الصيد فى مصر - نقدر نعمل كده ولا ؟!

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - نقدر نعمل كده ولا ؟! (http://www.egyhunt.net/showthread.php?t=31450)

نقدر نعمل كده ولا ؟!

أولا كل عام وانتم بخير بمناسبة حلول شهر رمضان المعظم أعاده الله علينا بكل خير

من احلي خطب الجمعة اللي سمعتها في حياتي خطبة النهاردة عندي في البلد خطيب من الاوقاف بيجي كل فترة بس قال شوية كلام يفتح نفسك علي رمضان فانا قولت انقلكم شوية حاجات من اللي قالوه

1- ان صلاة السنة في رمضان كأنها فرض في غير رمضان
2- الفرض في رمضان بسبعين فرض في غير رمضان
3- الحسنة ب70 ضعف يعني مثلا لو زكيت او تصدقت ب جنيه في رمضان كأنه 70 في غير رمضان
طبعا والله يضاعف لمن يشاء

في أحلي من كده يا جدعان
ربنا عاملك اكازيون في رمضان يا اخي
عبد لئيم ورب كريم

دول اللي فاكرهم دلوقتي المهم اي حد هيقولي طب ايه العنوان الغريب ده واصلان هوا ملهوش دعوة بالموضوع
اقوله انا لسه في المقدمة

الشيخ قال " مثلا يعني الطالب الشاطر بيعمل لنفسه جدول يمشي عليه طب ليه بقا منعملش لينا جدول في رمضان ؟؟

الجدول كالاتي:

1- مطلوب منك كل يوم 5 فروض في المسجد جماعة ومفيش اعذار
2- كل يوم قراءة جزء قرآن متقولش بقا (علي حد قوله) اصلي بصدع ولا عيني بتوجعني ما انتا يا خويا بتقعد تقرا الجرنان ساعتين وتفليه والكتابة الحرف فيها قد السمسمة !!
3- قيام الليل (التراويح) كاملا مش تصلي العشاء وتطلع تجري ويا حبذا كمان ركعتين تهجد قبل الفجر حتي لو في البيت ميمنعش بردوا
4- إعتكاف العشر الاواخر من رمضان

وافتكروا كويس أنه خاب وخسر من أدرك رمضان ولم يغفر له وان الرسول صلي الله عليه وسلم آمن علي ذلك

الصراحة الحاجات دي كلها سهل جدا تنفيذها واكيد في ناس بتزيد عليها كمان

اللهم اعنا علي ذكرك وشكرك وحسن عبادتك

رد: نقدر نعمل كده ولا ؟!

موضوع جميل ... جزاك الله خير ونفع بك سائر المسلمين ... تحياتى

رد: نقدر نعمل كده ولا ؟!

جزاك الله كل خير
احلى تقييم لاحلى كلام

رد: نقدر نعمل كده ولا ؟!

موضوع جميل جدا ومهم جدا ..

واحلى تقييم يا باشا وربنا يجعله فى ميزان حسناتك ..

رد: نقدر نعمل كده ولا ؟!

شكرا ليك علي الموضوع الجميل ده بارك الله فيك

بس انا بصراحه مش هعرف اعتكف دي الحاجه المش هقتر عليها و كمان انا بصراحه ممكن مصليش ال5 صلاوات في الجامع علشان النوم

رد: نقدر نعمل كده ولا ؟!

ربنا يوفق الجميع و يقدر يعمل كده

رد: نقدر نعمل كده ولا ؟!

جزاك الله كل خير اخى الكريم
احلى تقييم

رد: نقدر نعمل كده ولا ؟!

اقتباس:

المشاركة الأصلية كتبت بواسطة ahmadkhalaf (المشاركة 404266)

موضوع جميل ... جزاك الله خير ونفع بك سائر المسلمين ... تحياتى

ربنا يخليك والله مجاش في بالي اني اسجل الخطبة كاملة كانت هتنفع الناس فعلا شيخ مثقف جدا بيتكلم بأسلوب اكثر من رائع وبيهزر وخلي الناس علي اتم استعداد لرمضان
كان بيقول كمان "تلاقي الناس دلوقتي بتقولي مستعجل ليه علي رمضان ما لسه بدري بس انا هقوله ان الصحابة الكرام رضي الله عنهم كانوا بيدعوا اللهم بلغنا رمضان قبل ما يجي ب 6 شهور وبعده رمضان يفضلوا 6 شهور يدعوا للهم تقبل اعمالنا في رمضان
يبقي مين اللي صح احنا ولا هما
والله ده احنا في زمن ما يعلم بيه الا ربنا

يا جماعة افرحوا برمضان كأنه فرح وعلقوا زينة وفرحوا الصغار والكبار ده احنا في الافراح بنعمل العجب ما بالك باحلي شهر في السنة"
نقول ايه ولا ايه غير اللهم بلغنا رمضان

اقتباس:

المشاركة الأصلية كتبت بواسطة متدرب قنص (المشاركة 404323)

جزاك الله كل خير
احلى تقييم لاحلى كلام

جزانا وجزاكم الله خيرا
وشكرا علي التقيم

اقتباس:

المشاركة الأصلية كتبت بواسطة أحمد عطاالله إبراهيم (المشاركة 404334)

موضوع جميل جدا ومهم جدا ..

واحلى تقييم يا باشا وربنا يجعله فى ميزان حسناتك ..

شكرا يا باشا يا رب تكون استفدت

اقتباس:

المشاركة الأصلية كتبت بواسطة moorey (المشاركة 404377)

يا باشا ربنا يقدرك وتحاول تعمل انوي انت بس وحاول ولو مقدرتش ان الله غفور رحيم وانما الاعمال بالنيات ولكل امرئ ما نوي بس اخي الكريم حاول ده صلاة الفرض في رمضان ب 70 فرض ومبالك كمان صلاة جماعة يا الله اغتنم الاوكازيون دي فرصة ما بعدها فرصة ويا عمي ما اطال النوم عمرا وما انقص في الاعمار طول السهر

اقتباس:

المشاركة الأصلية كتبت بواسطة m.shady (المشاركة 404381)

ربنا يوفق الجميع و يقدر يعمل كده

يارب يا باشا

اقتباس:

المشاركة الأصلية كتبت بواسطة القبطان المصرى22 (المشاركة 404409)

جزاك الله كل خير اخى الكريم
احلى تقييم

شكرا علي التقيم يا باشا وربنا يقدركم جميعا