طلعة صيد فى الصالحية بالشرقية

[غاوى صيد]

امبارح الجمعة 3-6-2011 وبعد فترة من الانقطاع عن الصيد وحتى عن الدخول على المنتدى طلعنا رحلة صيد بصراحة مفيش أروع ولا اجمل من كدة وكان اعضاء الرحلة انا محمد رمضان ومحمد عصام ومحمد طلال و شريف بعد الفجر مباشرة توجهنا الى مزارع الصالحية وسط الطبيعة الخلابة والهدوء والمناظر الجميلة و كانت صحبة نحمد ربنا عليها والحمد لله ربنا وفقنا فى الصيد وختمنا اليوم بشواء لذيذ جدا طبعا الصيد اللى احنا صدناه والكل امبارح بصراحة كان بيتألق وطبعا اللى تفوق على نفسه النجم محمد عصام بالبندقية النوريكا جت الرهيبة بتاعته ومحمد طلال عمل شغل كبير جدا بالعربية بتاعته ولا الجماعة بتوع الرالى و شريف بذل مجهود كبير جدا فى موضوع الشوى والتحطيب و اشعال النار شغل كشافة جامد جدا وبصراحة كان ينقصنا سكين لان كل منا اعتمد على الآخر انه سيحضر واحدة بس تغلبنا على الموضوع دة ومحمد طلال بدع واسيبكم مع صور الرحلة الجميلة دى وجارى تحميل الفيديوهات عشان حضراتكم تستمتعوا بالمناظر الطبيعية

[محمود شلبي]

صيد وشوى الصحبه الحسنه هى اصل المتعه كل واحد ابدع واخرج الطاقه الى عندة
تخليك تقابل الاسبوع بشكل جديد والله يا جماعه احنا بنتحسد عشان صيادين وسبكم من تعليقات اصدقاء العمل
لما يقولو انك فاضى او ضياع وقت والله دة بنا النفس والارادة يا بخت اليمام الى هتكلوة بمنتهى الحب
صياد عاشق

[mero1x]

الله ينور يا صيادين وبجد روح حلوة و اكيد جو الكشافة كان لا يعلى علية

بس ليا سؤال
اليمام استوى من الشوى ولا كان جامد شويا
وهل اليمام تم نتفة ولا سلخة ؟؟

وتقبلوا مرورى

[غاوى صيد]

يا بشوات نورتونى بمشاركتكم والله
بالنسبة لليمام كان مستوى ومكانش فيه اطعم من كدة بالنسبة للتنظيف كان عن طريق نتف الريش وليس السلخ
تحياتى لجميع الاعضاء المحترمين ووحشتونا جدا والله

[omarara]

احلى حاجة فى رحلات الصيدانك تشوى وده جربناه امبارح لأول مرة وإن شاء الله كل رحلة صيد لازم نشوى

[mero1x]

--------------------------------------------------------------------------------

يا بشوات نورتونى بمشاركتكم والله
بالنسبة لليمام كان مستوى ومكانش فيه اطعم من كدة بالنسبة للتنظيف كان عن طريق نتف الريش وليس السلخ
تحياتى لجميع الاعضاء المحترمين ووحشتونا جدا والله
__________________


شكراً يا محمد باشا على الرد والمعلومات القيمة

وربنا يديم الاخوة

[elnawawy]

الله يذيد ويبارك

[sameer]

ايه الحلاوة دي يا استاذ محمد اخيرا افتكرتنا بطلعاتك الحلوة
مستني الفيديوهات

[غاوى صيد]

ازيك يا ابو حميد انت واحشنا اكتر والله ان شاء الله تخلص امتحانتك على خير

[sameer]

ازيك يا ابو حميد انت واحشنا اكتر والله ان شاء الله تخلص امتحانتك على خير

امين يا رب

[غاوى صيد]

بعض الفيديوهات وجارى تحميل المزيد من الرحلة الرائعة
لحظة الانطلاق
http://www.youtube.com/watch?v=ZnH1zHaz3So
نزول التل الكبير
http://www.youtube.com/watch?v=YHZgG0HBNiE
وسط مزارع الصالحية
http://www.youtube.com/watch?v=nEihcYPlLn4

[البطل]

بسم الله مشاء الله منورين وربنا يبارك ورحلة جميلة ومكان أجمل

[sameer]

ما شاء الله عليكم فيديوهات جامدة

بس احسن حاجة بتاع البطيخ ده ههههههههههههه

[messam]

شكرا لجميع الأخوة الكرام على مشاركاتهم العطرة .......... فعلا يا جماعة كانت رحلة ولا اروع والكل اظهر بارعاتة وكفاءتة فى الصيد

[غاوى صيد]

كل اعضاء المنتدى المحترمين واحشنى جدا

[غاوى صيد]

ابو عصام انت فين ؟؟؟؟؟؟؟

[بسام سعيد]

بالتوفيق دائما ان شاء الله

[lilkapo]

عارفين شكلها رحلة تمام وصحبة جامدة
ولو كنت اعرف انكم بالاسماعيلية كنت جتلكم بالعربية فى 30 ساعة يلا خيرها فى غيرها وعاوزين باقى الفديوهات

[braveheart]

أهم شئ الصحبة .. رحلة موفقة و أحلي صيادين ، تحياتي لكم.

[messam]

شكر خاص جدا للأخ والصديق المحترم الأستاذ محمد فصيح على المجهود الرائع فى تصوير وتوثيق الرحلات الخاصة بالفريق........... بجد يا جماعة الراجل دة والله قناص من العيار التقيل ضربات قليلة بس فى الهدف مباشرة

[عبــ الله ــد @]

حلو جدا بس
عايز اعرف الشجرة دي شجرة ايه ؟اصل عجباني اوي

[professional sniper]

السلام عليكم ورحمة الله تعالى وبركاته
ماشاء الله لاقوة إلا بالله ,., صيد جميل , وصحبه حلوه , وصيادين اجمل ,., وبألف هنا وشفا ,., وربنا يديم المحبه والموده .
خالص تحياتى .

[غاوى صيد]

كل الشكر للقناصين الرائعين على ردودهم المشجعة الجميلة المرحة
طبعا الاستاذ محمد عصام راجل فنان وقناص مفيش احسن من كدة بصراحة راجل نجم
تحياتى للجميع وشكرا

[غاوى صيد]

اية رايكم فى الفيديوهات يا جماعة ننزل تانى ولا ؟؟؟؟؟؟؟؟؟؟

[sameer]

اية رايكم فى الفيديوهات يا جماعة ننزل تانى ولا ؟؟؟؟؟؟؟؟؟؟

اه لو فيه تاني يبقا ياريت طبعا

يا سلام ده احنا نتمنا

[غاوى صيد]

ماشى يا ابو سمير عينيا جارى التحيل والرفع ع اليوتيوب

[sameer]

ماشى يا ابو سمير عينيا جارى التحيل والرفع ع اليوتيوب

تسلم عينك..............

[سيدخالد]

الله ينور عليكو .....................شغل جامد

[غاوى صيد]

وعليك يا استاذ سيد

[sniper150]

الله ينور عليكو بس كان نفسى اكون معاكو والله بس يلا خير تتعوض المره الجايه (أحمد ) من الصيادين