خبر جيد عن إمكانية إستيراد سلاح إير سوفت
كانت مجرد تجربة بلهاء لأني عارف تعقيد القوانين في مصر بس تقريبا حبيت أقفل الباب في وش نفسي خالص بأني أجرب علشان أنهي حلم إقتناء سلاح إير سوفت متقن الصنع شفت بندقية إير سوفت MP5 علي موقع RED WOLF عجبتني جدا جدا أداء رائع و خامات أكثر من رائعة الموديل هو Umarex (VFC) HK MP5 SD3 GBBR نسخة طبق الأصل من الـ MP5 الحي وزن فوق الـ 3.25 كجم دبشك متحرك بيتفرد لنهاية الطول معدني بالكامل 92% من القطع معدنية و الباقي فايبر عالي القدرة معالج حراريا بإختصار قطعة رائعة جدا http://img3.redwolfairsoft.com/uploa...D3-BK01-1L.jpg https://www.youtube.com/watch?v=CTbk0RVrtCI الموديل يستخدم بلي فايبر مقاس 3 و السرعة القياسية 400 قدم في الثانية بيعمل بعبوتين غاز في نفس الوقت لمدة عمل أطول و ممكن يشتغل بعبوة واحدة نيجي للمهم بقي دخلت علي موقع RED WOLF دورت علي البندقية و لقتها فعلا متاحة علي الموقع و سعرها 440 دولار يعني بالمصري عملت حوالي 3200 جنيه سجلت طلب شراء و قالولي هيجيلك إيميل إعمل تأكيد طلب من الرابط إللي فيه طبعا مكملتش لأني عارف إني بستهبل و ده مش هيحصل لأننا في مصر بعدها بيومين رحت قرية البضائع في مطار القاهرة مع صديق كان بيخلص شغل بتكلم مع واحد من مسؤولي الفحص و التوصيف هناك و بقوله إن أنا نفسي في كذا و كذا و كذا وشفت علي الإنترنت سلاح إير سوفت تحفة بس طبعا إنت عارف و بضحك ببلاهه :) فوجئت برده الصاااااااااااعق : طيب و فيها إيه ما تجبها !!!!!!!!!!!!! قلتله أجيب إيه ما حضرتك عارف قالي عارف إيه مش دي بتضرب خرز ؟؟ رديت و قلتله أيوة و خرز فايبر كمان مش معدن قالي طيب و فيها إيه هاتها عادي جدا و هتعدي إنت ليه مكبر الحكاية بصراحة مصدقتش نفسي و جريت علي البيت و عملت طلب شراء تاني و المرة دي كملته للأخر و سحبوا مني ثمنها من الماستر كارد و بعتولي علي الموبايل رسالة تأكيد و الأحلي و الأحلي إنها هتوصل في خلال 18 يوم علي قرية البضائع في مطار القاهرة بيني و بينكوا قلبي وجعني كلمت الراجل في المطار تاني قلتله طيب و دي هستلمها قبل 2019 و لا بلاش أحط أمل كبير قالي حضرتك ليه مكبر الموضوع يوم ما هتوصل تعالي خدها و إمشي باقي من الـ 18 يوم 14 يوم بس و الصراحة لغاية دلوقتي مش مصدق إن ده بيحصل في مصر بأمر الله أول ما توصل هصورها و أنزل صورها و ألف حمد و ألف شكر ليك يا رب :) :) |
رد: خبر جيد عن إمكانية إستيراد سلاح إير سوفت
متابع للاهميه معاك
عشان لو الموضوع ده كمل ان شاء الله هجيب واحده بأذن الله |
رد: خبر جيد عن إمكانية إستيراد سلاح إير سوفت
اقتباس:
إللي طمني مسؤول الفحص و التوصيف في قرية البضائع فعلا هتكون خطوة مفيدة جدا لناس كتير |
رد: خبر جيد عن إمكانية إستيراد سلاح إير سوفت
طيب ياباشا ما تسأله على بنادق الرش المسموح دخولها بالمرة؟ مين عارف يمكن دى تكون بداية لموضوع احتار فى امره الكثير من الاعضاء.
أتمنى ان بندقيتك توصل وتستلمها بدون اى مشاكل. |
رد: خبر جيد عن إمكانية إستيراد سلاح إير سوفت
انا مش عايز اعقدك بس انا هقولك ايه الى هيحصل معاك لو انته مشتريه من على النت وجايلك شحن ده الى هيحصلك
الطرد هيوصل بالسلامة فى مكتب بريد تبادل المطار وهيتفتح الطرد هيلاقوه سلاح هيحولوه بدورهم على مكتب المفرقعات الى فى المطار وعليه هيحوله للمكتب العميد...... فى الامن العام المسئول عن الاسلحة المستورده وعليه هيحوله للمعمل الجنائى لبيان مابالطرد وربنا يحينا ويحييك وانا لسه مكلمتكش على الى هتدفعوه عليها لو خرجت بالسلامة اضعاف تمنها |
رد: خبر جيد عن إمكانية إستيراد سلاح إير سوفت
اقتباس:
بقاله هناك 35 يوم و مدير المكتب عقيد إسمه إسلام رجائي أما عن الرسوم فهي 20% من الموضح في بيان الشحن للعلم أنا قابلت العقيد ده في تاني زيارة ليا لما حبيت أتاكد قالي مفيهاش مشكلة أنا هفتح الطرد و ده طبيعي و الفحص هيتم و إنت موجود بس بصراحة مسألتش عن بنادق الرش |
رد: خبر جيد عن إمكانية إستيراد سلاح إير سوفت
اقتباس:
لو رجلي خدتني هناك قريب و ده متوقع هعدي و أسأله |
رد: خبر جيد عن إمكانية إستيراد سلاح إير سوفت
طيب ياربت نعرف الطلق بتاعها اسعاره ايه وهل استلمتها ولا لسه
|
رد: خبر جيد عن إمكانية إستيراد سلاح إير سوفت
اقتباس:
كان عليها عرض حامل كتف و 400 طلقة إنما سعره هنا إيه مش عارف الصراحة و كمان مش عارف سعر الغاز بتاعها إيه و الإستلام بأمر الله لو ربنا أراد بعد 14 يوم |
رد: خبر جيد عن إمكانية إستيراد سلاح إير سوفت
بالتوفيق باذن الله
|
رد: خبر جيد عن إمكانية إستيراد سلاح إير سوفت
بالتوفيق ان شاء الله
|
رد: خبر جيد عن إمكانية إستيراد سلاح إير سوفت
اقتباس:
إن شاء الله تكمل هتبقي حاجة كويسة جدا و هتريحنا من وش كتير أوي |
رد: خبر جيد عن إمكانية إستيراد سلاح إير سوفت
ياريت تسالة ازا كان ممكن استيراد بنادق رش ؟
|
رد: خبر جيد عن إمكانية إستيراد سلاح إير سوفت
بالتوفيق بندقية روعة
|
رد: خبر جيد عن إمكانية إستيراد سلاح إير سوفت
اقتباس:
وانا بكلمك عن تجربة الى حصل معايا وعموما ربنا يسهلك وفى الانتظار يمكن تبقى البلد اتغيرت |
رد: خبر جيد عن إمكانية إستيراد سلاح إير سوفت
انا مش بخوفك بس الموضوع داه هيطول جيدا و ممكن الامن العام ميرضاش يفرج عنها كمان المطار ملهوش اي صفة قانونية للافراج عن البندقيه الموضوع كله في يد الامن العام ... و الاكتر ان سيادة اللواء علاء الدين علي راجل ميري و شديد اوي في المواضيع دي
تقبل مروري |
رد: خبر جيد عن إمكانية إستيراد سلاح إير سوفت
اقتباس:
|
رد: خبر جيد عن إمكانية إستيراد سلاح إير سوفت
بالضبط المطار ملوش دعوة
|
رد: خبر جيد عن إمكانية إستيراد سلاح إير سوفت
علي قد منا اتمني انها تجيلك لان انت هتبقي فتحتلنا مجال جديد احنا محتاجينه من زمان و ف نفس الوقت مقلق من انها تبقي سهلة ف الاجراءات و الناس تبتدي تجيب كتير منها و طبعا انت عارف انا قلقان ليه
بس عندي استفسار .. لنفرض جدلا اني اشتريت حاجة من عالنت و اخدو فلوسها من حسابي و لنفرض ان الحاجة مجتش .. كده تمنها راح عليا ولا استردة تاني و مشكور عالموضوع الجميل ده و اتمني انها تيجي و نباركلك عليها |
