يا باشا أنا ساكن فى الشروق , تنور فى أى يوم جمعة أو سبت , أنا طلعت بيها الجمعة اللى فاتت , هيه بندقية قوية لكن تقل وزنها و رد الفعل الناتج عن الضرب محتاج حد إيده قوية و أعصابه تمام عشان النيشان يطلع مظبوط , غير كده حتحتاج وقت لغاية ما تتعود علي الضرب بيها (زى حالاتى) و إيدك تاخد على تقلها.
مرة تانية تشرفنى فى الشروق و جربها طول الطلعة إن شاء الله و رقمى 0123903661
مع تحياتى و ربنا يوفقك فى بندقية ممتازة إن شاء الله.
بخصوص المارفك ، انا عاوز اقوللك مدخلتش تسأل ليه
اما بخصوص الrating review فهو مكون من رأي واحد و ده مش مقياس جيد بس عموما و هي عن تجربة بندقية هائلة زي ما قلتلك
كلامك صحيح و على فكرة يا احمد انا معايا البام 21 و هي جميلة جدا و مالهاش علاقة بفكرة الصيني و من تجربتي هي بندقية هائلة بس بعد ما ظبطلها مشكلة مسامير الناشنكات بتاعتها انا بصطاد بيها يمام و حمام على بعد 50 متر و احيانا اكثر و بينزل مقفول هي هائلة فعلا عموما البندقية اللي معايا انا اشتريتها و بعدين غيرت مسامير الناشنكات عند شريف و بعد كده مبقالهاش علاقة بالصيني خالص قوة و دقة بسم الله ما شاء الله انا ضربت بيها تقريبا علبة رش بروماجنوم يعني حوالي 250 رشاية او ازيد 50 مثلا و عموما انا بفكر اغير لو حابب اخليهالك عنيا الاثنين بس استقر الاول و لو حابب تشوفها انا تحت امرك بس انا ساكن في 6 اكتوبر ، و عموما فكر براحتك
استاذ / احمد
تسعدني صداقتك جدا و انا تحت امرك في اي مساعدة اقدر اقدمهالك بس انت مقدمتش السبت يعني التليفون
عموما تليفوني 0101620375 و انا على فكرة المارفك من البنادق اللي انا بعشقها بس هتلاقيها فين ، يعنى لو لقيتها هاتلي معاك مش احنا اصدقاء و لا كلام و خلاص انا البندقية ده ضربت بيها فعلا و كانت معايا واحدة مستعملة قعدت معايا اسبوعين بس لأن اشتريتها حالتها سيئة جدا و معجبتنيش لكن اللي انا ضربت بيها بتاعة واحد صديقي و بتجيب نتائج مذهلة جدا لأنها من وجهة نظري جمعت بين المستحيلين مع بعض القوة و الدقة ، و دول عمرهم ما يتقابلوا مع بعض يعنى البندقية اللي تلاقيها قوية تلاقيها غير دقيقة و الدقيقة تجدها متوسطة القوة ، بس انا عاوز اقوللك ان الويست بندقية رشيقة و جميلة و دقيقة و لو عاوز بديل للمارفك من وجهة نظري يبقى الكويك مع وجود فرق بسيط بينها و بين المارفك في تقل الزناد و عموما تليفوني معاك و انا تحت امرك
السلام عليكم ورحمة اللة
طبعا دة شئ يسعدنى اننا نتعرف ونكون اصدقاء
وبالنسبة للمجنوم 2000 هى بندقية ممتازة
وسرعتها 850 قدم ما يعادل 250 م/ث وهى دقيقة جدا
الهانتر بتنزل بقنطرة زناد فيبر و ده عيبها , وفعلاَ إكتشفت إنها مكسورة , قمت غيرتها بواحدة حديد أصلى كان أستاذ جلال خليفة دلنى على مكانها, اشتريتها من عند الصياد المصرى.
و ده لأنى محبش أبيع حاجة فيها عيب حتى لو حاخسر فيها , و كمان البندقية جديدة.
الزناد نفسه و مجموعته الداخلية حديد و بيتهيألى إن ده ميزة عن النوريكا لأنى قريت فى المنتدى إن مجموعة الزناد فيها فيبر.
بالنسبة للنيشان هو عادى بس واضح جداً لأن سن نملة الدبانة عريضة.
بالنسبة للقوة أنا اصطدت بيها حمام من على مسافة 50 م بدون مشاكل و فيها مسطرة جميلة بستوبر لو حابب تركبلها منظار عشان الصيد لمسافات أبعد.
و لو عايز تجربها على لوح خشب مفيش مشكلة.