مشاهدة النسخة كاملة : اية رائيكم فى رحلة صيد بالعين السخنة (بحر أحمر)تسقيط
wild_saher010 11-06-03, 04:00 PM اخوانى الاعزاء طبعا انا من السويس و غاوى من صيد من زمان بكل انواعة و لكن اكثر الانواع هو البحرى طبعا بما انى سويسى اية رائيكم نرتب رحلة صيد بحرى من العين السخنة
اولا : للتعارف و التلاقى للأعضاء
ثانيا : الضحك و الهزار و تغيير الجو فى حد ذاتة متعة
ثالثا : طبعا صيد السمك و هو المتعة الاأكبر و طبعا رزق فى المقام الأول
فكروا و شوفوا و اللى على استعداد يكلمنى او يقول و نرتب رحلة انشاء الله قريب و طبعا هتكون بحر مش بر و طبعا نوع و حمولة المركب حيتحدد على عدد المشتركين يعنى فى مركب صغير ( فلوكة) لعدد 5 او 6 افراد مثلا و غيرها بتكون 12 و غيرها 10 و غيرها 16 و هكذا و طبعا كل ما المركب بيكبر السعر بيزيد و الرفاهية و الخدمات بتزيد و السمك كمان بيزيد و كلة بتمنة زى ما بيقولوا لان المركب الصغير بيطلع من الفجر الى المغرب مثلا اما الكبير ممكن يبات يوم او اتنين او 3 فى البحر و بالتالى سمك الليل اكبر و اكثر من النهار و كمان بيكون مجهز بسكان ديل او جهاز كشف الاعماق اللى بيبين اماكن و انواع و كميات السمك الموجود بالأسفل و هكذا
مستنى ارائكم و ردودكم أخوكم / محمد 0106134562
و دى بعض الصور فى اخر طلعة بس دى كانت طلعة بر و دى بتكون غالبا غير مجزية فى السمك ولكن المناظر الطبيعية و الجو بيكون جامد جدا
wild_saher010 11-06-03, 05:00 PM الموضوع لو مشى كويس و لقيت فى تجاوب و اقبال من الاعضاء ححط استمارة بيانات الرحلة و اللى عاوز يطلع يملاها و يحطها فى الموضوع علشان نقدر نحدد العدد و نوع المركب و الميعاد المناسب للجميع
Ahmed kouta 11-06-04, 01:57 AM فكرة ممتازة طبعا وان شاء الله تتحقق ونعمل فريق كمان . ياريت نحدد ميعاد للرحلة ونبداء نشوف مين الي هيطلع عليها . وعندنا مارينا وادي الدوم مليانة مراكب 17 م تحفة للر حلات
wild_saher010 11-06-04, 07:51 AM يا مسهل يا ابو حميد و انا جاهز و الميعاد لو تحبوا انا شايف انه الجمعة 17 / 6 / 2011 او السبت 18 / 6 / 2011 حيكونوا مواعيد مناسبة لعدة اسباب :
اولا : ايام اجازات مع معظم الناس
ثانيا : موافقين 15 و 16 من الشهر العربى
ثالثا : القمر بردة حيكون كويس
و ان لم نوفق فى اى الميعادين ممكن نأجل لشهر 7 انشاء الله .. بس خدوا بالكم من حاجتين مهمين جدا :
اولا : لازم نحجز المركب قبلها بمدة على الاقل 10 ايام دة لو ما كنش محجوز فى اليوم اللى هنختارة
ثانيا : مش باقى قدامنا غير 6 و 7 و كل سنة و انتوا طيبين رمضان .