رد: خبر جيد عن إمكانية إستيراد سلاح إير سوفت
بالتوفيق يا باشا بس كان ليا استفسار هي اﻻير سوفت بتعمل صوت عالي زي طلقات الصوت كدة ولة من غير صوت ؟
|
رد: خبر جيد عن إمكانية إستيراد سلاح إير سوفت
ربنا يوفقك بس هي صعبه
انا راسلت شركة هتشتري هي وتشحن وقالي مابنجبش اي حاجه على شكل سلاح |
رد: خبر جيد عن إمكانية إستيراد سلاح إير سوفت
اقتباس:
قالي مش كلها طبعا دي قصة تانية :) |
رد: خبر جيد عن إمكانية إستيراد سلاح إير سوفت
اقتباس:
و إستلمتها بعد ما وصلت بـ 4 شهور إللي في المطار حاليا معمل فحص و ده الفرق و بقاله حوالي شهر و شوية بس مش قديم أنا أكدت عليه أكتر من مرة قالي هتستلمها من هنا من المطار أما عن المستخلص فده شحن مباشر يا أستاذنا علي قسيمة شحن fedex بإسمي يعني متدخلش علي إسم مستخلص أنا مدقرم في قصص الشحن دي لأنها جزء من طبيعة شغلي شوية |
رد: خبر جيد عن إمكانية إستيراد سلاح إير سوفت
اقتباس:
و مستلمتهاش غير بعد 4 شهور شفت فيهم أيام سودا أما عن الوضع الحالي أنا بتكلم عن معمل الفحص الجديد في المطار و حضرتك أكيد عارفه معمل فحص مش مكتب المفرقعات و أنا وريته البندقية و مواصفاتها علي الموبايل و صورة قسيمة الشحن إللي جتلي علي الميل و هو أكد الكلام علي العموم ربنا يستر و تعدي |
رد: خبر جيد عن إمكانية إستيراد سلاح إير سوفت
اقتباس:
بترجعلهم تاني و يتخصم مصاريف الشحن و الباقي يرجعلك و أنا فاهم إنت تقصد إيه لو إنها إنتشرت في إيد الناس |
رد: خبر جيد عن إمكانية إستيراد سلاح إير سوفت
اقتباس:
انما مش زي صوت طلقات الصوت خالص شعل حضرتك الفيديو و اسمع صوتها |
رد: خبر جيد عن إمكانية إستيراد سلاح إير سوفت
اقتباس:
|
رد: خبر جيد عن إمكانية إستيراد سلاح إير سوفت
شكرا هلي رد حضرتك و بالتوفيق و ابقي تابعنا و قولنا وصلت ﻻية
|
رد: خبر جيد عن إمكانية إستيراد سلاح إير سوفت
بالتوفيق يافندم إن شاء الله
|
رد: خبر جيد عن إمكانية إستيراد سلاح إير سوفت
انشاء الله يوصلك علي الله تكون حاجة حلوة تفرحنا شوية بدل الي احنا فيه ده
|
رد: خبر جيد عن إمكانية إستيراد سلاح إير سوفت
ربنا يوفقك و تستلمها ان شاء الله
|
رد: خبر جيد عن إمكانية إستيراد سلاح إير سوفت
بالتوفيق ان شاء الله
|
رد: خبر جيد عن إمكانية إستيراد سلاح إير سوفت
بالتوفيق انشاء اللة
|
رد: خبر جيد عن إمكانية إستيراد سلاح إير سوفت
بالتوفيق ان شاء اللة
|
رد: خبر جيد عن إمكانية إستيراد سلاح إير سوفت
ايه الأخبار؟؟ وصلت ولا ايه الكلام؟
|
رد: خبر جيد عن إمكانية إستيراد سلاح إير سوفت
ربنا معاك اول لما تيجى عرفنا
|
رد: خبر جيد عن إمكانية إستيراد سلاح إير سوفت
اقتباس:
http://www.edfa3ly.co/?gclid=CjwKEAj...3bSBoCNJPw_wcB https://www.facebook.com/edfa3ly وكنت راسلتهم ع الفيس بوك واخترت الحاجه من موقع امازون |
رد: خبر جيد عن إمكانية إستيراد سلاح إير سوفت
معليش استفسار ..هو السلاح ده حاتعمل بيه ايه يعني هو ينفه للصيد او الدفتع عن النفس
شكرا |
الساعة الآن 09:43 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir