هل تصدق -1 [الأرشيف] - الصيد فى مصر

مشاهدة النسخة كاملة : هل تصدق -1

osha966

11-05-18, 04:57 PM

-هل تصدق أن مصر أنتجت بنادق ضغط هواء منذ عام 1955 -نعم أنها البندقية حكيم عيار 5.5مم ضغط هواء وقد أنتجت عام 1955 وأنتج منها 2800 بندقية وكانت تستخدم للتدريب على الرماية ..وهى تحظى بشهرة عالمية فى أوساط محبىالرماية و تجميع الأسلحة فى أوروبا وأمريكا ويبلغ سعر الواحدة أكثر من 550 جنيه استرلينى ..وهى تعمل بنظام العتلة السفلية -والجزرة ..بل أن الجزرة تفتح تلقائيا عند التعمير ...وكانت البندقية فخر للصناعة المصرية....سبحان الله فأين نحن الآن من هذا المستوى الراقى من الصناعة ..فهل من المنطقى أن تكون البندقية معادى نمرة نمرة اتنين هى البديل عن هذه التحفة الفنية التى تتفوق على مثيلاتها ال bsa وال نوريكا والويبلى .لصالح من ؟؟..سبحان الله ...ولا تعليق !!!

essam assem

11-05-18, 05:10 PM

اللة ينور يا هندسة واللة الواحد بيكون فخور باقل حاجة تنتج فى مصر وانا بعد اذنك طبعا كنت عامل موضوع عن البندقية حكيم والبندقية رشيد صناعة مصرية على الرابط دة

http://www.egypthunt.net/showthread.php?t=6981&highlight=%CD%DF%ED%E3

وفية بعض المعلومات الاضافية وتسلم ايدك على الموضوع الجميل دة وتحياتى للجميع

mosho

11-05-18, 05:12 PM

انا قرات عن البقيه دى قبل كده
على موقع انجليزى .... واحد كان عايز يبيعها
و هى فى الاساس المانى و الجيش المصرى عدلها علشان التدريب و بعد كده اتباعت
و الله انا لما قرات عنها حبتها قوى ... و كان نفسى فى واحده .... حتى شكلها حلو و شيك
يا رب نرجع نفتخر بالمنتج المصرى زى زمان و نقول بفخر ( صنع فى مصر)

unknown

11-05-18, 05:14 PM

مساء الخير يا شريف باشا
الحقيقة يا باشا انا اعرف ان البندقية حكيم كانت بندقية نصف الية وكانت ذات خزنة تسع 10 طلقات عيار 7.92
ودة الرابط http://world.guns.ru/rifle/autoloading-rifles/eg/hakim-e.html

osha966

11-05-18, 05:21 PM

مساء الخير عصام باشا وعبد الله باشا منورين الموضوع- طبعا توجد بندقية حكيم رصاص عيار 8مم والخزنة 10 طلقات نصف آلى وأنتجت تقريبا عام 1950 ولكن دخلت الخدمة 1954 على حد معلوماتى وهى تحظى بشهرة واسعة فى أوساط محبى الرماية على مستوى العالم.- لكن البندقية دى ضغط هواء عيار 5.5 . شبيهة الحكيم 8مم ..وهذا على غرار البندقية haenel310 شبيهة الماوزر الرصاص....ومشكورين جميعا على الرد والتوضيح..
- شوف الأمريكى وهو بيضرب ببندقية مصرية الصنع ...حاجة تشرف

unknown

11-05-18, 05:45 PM

شكرا ليك يا باشا
انا فعلا اول مرة اعرف ان فى بندقية حكيم رش
بارك الله فيك على هذه المعلومة الجميلة

osha966

11-05-18, 06:18 PM

شكرا ليك يا باشا
انا فعلا اول مرة اعرف ان فى بندقية حكيم رش
بارك الله فيك على هذه المعلومة الجميلة

- وأنا والله كانت معلومة مفرحة ومحزنة لى فى نفس الوقت ...تحياتى..

mahmoud11144

11-05-18, 08:40 PM

مشاء اللة علي المصريين لما يبدعو
واللة انا ببقي فرحان جدا لما اعرف ان مصر انتجت حاجة نفتخر بها زي دي ..

taimour

11-05-18, 09:09 PM

bsm allah masha allah ............10 ala 10

محمود صالح

11-05-18, 09:45 PM

مشكور يا كبير على الحجات اللى مش اى حد يعرف يجبها
بس انا بردة بشركك الاحزان على هذة البلد اللى اتجمع عليها مجموعة من اللصوص من الداخل والخارج على هدف واحد وهو دمرها وتراجعها وسرقة ثرواتيها
وان شاء الله تكون افضل فى المرحلة القادمة

Bora

11-05-18, 10:02 PM

ان شاء الله بكرة احسن .............. حيجي يوم كل شئ يبقي محلي الصنع .......... يارب تبقي كلمة صنع في مصر دي فخر في العالم كلة

alqasas80

11-05-18, 10:06 PM

طيب هل تصدق إنت إن بندقية رمسيس نمرة 1و2 كانت عند واحد صاحبى زيها زى الأسبانى وأحسن وكانت نمرة 2 لها نشيكاة حديد مايخرش المية ودبشك خشب جوز وضغط سوستة روعة عارف لية علشان أبوة كان شغال فى مصنع 54 وراح لزمايلة فى جميع ورش المصنع وكل واحد يوصية (الماسورة $ النشكاة $ البستم $ الدبشك ) وكان يستنى لما تجى طلبية جزء مثلا زى الزناد سنة علشان يجيب أحسن حاجة و قعد يعملها لة فى سبع سنين ويمكن أكثر واللة مابكدب ( إحنا نقدر نعمل حاجات كويسة بسعر معقول بس نشتغل ونتقى ربنا)

Consul

11-05-18, 10:10 PM

أخي الحبيب الغالي الأستاذ شريف...بارك الله فيك وزادك نورا أكثر ما أنت منور...وعلما بالطبع...إيه الحاجات المستخبية الجميلة دي...وساكت ليه يا راجل من زمان...معلومات وصور جميلة ومفخرة لكل مصري...يعني صيتها وشهرتها واصلة للخارج في دول أوروبا ونحن هنا لا نسمع عنها شيئ...بالذمة ده كلام...ويرضي مين كده...طبعا لو في منها في مصر ها نلاقيه في المتحف الحربي وبس...نبقي نروح نتصور جنبها......ولا يمكن يقولوا لينا ممنوع التصوير كمان...مش مشكلة...نبقي نرسمها...وأمرنا لله...نعمل إيه بس...خير بلدنا وغيرنا يتمتع بيه...مشكور أخي الحبيب الأستاذ شريف على هذه الإكتشافات...وفي إنتظار المزيد...خالص تحياتي...

osha966

11-05-18, 10:23 PM

مشكور أخ محمود على ردك ...وربنا يصلح حالنا يا رب

osha966

11-05-18, 10:26 PM

الأخ الكبير أستاذ جمال أنا أتشرفت بردك الجميل وربنا يباركلنا فيك.. والله أنا أكتشفت هذه المعلومة الغالية والمحزنة وربنا يصلح الحال ونصنع أفضل منها فى القرن ال 21 ...تقبل تحياتى

egyptusman

11-05-18, 10:46 PM

شكرا لحضرتك على هذه المعلومات التى تدعو للفخر بما كنا عليه و فى نفس الوقت الأسف لما نحن عليه.

ربنا يصلح الحال

osha966

11-05-20, 01:25 AM

شكرا لحضرتك على هذه المعلومات التى تدعو للفخر بما كنا عليه و فى نفس الوقت الأسف لما نحن عليه.

ربنا يصلح الحال

- يا سيدى العفو المهم ربنا يصلح حالنا ونعمل أحسن منها البركة فى الشباب الجديد

osha966

11-05-20, 04:00 AM

egypt-25

11-06-17, 03:31 AM

حاجة تفرح والله معقولة كنا بنصنع بندقية مثل هذه ..

YOSSEF EL MASRY

11-06-17, 04:55 AM

اكيد هناك طريقة ولكن ماهي
هل هي تبني اعضاء المنتدي موضوع التصنيع الذاتي ؟
هل هو الطلب من المصنع تحسين جودة الانتاج التي تسوء مع مرور الزمن وتبني موديل اخر بجانب الموديلات الحالية هاي بور مثل الموديلات العالمية
اهي كلها افكار واحلام ويمكن انشاء الله تكون حقيقة

cpeto

11-06-17, 12:58 PM

فين الكلام ده دلوقتي

bredator

11-06-19, 12:54 AM

الله يرحمك يا جمال عبد الناصر

hema777h

11-06-25, 06:49 AM

اتمني ان نعود مرة اخري للمنافسة علي هذة الصناعة التي تسبب النظام القديم في انها تم نسينها من الجميع عن عمد

osha966

11-08-11, 03:31 AM

ربنا يصلح حالنا ..كنا سنة 1980 فى مرتبة واحدة مع كوريا الجنوبية ..وأنظر الآن أين نحن وأين كوريا الجنوبية ..لا تعليق .....لك الله يا مصر

AMR ALY

11-08-12, 08:27 AM

فتحت نفسنا لشراء التحفه ،رمضان كريم

حسام

11-08-14, 02:48 AM

يا جماعة مش صناعة مصرية ولا حاجة دى معمولة فى المانيا مخصوص علشان مصر مش اكترعشان كده مكتوب عليها بالعربى افتحوا صفحة البحث واكتبوا حكيم ودوروا على موضوع قديم بيتكلم عنها واقرأؤه

احمد نصر

11-08-19, 12:46 AM

ممكن النتاج ده وافضل يرجع السوق المصرى تانى وعلى فكره مش من الصعب ان اى حد فينا يصنع بندقيه ضغط هوا وانشاء الله اوعدكم بحاج حلوه قريب ولكن ممكن اعطل فى توجيهات النشال فلو عندكم اى خلفيه ارجو الافاده ومشوار الالف ميل يبداء من مصر انشاء الله