كيفية تقييم رووم

[ادم عبد ربه]

السلام عليكم / السادة الكرام
الموضوع بأختصار ان معروض على رووم طبعا هو غنى عن التعريف ومش محدد له سعر وانا مش عايز ادفع لا اكتر ولا اقل وبرضه مش عايز ابخس صاحب المسدس حقه فهل ممكن من اصحاب الخبرة فى المنتدى تقييم الحالة وطبعا وضع سعر مبدأى بمعنى اقل سعر واعلى سعر وجزاكم الله كل خير وهحاول ارفع الصور والله المستعان .




اسف حاولت ارفع اكتر من صورة ولاكن فى مشكلة فى النت باكر انشاء الله هحاول ارفع مزيد من الصور وعايز اخد رايكم فى تنكيل المسدس او صبغة هل هو مقبول ام لا ويؤثر على المسدس مع العلم ان المسدس حالتة كويسة جدا لاكن مجير قليلا من عند الماسورة وصاحبة قاللى انه لم يضرب من سنة ونصف وكمان الكتابة اللى عليه ممسوحة تقريبا بس بقاياها واضحة هو مكتوب عليه مش حفر وشكرا مقدما لملوك الرووم

[الأفوكاتو]

مبدئيا المسدس شكله مش وحش ولكن هو فعلا الكتابة معظمها ممسوح ، وبعدين المشتري المفروض هو اللي يحدد سعر مبدئي وبعدين نتكلم في السعر ده مقارنة بحالة المسدس ، وهل فيه عيوب ولا لا ؟ وهب شغال تمام ولا ايه ؟
وبعدين حضرتك لم تحدد المسدس 8ملل ولا 9ملل ؟ لأنها تفرق كتير في السعر .
عموما الـ8ملل مستعمل بيعمل حوالي 1500 كحد أقصي ، لأنه جديد بـ1800 جنيه عند فتح الله .
والـ9ملل مستعمل بيعمل حوالي من 2000 إلي 2300 جنيه ، لأني شاريه جديد من حوالي شهر بـ2500 جنيه ولكن سعره دلوقتي جديد يوصل حوالي 3000 جنيه نظرا لقلته في السوق .
أرجو أن اكون أفدتك وتقبل مروري .
خالص تحياتي للجميـــــــــــــــــــــع