الحمد لله
يا جماعة انا عمرى مطلعت صيد في البحر كله في النيل و على الشط كمان
وبري طبعا
طيب الاجهزة و المكن ايجارها كام و الطعم بكام و ايجار المركب بكام لو 4 او 6 افراد و يوم واحد فقط
انا ممكن اجيب 1 او 2 معايا
يوم الجمعة افضل بكتير
wild_saher010 11-06-05, 02:52 PM بص يا سمسم المعدات بسيطة و مش غالية و موضوع الايجار دة بصراحة ما عنديش فكرة عنة اما ايجار المركب زى ما قلت بيتحدد على نوع و حجم المركب بدأ من 300 الى 2500 كلة بثمنة و اصبر لما نجمع عدد يكمل رحلة و نشوف
lilkapo 11-06-05, 03:12 PM فكرة رائعة بس عاوزين نعرف التكلفة المبداية للفرد ومدة الرحلة وكدة
ياباشا الفكره دي جمده اوي و انا لسه عارضها في صور و فديو الرحلات في موضوع الشوي في اكتوبر ومش عارف الناس هتقول عليها ايه
ياباشا الفكره دي جمده اوي و انا لسه عارضها في صور و فديو الرحلات في موضوع الشوي في اكتوبر ومش عارف الناس هتقول عليها ايه
يونس باشا هو التقييم بتاعك احمر لييه كدا وبقا صفر فجأة
عذرا لصاحب الموضوع .. بس هتكون رحلة رائعة الصراحة
wild_saher010 11-06-06, 01:33 PM استاذ كوكتيل انا مش عارف انت بتقول لية عذرا لصاحب الموضوع
ثانيا ا / يونس منور الدنيا
ثالثا : أ/ليل كابو لو حناخد فلوكة صغيرة هى سعتها 6 افراد و فى الغالب بنخليها 5 علشان نقعد براحتنا و دى سعرها 300 تقريبا و التكلفة كلها كلام فاضى لانك مش حتدفع غير نصيبك فى تمن الرحلة و اكلك و شربك و الطعم اللى حتصاد بية و دول ممكن كل واحد يجيب مع نفسة او نجيب للكل و نقسم على بعض المبلغ تقدر تقول ان تكلفة الفرد المبدائية هتكون من 120 جنية الى 170 تقريبا كله على بعض كدة و المدة هتكون يوم يعنى بنطلع الفجر و نرجع المغرب
hema777h 11-06-06, 06:41 PM طيب عيزين نعمل حسبة بسيطة للتكلفة وادوات الصيد هتبقي علينا ولا موجودة في المركب ومعاكم باذن اللة
يونس باشا هو التقييم بتاعك احمر لييه كدا وبقا صفر فجأة
مستر كوكتيل كتب عزرا لصاحب الموضوع بسبب تعليقه علي المستوي بتاعي و ده خارج الموضوع
wild_saher010 11-06-07, 12:02 PM يا باشا ادوات الصيد بيكون مع كل فرد عدتة و اللى معاهوش عدة ممكن نجيبلة ارخص عدة و هى عبارة عن حداف و بكرة خيط و شوية سنانير و تقالات و كل دة مش حيتكلف اكثر من 30 جنية و بردة حيأدى نفس الغرض و هيطل سمك انشاء الله
lilkapo 11-06-07, 06:59 PM انا معاكم حددو الميعاد ونتفق وهجيلكم اقابلكم فى السويس
yahia_eldaly201 11-06-10, 05:09 AM يا جماعه انا عجباني اوي الفكره دي
يا ريت تكون فى نص شهر 7 لاني فى جامعه وعندي امتحانات فى القاهره
عايز اعرف هتتكلف كام الرحله دي واي حد ارسلو
yahia_eldaly201 11-06-10, 05:30 AM يا جماعه حد يراسلني على الميل دا yahia_eldaly2001@yahoo عايز اعرف الترتياب ونظام الرحله والسعر وكام شخص وامتي
محمد قطب 11-06-16, 02:34 AM السلام عليكم دى اول مشاركة لى واتمنى ان تقبلونى صديق لكم واحب ان اضيف انى سالت على ايجار مركب فى السخنة وهو 8افراد والمدة 24 ساعة والتكلفة 1000 جنيه وان شاء الله انا رايح بعد اسبوع
محمد قطب 11-06-16, 08:15 PM السلام عليكم انا عضو جديد ارجوا ان تقبلونى صديق لكم واحب ان اضيف ان سعر مركب 8 افراد 1000ج ايجار 24 ساعة وان شاء الله انا ذاهب للسخنة بعد اسبوع مع مجموعة من الاصدقاء ادعوا لى بالتوفيق
abdoweb 11-07-04, 10:51 AM انا برضه عضو جديد
ومعاى عضو كمان مستعد وبكل قوة لهذه الرحلة
مبتدئين آه ... لكن عاوزين نوصل :)
انا رأيى ان حد يحط رقمه وياريت يكون خبرة فى الموضوع
وكل اللى عاوز ييجى الرحلة يتصل بيه وينسق معاه
ويا حبذا لو حط موعد بعد ما يتشاور مع اول 5 هيتصلوا بيه مثلاً
علشان ننجز ونطلع
ايه رايكم ؟
انا متحمس جدا
smarty2011 11-07-04, 11:03 AM وانا كمان معاكم ياريت تحددوا موعد علي منتصف شهر سبعة ونكون معكم ان شاء الله ويا حبذا لو الرحلة تكون اكثر من يوم عشان تجيب همها يعني زي ما بيقولوا
انا كاتب رقمى ولو كده نطلع رحلة صيد الجمعه القادمة 8/7/2011
وده رقمى 0118668111
لو عاوزين نروح الخميس بالليل ونيجى السبت الساعه 6 موافق وكمان نحاول مع الكاليمارى بالليل
