حاجات كتير .. عايزة تتطور عشان نتقدم ..
 

عشان نتطور . يبقى لازم نعدل .. و عشان نعدل لازم نغير . و عشان نغير يبقى نفكر .. و نتعب ..
و مادام بنحب الهواية دي .. يبقى لازم نستحمل .. و نتعب لها .. عشان نشهرها .. . و يبقى ليها إهتمام عند الناس

جت معايا فترة إني أسيب الهواية لأني ما كنتش لاقي حد مهتم بيها من 4 سنين ..
لغاية ما إتعرفت على المنتدى الغالي ده . و على عاصم باشا . ومصطفى ..حبيب قلبي .
ربنا يخليهم لينا ..

أكيد في شباب تانية بتحب الهواية بس مش عارفة تطورها أو تنميها ,.. لأن ما حدش مهتم بيهم و ما عرفوش يوصلولنا .. يبقى لازم إحنا نوصلهم . و نساعدهم .. ونقولهم إن إحنا هنا موجودين ..

و عشان يبقى لينا وجود .. لازم يكون لينا مكان ..
ومكاننا هو المنتدى .. لازم يكون أنضف حاجة الناس تشوفها .. عشان يعرفوا أن الي ورا الهواية دي رجالة .
رجالة بيهتموا بيها . أكتر من نفسهم ..

و عشان كده .. رجاءا من أي عضو حابب أنه يساعدنا . ويطور المنتدى معانا . و يعرف الناس بينا لو عنده ملحوظة ما يبخلش علينا بيها .. .. ويعرف أصدقاءه و زملاءه في مجال عمله أو كليته . أو مدرسته . أو حتى جيرانه ..بالهواية لأنه هو سفير المنتدى عند الناس الي حواليه





و أنا أولكم .. و كل ما أقعد قعده حلوة مع أصحابي أكلمهم عن الموضوع ... و عملت موضوع في منتدى كليتنا ..
و جراني و أصحابي بأدردش معاه و أكلمه عن الهواية و عن المنتدى و أخليه يجرب بندقيتي .. عشان يحس بمتعة الهواية ..
ودي ملحوظاتي ..


1- لماذا لا يمكنني .إضافة صور إلى مشاركات الأعضاء . لتوضيح آرائهم . أو إختصارا لزيارة مواقع أخرى لرؤية الصور

2- قالب المنتدى الرئيسي لا يعبر عن الصيد ... " أنا بأشوف فراشات حمراء . وو قلور فوق الموقع على اليمين .."
* عملا بمقولة الجواب يعرف محتواه من عنوانه ,...لذا وجب تغيير القالب جذريا ..

3- لا بد من إضافة شريط إهداءات . في أعلى الصفحة الرئيسية للمنتدى ...
* عشان الأعضاء المتميزين ...نكتب لهم التهاني . .. و تناقل آخر الأخبار .

4- لا بد من إضافة شريط يحتوي على آخر الموضوعات المضافة بالمنتدى
* إختصارا على الزوار من البحث داخل الأقسام

5- إعلام الأعضاء بريديا بشكل أسبوعي . بكافة المواضيع المضافة بالمنتدى .من خلال رسالة بريدية واحدة
*مش معقول أدخل المنتدى و أقعد أدور على المواضيع الجديدة في قسم قسم .. بياخد وقت و يزهق والله

6 - إعلام الأعضاء المشتركين بالمواضيع بآخر الردود بكافة المواضيع من خلال رسالة بريدية واحدة .
*عشان بألاقي 20 رسالة تقريبا كل يوم .. و حيزيدوا مع الوقت مع زيادة المواضيع و الأعضاء و الزوار

7 - أيقونة الرد السريع أسفل أي موضوع لا تعمل ... و بجد دي أهم حاجة يا جدعاااااااااان ..

8- إضافة أكواد تشغيل ملفات الفيديو Youtube .. المنتدى محتاج أكواد كتيير ..عشان الحياة فيه تبقى أسهل .

9- التبادل الإعلاني مع المواقع و المنتديات الأخرى .. مما يرفع من شهرة المنتدى ... والموقع ..

10- إضافة لائحة الأعضاء المتميزين لكل شهر .. و الأكثر نشاطا ...

11- طلب البحث عن كل مشاركات العضو و مواضيعه لا يعمل ... رجاء .. تصليحه ...

12- تنبيه الأعضاء ذوي صفر المشاركات بواسطة بريدهم المسجل في المنتدى . بأن عضويتهم ستحجب لحين المشاركة في المنتدى .. بعد إرسال رسالة تنبيهية أولا بأن هناك مواضيع جديدة في المنتدى ..

إيه يا شباب
 

أنت بتدخلوا تبصوا على الموضوع وتمشوا من غير تعليق ... أي حاجة طيب ..عشان نتقدم ..!

أنت فين يا عاصم ... عايزين حلول للكلام ده بأسرع وقت .. ..! بارك الله فيك ..

و أتمنى أنك تاخد بصة على الموقع ده عشان تشوف الحاجات الي في و الشرايط بآخر المواضيع و الإهداءات ..

ده منتدى الكلية بتاعتنا .. http://mattaria.org/forum/

المشاركات
 

السلام عليكم
اولا شكرا على الموضوع ده لسبب واحد بس
انه اجرأ موضوع فى المنتدى كله
انا للأسف رغم انى مشرف هنا فى المنتدى الا انى لا ازور المنتدى الا نادرا
لدرجة انى كنت بفكر جديا انى اتنازل عن موضوع الاشراف ده
اشراف على ايه
السلبيات اللى فى المنتدى اصبحت كتير جدا
انا مش عايز اشيل فرد واحد بس المسؤلية .احنا كلنا مسؤلين عن السلبيات دى
ده بالاضافة للملاحظات المهمة اللى ابداها اخى العزيز فى ملاحظات اسوأ
منها على سبيل المثال لا الحصر
اولا النقل من المنتديات الاخرى: و دى كفيلة بانها تصفى المنتدى نهائيا
فى موضوعات كتيرة جدا منقولة بالنص.و احنا فاكرين اللى كتبينها صيادين محترفين(مع احترامى)
و ده السبب فى ان مواضيعى قليلة جدا
ثانيا:انا لغاية دلوقتى معرفش ايه هى مهام المشرفين و لا حتى شفت واحد من المشرفين بيقوم بمهامه كاملة
فمهام المشرفين لا تنحصر فى اضافة اكبر عدد من المواضيع و خلاص
ثالثا:انا كتبت الموضوع ده و عدد الاعضاء 105
ومفيش حد منهم نزل صور صيده اللهم الا 3 او 4
مع العلم انى لا عندى كاميرا و لا تليفونى فيه كاميرا
المصيبة بقى انه احد الاعضاء (مع احترامى)متصور و هو مصطاد غراب:confused: :confused:
رابعا: انا شفت المنتديات العربية كلها الخاصة بالصيد
بس مشفتش حد كاتب الموضوع كله بالانجليزى الا هنا
و لا شفت (الركاكة)فى الاسلوب و لا الاخطاء الاملائية الا هنا
و ده للاسف جزء من الكل

انا معاااك كليا يا محمد وكل النقط معاك حق فيها

وانا خبرتي في الصيد زي ما انت عارف ...فاساعد علي قد ما اقدر

ــــــــــــــــــــــــــــــــــــــــــــــــــ ــ

مش عارف زيزو باشا حاسس انك متحامل شويه

يعني شويه شويه المنتدي يكبر

واللي مصور غراب ما يصور يا جميل

والاخطاء الاملا ئيه دي مش مشكله كبيره يعني ...المعلومه بتوصل

يعني قصدي نتقبل بعض شويه لغايه ما العجله تمشي....

وبافكارك ان شاء الله نتقدم سوا

كلامك صح يا اخ زيزو , فعلا احنا مفروض نخلص من السلبيات دى , ويريت تقولى على خطأ انا عملتة فى المواضيع بتعتى , او سلبية من السلبيات دى , علشان اخد بالى بعد كدة واتجنب الاخطاء دى.

انا بصراحة مش شايف اى خطأ فى نقل المواضيع من المنتديات التانية بس على شرط كتابة اسم المصدر , علشان ممكن يكون فى ناس مرتبطين بالموقع دة دون غيرة فأنا مش شايف عيب فى نقل المواضيع المهمة من المنتديات التانية..

تمهيد لمرحلة جديدة
 

بشكر الاعضاء والمدريين على ذلك الموضوع العظيم

لو استنى القاتل على المقتول كان مات لوحده
بالفعل يا اجمد اعضاء ومشرفين
تم عمل خطة تمهيد لمرحلة جديدة
لرفع مستوى المنتدى والموقع باكملة
وتم الاتفاق لعمل تصميم جديد للموقع
وسيتم اضافة كل الاسكربتت المطلوبة واكثر فى بداية المرحلة

شوف الينك دة
 

انا اخويا مبرمج ودكتور بردو

ممكن يفيدك في التصميمات الجديده

رد: حاجات كتير .. عايزة تتطور عشان نتقدم ..
 

رد: حاجات كتير .. عايزة تتطور عشان نتقدم ..
 

وبعدين يا زيزو انت بتقول حد كاتب موضوع كله بالانجليزي فين الموضوع ده انا مشفتش الموضوع ده ممكن تبعتلي اللينك بتاعه تاني حاجه انت بتقول و لا شفت (الركاكة)فى الاسلوب و لا الاخطاء الاملائية الا هنا
و ده للاسف جزء من الكل احنا منتدانا مش منتدي لغه عربيه احنا بنكتب عشان نوصل معلومه

رد: حاجات كتير .. عايزة تتطور عشان نتقدم ..
 

شكرا للتفاعل و بجد أنا مبسوط للرد

و الأخ الي كان بيكتب عربي بالإنجليزي .. أنا نبهته من فترة و إنشاء الله ربنا يهديه و ما يعملهاش تاني ..

رد: حاجات كتير .. عايزة تتطور عشان نتقدم ..
 

الحمد لله الرد السريع إشتغل ...الحمد لله .. .

شكرا لسرعة إستجابتك يا عاصم .

رد: حاجات كتير .. عايزة تتطور عشان نتقدم ..
 

وظيفتا يا جماعة كمشرفين .. أولا .. التنسيق للمواضيع . ووضعها في مكانها الصحيح.
ثم التصحيح الإملائي لأي خطأ في الكتابة ..
تنبيه الأعضاء لأخطائهم البسيطة بإذن الله ..
الإجابة على إستفسارات الأعضاء ..

ده من رأيي ..


. ممكن لو حد يعرف وظائف تانية للمشرفين . يبلغنا بيها عشان نباشرها ..

رد: حاجات كتير .. عايزة تتطور عشان نتقدم ..
 

رد: حاجات كتير .. عايزة تتطور عشان نتقدم ..
 

اعمل الجروب يا باشا واحنا هنشترك معاك وعلي فكره في جروب علي الفيس بوك للمنتدي

رد: حاجات كتير .. عايزة تتطور عشان نتقدم ..
 

أنا ما بأعرفش والله أعمل جروب ...

الي يعرف يعمله .. يتفضل يعمله ..

و ياخد إيميلات المشتركين في المنتدى ,. ويضيفها لقائمة المستلمين للرسائل ..

و أي حد يشترك جديد .. ينضاف أوتوماتيك . للقائمة ..

التقنية أنا مش فاهم بتتعمل إزاي بس هي موجودة و ملموسة في منتديات أخرى

رد: حاجات كتير .. عايزة تتطور عشان نتقدم ..
 

والله ولا انا ممكن ايهاب بقه الي يعمل الحكايه دي لانه عمل علي الفيس بوك يبقي اكيد يقدر يعمل علي الياهوه

رد: حاجات كتير .. عايزة تتطور عشان نتقدم ..
 

