الحمد لله وجدت رقم سيارة النصابين لمن اراد المساعده [الأرشيف]

مشاهدة النسخة كاملة : الحمد لله وجدت رقم سيارة النصابين لمن اراد المساعده

sayedlabib

11-05-24, 07:18 PM

لقد من الله عليا وقد حدثنى هاتفيا رجل محترم كان شاهدا على الواقعة اسمه الاستاذ شريف وهو كان محتفظ برقم السيارة والرقم هو س هـ ر 458 تاكسى شاهين اسود وليس الابيض الجديد

ارجو من السادة الذين عرضو المساعده ان يساعدونى قدر استطاعتهم ان كانوا يعرفون احدا فى المرور وانا شاكرا جدا لكم

Android man

11-05-24, 11:43 PM

انا والله لو كان في ايدي شيء كنت عملتو بس ما تقلق الاخوة في المنتدي رجالة وهيقفو معاك
وانت ممكن تبعت رسالة علي الخاص للعضو الي عرض مساعدتك

pooforever_2010

11-05-25, 12:38 AM

ان شا ء الله ربنا يعترك فيهم
لازم حل ان شاء الله وانا عن نفسى معاكك
يا ريت بس حد يخدمنا بمكان صاحب التاكسى
ونهجم هجمه رجل واحد وان شاء الله الحق يرجع
لو محتاجنى فاى وقت ابعتلى رقمك على الخاص
وانا قريب منك لانى فشبرا الخيمه وتحت امرك

smsmn8888

11-05-25, 01:11 AM

100 100 سواق التاكسي هيقولك معرفش حاجة وكدا يبقي باصيت القضية
ولاسلاح اصلا اتباع من زمان للاسف لو كان في نفس الوقت كان ممكن تروح تبلغ في القسم انهم اتهجمو عليك كان ممكن يحدث شئ

khaledshareef

11-05-25, 06:46 AM

عليك بالدعاء الاتي
اللهم ااجرني في مصيبتي واخلف لي خيرا منها

khaledshareef

11-05-25, 06:53 AM

عليك بالدعاء الاتي
اللهم ااجرني في مصيبتي واخلف لي خيرا منها

sayedlabib

11-05-25, 09:45 AM

جزاكم الله خيرا وانا عن نفسى استعوضت ربى فى الامر وهو خير المخلفين ولكن يجب على ان افعل كل ما بوسعى عسى الله ان يجعل هذا سببا فى رجوع البضاعه او النقود

محمود صالح

11-05-25, 09:58 AM

للاسف انا معرفش حد فى المرور ولا فى الشرطة
بس ممكن تروح وتعمل البلاغ بس مش شرط تقول سلاح قول اى حاجة تانية وهما هيجبوة ويخلوة يجيب اللى معاة بس دة لو كان ليهم مزاج يشتغلو ولما العيال تيجى ممكن هما اللى يتحيلو عليك علشان تتنازل ويرجعو اما الحاجة او الفلوس
والله اعلم

moneey1975

11-05-25, 10:32 AM

يا استاذ سيد احسن حاجة انك تتبلي علي سواق التاكسي باي حاجه تيجي في بالك لانك لو عملت محضر الظابط هيقولك ان ممنوع بيع الاسلحه الصوتيه بدون تصريح وترخيص وهيدخلك في س و ج وانتي في غني عن الموضوع ده لاننا في مصر ام الدنيا اللي ليه حق يبص يلاقي نفسه متهم في لحظه

osama2011

11-05-25, 12:00 PM

قانونا لا يمكن سؤال المبلغ في محضر عن بيع الالسلحة الصوتية لأن القضية هي احتيال وانت المتضرر فتوكل علي الله واذهب الي القسم ولا يمكن ان يتم سؤالك في بيع اسلحة صوتية بدون ترخيصوسأضرب لكم مثالا
واحد اتنصب عليه في شقة دعارة وسرقوة وراح القسم وبلغ باللي حصل لا يمكن سؤال المبلغ عن الدعارة ولكن سيتم ضبط الأفراد بتهمة الاحتيال مع الفارق طبعا للتشبيه

sayedlabib

11-05-25, 02:31 PM

انا روحت فعلا يا استاذ اسامه وكان رد الضباط انى لازم اجيب ترخيص عشان ابيع الاسلحة وطالما ماعنديش ترخيص يبقى هاتعرض على النيابة بتهمة بيع اسلحة بدون ترخيص

احمد العوضى

11-05-25, 02:55 PM

ربنا يعوض عليك ملهاش حل سوى المعرفه او البلطجه لان ما اخذ بالقوه لا يستعاد الا بالقوه

mero1x

11-05-25, 03:11 PM

ابشر يا باشا
حبايبنا فى الداخلية جابولى اسم سواق التاكسى والعنوان
وبكدا احنا عدينا 80 % من الوصول
يا ريت تكلمنى علشان اديلك البيانات واقولك نعمل اية بالضبط
0127684766

بسام سعيد

11-05-25, 03:12 PM

ياريت لو العنوان في شبرا او روض الفرج تقولي وانا ممكن اساعدك
بسام سعيد
المحامي

mero1x

11-05-25, 03:19 PM

العنوان فى الشرابية يا باشا بس مش هينفع اكتبة على النت علشان التحريض زى مانتا عارف بس ممكن تكلمنى لأن فى الاحوال دى لازم التصرف يكون مدروس كويس وبالذات ان احنا محامين

وربنا يقدرنا ونرجعلوا حقو وزيادة .

osama2011

11-05-25, 03:20 PM

الضابط ياباشا بيقول اي كلام عشان يريح دماغه ومايعملش محضر
المحضر هايتعمل ياباشا ان انت اتسرقت عن طريق الاحتيال والي اتسرق منك عدد 10 مسدسات صوت مثلا من مقتنياتك الشخصية (عشان مايقولكش لازم ترخيص) ومبلغ 5 الاف جنية وانتهي الموضوع واطلع للمأمور وهو هايبعت معاك عسكري للظابط ده يعملك محضر لكن لا يمكن الضابط يوديك النيابة عشان انت بتبيع مسدسات صوت من غير ترخيص ده انت رايح مبلغ مش متهم بس دي فئة من الضباط عايز يريح دماغه ومايكتبش محضر فبيقولك اي كلام بالذات انه اكيد لاحظ انك مش فاهم القانون وعموما انا كلامي ده من واقع تجارب عمليه(انا محامي) وسبق ووضحت واديتم مثال ان لو واحد داخل شقة مشبوهة عشان الدعارة والناس اللي في الشقة قلبوه وسرقوة وطردوه
بس كل الحكايه ان الناس بتوع شقة الدعارة بيستغلوا ان مفيش حد هايروح القسم يقول انا اتعمل معايا كنت في شقة مشبوهه وبيسرقوا علي الاساس ده وانا متأكد ان اللي عمل معاك كده كان عارف انك مش ممكن تروح القسم عشان تعمل محضر عشان انت مش فاهم القانون
واخر حاجة اخونا محمد العناني طلع علية بلطجية عشان يسقوا الطبنجات اللي معاه بالاكراه وعمل معاهم الواجب وخدهم علي القسم واتحبسوا الي الان ومحمد العناني استلم الطبنجات تاني

وراح بلغ باللي حصل البلاغ هايتعمل وماحدش هايقدر يسأل صاحب البلاغ
وادي الرابط
http://www.egypthunt.net/showthread.php?t=7552

mero1x

11-05-25, 03:34 PM

اسامة باشا
الله ينور على معاليك
بس انا شايف ان اظرف يتعمل محضر سرقة بالاكراة وهوا راجع من الشغل باليل ان 3 نزلوا من تاكسى وسرقو شنطتة وفيها مبلغ (.........) وكانو مهددينو بمطاوى وخدو كمان تليفونة ( سرقة بالاكراة ظروف مشددة ) وانت سيد العارفين

وربنا وفقنى وقدرت اجيب اسم وعنوان صاحب التاكسى

فلو الاخوة اللى سرقوة بيدخلو على المنتدى الحب ابشرهم
ان كل واحد لابس من 7 ل 15 سنة

واقولهم انتم دخلتم المنتدى الغلط

وحق الراجل دة هيرجع هيرجع بالقانون او غيرة والايام بنا

MaddY

11-05-25, 03:55 PM

بالتوفيق ان شاء الله

و ان شاء الله حقك هيرجع و المحتالين دول ياخدوا جزائهم اللى يستحقوه

ان الله على كل شئ قدير

osama2011

11-05-25, 06:24 PM

sayedlabib

11-05-25, 09:08 PM

ربنا يعزك ياريس انا هاكلم حضرتك ومتشكر على حسن تعاونكم واتمنى الامر ينتهى على خير ان شاء الله

sayedlabib

11-05-25, 09:11 PM

على فكره انا كلمت الاستاذ ميرو 1 1x بس الظاهر ان الرقم غلط لو امكن تدينى الرقم تانى او حضرتك تطلبنى بس وانا اكلم سيادتك انا تليفونى 0114333189

sayedlabib

11-05-25, 09:14 PM

وعلى فكره والله حتى لو مافيش حاجه رجعتلى كفاية انى عرفت ان البلد دى والمنتدى بتاعنا الحمد لله مليان رجاله ودى عندى بالدنيا كلها وان شاء الله الحق دايما يرجع صحابه وانا بشكر كل اعضاء المنتدى على مشاعرهم الجميله دى

mero1x

11-05-26, 01:57 AM

سيد باشا الرقم
0127687466

mero1x

11-05-26, 01:59 AM

اسف يا باشا على الغلط اللى مش مقصود
وانشاء الله اكلمك بكرة

sayedlabib

11-05-26, 03:00 AM

و يهم حضرتك ان شاء الله هاكلم حضرتك الخميس

sadaany

11-05-26, 04:39 AM

والله بشكر الناس المحترمه الى هنا ربنا يبارك فيكم انا مشفتش رجاله بالجدعنه دى ربنا يحفظكم من كل سوء احب ابلغكم تحياتى انا عضو جديد واتمنا انى اكون عضو مفيد فى وسط اخوه حقيقيين

كفافى1

11-05-26, 08:24 AM

السلام عليكم
ياعم سيد لما انت كنت فى شبرا وحصل كدة متصلتش بى ليه
كنت رحت معاك قسم الساحل وعملنا الواجب
الظابط اللى كلمك كان رفيع واسمر شوية واسمه محمد جعفر
اتصل بى وانا تحت امرك وممكن نروح للمقدم وليد رئيس العمليات او اى حد انت عايزة حتى فى المباحث وانا تحت امرك
ياسر الكفافى

sayedlabib

11-05-26, 08:46 AM

يا ريت ياباشمهندس ياريت والله تساعدنى على قد ماتقدر وفعلا الضابط كان رفيع واسمر وعينه تحس انها فيها حور شويه والتانى اقصر شويه واسمه برضه محمد وشبه ابن عادل امام بس هما ذوق جدا وانا هاكلم حضرتك انهارده