0118668111 هانى
بعد اذنك يا كبير المبلغ ده كبيييير جداا المركب يتراوح من 450 الى 750 فى اليوم وبس وده رقمى لو عايز تكلمنى واعرفك على الناس اللى بطلع معاهم 0118668111
يا تري يا شباب طلعتوا ولا لأ؟
أنا عايز أعرف الأخبار
abdoweb 11-07-09, 02:43 PM الحمد لله طلعنا أنا وهانى امبارح
الجمعة 8-7-2011
ودى كانت اول رحلة صيد لى
بجد كان يوم جميل واتعرفت على العضو ( hany ) شخص محترم جداً
اتقابلنا سوى
واشترينا كل العدة ومتطلبات الصيد مساء الخميس
وبجد الراجل ساعدنى كتير
وعرفنى على محلات اسعارها ممتازة
وكانت رحلة صيد عادية مش بحر
فى مكان هو عارفه جميل و هادى جداً
و الحمد لله اصطدت أكثر من 20 سمكة فى أول يوم
والراجل بيقول ان ده شئ ممتاز
وبنجهز نروح رحلة الجمعة الجاية بحر واحتمال يبقى يومين
ان شاء الله
وجارى تنزيل صور الرحلة فى موضوع منفصل
شكراً للأخ هانى ولجميع أعضاء المنتدى
hema777h 11-07-09, 02:48 PM الحمد لله طلعنا أنا وهانى امبارح
الجمعة 8-7-2011
ودى كانت اول رحلة صيد لى
بجد كان يوم جميل واتعرفت على العضو ( hany ) شخص محترم جداً
اتقابلنا سوى
واشترينا كل العدة ومتطلبات الصيد مساء الخميس
وبجد الراجل ساعدنى كتير
وعرفنى على محلات اسعارها ممتازة
وكانت رحلة صيد عادية مش بحر
فى مكان هو عارفه جميل و هادى جداً
و الحمد لله اصطدت أكثر من 20 سمكة فى أول يوم
والراجل بيقول ان ده شئ ممتاز
وبنجهز نروح رحلة الجمعة الجاية بحر واحتمال يبقى يومين
ان شاء الله
وجارى تنزيل صور الرحلة فى موضوع منفصل
شكراً للأخ هانى ولجميع أعضاء المنتدى
عقبال اننا نتقابل معاكم في القريب العاجل ان شاء الله
abdoweb 11-07-10, 10:44 AM يشرفنا يا افندم
اننا نتقابل ونتعرف على بعض
يا عبده أنا معاك أنت وهاني إن شاء الله الجمعة اللى جاية بس رد عليا بسرعة أنا عايز أعرف محل محترم جودة وسعر وأنا عندي السنارة بس مش عارف هل الخيط اللى عندي (35) مناسب ولا لأ وهل السنون (18) مناسبة ولا لأ والغمزات والتقلات ضاعوا وطبعا معرفش الطعم أية
أنا ميييح ومطلعتش السخنة عمري - أجيب أيه معايا أحكلي خبرتك - وبتتقابلوا فين - يعني من الأخر تقرير مفصل لأخوك عشان أنا حسس أنك سابقني بخطوة فممكن تفدني وشكرأ يا عبده أتمني أني أرافقكم الجمعة اللى جية
سلام
سامى الحسينى 11-07-14, 12:17 AM بس هتكون رحلة رائعة
برجاء من العضو عدم عمل اعلان بداخل موضوع عضو اخر بينما يفضل عمل مشاركه منفصله
تم نقل الموضوع فى مشاركه منفصله
مينفعش تعملي اعلان جوا اعلان تاني يانهى
شكرا للعضو المحترم على التنبيه
mohamed fareg 11-09-05, 08:43 AM انا غاوي صيد نيلي واتمني اطلع طلعة بحرية في مركب انا من القاهرة ومعي عربية للسفر وامني ان اطلع معاكم وانا اسمي محمد فرج من دار السلام وتيليفوني هو 0103834434 وياريت نطلع طلعة حلوة كدة
ahmed hamdy 11-09-05, 10:35 AM يا جماعة انا احمد حمدى من شبرا غاوى صيد بحرى و ان شاء الله انا معاكوا و ياريت تحديد معاد للرحلة فى اقرب وقت مع تحياتى للجميع
mrasool 11-09-05, 06:39 PM انا كمان عاوز اطلع البحر الاحمر ودا تليفونى ياريت نشجع بعض ونرتب الطلعة دى فى اقرب وقت
وتليفونى 0101446754
محمد - القاهرة
eng_dos 11-09-10, 10:57 PM الدنيا وقفت هنا ياشباب ولا ايه؟
طب ممكن من دلوقتي نرتب علي رحلة 3 ايام فالسخنة او الساقعة حتي.
هو الموضوع عاوز حد من السخنة او السويس يرتب الموضوع ده
انا وقتي متاح من يوم 20/10 اللي جاي ... ياريت الوقت ده يتناسب مع باقي الأعضاء اللي بيشجعوا حاجة زي دي
بس ياريت تحددولنا نوع الخيط وسمكه واحجام السنون وكده ربنا يديكو الصحة
انا اخوكم احمد من البساتين
وده ايميلي
eng_dos@yahoo
وده تليفوني 0101074067
بس انا هبقي مسافر لحد 20/10 فياريت لو الموضوع تمام وفي ناس مناسبها المعاد يبقي نظبط يارجاله
وليد نوار 11-09-25, 02:28 PM حلوة اوى الافكار دى يا جماعه انا معاكم ونفسى اطلع رحلة صيد بحرى بصراحة أنا مبتدىْ بس انا حابب الصيد وعاوز اشترك فى رحلة صيد ورقمى هو 0100056055 لو قررتم أنا معاكم
|