يا سيدى انا مش متحامل و لا حاجة
بس القضية كلها ان انا معتبر المنتدى حاجة مهمة جدا بالنسبة لى
و فاهم كويس ان اللى بيتكتب فى المنتدى حيتنسب للمصريين
حتى لو كان اللى كاتب الكلام سعودى ولا كويتى
لانه فى النهاية اسمه منتدى الصيد المصرى
فمش معقول مجهود ناس زى عاصم ولا مصطفى ولا محمد
يضيع عشان شوية اخطاء ممكن نصلحها

رد: حاجات كتير .. عايزة تتطور عشان نتقدم ..
 

عارف انك والله مش بتقول كده غير لحبك للمنتدي

رد: حاجات كتير .. عايزة تتطور عشان نتقدم ..
 

اي والله أنا حاسس ان المنتدى كأنه كائن حي ... زي الأطفال محتاج كل الإهتمام و الرعاية

و معتبره زي ابني احساس ظريف والله

:D :D :D :D :D :D :cool: :D :)

رد: حاجات كتير .. عايزة تتطور عشان نتقدم ..
 

عاصم باشا .... عندي إقراح زي الفل ...

الأول .. في ناس عندنا مسجلين آخر زيارة ليهم كانت شهر يناير 2007

طبعا كل الناس الي مسجلة في المنتدى .. مسجلة بإيميلاتها ... .. نجمع الإيميلات دي ...و

أقترح نبعت للناس الي ما زاروش المنتدى بقالهم فترة والناس الي مشاركتهم صفر ...رسالة بالإيميل ندعوهم لإعادة زيارة المنتدى و المشاركة به . في المواضيع الجديدة ..!

.. إيه رأيك ,, ؟؟!!!!

رد: حاجات كتير .. عايزة تتطور عشان نتقدم ..
 

وما تنساش شريط الاهداءات في صدر المنتدى
و شريط اخر 10مواضيع مثلا

رد: حاجات كتير .. عايزة تتطور عشان نتقدم ..
 

فكره جميله

رد: حاجات كتير .. عايزة تتطور عشان نتقدم ..
 

أشكرك .

وعاصم هو الوحيد الي يقدر يوصل للإيميلات دي ..

رد: حاجات كتير .. عايزة تتطور عشان نتقدم ..
 

تمام يا شباب بس هوه انتوا مشغولين بالامتحنات وانا فاضي يعني اخلص بس والله وانا هعمل كل الي انتوا تتطلبوه وبعدين مساحه الموقع زودتها 200 ميجا زياده ييلا خراب بيوت الصبر عليا شويه
اخلص بس

رد: حاجات كتير .. عايزة تتطور عشان نتقدم ..
 

ربنا يعينك يا عاصم ..
و نصيحة صغيرة ... أعمل نسخة إحتياطية من الموقع ..و تعملها update كل جمعة مثلا ..
لاقدر الله السيرفر يقع ولا حاجة .. يبقى مجهودنا راح فشوش .

رد: حاجات كتير .. عايزة تتطور عشان نتقدم ..
 

ان شاء الله هعملها

رد: حاجات كتير .. عايزة تتطور عشان نتقدم ..
 

عاصم .. أنت بتدفع فلوس نظير إستضافة الموقع ؟؟!

رد: حاجات كتير .. عايزة تتطور عشان نتقدم ..
 

اكيد طبعا انت فاكر ايه يعني والدمين والمساحه والسرفر

رد: حاجات كتير .. عايزة تتطور عشان نتقدم ..
 

طيب يا ريت تشرحلي الدومين ..
والسيرفر .
و أنت مأجر مساحة قد إيه ,! .

رد: حاجات كتير .. عايزة تتطور عشان نتقدم ..
 

تم الحمد لله الانتهاء من تصميم الواجهه يا رب تعجبكم وجاري الرفع علي الموقع لجل عينكم

رد: حاجات كتير .. عايزة تتطور عشان نتقدم ..
 

