قوة الصوت بالديسبل لبنادق ضغط الهواء
 

السلام عليكم
احببت ان ارفق لكم الجدول فى الصورة التالية لبعض بنادق ضغط الهواء
وللعلم منقول من احد المواقع الاجنبية

رد: قوة الصوت بالديسبل لبنادق ضغط الهواء
 

السلام عليكم
شكرا استاذ حسن واسمحلى اضيف ان ارتفاع وانخفاض الصوت هو العتصر الوحيد المحير قى حساباته
فهو احيانا يرتبط بالقوه واحيان اخرى ليس له علاقه.

رد: قوة الصوت بالديسبل لبنادق ضغط الهواء
 

فعلا يأستاذى العزيز
هو يقاس عن طريق جهاز شدة الصوت العادى مع مراعاة عزل جميع المؤثرات المحيطة يعنى بمعنى اصح اشبه بالاستديو
واكيد طبعا ياباشا زى لما سيادتك قولت قد لا يكون لها علاقة فى كثير من الاحيان بالقوة

بس انا ليا سؤال
احنا اتعودنا ان اى شيئ ميكانيكى كل لما يبقى انعم حركيا يبقى اجود واسرع ويكون الصوت الصادر وقتها هو صوت شدة الحركة او الضربة

لكن بما اننا بنتكلم فى مصانع و تجارة لازم تكسب اكيد مع صوت الضربة فيه مؤثرات واحتكاكات داخلية اخرى مختلفة من البندقية نفسها وده بيبين جزء من خامات وتصميمات صناعتها واكيد ايضا الصوت ده بيختلف من بندقية لاخرى حتى لو من نفس الشركة والكمال لله وحده
يعنى عمرك ماهتلاقى بندقية الصوت فيها صادر من الركويل فقط وباقى البندقية ناعمة جدا بحيث لا يظهر صوتها
وهى كثيرة مثل : مجموعة التتك او الزناد و صوت الطلقة ونوعها وخاماتها وعيارها داخل الماسورة وعلاقة ذلك بالشخشنات و سرعة الطلقة هل هى اكبر من سرعة الصوت او اقل وكذلك نوع البندقية هل هى هاى باور ام لا ....الخ

وهنا السؤال الهام : متى يكون الصوت الصادر من البندقية معبرا عن قوتها كخامات وكضربة ؟؟

وهنا اعتقد فيه 3 حلول
الاول : ان احنا نقسمها نسب الى بعضها
يعنى نقول البندقية دى من صوتها نوعها هاى باور (يعنى العمالقة لما يكونوا حتى متغمى عينهم او فى ضلمة ممكن توصل بيه الخبرة لدرجة تحديد نوع البندقية من صوتها )....ليه
80% مثلا من الصوت الصادر من قوة الضربة والباقى20% احتكاكات يقول 80% تبقى هاى باور مش عادية اما لما تلتقط اذنه 20% احتكاكات مثلا يقول دى بندقية مثلا رمسيس عيار كذا (انا قولت رمسيس علشان محدش يزعل من الناس اللى بتحب البنادق الاخرى زى النوريكا والديانا)

الثانى : ان احنا نجيب البندقية وجهاز قياس شدة الصوت فى غرفة معزولة ونجربها مع كل نوع رش من نفس العيار وناخد الارقام اللى طلعت ونقسمها على عدد الطلقات المضروبة يدينا المتوسط
يعنى لو ضربت 10 رشات مختلفين من نفس العيار اجمع شدة الصوت اللى قاسها الجهاز لكل طلقة مع بعضهم واقسم ناتج الجمع على عشرة
وطبعا المتوسط لكل موديل بندقية يفرق من شركة الى اخرى حتى لو كان نفس العيار
يعنى الويبلى بتاريوت الانجليزى الاصلى قارنها بالتركى اكيد الخبراء بالصوت يقدروا يفرقوا من غير مايفكوها ايه اللى اتغير فيها لييييييييييييه ؟؟؟ لان الشركة اتغيرت و ادوات الانتاج و الخامات وكذلك العمال اتغيروا

الثالث : ان يتم القياس على مراحل يعنى
تعمير البندقية كذا ديسبل و الضرب على الفاضى كذا ديسبل وصوت الطلقة داخل الماسورة كذا ديسبل (اوى حد يسألنى ازاى يقيسوا صوت الطلقة فقط الموضوع ببساطة لو صوت الضربة على الفاضى مثلا يساوى 3 وصوت الضربة مع الطلقة يساوى 5 اطرحهم من بعض يديك صوت الطلقة فقط والضوضاء المصاحبة ليها وهى فى حالتنا دى تساوى 2 )
وتتم المقارنة بين الموديلات المختلفة مرة على صعيد الاجزاء (يعنى نقول الرمسيس كسرها مثلا 2 ديسبل و الصينى 1 ديسبل يبقى الصينى انعم واحسن فى الجزء ده )
ومرة على صعيد المتوسط لكل بندقية من حيث المراحل (يعنى نقول متوسط مراحل الرمسيس 9 ديسبل والصينى 7 ديسبل يبقى الصينى احسن من حيث الاجزاء )

طبعا باجماعة ده لو تم دمجه مع معرفة الخامات و سرعة البندقية و ميكانيزم الحركة يبقى الشخص كدة خبير مش محترف عادى

ياريت ياباشا وخصوصا انك باحث المنتدى تدورلنا على معلومات فى العمق ده
ومنتظرين ايضا المعلمين الكبار

وتحياتى لك

رد: قوة الصوت بالديسبل لبنادق ضغط الهواء
 

معذرة يعنى ايه صوت الطلقه داخل الماسوره؟؟
فى حاجه كمان صوت البندقيه بدون طلقه يفوق صوتها ثلاث مرات اكثر من وجود طلقه
ثم ان الهدف من قياس الصوت للبنادق ليس له اى فائده للتوضيح للعميل على مدى القوه ولكن البعض من المستخدمين يفضلون البنادق المنخفضة الضوضاء وهذا سبب كتابة مثل هذا النوع من الجداول وهذا للتوضيح وشكرا

رد: قوة الصوت بالديسبل لبنادق ضغط الهواء
 

اهلا بيك يأستاذى العزيز

اقصد بصوت الطلقة داخل الماسورة اى الضوضاء الناتجة عن احتكاك جسم الطلقة بشخشنات المااسورة

شكرا يأستاذى العزيز على المعلومات القيمة

تحياتى لك

رد: قوة الصوت بالديسبل لبنادق ضغط الهواء
 

السلام عليكم
الاخ الغالى والمحترم استاذ حسن اشكرك على هذا الاطراء الرقيق بدعوتك لى باستاذى فانا اللذى اتعلم منكم وشكرا على اجتهادك فى الموضوع العلم والمعرفه ليس لهم حدود وهنا المعرفة متبادله فان اجتهاد بعض الاعضاء يثرى المنتدى وانا اتعلم من كل الاعضاء بلا اثتثناء فان مجرد طرح فكره او موضوع نقاش قد يفتح المجال لمعلومات وابتكارات ان اختلاف الاراء والافكار هو المحفز للنقاش . واختلافى فى الراى مع البعض ليس معناه استبدادا بفكرتى او بارائى بالعكس قد يكون هذا محفزا اكثر للتوضيح من الطرف الاخر لكى تعم الفائدة على الجميع .وخطأ الفكره وارد من اى انسان مهما كانت درجة معرفته وعلمه كثير من العباقره اخطاوا اتتخيل ان اينشتين المعجزه العلميه للقرن العشرين اخطا فى نظريته المسماه كل شئ وقد سقطت امام كثير من الحسابات فى ميكانيكا الكم (الفيزياء الكميه) وهذا ليس معناه ان اينشتين قد اخطا فى كل ما بناه فى النسبيه العامه والخاصه ولكن الكمال لله وما اوتيتم من العلم الا قليلا صدق الله العظيم
فاضل تعقيب وهو ان صوت احتكاك الطلقه منخفض للغايه وقد لا يسجله جهاز قياس الاصوات ولن يزيد من صوت السلاح بشكل جوهرى.