاء المتدرب ) سبق وان بلغت ذلك واكررها 1000 مره الببغاء الغير مدرب بيبقى مزعج جدا جدا ومؤذى احيانا *********************** ثالثا :- القطط القطط الشيراز اعمار 45 ج تبدا من 100 : 250 ج السيامى الكبير لا تتعدى ال 50 ج البيكى فيس يبدا من 300 ج *********************** رابعا :- الاسماك 1 - البنجاسوس سعر الزوج يبدا من 10 ج 2 - الفايتر ( سعر الزكر ب 8 ج والانثى ب 4 ) 3 - الجوليديات ( كوى وفانتيل ) سعر الزوج الصغير يبدا من 5 ج 4 - الاوسكار سعر الزوج الصغير يبدا من 35 ج 5 - الفلاورهورن سعر الحته مقدار تلتى الكف ب 300 ج 6 - الجورامى سعر الحته ب ــ 8 ج 7 - الترسا سعر الحته ب ــ 15ج *********************** خامسا :- الطيور والحيوانات الداجنه 1 - ارانب سلالات عشر سعر النتايه ب 100 ج ولو دكر جاهز للشغل يبدأ من 70 ج 2 - ارانب بلدى شغاله ( سعر الفرد ب 40 ج ) 3 - سعر البط البلدى الصغير يعنى كتاكيت البط عمر لا يتعدى اسبوع ب 15 ج الزوج والبكينى والمولار ب 6 ج الزوج 4 - سعر زوج السمان الامهات ب 12 ج والصغير ب 10 ج سادسا :- الحمام 1 - سعر زوج الحمام البلدى يبدا من 35 جنيه وبيوصل لل 45 لو الحجم جيرم ومليان 2 - سعر زوج الحمام الكشكات يبدا من 100 جنيه ولو قصف ( حجم الكف ) وطرطور من الودن للودن والعضم مظبوط والفله واضحه بيبدأ من 250 ج 3 - سعر زوج زغاليل الحمام الكنج ييبدا من 160 ج 4 - سعر زوج الحمام المساويد المحترم يبدا من 300 ج 5 - سعر زوج الحمام البواز يبدا من 150 ج 6 - سعر زوج زغاليل الحمام الشوام عموما السيرح والكامل ( وطبعا الكمال لله ) يبدا من 100 ج والشغال يبدا من 150 ج 7 - سعر زوج الحمام الارباش يبدا من 400 ج طبعا مش مرقع ولا عليه بطش *********************** وفى النهايه اامل ان ينال العرض قبول سيادتكم مع وافر الاحترام (و للأمانة الموضوع منقول) |
رد: سوق الجمعة
موضوع مفيد جدا
واحلي تقييم |
رد: سوق الجمعة
اقتباس:
|
رد: سوق الجمعة
تسلم يا باشا علي الموضوع
بس الاسعار بقي فيها تفاوت كبير اوي عن الي مكتوب الوقت |
رد: سوق الجمعة
موضوع جميل جدا
|
رد: سوق الجمعة
فنان والله بس البيت بول جرواي 800 جنيه البيت جراوي 800 جنيه
طب عاوز اسالك سؤال هل في بيت بول هادي ومش رخم زي اللي بشوفهم في الفيديوهات دول يعني يكون مش شرس وما يهاجمش حد ومايهاجمنيش انا شخصيا ههههه مع العلم اني ما ربتش كلاب قبل كده خالص |
رد: سوق الجمعة
اقتباس:
ثانيا:حضرتك ما انصحكش تجيب بتبول اصلا لانه عنييد جدا و محتاج خبرة كبيرة جدا علشان تعرف تتعامل معاه اما بانسبة لطبع الكلب فا هو هيتلع شبه اسلوب حياتك و معملتك معاه و دى حاجة فى كل الكلاب دة لو اخدت بالك يعنى لو حضرت مهتم بيه مش بتضربو بتلعب معاه حنين عليه هيطلع مفيهوش ذرة شراسة هيبقى اى حد يشوفو يلعب معاه و ياخد عليه اما لو فى فحياتك ضغوط و مشاكل فا ده طبعا بيطلع على الكلب لو بتضربو او بتزعقلو و عدم اهتمام هتلقيه جبان و خايف من اى حد لحسن يعملو نفس المعاملة (دة طبعا لو كلب منزلى مش مدرب ) فى التدريبات بيختلف الامر طبعا و البتبول كلب جميل على فكرة مش رخم ولا حاجة علطول صامت مش بينبح كتير ذى الجرمن و لما بيكون لوحدة بيفضل اعد فى حالو و لو بتتماشا بيه هيكون عادى جدا معاك هو دة كل ما فى الموضوع شرا لمرورك و لو عندك اسئلة تانية اسأل برحتك |
رد: سوق الجمعة
اقتباس:
|
رد: سوق الجمعة
موضوع مفيد جدا بس الموضوع متخدهوش بصعوبه كدا يعنى المهم انك تبقى فاهم ف الحاجه الى هتشتريها لان طول ما انا عارف ان الحاجه تسوى قرشين مش هيضحك عليا فيها وبرده احذر بس مش اخون حد يعنى مش معنى ان حد وقف اتكلم معايا يبقى دا حرامى
|
رد: سوق الجمعة
اقتباس:
|
رد: سوق الجمعة
الف شكر عالمجهود الجامد دا
|
رد: سوق الجمعة
اقتباس:
|
رد: سوق الجمعة
خلي بالك انت مش جدع
|
رد: سوق الجمعة
اقتباس:
|
رد: سوق الجمعة
موضوع جميل اوي والله! ياما نفسي اجيب كلب بس معنديش مكان ! معنديش غير البلكونات بس! =(
|
رد: سوق الجمعة
احلي تقييم للموضوع بس يعني حضرتك جبت كل حاجه
بس سايب الصقور والطيور الاخري مع تحياتي لحضرتك |
رد: سوق الجمعة
اقتباس:
ألف شكر لمرور حضرتك الكريم و الصقور انا مش بفهم فيها خالص ولله |
رد: سوق الجمعة
اخي الكريم ليك رسالة خاصة من فترة كبيرة ارجو من حضرتك الرد عليها وعدم تجاهلها |
رد: سوق الجمعة
ده ثاني أفيد موضوع في القسم بعد موضوع حضرتك عن أسئلة الكلاب...
تقييم راااااائع متشكرين يا فندم ;) |
رد: سوق الجمعة
اقتباس:
|
رد: سوق الجمعة
انا غاوي حمام اوي وكنت لازم كل جمعة في سوق الحمام وساعة انفلونزا الطيور كان كل جمعة الحكومة تنزل تجري ورانا ههههههههههههه وصح كلامك يا معلم عن موضوع التثبيت دة واللي بيعملوا كدة عيال من المنطقة (اللبان) فياريت اي حد يكون نازل مايستهونش بالكلام دة لان الكلام دة بيحصل حقيقة وشفتة قدام عيني كذة مرة ... وشكراا تاني علي التحذير واسف علي الرغي :)
|
رد: سوق الجمعة
موضوع جميل ومتميز شكرا على تعبك يا فندم
|
| الساعة الآن 09:45 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir