الموقع دة بيتكلم بالتفصيل كيفية تحنيط الحمام وطبعا الى ينطبق على الحمام نطبق على باقى الطيور ارجو ينول اعجاب السادة الاعضاء
الرابط http://www.embalmart.com/

الله يفتح عليك يا ابو الشوق
موضوع جامد جدا وجميل ووافي مشكوووووور

الله يخليك يا استاز جلال بس لفت انتباهى ان التحنيط معظم الاعضاء فى مصر ميعرفوش حاحة عنة والتحنيط منتشر جدا فى شبة اجزيرة العربية حتى انة بيعلموة للطلبة فى المدارس وبيدو كرسات فى الجامعات . واحنا احفاد الفراعنة الى عملنا حاجة اسمها تحنيط معلموماتنا عنة قليلية جدا . مع ان بيجى اوقات كتير والواحد بيكون نفسة يحنط حاجات من الصيد بتاعة . انا نفسى مثلا احنط من كل نوع من الطيور والاسماك الى بصطادها . علشان كدة بقترح على مشرفين المنتدى يعملوا جزء خاص بفنون التحنيط وكل عضو عندة مشاركة نستفاد بيها

طبعا انا متفق معاك ان التحنيط هواية جميلة جدا بس مش كل الناس عندها فكرة عنة وانا مثلا ماعنديش فكرة عنة لان معظم الي بصيادة بيتاكل بس اكيد في نعضاء عندهم فكرة وممكن تلاقي ناس فينا محترفين في هذا المجال واعتقد ان نادر موريس
وخالد مدكور عندهم فكرة
اما بالنسبة الي الفراعنة هما فعلا كانوا من اوائل الناس الي قاموا باحتراف التحنيط ومش التحنيط بس هما كانوا اول من كتبوا علي الورق ( البردي ) واول من صنع المكياج للسيدات
واول واخر من بنوا اهرامات مازالت حتي الان رغم تشكيك
بعض العلماء في ذلك واذا جت فرصة ان شاء الله هكتب في
موضوع بناء الاهرام بس علشان خاطري بلاش يقارن بين المصريين والفراعنة لان دية مقارنة صعبة جدا المهم انا طولت عليك ولكن في الخليج ممكن تلاقي صقور ونسور غالية جدا
علشان كدة هما بيقوموا بالتحنيط معلش انا طولت عليك وان شاءالله انا متأكد ان في اعضاء كتيرة عندها معلومات قيمة
في التحنيط

انا عمري مجربت احنط بصراحه ولا ححاول ابدا لان في متخصيصين في المجل ده اه هما بيخدوا كتير اكتر من اللزم بس اهه هنعمل ايه يعني

يرت حد يقول الادوات بتاعت التحنيط والمواد دى بتتباع فين واكيد الاخ نادر هول يعرف اكتر

السلام عليكم ورحمة الله وبركاتة
طبعا موضوع التحنيط انا وعدنا انا واخى مصطفى باعداد الموضوع كاملا بس الموضوع محتاج وقت علشان طبعا والدى هو المحترف فى التحنيط واحنا بنحاول نصور الموضوع فيديو علشان الكل يسفيد
وممكن نعطى فكرة مبسطه عن التحنيط
ادوات التحنيط
مشرط حاد جدا او سكينة صغيرة وحادة بعض مواد الكيماوية الخاصة بحفظ جلد الطائر من التعفن نشارة الخشب النعمة جدا علشان بنستخدمة فى التجفيف واحنا بنفصل الجلدعن اللحم قش الارز سلك معدنى مرن مجلفن السمك على حسب حجم الطائرثم نبدا على طربزة او مكتب نضع الطائر على ظهرة والبطن الى اعلى ثم نقوم بشق البطن من اسفل الحوصلة الى اسفل البطن بشرط الفتحة بتكون فى الجلد فقط مش فى اللحم علشان بعد كدة هنفصل اللحم عن الجلد علشان اتمكن من اخراج الهيكل اللحمى الداخلى ولا اترك غير عظمة الاجنة وعظمة الجمجمة وعظمة الفخذين ثم عمل هيكل من القش مساوى للهيكل اللحمى الذى تم اخراجة من الطائر وبعد تنظيف الجلد من اللحم بقوم باضافة المواد الحفظة مثلا مثل الزرنيخ او اى مادة حافظة من الصيدلية اقوم بربط عظمة الاجنة والفخذ والرقبة بالجسم المصنوع من القش وشد الجسم جيدا وطبعا تخيط الفتحة الطولية اللى فى البطن وطبعا دى فكرة بسيطة عن التحنيط بس الصور هى اللى هتوضح الكلام وشكرا

وانا مستنى الصور بفارغ الصبر وشكرا على المعلومات يا خالد باشا بس عندى استفسار هوا انا لو رحت للصيدلية اقولة مدة حفظ اية او اسمها اية

أنا جربت أحنط صقر العصافير "" القرقوشة""

بس ما أقولكمش (( الريحة كانت قد إيه فظيعة بعد يومين..و شكله مقزز جدا ))

عشان كده أنا مستني الفيديو من الأخ مدكور

الادوات بسيطه/// مشرط //سلك حديد طرى// قش ارز //ابرة وخيط// عيون زجاجيه من محلات الصيد // قاعدة خشبيه15×15 او20×20سم //مادة اسمها صابون زرنيخ (احذرها سامه جداااا) +ملح بارود لمنع التحلل(غير موجود فى الصيدليه ولكن عند محلات تصنيع البسطرمه) اما الطريقه فنخن فى انتظار الفيديو اللى اكيد حيكون اوضح من الشرح النظرى