قشطةةةةةةة يا باشااااا ...

رد: حاجات كتير .. عايزة تتطور عشان نتقدم ..
 

رد: حاجات كتير .. عايزة تتطور عشان نتقدم ..
 

السلام عليكم .
charesma باشا .إزي صحتك و أحوالك ..
أتمنى تكون بصحة تمام . و ألف مبروك على تأجيل الجيش ..

بالنسبة لكتابة العربي بلغة إنجليزية .. لحد وقت قريب جدا ما كنتش أعرف أقرأها ..فعلا ما كنتش أعرف أقرأها بجد
و في المنتديات التانية زي منتدى الكلية بتاعنا . أنا مش بأفكر أقرأ أصلا أي مشاركة مكتوبة باللغة دي.
لكن هنا الحال يختلف . لأن كل مشاركة تحمل معلومة مهمة .
وبالتأكيد أكيد فيه ناس كتير جدا غيري ما يعرفوش إيه الكلام ده ..والناس الكبار الي إحنا بنتطلع أنهما يكونوا معانا ف في المنتدى ما يعرفوش الكتابة دي . دا غير الأخوة العرب الي بيشاركوا معانا .
وأنا بأقرأ اللغة دي . بيجيلي إحساس أني طفل صغير . بيقعد يترجم كلمة كلمة و بأقرأ بطئ جدا جدا ..

إحنا بنقوله كده . حرصا منا على أن الكل يفهم مشاركته . ويقدر يتواصل مع الجميع .و يقدر يوصلنا رأيه بكل سهولة . بأسهل و أبسط طريقة ممكنة





أما بالنسبة للأخطاء الإملائية .. .. فإحنا بننبه على الأخطاء الي بتغير معنى الكلمة تماماً . وبالتأكيد مش حتخسر وقت كتير لو عاينت المشاركة و إتأكدت من صحة الكلام . ويمكن تفتكر معلومة تضيفها ,.

وقدر الإمكان أنا أقوم بتصحيح الأخطاء الإملائية بصفتي مشرف .و أقدر أعدل على المشاركات ..

أنت عارف أنا في الأول كنت داخل سخن جدا . وعايز أسبق المنتديات التانية .. وده مش حيتحقق إلا لو كلنا إتعاونا مع بعض

و أوعدك يا charesma أن يكون أسلوبي في الكتابة ألين و أنعم و أحسن من كده .في التعامل ..
.
حرصا على روح الترابط و الأخوة بيني وبين الأعضاء .
و تطبيقا لكلام سيدنا محمد عليه أفضل الصلاة وأتم التسليم .

و أي حد زعل منى في المنتدى يبقى ليه عندي حق عرب بجد .,و أتمنى أنه يسامحني . من قلبه . أعتذر له مليون مرة ..
و يا ريت يكلمني على الإيميل أو الموبايل ..

و أشكرك على سعة صدرك يا charesma و إهتمامك بمواضيعي . و حسن قراءتك ليها .وحرصك على التقدم في المنتدى.
جزاك الله كل خير .

أخوك محمد سيد .

رد: حاجات كتير .. عايزة تتطور عشان نتقدم ..
 

يا محمد باشا انت كلأمك صح

وكمان انت بالزات اسلوبك كويس فى الكلأم ومش بيزعل اى حد منك انا بس كان كل تعليقى على الكلأم

بتاع الخ زيزو

وان شاء الله يكون فى تقدم احسن

رد: حاجات كتير .. عايزة تتطور عشان نتقدم ..
 

اولا الف شكر على التعليق
ثانيا انا قلت على الحاجات اللى معجبتنيش و يتهيألى اننا لى الحق فى ده
و بعدين انا مكنتش اقصد ازعل حد بكلامى ولا حتى كنت بوجهه لشخص معين
وان كان فى حاجة من اللى انا قلت عليها حتخلى المنتدى شكله اوحش ماتبقاش تاخد بكلامى يا سيدى
و شكرا