بسم الله الرحمن الرحيم

الموضوع دة علشان الى عندو معلومات عن انواع واسعار الرش يفيد الى معندوش علشان ميدحكش علينا وانا هبتدى بنفسى انا اعرف كام نوع بس كلهم مصرى وهقول على السعر الى انا بشترى بى

1: المرسمان العلبة 100 ط 4ج

2:نور الشمس العلبة 200 ط 3.5ج

3:الرماية العلبة 100 ط 4 ج



وان شاء الله الاعضاء تتفاعل معنا علشان نزداد خبرا

الاخ العزيز / فارس الصيد
السلام عليكم ورحمة الله وبركاتة طبعا الرش المصري رخيصث وفي متناول اليد بس نصيحة اخ جرب اكتر من 10 انواع
مستوردة ومصرية صيني علي الماني علي انجليزي لو البندقية الي معاك مش مصري بلاش تستعمل الا المستورد والكثر شيوعا هوة gamo بانواعة وهوة موجود عند فتح الله وعند ميشيل عازر والعلبة فيها 250 رشة وسعلرها لايزيد عن
25 جنية وفي الديابلو الالماني والهوبي والمستر بيوت وعلي فكرة انا كاتب موضوع كامل عن جميع انواع الرش في العالم ويمكنك البحث عنة في المنتدي وان شاء الله يكون مفيد ليك

شكرا يا جلال باشا على المعلومات والافادة

بسم الله الرحمن الرحيم
اعتقد ان الاسعار بتاعه الرش المصري دي غاليه جدا
لو انته من هواه هذا الرش انا اعرف صاحب مصنع الرمايه والمارسمان انا من الاسكندريه لو عايز ممكن اجيبلك سعر رخيص حوالي 2.50 للعلبه ال 100

انا اؤيد الاستاذ جلال بشدة
احسن رش هو الجامو والمصرى ده ممكن يبوظلك السبطانه بتاعة البندقية

بسم الله الرحمن الرحيم
الاخ gamo مع احترامي لك بس مش ممكن الرش يبوظ ماسوره البندقيه وانا بفضل استعمال كلمه ماسوره البندقيه لانها الترجمه الحرفيه وليس لفظ سبطانه لانه لفظ عمي خاص باهل الخليج والسعوديه علي الاخص
المهم الرش بقي مش ممكن يبوظ الماسوره لان ماده الرصاص اكثر ليونه من الصلب المسحوب علي البارد اللي معمول منه الماسوره
انما ان جيت للحق الرش المصري منيل للاسباب الاتيه:
1: العلبه مش 100 طلقه من 65 الي 85
2:ممكن نطلع من العدد ده اللي باقي من ال 100 حوالي 10 الي 15 بايظين
3: نشانه مش مظبوط يعني ممكن يفرق حوالي 5 سم بالرغم من ان البندقيه ثابته وانا جربته بنفسي
4: وزنه خفيف مما يقلل من الطاقه الحركيهى للطلقه
5: اكبر دليل تلاقي الطلقه المرسومه علي العلبه مش اللي جوه يعني يبقوا رسمينها ماجنوم وهيه ماتش مثلا
6 7 8 9 10
وقول زي ما انته عايز

صباح الفل ياعمرو بك
في الحقيقة لازم نلغي الرش المصري لان حسب التحليل الي انت قلتة لو العلبة ب 5 جنية ونصها بايظ تبقا سعر العلبة
10 جنية وفيها 85 رشة زي ماانت بتقول تبقا ب 15 جنية
لكن الجامو ب 20 جنية وفيها 250 يعني احسن مليون مرة
وعلي رائي محمود الجندي احسبها صح تصتاد صح
تحياتي

والله كلام 100/100 وى نقول ودعان للمصرى واهلا بالجامو

أيوة كدة ياجماعة نورونا
مصري أية وزفت أية مفيش احسن من المستورد

على فكرة الكلام اللى اأيدة هو كلام أ/جلال خليفة لأن فعلا مفيش زى الرش المستورد عن تجربة

طبعا كلام اخى جلال صح 100% بس السعر احينا بيحكم وانا كتبت فى الموضوع وامكانيه تحسين كفاءه الرش المصرى بطرق بسيطه

إحنا اتربينا على الرش المصري عين الشمس و نور الشمس كان افضل و كنا بنعمله فرز خصوصا انا صيدى كان يبقي ليلا و لكن إتلعب في مواصفاته و انا بستعمل الان جاموا بجيبه من السعودية و انا راجع مصر

تحياتي

صقر للبيع في الاردن00962777767092

انا بشترى رش مارسمان من عند العراقى 3 علب 100 ب10 جنية

يا اخوانى المارسمان خلاص انتهى
الامل حاليا فى الرمايه بس هى خفيفه شويه عن الرش بتاع برة(وزنها حوالى750 الى 850 مج)
واله شكلها مقبول بالنسبه لسعرها بس ما تنفعش مع البنادق الهاى بور

ثلاث عوامل لا يمكن ان يتجزءو عن بعض

شكل الرشاية المتناسق و كبر حجم مقدمة الرشاية حتي يمكنها إحداث اكبر الخسائر في جسم الطائر او الحيوان الصغير
وزن الرشاية
دقة دائرية مؤخرة الرشاية " حتي لا تسرب هواء اثناء مرحلة كبس الهواء


فأي ماركة تتوفر فيها تلك المواصفات يبقي إتكل على الله

تحياتي للجميع

كلام تمام يا جماعه والله بس عن تجربه المرسمان رشايه خلوه وموزونه وانا عن نفسى بحبها

السلام عليكم ورحمة الله لو سمحتم يا جماعة انا محتاج اجيب كميه من الرش يعنى حوالى 50 علبه ونفسى الاقى رش كويس ويكون سعره كمان كويس وبعدين انا سمعت ان الرش الصينى كويس ايه رايكوا واللى عنده راى يا ريت ما يبخلش علينا بيه واسف على الاطاله وشكرا

فعلا يا جماعة انا كنت في اجازة في مصر في العيد بعد رمضان - كانت اجازة قصيرة10ايام بس وطلعت يوم اصيد ومالقيتش رش غير المارسمان ( افضل رش مصري كما يقال ) وفعلا ما كانشي مظبوط معايا وبقيت كل شوية اضبط النشان يمكن انا ضربت على حوالي 25 يمامه واللى وقع منهم12 يمامه فقط .
لكن لما قريت الموضوع ده دلوقتي ايقنت ان العيب من الرش

طيب والى عنده بندقيه رمسيس زى حالاتى اجيب ايه الرمايه ولا مارسمان هل يمشى الحال ولا شايفين ايه يا رجاله افيدونى

طيب ياجماعه لو فى اقترحات ممكن نوصلها لصحاب المصانع وانا عن نفسى شايف ان المرسمان مش بطال يعنى ممكن يبقىزى المستورد نشجع منتج مصرى يعنى مادام فى ايداينا ول ايه

ياجماعة خلينا ايجابيين زى الأستاذ هشام احنا ممكن نوصل شكوانا لأصحاب المصانع ونبقى بنشجع منتجاتنا لأن اذا احنا مشجعناش منتاجتنا مين يشجعها

انا بضم صوتى الى الاستاذ حسام والاستاذ هشام
بس المفروض يا استاذ هشام ان اصحاب المصانع لو عايز يطور من نفسه انه بيجيب اكتر من عينه من الرش اللى موجود فى السوق المستورد ويحاول ان يوصل من منتجه الى نفس المستوى ويقوم بتطوير منتجه بل وينافس فى الجوده والسعر. بس اللى بيحصل عكس كده اصحاب المصانع شايفين ان شاغلين كده وهم على المستوى وبيكسبوا والحمد لله بل بيحاول ان يخفض سعر التكلفه عليه ليزيد من نسبه ربحه دون النظر لجوده وده للاسف مايحدث لآغلب المنتجات المصريه مش الرش بس
ولو تقدر توصل الملحوظات دى لاصحاب المصانع ويقدروا يحسنوا انتاجهم مقابل زياده السعر يكون افضل طبعاا
وتقبل تحياتى وشكرى

يا جد
عاان انا عايز اعرف اسعار الصيني لو سمحمتم علشان عايز اشتري اي بندقية نضيفة بسعر 700ج

بصراحة يا جماعة انا لسه بتعلم في مش هاقدر اقولوكم غير شكرا جدا استفدت من ملاحظتكم

لكن بما اني لسه هاتعلم فا هاجيب رش جامو و لما افهم اكتر ممكن اجيب المصري اجربه و شاوف ملاحظتكم علي الطبيعة

السلام عليكم ... جهد مشكور من الجميع ... ممكن استاذ جلال تقولى سعر العلبة الهوبى ماتش ال 500 حبة بكام؟؟ ولك الشكر مقدما

السلام عليكم ... جهد مشكور من الجميع ... ممكن استاذ جلال تقولى سعر العلبة الهوبى ماتش ال 500 حبة بكام؟؟ ولك الشكر مقدما

سعر الهوبى ماتش الالمانى 40 جنيه

سعر الهوبى ماتش الالمانى 40 جنيه
تمام كده جدا لاني بفكر اجيب الهوبي الالماني لانكون بتشكروا فيه جدا
و مشكور علي السعر

اولا شكرا على ردجميع الاْعضاء ثانيا انت بتقول ياprince of hunt ان علبة الرش المارسمان او الرماية ب4ج وهى بتتباع ب5ج

بصراحة معلومات زى العسل


ويا ريت تتقبلونى كصياد جديد معاكو بس انا قديم اوى فى الصيد..صياد من اولى ابتدائى.

ما رايكم فى البندقيه التركى اريد ان اعرف المميزات و العيوب وشكرا

السلام عليكم ورحمة الله تعالى وبركاته
بصراحه مفيش احسن من الجامو بالنسبه لى عن تجربه الجامو الطلقه بتكون محمله غير الطلقه المصريه بتكون خفيفه جدا جدا جدا الواحد بينشن على يمامه مثلا متجيش فيها الواحد بيقول العيب ممكن يكون فى النشان بتاع البندقيه انشن على زجاجه مثلا الطلقه بتبعد عن الزجاجه حوالى 5 الى 10 سم وياسلام لو فيه شويه هواء وبتصطاد برش مصر اعرف انك مش هتجيب حاجه فى يوم ده إلا لو حطيت البندقيه فى رأس اليمامه مباشرة.....