مــــــــــــــســــــــــــــــاعـــــــدة

[مصراوي]

بسم الله الرحمن الرحيم

انا عضو جديد ومتابعكوا من زمان قوي وعجبني انه كل سؤال وليه اجابه

انا كنت عايز خبرتكوا

انا احمد من الزقازيق حابب حكايه الصيد دي
انا عاوز حد يرشحلي بندقيه سعرها كويس اقصي حد 1500 جنيه وتكون قطع غيارها مضمونه
علي فكره انا دي اول بندقيه هشتريها وعمري ما تدرب علي بندقيه يعني هاخد دي استعمالها علي طول

ثانيا عايز اعرف ايه النمر الي تنفع لصيد الحاجات دي

1/ عصافير ووحمام ويمام و سمان
2/ بط ووز
3/ ارانب وغيره

وحد كمان يرشح لي نوع رش كويس

وشكرا

[Pellet-Master]

نمرة 2 أعتقد هي أفضل النمر لصيد الطيور

للأسف خبرتي بالبنادق مش قد كده .. حسيب الرد للناس اللي تعرف فيها من زمان أنا لسه مبتدئ برده ^_^

منور المنتدى يا مصراوي و إن شاء الله أشوفك بعدين في رحلات صيد

[مصراوي]

في بندقيه اسمها نوريكاا جيت

دي كويسه

ممكن حد يقولي ايه مميزاتها
وينفع اصطاد بيها ايه من الاشياء الي قلتها انا فوق

[steyr68]

السلام عليكم
اولا اهلا بيك بالمنتدى . بالنسبه لنوع البندقيه المناسبه
فعلا النوريكا جيت من الانواع الجيده وفى كمان الجامو هنتر 440وفى كمانbam xs b21
عيار 5.5 ممكن تشتريه لكن تغير السوسته اول ماتحس
انها ضعفت علشان تضمن دقة السلاح
لانى كل الموديلات اللى انا ذكرتها ليك سرعة الطلقه ليها من العيار ده بتكون فى حدود 750 قدم ثانيه فى المتوسط
لما بتقل عن المعدل ده بتكون اقل فى دقتها السبب طبعا ان سرعة المقذوف كل ما تقل يكون عرضه لتاثره بحركة الرياح الجانبيه

[walther]

بسم الله الرحمن الرحيم
الاخ مصراوي اهلا بيك بين اخواتك في المنتدي وارجوا ان تظل عضوا فعال بيننا
لايوجد فارق بين مبتدا واكثر خبره فكلنا نتعلم من بعض ومن تصفحنا لصفحات النت
والمبتدأ اليوم خبير غدا
وبالنسبه لسوالك عن النوريكا جيت فانا انصحك بيها لانها الفيرجن القديم من المارفيك بس لو جديده ونمره 2 تكون بحوالي 1400 الي 1500 جنيه وانصحك بيها للاسباب الاتيه :
1: اسباني والصناعه الاسباني كويسه مش وحشه تاتي في المرتبه الثالثه وسط عالم بنادق ضغط الهواء من بعد الالماني والانجليزي
2:قطع غيارها متوفره نظرا لان هذه البنادق الاسبانيه متوفره في السوق المصري
3: قوتها كافيه لصيد كل ما ذكرته
4: سهله الصيانيه يعني اي محل يعرف يعملها صيانه

اما بالنسبه للطلقات فبلاش المصريييييييييييييييي لانه في الرمايه ميزانه مش زي بعضه وبتلاقي في العلبه بايظ كتير وعدد العلبه طبعا مش 100 ممكن 70 الي 85 وكمان مش تقيل
انصحك بالرش الجامو وان كان فيه انواع احسن بس اغلي والرش الجاموا افضل لان ثمنه معقول وميزانه تمام ومتوافر وانواع الجاموا كتير انصح منها ب الماتش والماجنوم والبرو ماجنوم والهانتر
واي سوال انا تحت امرك

[مصراوي]

ارشكر ك جميعا علي الاجابة

وشكر خاااااااااااااااااااص للاستاذ waltherعلي الاجابه

بس سؤال تاني وهتعبك معاي لو سمحت

بس ايه الفرق بين نمره واحد ونمره اتنين
بس انا سمعت ان نمره اتنين بتفرتك الحيوان زي العصورة
مثلا

وهل مكن في المستقبل اركب عليها منظار

معلش هتعبكوا معاي بس استحملوني

[galal khalifa]

اهلا بيك عضو في المنتدي
وممكن تختار بين بندقيتن اما الجيت زي ما الاخوة رشحوها لك او الجام ماجنوم 3000 وسعرهم واحد في حدود 1500 جنية

[walther]

بسم الله الرحمن الرحيم
طبعا يا باشا فيه فرق بين نمره 2 و 1
الفارق ان الرشه نمره 2 تقريبا ضعف نمره واحد وطاقتها الحركيه اكبر تقريبا علي نفس البندقيه بمقام 40 %
انصحك بنمره 2 تنفع من حمام ويمام وانته طالع اما عصافير فصعب فعلا حتقطعها انا عن نفسي حبت نمره واحد علشان العصافير مخصوص

[galal khalifa]

اتفق مع والتر في كل شيئ