الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   اسباب تشكيل البندقية عدم دقه الاصابه (http://www.egyhunt.net/showthread.php?t=52970)

هشام سمير 18-03-01 07:51 PM

اسباب تشكيل البندقية عدم دقه الاصابه
 
ا
منقوووووووووووول
سباب بسيطة ممكن تخلى بندقيتك تشكل منك , والكلام هنا عن الاسبرنج
كتابة الأستاذ/ أشرف رحمه

١- مسامير تثبيت الدبشك تكون مهوية ولما تربطها مينفعش تربط وتحرق على ناحية قبل التانية لازم تجمع اليمن والشمال مع بعض

٢- مسمار تثبيت الماسورة فى جسم البندقية أو القميص مهوى وده هيخلى البندقية تشكل يمين وشمال ولازم يتربط ونتأكد أن وردتين الماسورة فى مكانهم

٣- طقم نشان البندقية الامامى والخلفى ممكن يكون غير مثبت

٤- جلبة بيت الرش الجلد ممكن تكون غير محكمة وبتسرب ولازم تتغير أو تتقلب

٥- وجود زيت بالبندقية وخصوصا الماسورة ولازم تتخلص منه

٦- لو انت مستخدم وسيلة تصويب لازم تتأكد انها مثبته كويس وموزونة وعدسات الاسكوب مش مهوية

٧- لازم تتأكد أن الرش المستخدم يتناسب مع قوة وسرعة البندقية لأن أغلب مشاكل التشكيل بتكون بسبب الرش

٨- التأكد من سلاسة الزناد لان الزناد لو تقيل وحركتة صعبة هيعطيك نتائج مختلفة كل مرة وحل المشكلة دى بتخفيف عيار الزناد أن وجد

٩- تغير سوستة البندقية بأخرى اقوى منها لا يتناسب وشخشنات البندقية يؤدى إلى التشكيل

١٠- الضغط على الزناد مرة واحدة اثناء الضرب أو العصبية فى الضرب تؤدى إلى التشكيل فلا بدّ من عصر الزناد ببطء اثناء الضرب

١١- توتر النفس وسرعة ضربات القلب بسبب الجرى أو المشى أو التوتر عند رؤية الطريده يؤدى إلى التشكيل

١٢- تثبيت البندقية فى الكتف بشكل مبالغ فيه اوعدم تثبيتها من الأساس يؤدى إلى التشكيل فلا بدّ من التوسط فى التثبيت لتكون مثبته وشبه حرة كحركة المدفعية اثناء الضرب

١٣- عدم توزيع وزن البندقية بالشكل الصحيح على الايدى واختلاف طريقة الامساك بها فى كل مرة يؤدى إلى التشكيل

١٤- واخيرا إن لم يكن سبب التشكيل مما سبق فسيكون بسبب الجلبة الداخلية أو السوستة ولا بدّ من التأكد مما سبق اولا قبل التعجل وفك البندقية أو الحكم على بندقية بأنها معيوبة وهى مازالت جديدة

وللأخوة الأفاضل حق الاضافه والتعديل وتقبلوا تحياتي

elknass_mh 18-03-04 06:27 PM

رد: اسباب تشكيل البندقية عدم دقه الاصابه
 
كلام سليم وله كل تقدير

usama1001 18-03-05 04:16 PM

رد: اسباب تشكيل البندقية عدم دقه الاصابه
 
مشكورررررررررررر صديقي علي المعلومات القيمة


الساعة الآن 01:39 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir