|
اماكن تدريب الرماية فى محافظة القاهرة ضرورى قوى؟؟؟؟
السلام عليكم ورحمة اللة وبركاته
كنت عاوز استفسر هى فين اماكن تدريب الرماية فى القاهرة وهل نادى الشمس فية تدريب للرماية؟ وهل بيقبلوا سن كبير انا عندى 20 سنة؟؟؟ وهل لو ينفع لازم اشترك فى النادى الاول وللا ممكن اشترك فى اللعبة دية بس ولو فى اماكن افضل فين؟؟ وياريت انواع الرماية والاسلحة اللى بتستخدم فيها ؟؟ وهل الاسلحة دية بتكون موجودة فى النادى وللا انا بشتريها؟؟ والتكلفة التقريبية للتدريب فى الشهر ؟؟ :rolleyes: معلش يا جماعة انا طولت قوى بس انا عشمى فيكو خير :) وشكرا ليكوا يا رجالة وربنا يباركلكوا :) |
رد: اماكن تدريب الرماية فى محافظة القاهرة ضرورى قوى؟؟؟؟
عشرة مشاهدات ولا رد واحد اية يا جماعة ربنا يباركلكوا اللى يعرف اى حاجة عن الموضوع يقولها :o :o :o
|
رد: اماكن تدريب الرماية فى محافظة القاهرة ضرورى قوى؟؟؟؟
السلام عليكم ورحمة الله وبركاته يا Abdo
أنا كمان زيك الأسئلة على بالي من زمان ولما جيت للمنتدى اتجهت للصيد بس موضوعك فكرني بالحلم القديم أنا عن نفسي هسأل معارفي والردرود المفيدة منهم هأكتبها هنا عشان نستفيد جميعا وأنا سعيد بمعرفتي لشخص يشاركني اهتمامي تحياتي |
رد: اماكن تدريب الرماية فى محافظة القاهرة ضرورى قوى؟؟؟؟
يا ريت حد يقولنا كمان لو فى مكان فى اسكندرية نظامة اية
والاسعار جزاكم الله خيرا |
رد: اماكن تدريب الرماية فى محافظة القاهرة ضرورى قوى؟؟؟؟
السلام عليكم ورحمة الله .... يا جماعة الخير ...
مفيش غير مدرسة الرمايه .... ميدان الرمايه .... هى مدرسه تابعه للجيش .... والمبلغ رمزى .... تقريبا 350 ج .... وبالنسبه للنوادى مثل الصيد والشمس دى بتحتاج اقتصاد دوله ومبالغ فيها شئ من السخافه .... تحياتى . |
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
الباشمهندس روك طمنى اخبار البرونى اية. ثانيا عندى استفسار نوع الرماية بالذخيرة الحية ولا اية. تحياتى |
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
السلام عليكم ... نوع الرمايه رش ... وفيه حاجه زى الكورسات او بمفهوم آخر فرق بيعلموا فيها الضرب بالخرطوش والذخيره الحيه بس معرفش شروطها .... ولابكام .... هسأل واقولك ان شاء الله ...تحياتى . |
رد: اماكن تدريب الرماية فى محافظة القاهرة ضرورى قوى؟؟؟؟
والله احلى اعضاء واحلى منتدى فى الدنيا
الحمد لله |
رد: اماكن تدريب الرماية فى محافظة القاهرة ضرورى قوى؟؟؟؟
والله احلى اعضاء واحلى منتدى فى الدنيا
الحمد لله |
رد: اماكن تدريب الرماية فى محافظة القاهرة ضرورى قوى؟؟؟؟
فى واحد من صحابى كان متصور فى رينج ببندقية aug para ممكن اسألهولك...
|
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
أفدتنا أفادك الله ونورلك طريقك ألف شكر اقتباس:
ربنا يديم المعروف اقتباس:
ومتشكرين مقدما :) |
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
هههههه |
رد: اماكن تدريب الرماية فى محافظة القاهرة ضرورى قوى؟؟؟؟
(نادى طلائع الجيش )بجوار مركز البولينج عند الفنية العسكرية. فيه تدريب على الرماية مدرسة الرماية للعسكريين والمدنيين بسعر 150ج
|
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
ده كلام جميل .... تحياتى . |
رد: اماكن تدريب الرماية فى محافظة القاهرة ضرورى قوى؟؟؟؟
تيتو
مشكور معلومه هايله جدا بس ايه الازراق المطلوبه يا جميل |
رد: اماكن تدريب الرماية فى محافظة القاهرة ضرورى قوى؟؟؟؟
على ما اعتقد صورة البطاقة واستمارة بتملى بيانتها من النادى وخد صورتين شخصيتين معاك
|
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
اقتباس:
اقتباس:
انت رحت هناك وجربت بنفسك؟ لو كدة ياريت تقولنا والعنوان إيه بتفصيل أكتر شوية ومشكور جدا جدا |
رد: اماكن تدريب الرماية فى محافظة القاهرة ضرورى قوى؟؟؟؟
رحت هناك بالفعل وقابلت العميد المسئول عن التدريب سالته بعد مدرسة الرماية هل ممكن انضم للفريق بتاع النادى او ادخل بطولات ؟ قالى انت سنك اكبر من 21 وكدة هتلعب فى منتخب الرجال والمنافسة بتكون صعبة جدا لان دول ناس محترفين مش هواة ممكن بتدرب اكتر من مرة فى اليوم وبنادق الرماية بتختلف فى الاستخدام عن بنادق الصيد لكن لو المشترك سنه صغير13 سنة مثلا بيكون مستقبله افضل.
|
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
تمام ألف شكر يا سعادة الباشا أخوك برضه أكبر من 21 فمفيش بطولات في ذهني ربنا يسهل وأتعرف عليك إن شاء الله |
رد: اماكن تدريب الرماية فى محافظة القاهرة ضرورى قوى؟؟؟؟
وانا اتشرف بمعرفتك وده ايميلى tito_20100900@yahoo.com
|
رد: اماكن تدريب الرماية فى محافظة القاهرة ضرورى قوى؟؟؟؟
انا متشكر جدا علي الافاده والحقيقه كان نفسي في الموضوع ده من زمان ساعات في المنتدي بالاقي اعضاء يقولوا كل اللي علي بالي الف شكر للجميع
|
رد: اماكن تدريب الرماية فى محافظة القاهرة ضرورى قوى؟؟؟؟
موضوع رائع ومشاركات مفيده جدا .
تحياتى لكل من شارك وافدنا ويا ريت لو حد ناوى يقول ونروح مع بعض ان شاء الله . تحيـــــــاتى |
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
|
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
اقتباس:
أنا ناوي أروح إن شاء الله وأحب جدا نروح سوا بس مبدئيا لازم أتصل بالمكانين عشان أعرف كل التفاصيل خاصة مواعيد العمل هأتصل وأبلغكم على طول |
رد: اماكن تدريب الرماية فى محافظة القاهرة ضرورى قوى؟؟؟؟
شكرا يا جماعة على الردود اللى زى الفل دية وربنا يباركلكم:d
انا قريب من طلائع الجيش دوة وهسال فيه ... بس عندى سؤال صغير ومكسوف انى اسالة بس عشان متحرجش هناك من حد انا جسمى مليان شويتين يعنى يعنى 100 كيلو وطولى 167 سم ولابس نظارة ( -1.75 ) بس الحمد لله بشوف كويس يعنى وبادئ فى موضوع تخسيس .. هل كدة ممكن مينفعش انى اتدرب وللا ينفع واروح ؟؟؟ محتاج مشورتكم وياريت لو حد راح يقوللى ربنا يجازيكو خير |
رد: اماكن تدريب الرماية فى محافظة القاهرة ضرورى قوى؟؟؟؟
بالتوفيق يا شباب
|
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
وبالنسبة للنظارة الطبية ليس فيها أي مشكلة طالما لا تضايقك أنت شخصيا عند التنشين أو النظر من التليسكوب توكل على الله وروح وابقى طمنا إيه الأخبار |
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
معلش هو فين مكان النادي بالظبط؟ |
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
هروح اسال وابقى اقول اية الاخبار بس عندى سؤال بسيط ؟؟ ومعلش انا غلست اوى بس من عشمى الطيب فيكو هو انا المفروض هشترى سلاح رش اتمرن بية وللا بتمرن على اسلحة عندهم؟؟ والطلقات رخيصة وللا غالية؟ ولو هشترى سلاح رش لتمرين الرماية دوة بيبقوا فى حدود كام؟ انا انشاء الله فى خلال عشر ايام كدة هروح اسال عن النظام اية وهكتبلكم كل المعلومات.., |
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
اوصفللك انت تركب مترو و وتنزل محطة حدائق القبة وتسال على مركز البولينج اول متوصل عندة هتلاقى شارع جنبية اسال اى حد فية فين النادى طلائع الجيش كلة هيقولك اهوة |
رد: اماكن تدريب الرماية فى محافظة القاهرة ضرورى قوى؟؟؟؟
الف*شكر*عالموضوع*الهايل
*دا*بجد*الشباب*اللى*هنا*متعاونه*جدا |
رد: اماكن تدريب الرماية فى محافظة القاهرة ضرورى قوى؟؟؟؟
طيب كلام جميل بس هل في تدريب بي الذخيرا الحية؟؟؟؟
|
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
|
رد: اماكن تدريب الرماية فى محافظة القاهرة ضرورى قوى؟؟؟؟
انا توجهت انهارده لنادي طلائع الجيش بجوار سنتر البولينج و دخلت و روحت صالة الرمايه و في هناك مدرب للمسدسات و مدرب للبنادق و بيتدوا التدريب الساعه 5 المشكله انك لازم تروح تدفع اشتراك و دا يبقي قبل الساعه اتنين للاسف كان الاستاذ رمضان مشي بتاع الاشتراكات
انا كنت هناك الساعه 3:30 لاقيت الرجل بتاع البندقيات هناك بيتكلم مع متدربه و قالي انهم عندهم بطوله يوم الجمعه فياريت تيجي علي يوم الاحد هانعملك اختبار و نحدد مستواك و تتدرب لو كنت دفعت الاشتراك انهارده كان عملي الاختبار بس للاسف ان الراجل مشي فقالي طيب ممكن تتفرج علينا طالما انت مش محدد هاتدرب علي ايه (نوع السلاح) بندقيه ام مسدس بس للاسف جهه عسكري امن بقي و سالني انت بتعمل ايه و قالي ماينفعش قولتلوا طيب هاقعد اتفرج قالي ماينفعش من غير شتراك و دا قبل الساعه اتنين تعالا بكره ادفع و اقعد اتفرج براحتك ....رخم اوي اوي اوي يعني ان شاء الله علي يوم الخميس بقي لاني مسافر شغل اولا من الكلام واضح ان الاشتراك مش غالي و الله اعلم ثانيا هما بيجيبوا السلاح ساعة التدريب لانه غالي و بيقولي البندقيه ممكن تعمل 26 الف جنيه و المسدس في حدود 10-14 الف يوم الخميس بقي ان شاء الله هابقي احكي ايه اللي حصل |
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
وياريت توضح لينا التفاصيل مثل ... هل يقوم النادى بترخيص السلاح للاعضاء أى يجوز للاعضاء إستخراج رخص سلاح نظراً لعضويتهم فى النادى وكذلك قيمة الاشتراك . |
رد: اماكن تدريب الرماية فى محافظة القاهرة ضرورى قوى؟؟؟؟
هانقعد هنا مستنيين تجربتك من أول يوم .. ماتفوتشى حاجة .. كله احكيه
علشان نتشجع ونضرب المشوار الصعب ده بتاع الرماية وناخد الدورة .. واسألنا كمان بعد إذنك .. دورة المسدسد بكام .. ودورة البندقية بكام ؟ شكراً لحسن تعاونك معنا حزقيل باخوم - اورشليم - اسرائيل ههههههه |
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
اه علشان كده بتقول مشوار انا قولت بردوا انت جاي من فين |
رد: اماكن تدريب الرماية فى محافظة القاهرة ضرورى قوى؟؟؟؟
للاسف كانت النتيجه انهارده مخيبه لكل الامال
اولا : يوم الخميس توجهت للنادي علشان اقابل الاستاذ رمضان ينتقم منه و يديه علي اد نيته القذره ان شاء الله هو انا ماعرفوش شكلا بس هو لاقيت واحد يوم الخميس بيقولي عايز ايه و بقوله استاذ رمضان فين قالي لا دا مشي تجيله يوم السبت ان شاء الله هما بيمشوا الساعه 2 وانا روحت 2:10 و هو كان مشي علي كلامه يعني ثانيا : انهارده توجهت لتاني مره علشان اشوف اخرتها ايه بس روحت بدري بقي علي الساعه 12:30 بالظبط و روحت المكتب بتاعه قالولي تحت نزلتله تحت و سالت عليه كذا واحد لحد ماواحد قالي هو ده و كانت المفاجأه انه طلع هو اللي سالته يوم الخميس راجل في منتهي قلة الذوق و بيتكلم بعجرفه و تناكه كده دا لو لواء والله العظيم ماهيتكلم بالطريقه دي و قالي لأ احنا بنفتح الاشتراكات في الصيف قولتله و الصيف دا امتي قالي من شهر 6 و بياخدوا عدد معين و بس فرديت عليه بقوله هما الكلمتين دول ماكنش ينفع تقولهم يوم الخميس مالحقش يكمل نفضتله و مشيت علطول علشان ماتنرفزش عليه ثالثا سألت واحد جاري في العماره كنت راجع مضايق و بتاع قعد يقولي طيب انت ماقولتش ليه دانا بودي ولادي هناك دول بيفتحوا الاشتراكات للمدنين 3 شهور الصيف بس و بتدفع ال 3 شهور مع بعض اجر رمزي يعني من 100-200 جنيه اخرها دا لللعبه الواحده من خلال ماسبق واضح ان الموضوع مش هايبقي باحترافيه يعني هما 3 شهور الصيف بس و ماتضمنش ممكن يبقي معاك عيال بقي او اكيد هايبقي معاك عيال علشان النادي واضح ان 3 شهور الصيف دول بيبقوا كله علي بعضه مدنين و جيش و بقيت السنه للجيش بس فكده مش هاتجيب همها يعني انا بصراحه كنت ناوي اخد الموضوع احترافيه و كده مش مده صغيره ياريت بقي اللي يعرف حاجه يقول او يحاول يعرف و يسال و يقولنا علشان الفائده تعم علينا كلنا لان واضح ان في ناس كتيره مشجعه الموضوع ده من المشاركات اهي انا اخت اول تجربه اهو علشان المكان طلع جنبي اوي فياريت حد يتبني مكان اخر و يروح و يسال و يقولنا علي الاخبار ...... شكرا للجميع |
رد: اماكن تدريب الرماية فى محافظة القاهرة ضرورى قوى؟؟؟؟
وليه محدش من اساتذة المنتدى هنا يفتح مكان تابع لشخص أو تابع للمنتدى ويستخرجله التصاريح اللازمة .. خصوصاً إن عندنا هنا ناس من الجيش وناس من الشرطة ممكن يساعدوا فى موضوع التصريحات دى
ويتعمل نادى صغير ومسابقات وجوايز واشتراكات للنادى لتغطية مصاريف النادى والعاملين به والجوايز والأسلحة التى يتم التدريب عليها .. وكمان يتم عمل محل بيع لأسلحة التدريب لمن يحب زيادة التدريب فى المنزل اقتراح .. أرجوا من القائمين على المنتدى هنا أن يأخذوه بعين الاعتبار |
رد: اماكن تدريب الرماية فى محافظة القاهرة ضرورى قوى؟؟؟؟
دة اية الراجل البضين دة؟؟؟ يا عم روح أمريكا و جرب أحدث أسلحة هناك.. من قناصة لمدافع رشاشة كلة بفلوس و يديك عروض.. الصيف أنا عملت كدة فى رينج صيد فى أوكلاند.. و دول أمريكان مش تنكين زى البضان رمضان... ههههه ..
معلش ان شاء اللــة تفرج... |
رد: اماكن تدريب الرماية فى محافظة القاهرة ضرورى قوى؟؟؟؟
السلام عليكم يا رجاله ان شاء الله حلكم معايا انا بطل دولي في اتحاد الشرطه كونغ فو و اتدرب فتره رمايه ضغط هوا بندقيه و طبنجه تمرين الرمايه للشرطه و للمدنيين في كليه الشرطه القديمه في العباسيه والاشتراك كان من كام شهر بــ100 جنيه شهريا و السلاح هيكون من عندهم و تدريب عالي من رتب شرطه مش مدربين مدنيين واللي كان بيدربني العميد سلطان و العقيد وليد الحسيني ربنا يمسيهم بالخير اللي عايز يتمرن يروح الكليه الساعه 7 بليل يوم الاربع يسئل علي مدرب الرمايه ده مواعيد زمان معرفش اتغيرت ولا لا او تستنوني اسئلكم علي المواعيد و المدربين لان العميد سلطان اتنقل للاسف كان راجل محترم اوي بقي بيدرب في الجيش دلوقتي وبالنسبه للرش غالبا هتشتري علبه و العلبه فيها 500 رشه النوع النضيف اوي بـ 60 جنيه تقريبا هيكفيك فتره كبيره اوي لانك بتضرب تقريبا 10 رشات في الحصه وطبعا في انواع ارخص من كده توصل لـ20جنيه واي استفسار انا جاهز يارجاله
|
رد: اماكن تدريب الرماية فى محافظة القاهرة ضرورى قوى؟؟؟؟
اللى أعرفه إن العقيد وليد الحسينى بيكون موجود فعلا يوم السبت من الساعة 5 مساءا لغاية 7 تقريباً ، و هو راجل فى منتهى الذوق و فيه هناك كمان تدريب للأطفال من سن 10 سنوات و عندهم أسلحة كويسة و ميدان رماية مغلق و مكشوف و تجهيزات جيدة جداً
|
رد: اماكن تدريب الرماية فى محافظة القاهرة ضرورى قوى؟؟؟؟
كلامك مظبوط احمد بيك يوم السبت ده تدريب طبنجه مع العقيد وليد الحسيني يوم الاربع كان تمرين بندقيه مع العميد سلطان ولكن بعد ما اتنقل للتدريب في الجيزه معرفش المواعيد ولا المدرب الجديد و بصراحه انا عندي البندقيه احسن من الطبنجه ده بالنسبالي
|
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
|
رد: اماكن تدريب الرماية فى محافظة القاهرة ضرورى قوى؟؟؟؟
اقتباس:
|
رد: اماكن تدريب الرماية فى محافظة القاهرة ضرورى قوى؟؟؟؟
كل المعلومات
http://www.egypthunt.net/showthread.php?t=10290 |
| الساعة الآن 01:46 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir