طلعة اليوم وكل يوم

[mero1x]

اليوم طلعت انا وعصام طلعة قبل ما نروح الشغل
اتقابلنا 5:30 لحد 9 تقريباً
وعلى فكرة دى مش اول طلعة نطلعها قبل الشغل ! متستغربوش
احنا عندنا نشاط ومن الاخر يومنا لو مبدأش بدم يبقى دمة تقيل :)

علشان مطولش عليكو
احنا مرنا النهاردا بحالات التوفيق وعدم التوفيق فى طلعة واحدة

التوفيق : انك تصطاد الغراب من بعد 50م او اكتر
التوفيق : انك تنشن فى كيس زبالة يطلعلك منة 3 يمامات
التوفيق : انك تصطاد 10 غربان فى يوم واحد ( وعد الحسنات)

عدم التوفيق : انك تنشن على يمامة بينك وبينها 2 متر ومتجهاش (انا :) )
عدم التوفيق : انك تنتف ريش يجى عشر يمامات
عدم التوفيق انك تنشن على اليمام والقمرى ولا الهوى ويفضل واقفلك
عدم التوفيق انك متلقيش ولا صيدلية فاتحة :)

بس عصام باشا ريحنى واصطادلى قمرى من بعد 45 او اكتر
وطبعاً الويبلى باتريوت سمعت فى الامن العام (مشاء الله مدفع)

الحصيلة 5 يمامات وقمرى و10 غربان وشوالين ريش
واخيراً عصام كان مبدع النهاردة على الرغم من عدم التوفيق اللى ساد الطلعة .
اسبكم مع الصور

[dr_mohasan]

إيه الجمال ده , تحية كبيرة للصيادين الجامدين أوى

[braveheart]

صباح الفل علي رجالتنا و أحلي صيادين ، عصام باشا و أمير بيك .... تحياتي لكم ... و ألف هنا.
و ملكوش في الوزة بردو هههههه

[mero1x]

يا باشا كنا فى سيرتك النهاردا انتا وباقى ابطال موقعة الوزة
تحياتى ليك واشوفك قريباً فى طلعة ارانب بس بدرى يا باشا

[mero1x]

يا كريم انت تطلع بالوزة على المتحف المصر وتحطها فى اى تابوت علشان الاجيال اللى جاية
احنا يا باشا اتبصلنا فى الوزة ومش هنكالها والله اعلم

[essam assem]

صباح الفل يا رجالة اية يا ابو امير مفيش شغل النهاردة ولا اية انا بقى ختها من اسرها ورحت غيرت هدومى وتطلعت على الشغل عدل بس قاعد بسقط على المكتب ومش شايف قدامى ههههههههههه مقلاكش كمال عمل اية لما شاف صيد النهاردة مراتة كان فاضل شوية وتذغرد هههههههه متهيالى لو كنا اخذنا الغربان بتاعت النهاردة كان ممكن يعملو عليها حفلة ههههههههههه تحياتى للجميع

[فارس بلا جواد]

اللة ينور يا رجالة واللة دويتو جامد عصام وامير ربنا يديم المحبة بس سوال هل القمرى لة مواسم وهل اليومين دول موسم لة وعموما طلعة موفقة من اتنين قناصين جامدين اوى ما شاء اللة والف هناوشفا

[mero1x]

اللة ينور يا رجالة واللة دويتو جامد عصام وامير ربنا يديم المحبة بس سوال هل القمرى لة مواسم وهل اليومين دول موسم لة وعموما طلعة موفقة من اتنين قناصين جامدين اوى ما شاء اللة والف هناوشفا
__________________

الف شكر يا باشا على مداخلتك
وبخصوص القمرى انا بشوفة طول السنة و بجد مقرف جداً فى صيدة حذر جداً جداً وروحة طوييييييييييييلة اوى
عصام جابها من راسها ودبحناها وقعدة دقيقة عبال ما ماتت وعنيفة فى فرفرتها توجع الايد .
بس حجمة ولحمة ماشاء الله

[mero1x]

صباح الفل يا رجالة اية يا ابو امير مفيش شغل النهاردة ولا اية انا بقى ختها من اسرها ورحت غيرت هدومى وتطلعت على الشغل عدل بس قاعد بسقط على المكتب ومش شايف قدامى ههههههههههه مقلاكش كمال عمل اية لما شاف صيد النهاردة مراتة كان فاضل شوية وتذغرد هههههههه متهيالى لو كنا اخذنا الغربان بتاعت النهاردة كان ممكن يعملو عليها حفلة ههههههههههه تحياتى للجميع

يا باشا انا فى الشغل قبلك
وبسقط وانا فى العربية مش وانا على المكتب
بس عموماً انا هروح دلوقتى .. وانشاء الله النازلة اللى جاية نظبط الراجل انا عدلت الماسورة وهتستها دلوقتى وانا مروح وربنا يرزق .

[فارس بلا جواد]

اللة ينور يا رجالة واللة دويتو جامد عصام وامير ربنا يديم المحبة بس سوال هل القمرى لة مواسم وهل اليومين دول موسم لة وعموما طلعة موفقة من اتنين قناصين جامدين اوى ما شاء اللة والف هناوشفا
__________________

الف شكر يا باشا على مداخلتك
وبخصوص القمرى انا بشوفة طول السنة و بجد مقرف جداً فى صيدة حذر جداً جداً وروحة طوييييييييييييلة اوى
عصام جابها من راسها ودبحناها وقعدة دقيقة عبال ما ماتت وعنيفة فى فرفرتها توجع الايد .
بس حجمة ولحمة ماشاء الله

الف شكر يا استاذ امير وعموما ميجبها الا رجالة هههههههههه

[سيدخالد]

ماشاء الله على النشاط والحيوية ..... الله ينور على احلى قناصين فى مصر

[بدر]

ما شاء الله عليكو
تسلم ايدكم
بس انا واخد على خاطرى منكم يا رجالة انتو بطلتو تتعاملو معايا وتاخدو منى طيور لية انا ذعلتكم فى حاجة الوزة كريم قالى هيرجعها بعد يوم واتاخر عليا
فلية تاجرو طيور من حد تانى
على العموم انا ممكن اطول المدة شوية ههههههههههه
تحياتى لعصام باشا وامير باشا

[braveheart]

وزة أيه بقي ... دة أنا ليا عندك بيتزا ... و لا أنت ناسي ؟

[بدر]

وزة أيه بقي ... دة أنا ليا عندك بيتزا ... و لا أنت ناسي ؟

يا عم ارحمنى هههههههههههه
وبعدين انت مستغرب لية ومش مصدق انى اصطادت بيتزا
وعلى فكرة توضيح للاعضاء علشان محدش يفهم غلط البيتزا دى نوع من الطيور النادرة التى تعيش تحت الارض ويصعب صيدها الا عن طريق النبلة لانها حساسة للبنادق
تحياتى
وبعدين خيلتنى بالسيف بتاعك

[braveheart]

يا عم ارحمنى هههههههههههه
وبعدين انت مستغرب لية ومش مصدق انى اصطادت بيتزا
وعلى فكرة توضيح للاعضاء علشان محدش يفهم غلط البيتزا دى نوع من الطيور النادرة التى تعيش تحت الارض ويصعب صيدها الا عن طريق النبلة لانها حساسة للبنادق
تحياتى
وبعدين خيلتنى بالسيف بتاعك

ههههههههههههههههههههههههههه

[بسام سعيد]

هههههههههههههههههههههههههههههههههه

[بدر]

هههههههههههههههههههههههههههههههههه

ايوة كدة اضحك هههههههههههههههههههه
وعلى فكرة انا بتكلم جد فى موضوع طائر البيتزا واللى يقدر يقول غير كدة يتكلم لان محدش اصلا يعرفة
بس انا مصورة وهرفع صورة
تحياتى

[hoka]

تتعوض ان شاء الله

[بسام سعيد]

طيب انا كان ليا استفسار صغير
طائر البيتزا ده في منه انواع يعني:
بيتزا سوبرسوبريم او بالخضار او تشيكن ماكسيكان
وينفع يكون اسبيسي ولا لأ
هههههههههههههههههههههههههههههه
تحياتي اوع تزعل انا بهزر

[بدر]

طيب انا كان ليا استفسار صغير
طائر البيتزا ده في منه انواع يعني:
بيتزا سوبرسوبريم او بالخضار او تشيكن ماكسيكان
وينفع يكون اسبيسي ولا لأ
هههههههههههههههههههههههههههههه
تحياتي اوع تزعل انا بهزر

لا طبعا ازعل لان الحاجات دى مفيش فيها تهريج
بس على فكرة هو مفيش منة غير نوع واحد بدون اضافات يقطن الصحراء الكومبازية
تحياتى

[بسام سعيد]

انت زعلت طيب حقك عليا
وبعدين كومبازية فين دية

[moneey1975]

عقبال كل مره يا رجاله وان شاء الله هيجي يوم وابقي معاكوا باذن الله
اخوكم محمد قنديل

[بدر]

انت زعلت طيب حقك عليا
وبعدين كومبازية فين دية

هههههههههههههههه مقدرش ازعل منك دة انت حبيبى
كومبازية دى الارض الفاضية اللى خلف كنتاكى 6 اكتوبر ههههه

[بسام سعيد]

هههههههههههههههههههههههههههههههههههههه
والله العظيم انت مشكلة ومشكلة كبيرة

[كريم الشامي]

أيه الحلاوة دي الله ينور

[rock]

السلام عليكم ... الله ينور يا أساتذه ... يوم جميل ... تحياتى .

[محمود صالح]

الف هنا يا باشا ربنا يعوض عليكم ان شاء الله المرة الجية تبقى احسن
بس حاول تتدخل المنتدا بأسم وشكل تانى علشان موضوع موقعة الوزة دة علشان نفسيتك متتعبش لانة يقى مرتبط بيك لانك كدة الوحيد اللى من الموقعة اللى بيظهر كتير ويفكر الناس بالموقعة

[msa_79]

معلش المره الجاية يكون الصيد اوفر وكفايه القمري ده لوحده بعشر يمامات دانا نفسي بس الحق ارفع عليه البندقية بيطير علطول

[essam assem]

معلش المره الجاية يكون الصيد اوفر وكفايه القمري ده لوحده بعشر يمامات دانا نفسي بس الحق ارفع عليه البندقية بيطير علطول

يا فندم القمرى وصحاب القمرى تحت امرك تحياتى

[msa_79]

لا ياسدي كفايه علينا صاحب القمري بس ده احنا يحصلنا الشرف

[omarara]

ايه المنطقة ديه يا رجالة انتوا من اكتوبر ولا ايه !

[professional sniper]

ماشاء الله لاقوة إلا بالله صيد جميل ,., وصحبه اجمل ,., وبألف هنا وشفا
خالص تحياتى

[Mohamed Mahmoud]

الله ينور عليك

[sameer]

الف الف مبروك وربنا يوفقكم في الطلعات الجاية

[mero1x]

شكرأ على الردود المشجعة
وعلى فكرة المكان دة التجمع الاول

[سمسم]

ماشي يا عم امير بندقيتى و رشي و سكنتى معايا مش هكلفك حاجة

[hesham[MaFya]a]

ما شاء الله الله ينور يا رجالة....بألف هنا و شفـــــــــــا

[صياد قديـــــــــــم]

السلام عليكم ورحمة الله وبركاته
ادعو الله ان يوفقنى واياكم فى الصيد الحلال

عايز اوصل معلومة مهمة لكل هواة الصيد البرى وهيا معلومة مهمة جداااااااااااااااااااااااااااااااااااااااااااا
اكيد الكثير منكم بيعرف موسم صيد الدقانيش ومنها (الاكحل/السمنى/الرزى/المطوق/العضيض وهو اكبرهم حجما) عايز اوصل معلومة لكل صياد ان صيد الدقانيش حراااااااااااااااااام شرعا ودينا لان رسولنا الكريم صلى الله عليه وسلم نهى عن قتل اربع (النملة والنحلة والهدهد والصرد) والصرد هوا الدقناش زى ما احنا بنسميه وليه حرمه رسولنا الكريم ؟؟؟؟؟؟؟؟ عشان بيتغذى على الثعابين والسحالى والفأران احياينا فهو زيه زى الصقر فى الصيد وانا عن نفسى بسميه صغير الصقر وكنت بطلع اصطاده زمان قبل ما اعرف ان الدقناش هوا الصرد اللى حرم الرسول الكريم قتله او أكله.
والله الموفق والمستعان.... كل عام وانتم بخير/سامى توفيق.

[Marawan Al Masry]

حاجة جميلة ما شاء الله

[AMR EBID]

تتعوض باذن الله